عدلات - حبيبتي ......... اين انتي ,انا مشتاق اليك

https://vb.almstba.co/imgcache/almst...578238_907.gif

بقلمي يابنات ومن تأليفي
عشان المسابقه
يارب تعجبكم

انا محمود عمري 38 سنه الوظيفه مهندس ميكانيكا

لجميع المعدات وديه قصه حياتي:

.........محمود يالا يابني هتتأخر علي المحاضره بتاعتك انهارده

ماشي ياست الكل انا نازل اهه ماتخافيش انتي عارفاني

مستحيل أتأخر عن اي محاضر مستحيل افوتهم

نزلت السلم بسرعه صباح الخير ياحاجه زينب وبوست

راس والدتي صباح الخير ياحاج سعيد
الحاج سعيد :صباح النور يابني مش متعود تتأخر كده
يعني
انا :ماتأخرتش ولا حاجه بس انهارده امتحان في الورشه
اللي في الجامعه وميعاده متأخر
والدتي:ربنا يسهلك يابني وتلاقي بنت الحلال

انا:ياه ياحاجه قولتلك مش وقت الجواز ابدا
ايوه يابني انت أخر السنه ديه وهتتخرج لازم تشوفلك
عروسه
انا:حاضر ياحاجه انتي اختاري وانا هوافق بس بشرط

تكون العروسه انتي من 30 سنه فاتو ههههههههه

والدتي:يابني ربنا يرزقك ببنت الحلال

الحاج سعيد :محمود ممكن يابني توصل الظرف ده للحاج

حسين في طريقك وانت ماشي احسن مش هقدر اوصله انهارده لاني تعبان

انا:الف سلامه عليك ياحاج من عنيا هوديه وانا رايح الجامعه

ونزلت ركبت العربيه وسقت وبعد ماق
ربت اوصل للجامعه يااااااااااه ده انا نسيت الظرف
بتاع الحاج سعيد خلاص مش مشكله هخلص الامتحان واروح اسلمله الظرف بتاعه

بعد ألإمتحان رحت لحد بيت الحاج حسين وكانت اول مره اروح هناك رنيت الجرس ردت عليا بنت صغيره عمرها حوالي 9 سنين

السلام عليكم

البنت:وعليكم السلام

انا:لوسمحت عاوز الحاج حسين ممكن تقوليله اني هنا

البنت:بابا مش موجود دلوقتي

انا طيب انا محتاج الحاج حسين ضروري الاقيه فين وقبل ما اكمل كلامي

........قالتلك الحاج مش موجود ومش بيرجع دلوقت وهي ماتعرفش هو فين

انا ايه الصوت الرقيق ده واتلفت اشوف مين صاحبه الصوت اللي اول ماسمعته حسيت ان قلبي طار

هو....هو...... انا محتاجه لازم اديله الظرف ده ماتعرفيش هو فين

.......ردت عليا بكل ادب وهي بتعدي من قدامي وبتطلع علي السلالم عشان تفتح بوابه البيت

الحاج حسين مش موجود بيرجع بالليل
انا:طيب انتي تبقي مين

هي :نعم

انا:يعني انتي بنته ولا اخته ولا مين
هي:انت تبقي مين اما يرجع اقوله مين

انا:محمود البدوي قوليله محمود سعيد البدوي
هي بعد اذنك وقفلت الباب

انا :مشيت وانا سارح في جمالها انا شوفت بنات اشكال والوان في الجامعه بس ماشفتش
زيها قمه البساطه والرقه وجهها زي ألأطفال جسمها ممتلئ شويه بس هي قمر

روحت وانا سارح فيها وفي اللي عملته معايا مافيش بنت كانت بتشوفني الا وتتمني تكلمني
الا ديه ودماغي بتفكر وانا مشغول بيها

..........محمود ,محمود

هه نعم ياحاج ايه فيه حاجه يابابا

والدي مالك فيك حاجه غريبه من ساعه مارجعت

انا هقولك بعدين بس اما اتاكد ألأول

طيب يابني انا كنت عاوز اعرف وصلت الظرف للحاج حسين

لا رحتله ومالقتهوش هوديه بكره

انا :الو السلام عليكم

الحاج حسين:وعليكم السلام ازيك يا محمود ايه يابني
عاش مين سمع صوتك هي الجامعه
واخداك مننا كده
انا هانت ياعم الحاج حسين امتحاناتي بعد 3 شهور
وهفضالك

الحاج حسين :طيب يابني ربنا يوفقك وتلاقي بنت الحلال احسن ابوك عمال يزن
عليا عشان اجوزك واجيبلك بنت الحلال

انا:ماخلاص لقيتها ياعمي

الحاج حسين:بجد مين هي يابني وانا اروح اخطبهالك دلوقتي بنت حد نعرفه

انا:اه بنتك ياعمي

الحج حسين :بنتي؟؟؟

انا:بنتك اللي كلمتني انهارده اما جيت اسأل عليك
ممكن نيجي بكره نتقدملها ونخطبها

الحج حسين :ماشي يابني علي بركه الله مع السلامه دلوقتي

قفلت معاه وطرت علي والدي ووالدتي ياحجه زينب

ياحج سعيد انا هتجوز انا هتجوز

والدي ووالدتي في كلمه واحده:بطل هزار يامحمود

انا :لا والله مش بهزر انا لقيت بنت الحلال خلاص

هما التنين مع بعض :مين هي

بنت الحاج حسين

ضحكو سوا وقالولوه ماهي اللي احنا عمالين نقولك عليها وانت مش راضي تروح تشوفها

انا بجد انا حددت ميعاد بكره مع الحج حسين عشان نخطبها

وفعلا تاني يوم رحنا خطبناها انا قاعد معاها انا اسمي محمود

هي بصوتها الرقيق :عارفه ماانت قولتلي امبارح
انا بارتباك :وانتي اسمك ايه
ايمان
انا بحاول اكلمها وهي مرتبكه وخجوله ووشها احمر

عدي اليوم واتفقنا نلبس الدبل بعد اسبوع ونتجوز
بعد ماتخلص الدراسه
كنت كل يوم الصبح اروح اوصلها واستني
لحد ماتركب الباص بتاع الجامعه
وعدو السنتين واخر يوم في امتحانتها كتبت كتابي
عليها
وبعد 4 ايام كان الفرح واول مره احس اني طاير من السعاده وانا واخدها في حضني

عدي علينا سنه وكانت حامل وانهارده بتولد

انا في قمه القلق والخوف عليها وكل شويه اكلم الممرضه
لو سمحتي انا مراتي من الساعه 6
الصبح وهي جوا في الولاده ولسه ماخرجتش والساعه بقت 3 العصر

الممرضه:يا استاذ مراتك حامل في توأم مش هتخرج دلوقت بعد نص ساعه

ايمان حسين مصطفي مين معاها
ايوه وكلنا بسرعه رحنا

....ألأولاد موجودين في الغرفه رقم 109 ورحنا فعلا وكنت لاول مره اشوف ولادي وخرجت ايمان الساعه
11 بالليل من العمليات وتاني يوم روحنا وكنا في منتهي السعاده

ولاسباب صحيه عندها حملت مرتين واجهضت بسبب الرحم عندها ضعيف

وعدي علينا وقت طويل وكنا سعداء لحد ماجت فتره كنت مشغول جدا وعندي مشاكل في الشغل وكنت مش بشوفهم ولا بقعد معاهم

ايمان:محمود انا عوزاك ترجع بدري انهارده ممكن
انا حاضر هحاول

ايمان قفلت التليفون وجهزت الغدا واستنت بس انا ماروحتش بدري ونامت علي الكنبه مستنياني
رجعت واقعدت اتكلمت معاها

ايمان انا حامل وهي مبسوطه

انا حضنتها وبوستها وكنت فرحان بس من تعبي سبتها ونمت وعدي 3 شهور وهي تعبانه جدا وخست قوي
من التعب والاجهاد اللي كان باين عليها

ايمان خير يادكتوره الجنين كويس طمنيني
الدكتوره:والله كنت اتمني بس فيه مشاكل في الحمل

ولازم الجنين ينزل لانه خطر علي حياتك
حاولت تفهم من الدكتوره بس للاسف مافيش امل

روحت ايمان واتصلت بيا بس انا كالعاده مشغول ومرجعتش بدري

ايمان قررت ماتقلش ليا اللي حصل وقررت تكمل الحمل
وفعلا عدت الشهور ال5 وهي تعبانه ومنهكه
من الحمل
وانا مشغول في الشركه الجديده اللي فتحتها

وجه يوم جمعه الصبح صحيت ولبست صحيت ايمان
انت صحيت ياحبيبي بدري كده ليه انهارده الجمعه

انا :ورايا شغل مهم انهارده ولازم انزل
ايمان طيب عشان خاطري اقعد معانا انهارده

انا :قلتلك مش هينفع مش هينفع
ايمان:يامحمود انا مابقتش اشوفك وولادنا كمان عاوزينك معاهم

انا:ياستي انا مش هينفع اقعد انهارده ولبس ت الجذمه وفتحت الباب

ايمان ودموعها بتنزل علي خدودها ارجوك يا محمود
انا بعصبيه قولت لا لا انتي مابتفهميش وخرجت وقفلت الباب بقوه

ايمان ورا الباب بتعيط جامد يامحمود كان نفسي اقعد معاك انهارده شويه يمكن تكون اخر مره

انا :سمعتها وانا مهموم وحزين ونزلت رحت لموقع الشغل وهي علي بالي

شويه واتصلت بمحل السمك وطلبت اوردر سمك اخده بعد صلاه الظهر يوصل علي البيت

واتصلت بمحل الورد وجهزلي باقه من الورد وفعلا صليت واخدت الورد ورحت في طريقي للبيت ولسه هتصل بيها

التليفون بيرن
الو السلام عليكم ازيك ياحج حسين اخبارك ايه ياحبيبي وحشتني

الحج حسين ازيك يا ابني
مراتك في المستشفي بتولد

انا ايه ده لسه 3 اسابيع علي ميعاد الولاده
ايوه يا بني بس تعالي بسرعه

وصلت للمستشفي بسرعه البرق وانا قلبي مقبوض ومش مطمن واول ماوصلت

لقيت امها بتعيط واخواتها والدكتور واقف مع ابوها وهو في حاله ذهول

سألتهم فيه ايه قالولي اللي حصل من اول الحمل
قلت ازاي تعمل كده ازاي ماتقليش وخرجت الدكتوره قالت البقاء لله ياجماعه

انا انهرت وماقدرتش اقف وفضلت محجوز في المستشفي لمده اسبوع واول ماروحت لقيتها كاتبه جواب بتقول فيه

حبيب القلب محمود

حبيتك اكتر من روحي
وهفضل احبك
كان نفسي اودعك قبل ما امشي
احضنك واضمك وابوسك
بس للأسف انت كنت مستعجل
انا مش زعلانه منك
خد بالك من اياد وزياد ولادنا
والمولود عاوزاك تسميها امل
عشان تبقي شعاع للأمل في حياتكم
وماتقساش علي ألأولاد
وماتنسانيش

انهرت من البكاء وندمت اني سبتها لحظه واحده
وبرغم قسوتي عليها كانت مسمحاني
لانها بتحبني
عاوز اقولكم ماتزعلوش منكم حد عزيز عليكم عشان انتو
ماتعرفوش القدر فيه ايه

https://vb.almstba.co/imgcache/almst...578217_368.gif