عدلات - طريقة عمل بسكوت العيد 2024........ بسكوت العيد بالمذاق الفاخر من مطبخى

عدلات (https://adlat.net/index.php)

- من مطبخي (https://adlat.net/forumdisplay.php?f=178)

طريقة عمل بسكوت العيد 2024........ بسكوت العيد بالمذاق الفاخر من مطبخى

https://upload.3dlat.com/uploads/13636353971.gif

https://upload.3dlat.com/uploads/3dl...4049953431.jpg

لو بتدورى على الطعم الحلو
والمذاق الفاخر
تعالى شوفى المقادير والطريقه
بجد هتدعولى

المقاديـــــــــــــــــــــــــر :

4 كيلو دقيق
14 عدد بيضه
8 كيس فانيليا
كيلو ونصف زبده
كيلو ونص سكر بودره
1 ملعقه صغيره نشادر
4 كيس لبن بودره ( نيدو )
4 كيس بيكنج بودر
لبن حليب لو العجين احتاج

الطريقــــــــــــــــــــــــة :

. نضرب او نرب الزبده كويس اوى بالايد او المضرب الكهربائى
. نضيف السكر البودر حتى يصبح مثل الكريمه واللون يبقى فاتح
. وبعدين نضيف البيض والفانيليا ونضرب
. نقلب الدقيق مع النشادر وال b.b واللبن البودر ونضيفه شويه شويه للخليط
. لو العجينه كانت ناشفه شويه نضبف شويه لبن حليب علشان العجينه تبقه طريه ولينه وسهلة التشكيل .
. ونشكل البسكوت بالماكينه ويرص فى صوانى وندخله الفرن على درجة حراره متوسطه

https://upload.3dlat.com/uploads/3dl...4049953432.jpg

ممكن استخدام المضرب الكهربائى لعمل البسكوت
أو بالايد يدويا يعنى
وده معمول بالايد بالرغم من وجود مضرب كهربائى
لكن الافضل بالايد .......

. البسكوت بجد طعمه راااااااائع
اللبن البودر اداله طعم يجنن
ومخرفش مقرمش كده وحكايه

. ممكن نقلل كمية البيض لو فى ناس بيجيلها حساسيه من البيض

. يتم تخزينه فى كيس داخل علبه محكمة الغلق
لازم مش يدخل اى هوا للكيس علشان يفضل مقرمش لاخر واحده

ادعولى يا عدولات
ربنا يهديلى الاحوال
هتوحشونى فى اجازة شهر العسل
:227::0451:

https://upload.3dlat.com/uploads/13636353972.gif

رد: طيقة عمل بسكوت العيد 2024........ بسكوت العيد بالمذاق الفاخر من مطبخى

أفضل النصائح للحصول على حلويات عيد ناجحة من علاء الشربينى)

- معايرة المواد المستخدمة وقياسها بدقة، إما عن طريق الميزان أو المعايير الخاصة سواء الكوب أو الملعقة.

- التأكد من نوع الدقيق المطلوب للوصفة، فمع اختلاف النوع تتفاوت النتيجة، وعادةًً يكون الدقيق المتعدد الأغراض هو الأنسب للاستخدام.

-لا يُستبدل الزبد بالزيت ولا بالسمن في الوصفة ما لم يتم ذكر ذلك حتى لا يؤثر على العجين

ـ يجب التعرف على نوع الخميرة المُستخدمة، فمنها الجافة أو الفورية، وكذلك الطازجة، وتختلف مدة التخمر باختلاف نوعها، ومنها ما يُفضل إذابته في الماء الدافئ ،أو الذي يتفاعل مباشرةً عند إضافته للمكونات، ولذلك يجب مراعاة قراءة طريقة استخدام الخميرة للحصول على أفضل النتائج.

- تُحفظ الخميرة في علبة مُحكمة الإغلاق في مكان جاف بارد، ولا يُفضل وضع ملعقة مبللة فيها .

- يجب التأكد من صلاحية الخميرة، وذلك بإذابة القليل منها في وعاء به ماء دافئ (مع قليل من السكر أو العسل لسرعة التفاعل)، وتُترك لمدة 5 دقائق، وفي حالة ظهور بعض الفقاقيع على السطح وتغير الكثافة والفوران دل ذلك على صلاحيتها.

- عند استخدام الخميرة في المعجنات يُراعى إذابتها في الماء الدافئ (وليس ساخناً حتى لا تفسد) مع إضافة سكر أو عسل (إن وجد في الوصفة) وتجنب إضافة ملح عليها مباشرة.

- يجب التأكد من حرارة الفرن، فإذا كانت هادئة فهذا يعني 140 درجة مئوية، وإذا كانت متوسطة فيعني 170 درجة مئوية، وإذا كانت عالية فهذا يعني 200 درجة مئوية أو أكثر•

- لا يجب الإسراف في استخدام الدقيق أثناء فرد العجين، حتى لا يُصبح يابساً عند خبزه.

- يُراعى أن يُسخن الفرن لدرجة الحرارة المطلوبة قبل الخبز بربع ساعة على الأقل.

- عند العجن يجب إتباع الخطوات والاهتمام بسرعة العجان، فيجب أن تكون متوسطة في أغلب الأحيان.

رد: طيقة عمل بسكوت العيد 2024........ بسكوت العيد بالمذاق الفاخر من مطبخى

تسلم ايديكى يا سمورتى

وربنا يتمملك على خير يارب

رد: طيقة عمل بسكوت العيد 2024........ بسكوت العيد بالمذاق الفاخر من مطبخى

انا شكلى لادغه ولا ايه
حد يعدلى العنوان
بدل طيقه
يكتبها
طريقه
ههههههههههههه

رد: طيقة عمل بسكوت العيد 2024........ بسكوت العيد بالمذاق الفاخر من مطبخى

https://adlat.net/images/takrem.gif
مبروك التكريم