عدلات - حدوتة القطة بسبوسة وبيضة الفرخة-جميلة جدا -

https://upload.3dlat.com/uploads/13831677451.gif

بسم الله

كان ياما كان ياسعد يااكرام ولا يحلا الكلام الا بذكر النبى عليه الصلاة واذكى السلام

كان فى قطه صغنتوته اموره اسمها ( بسبوسه)

بسبوسه بدأت تكبر وتشوف العالم من حواليها وكانت ذكيه وبتحب تتعلم كل حاجه وبتسأل على كل حاجه
-دى اسمها ايه ياماماhttps://www.alfisal.com/vb/imgcache/56146.imgcache.jpg
-دى اسمها ورده
-ودى اسمها ايه ياماماhttps://www.7kawina.com/up/upfiles/PMb23722.jpg

-دى اسمها شجره
ودى اسمها ايه ياماماhttps://up.graaam.com/uploads/imag-6...f4285de66a.jpg

-دى اسمها بيضه
الله القطه بسبوسه عجبها شكل البيضه قوى
وقالت لماما
البيضه دى جميله قوى وكمان طعمها لذيذ
احنا بنجيب البيضه منين ياماما؟
_الفرخه ياحبيبتى هى اللى بتبيض البيضه
تعجبت بسبوسه اكتر واكتر وقالت
الفرخه؟
وفضلت بسبوسه مشغوله بالحكايه دى وبتفكر
***- *
وبعد كام يوم بسبوسه كانت بتتمشى شافت الست فرخه
https://www.ibnkhaldoon.org/animals/chicken.jpg

بسبوسه قالت
صباح الخير ياست فرخه
الفرخه قالت بصوت عالى
بك بك بكاااااااك بك بك بكاك بك بك بكاك
وكانت عماله رايحه جايه اكنها بتدور على حاجه وقعت منها فى الارض
القطه بوسى اتخضت في ايه يافرخه
صباح الخير
برضه الفرخه قالت بصوت عالى
بك بك بكاااااااااك بك بك بكاك بك بك بكااااك ولسه رايحه جايه
القطه قالت يانهار ابيض فيه ايه؟ صباح الخير يافرخه
الفرخه قالت بصوت عالى
بك بك بكااااك بك بك بكااااااااك
بك بك بكااااااااااااااك
وباضت بيضه

واتنهدت وردت
صباح النور يابسبوسه معلش اصلى كنت ببيض بيضه
القطه كانت مذهوله وفرحانه فى نفس الوقت

اول مره تشوف الحكايه دى وقالت يااااااااااااااه
دى الحكايه بسيطه خالص
وجريت على مامتها
ياما ياماما ياماما الحقى ياماما انا اتعلمت ازاى الفرخه بتبيض بيضه
انا دلوقتى أعرف ابيض بيضه
ماما بصت لها واستغربت

وقالت
يالف نهار ابيض ياصلاة النبى ياصلاة النبى بيضى ياختى
بسبوسه زعقت وقالت
بك بك بكاااااك بك بك بكاااااااااك بك بك بكااااااااااااااك
ومافيش بيضه
وحاولت تانى
بك بك بكاااااااك بك بك بكاااااااااااااك بك بك بكااااااك
برضه مافيش بيضه
القطه بسبوسه الصغننه كانت زعلانه خالص
وحاولت كمان مره
بك بك بكاااااااك بك بك بكااااااك بك بك بكااااااااااااك
مافيش فايده مافيش بيضه
القطه بسبوسه ماعرفتش تبيض زى الفرخه

وساعتها ماما ضحكت وقالت
ههههه ياحببتى القطه مابتبضش الفرخه بس هى اللى بتبيض
علشان الفرخه من الطيور وزى ماانتى مابتعرفيش تبيضى الفرخه برضه مابتعرفش تصطاد الفيران
بسبوسه فهمت واتعلمت درس كبير وان مش لازم نقلد غيرنا علشان ننجح المهم اللى احنا بنعمله مش اللى غيرنا بيعمله
وتعلمت كمان ان ربنا خلق كل واحد لعمله وسهله عليه ويسره ليه علشان كده النبى صلى الله عليه وسلم قال
(اعملو فكل ميسر لما خلق له)

وتوته توته خلصت الحدوته