عدلات - تجهيزات للترم الثانى 2024 ، تجهيزاتك للترم الجديد

تجهيزات للترم الثانى 2024 ، تجهيزاتك للترم الجديد

تجهيزات للترم الثانى 2024 ، تجهيزاتك للترم الجديد

تجهيزات للترم الثانى 2024 ، تجهيزاتك للترم الجديد

السلام عليكم ورحمة الله وبركاته
ازيكم يا عدولات عاملين ايه؟
يارب بخير

احنا قاعدين فى الاجازة ونسينا فى ترم تانى
يعنى السنة لسة مخلصتش لسة انتى فى المدرسة
متفتكريش انك خلصتى السنة
اجازة نص السنة قليلة بالكتير اوى شهر

فلازم نجهز للترم
***- ***- ***- **
تجهيزات الترم التانى
***- ***- *
1- عودى نفسك انك تنامى بدرى علشان فى مننا بينام الساعة 4.5 الفجر
علشان ميبقاش فاضل غير 3 تيام او يومين وتبقى انتى لسة منظمتيش نومك
***- ***- ***- **
2- روحى هاتى الكتب الخارجية علشان نبدأ نبص فى الترم الجديد بتاعنا علشان متكومش لينا حاجات واحنا فى الدراسة
ومبقولكيش تذاكرى لأ انتى تبصى على المنهج مثلا عندك فى التربية الاسلامية صور قرآن تتحفظ فتكونى مجهزة
وكمان علشان وانتى فى الدراسة متتفاجئيش من حاجات لأ تكونى مجهزة نفسك
***- ***- ***- **
3- فى بنات مننا مبياخدوش دروس
فماما وبابا بيذاكرولنا تخلى مامتك او باباكى يذاكرولك درس او اتنين على ما الدراسة تبدأ
***- ***- ***- *
4- كل يوم اقعدى على كتاب ساعة او ساعة ونص تذاكرى
وبقيت اليوم عدلات ولعب وفرجة على التليفيزيون وفيس بوك عشان احنا لسة فى الاجازة
***- ***- ***- *
5- اليوم الى قبل المدرسة ده طبعا بتحضرى هدومك وتكويها وتدهنى جسمتك (ده لو جزمة سودة مش كوتشى) هتحضرى الدروس الى انتى هتاخديها علشان تروحى المدرسة تكونى فاهمة وتحضرى شنطتك ولو فى كراريس او كشاكيل بتاعة الترم الاول وعايزة تاخديها لمادة وفى روق فاضى كتيييير تكون للترم التانى ولو احتجتى ابقى اشترى وطبعا طلبات الترم التانى نفس طلبات الترم الاول وتخشى تاخدى شاور واغسلى شعرك كويس واغسلى سنانك ولو عايزة تاخدى شاور اول يوم المدرسة قبل ما تروحى الصبح عادى وتنامى الساعة 8 ونص او 9
***- ***- ***- *
6- اول يوم فى المدرسة طبعا بتقومى الساعة 5 او 5 ونص ولو عيزة تاخدى شاور خدى شاور ولو مش هتاخدى قومى اغسلى وشك وسنانك اوتوضى وصلى الفجر وبعدين البسى هدومك وبعدين افطرى وجهزى سندوتشاتك او ماما تجهزهالك وتملى الزجاجة بتاعتك وتحطيها هى والسندوتشات فى الشنطة وخدى مصروفك من بابا او ماما وانزلى تركبى الباس او تروحى بعربية ماما وا بابا
***- ***- ***- *
7- وانتى فى المدرسة طبعا صحابك مشوفتهمش من زمان وفصلك وحشك وانتى هتفضلى قاعدة فى نفس المكان الى كنتى قاعدة فيه الترم الاول وتنزلى الطابور وتطلعى تركزى فى الحصص ولو فى حاجة مش فاهماها اسألى الميس او المستر بتوعك وهما هيفهموالك وممكن تاخدى الكتب بتاعة الترم اول يوم وتنزلى الفسحة متقفيش فى الشمس ومتجريش كتير والعبى براحة لا هدومك تتوسخ وتكملى حصصك وتعدى فى المرواح فى حتى ضلة لغاية ماماما ا بابا يجوا ياخدوكى او لما الباس يجى
***- ***- ***-
8- لما رجعتى البيت هتعملى الواجب لو فى طلبات انزلى اشترها وذاكرى الدروس الى خدتيها واعدى حلى شوية فى الكتب الخارجية بعدين اتغدى هتكون الساعة جت 7 او 6 على كل الى انتى عملتيه ده تعدى تتفرجى على التلفيزيون او عدلات لغاية الساعة 8 او 8 ونص وتخشى تنامى عشان تستعدى ليوم جديد
***- ***- **
كدا انا خلصت ياعدوولاااات
فى امان الله