عدلات - طريقة عمل مهلبيةعلم مصر اسهل منها متلاقيش

عدلات (https://adlat.net/index.php)

- من مطبخي (https://adlat.net/forumdisplay.php?f=178)

طريقة عمل مهلبيةعلم مصر اسهل منها متلاقيش

[IMG]https://upload.3dlat.com/uploads/3dl...4096686881.gif[/IMG]
https://upload.3dlat.com/uploads/3dl...4107117471.gif

بنتي طلبت مني اعملها مهلبية
قومت شغلت الفوكيرة وقولت اجدد كده عشان ابسط الاولاد
عملت مهلبية الالوان يابنات جميلة ومفيدة والاطفال بيحبوها جدا
هي مقاديرها كالاتي:-
*كيلو لبن
*5 معالق كاكو كبار عادي مش خام
انا قولت اهو لحسن واحدة تعملها بالخام هتطلع مرررة صبر وتدعي عليا
*كركدية
*نشا
*سكر
*رشة فانيليا
الطريقة يابنات:-
انا بدوب النشا علي البارد في مج ميا
يعني انا دوبت حوالي 8 معالق كبار معلش اصل النشا عندنا مغشوش شوية
المهم كل حاجة بنعملها في كسرولة لوحدها
*غليت الكركدية علي 2 مج مياه وسيته يبرد شوية وظبتله السكر تبعه وبعدين رفعته علي النار وضيفتله النشا وقلبت ويس لحد ماوصل للقوام المظبوط طفيت
وصبيته في قوالب الخشاف نسيب وشة يتشم في الهو علي مانكمل باقي الطبقات
*وبعدين اخدت 2 كوب لبن علي نص كوب مياه و 5 معالق الكاكو وقلبتهم كويس وظبطت طعم السكر فيه
ورفعتهم علي النار وضيفت النشا برضه لحد مالقوام تقل طفيت واستنيت دقيقة كده وتأكدت ان المهلبية الي بالكركدية اتشمع وشها ضيفت مهلبية الشكولاته
*ندخل علي المهلبية التقليدية بتاعتنا بقاي كيلو اللبن والسكر والفانيليا والنشا وعلي النار لحد ماتقلت وطفينا وبعدين نضيفها علي طبقة الشيكولاته
كده خلصت وصفة مهلبية علم مصر :13:احمر واسود وابيض
طعمها حلو ولذيذ ومفيدة
فيها فوايد الكركدية والكاكو واللبن والنشا
جربوها والاولاد هيحبوها
طبعا ندخل علي الصور:-
دي اول طبقة الي بالكركدية
[IMG]https://upload.3dlat.com/uploads/3dl...4096667811.jpg[/IMG]
دي التانية الي بالكركدية وعليهابالشيكولاته
[IMG]https://upload.3dlat.com/uploads/3dl...4096667812.jpg[/IMG]
دي التالتة بع ماصبيت كله علي بعضه
[IMG]https://upload.3dlat.com/uploads/3dl...4096667813.jpg[/IMG]
ودي لما قلبتها يابنات عشان اوريكو الطبقات
[IMG]
https://upload.3dlat.com/uploads/3dl...4096667814.jpg[/IMG]
ودي قولب صغيرة بتاعت الجيلي لباقي الكمية
بنتي اتبسطت فيها اوي
[IMG]https://upload.3dlat.com/uploads/3dl...4096667815.jpg[/IMG]
ودي واحد تاني
[IMG]https://upload.3dlat.com/uploads/3dl...4096667816.jpg[/IMG]
ودول وهما مع بعض ضوفو الالوان حلوة ومبهجة ازاي
[IMG]https://upload.3dlat.com/uploads/3dl...4096685041.jpghttps://[/IMG]
انتي وزوئك بئه في التزيين
انا الصراحة مكنش عندي غير جوز هند مشيت بيه الحال
انتي اي مكسرات او فول سوداني مجروش عندك او زبيبت حتي ممكن تحطيه هيخلي طعمها حلو وبألف هنا
كده انا خلصت الموضوع الحمدلله اتمني ينال اعجابكو لو عجبكو متبخلوش عليا بالتقييم

[IMG]https://upload.3dlat.com/uploads/3dl...4096685981.gif[/IMG]