مقاديرحشوة الكبة
ا بصل مفروم ناعم +1\2 كغم لحم مفروم +2ملعقة زيت +م ك ملح +بهارات كبة +قليل من حامض الليلمون كرفس مثروم اختياري لوز مقشر اختياري (يزيدون النكهة والطيابة)
اول شي نفرم البصل ونحمسة بالزيت ومن يحمر نضيف اللحم ونقلب لحد ما ينشف ونملح ونبهر واخر شي نضيف الكرفس واللوز
وهذه الحشوة بعد التحمير

https://upload.3dlat.com/uploads/12943563361.jpg

نجي هسة لعجينة البرغل اول شي مقاديرها
1\2 كغم برغل ناعم مخلوط بجريش يعني ربع بربع والجريش للي ما يعرفوه يشبهة البرغل بس انعم منه ننقعو بالماء كمية مو كثيرة فقط مقدار يغطي البرغل و يترك لحد ما يمتص وينفش البرغل يهرس اما بالخلاط او او بماكنة اللحم و يفرك باليد جيدا ويعجن المهم النتيجة تكون عجينة ملساء وسهلة التشكيل وهذا شكل العجينة

https://upload.3dlat.com/uploads/12943563362.jpg

ونبدي نعمل منها اقراص ونحشوها بالحشوة كما بالصورة وكل ما كانت الكبة رقيقة ومليان حشو ياسلااااااام تكون طيبة

https://upload.3dlat.com/uploads/12943563363.jpg

ومن نكمل لف الكبة نتركها ونغطيها بنايلون حتى لا تجف
نجي لمرحلة الشوربة الي راح نسلق بيهة الكبة اول شي
نحمس بصلة مفرومه بقليل زيت ( طبعا في قدر كبير يتسع للشوربة مع الكبة) لحد ما يشقر ونضيف عليه كيس شعيرية ناعمة 200 غرام وتقلى حتى تحمر ثم نضيف 2ملعقة كبيرة من معجون الطماطم ونضيف عليهم 2 لتر ماء وملح وبهارات كبة وفلفل اسود ونومي بصرة مطحون ملعقة انتو تسمو نومي ناشف ونتركه يغلي عالنار
وهذا شكل الشوربة

https://upload.3dlat.com/uploads/12943563364.jpg

ومن تغلي الشوربة نسقط الكبايات بهدوء بالقدر واحدة بعد الاخرى ثم نحرك الشوربة والكبة حتى ما تلصق بقعر القدر ونتركها لمدة نصف ساعة حتى تنضج ونضوجها نعرفة من تبدي الكبايات تطفو( كبايات جمع كباية )ههههههه

هنا اسقطنا الكبة لتنضج وتركناها لحد ما طافت وبهذا تكون نضجت وماكو داعي تبقى اكثر على النار لان كل ما تطول الشوربة على النار تنفش الكبة اكثر لان تمتص السائل وتكون سميكة وهذا شي غير محبب

https://upload.3dlat.com/uploads/12943563365.jpg

وهذا الطبق النهائي والله اني اشتهيتها مرة ثانية هههههههه

https://upload.3dlat.com/uploads/12943563376.jpg

https://upload.3dlat.com/uploads/12943563377.jpg

زوووووووووووم

https://upload.3dlat.com/uploads/12943566081.jpg
وبـــــالــــف عـــاااااااااااافية