|
علشان انا بنت
https://upload.3dlat.com/uploads/3dl...4004568531.gif https://upload.3dlat.com/uploads/3dl...4004625261.jpg علشان بنت و حظها الاسود .. اتولدت ف بلد مهما حصل حاجة تضايقها مينفعش تتكلم علشان انتي بنت بتتعامل ف البيت بطريقة شك و الولد يخرج براحته .. عشان انت بنت تتعاكس ف الشارع و يتحرشوا بيها ف المترو و الشارع و كل مكان .. علشان انت بنت ممكن تتغصب ع واحد و تتجوزه و هي مش بتحبه و متقدرش تقول لا .. علشان انت بنت تسمع اقذر الشتايم حواليها و تععليققات ع جسمها اي انن كان اللبس ايه .. علشان انت بنت اتخنقت شوية فدخلت الفيسو عملت كومنت و دخل شاب ظريف ضايقها برده مينفعش تعتاتبه .. علشان انت بنت ضحكت يقولوا عليها شمال .. اتكلمت يقولوا عليها شمال .. عيطت يقولوا عليها شمال .. علشان انت بنت بقت ف حالها و مش بتتكلم مع شباب خالص يقولوا معقدة .. علشان انت بنت تيجي تاخد حقها يقولوا مش محترمة لاكن الولد ممكن يضرب اللي قدامه عادي علشان حقه .. علشان انت بنت لازم تستحملي انك اتولدتي ف بلد كانوا ممكن يدفنوا البت و هي صغيرة علشان كانوا بيفكروا ان البنت بتجيب العار .. علشان انت بنت بس نسوا ان اللي ولدت و ربت و علمت .. بنت عاوزة اعرف وجهة نظركم فى وجود البنت فى مجتمع مش بيعترف بقيمتها بيعترف بقيمة الراجل فقط https://upload.3dlat.com/uploads/3dl...4004568532.gif |
رد: علشان انا بنت
اتخنقت شوية فدخلت الفيسو عملت كومنت و دخل شاب ظريف ضايقها برده مينفعش تعتاتبه .. علشان انت بنت
لا تعليق وانتى عارفه علشان انا ست |
رد: علشان انا بنت
تسلمى حبيبتى
|
رد: علشان انا بنت
شكرا لك
|
رد: علشان انا بنت
مهو عشان مجتمعنا ذكوري ياحنونة منستغربش
مهما اتطورنا هنفضل بنفس طريقة الحكم والتفكير ربنا يسعدك لأفكارك الحلوة اهم حاجة ياحنين ان ربنا يكون راضي عننا اما المجتمع العقيم ده فمعادتش فارقة معانا |
رد: علشان انا بنت
المجتمع دى نظرتة ومش حتتغير
بيقولوا الناس ان الراجل مفيش حاجة تعيبة اما البنت فعليها كل الضغوطات اللى نوهتى عليها دى |
رد: علشان انا بنت
وانا من رائ منون حبيبتى ونورى ويكفينا شرفا ان الله سبحانه وتعالى انزل سورة كاملة سورة النساء والرسول عليه افضل الصلاة والسلام قال رفقا بالقوارير فلا يهمنى بعد ذلك رائ المجتمع وتسلمى حنين موضوع حلو |
رد: علشان انا بنت
عشان انا بنت حكون احلى فراشه تنور دنيتى
عشان انا بنت ححول الكره حواليا الى حب عشان انا بنت حبتسم للالم واضحك للدموع عشان انا بنت حقبل بمصيرى وارضى بنصيبى بقوه وصبر وثبات عشان انا بنت مش حخلى كلمه تهزنى ولا نظره تخوفنى عشان انا بنت حتعلم وحكبر واثبت للعالم كله ان البنت لما تحب ممكن تكون اكبر واقوى من اى شب عشان انا بنت مش حقبل الحزن ولا النظره السوداويه ولا الحياه الدنيا عشان انا بنت حتسلح بحجابى واكبر بصلاتى..والتزم بدعائى ضد كل من يحقرنى او ينظر لى نظره دون المستوى لاننى بنت |
رد: علشان انا بنت
احنا فى مجتمع ذكورى متخلف بيميز الولد فى كل حاجه كل الكلالام الا انتى قولتى صح مشكورررر
|
رد: علشان انا بنت
للاسف المجتمع مبيعترفش بيقمة البنات
ونسيم ان اللي ولده الراجل بنت وعلشان كدة ماعتدتش يفرق معايا المجتمع ولا الناس علشان مش كل لما البس فستان طويل يقولو دي شمال مش كل لما اغير ملابسي يوميا يقولو دي شمال مش كل لما اروح الدرس واتاخر دقائق يقولو دي بتمشي مع راجل مش كل لما اروح مشوار بليل اكون بقابل مهو ممكن اكون بجيب علاج لماما ولا بابا مش لما اختار درس بعيد عن بيتنا يقولو علشان شمال مهو ممكن اكون بختار الاستاذ اللي يفهمني الدروس استاذ شاطر مش لما اصادق يحكمو عليا ماصدقش دي علشان شمال مع انها بنت محترمة بس بتلبس فساتين يعني لازم نكون معفنين علشان منبقاش شمال يا مجتمع حافظ مش فاهم |
رد: علشان انا بنت
مشكووووووورة على الموضوع
تقبلي مروري ودي قبل ردي |
| الساعة الآن 04:31 PM |