أو

الدخول بواسطة حسابك بمواقع التواصل

#1

129127 قصة الكنز والاخوة الثلاثة_(بقلمي)_ للمسابقة

اليوم جيبالكم قصة الكنز والاخوة الثلاثة
بقلمي غير منقولة
قصة الكنز والاخوة الثلاثة_(بقلمي)_ للمسابقة

بس حبيت اكتب الاسماء اللي في القصة باسماء اجنبية كدة هتكون احسن
اتمني تنال اعجابكم


**(قصة الكنز والاخوة الثلاثة )**
كان يا مكان في احلي الزمان ومايحلي الكلام الا بذكر النبي عليه الصلاة والسلام
كان هناك غابة يعيش فيها ثلاث اشقاء وجدهم هنري

::
::
::
::
::
::
::
::
الجد هنري : يا اغبية هفضل لحد امتي اعلمكوا ازاي تسرقوا
روي : واحنا كنا هنعمل ايه بس يا جدي صاحب البار كان مأمن البار بتاعه كويس واحنا كدة معرفناش نسرق منه اي حاجة
بيتر : روي كلامه كله صح يا جدي صاحب البار ده علي قد ماهو بخيل بس غني جدا
جاك : كفاية كلام لحد كدة احنا جعانين اوي انا مكلتش غير لقمة العيش المكسرة دي
الجد هنري : عندك حق يا جاك ايه رايكوا تروحوا تسرقوا من جوزيف بتاع الفراخ كام فرخة كدة ويسلام بقي لو سرقتوا من عند مارك العطار شوية بن بس بن مش سم اصلي انا عارفكم اغبية اوي
روي : الله علي افكارك يا جدي وبالمرة نستغل جالك لانه طويل هو يجبلنا كل ده
::
::

الجد هنري : امممممممم طعم الفراخ دي حلوة اوي
بيتر : طبعا يا جدي اصلي جوزيف بيربي الفراخ بتاعته علي الغالي اوي
الجد هنري : منتوا من غيري مكنتوش عملتوا اي حاجة
جاك : ايوة يا جدي بس مش احسن برضوه لو كنا اشتغلنا مهنة شريفة
الجد هنري :كنتوا هتلاقوا المهنة الشريفة دي بقي فين ان شاء الله
روي : جاك قصدوا يا جدي اننا كنا اتعلمنا مهنة غير دي
الجد هنري : منتوا لو كنتوا اتعلمتوا مهنة غير دي مكنتوش هتستنفعوا بيها انا عرفت دلوقتي بس ليه الرب مطول في روحي علشان انا لو مت
كنتوا انتوا متوا من الجوع خلاص ناموا دلوقتي علشان تصحوا بدري وندورلنا علي سرقة جديدية
::
::

جاك : ايه ده انت لسة نايم هنا يا جدي من امبارح .... جدي ! جدي ! روي بيتر تعالوا بسرعة
بيتر : ايه ده جدي ده شكلوا مات
روي : جدي مات... جدي مــــــات
::
::

بيتر : الجو برد اوي انا مش قادر استحمل الجو ده
روي : هنعمل ايه بس يا بيتر ما كله من الدار القديمة اللي احنا فيها دي
جاك : ايه رايكوا نروح نقعد في الاسطبل يمكن يكون الجو هناك احسن من هنا
روي :عندك حق يا جاك يلا بينا نروح عالاسطبل
::
::
روي : اه الجو هنا احسن بكتير من الدار

بيتر: بس انا جعان اوي
جاك : استحمل شوية يا بيتر وكل حتة العيش دي عقبال مانروح بكرة وندورلنا علي ارنب علشان ناكله في الغابة اللي جنبنا
::
::

روي : اصحي اصحي يلا يا بيتر علشان نروح نصطاد
بيتر : يوووه انا مش عايز اروح انا تعبان
جاك :يلا يا بيتر علشان نلحق ندور علي ارنب
::
::

بيتر : احنا لغاية دلوقتي ملقناش ولا ارنب
جاك : اهو انا شايف ارنب هناك اهو
روي : طاب يلا بينا نروح نصطاده
بيتر : ايه ده ده دخل جوه الكهف ده انا خايف ادخل جوه ليكون مهجور
روي :يهني هوة لو مهجور كان دخل الانب جواه ليه
جاك : ايه ده ايه الصندوق ده
بيتر : ده شكله كنــــز
روي : يلا نشيله لحد بره
جاك : ايه ده ده في 3 مفاتيح
روي : طاب كل واحد ياخد مفتاح ويفتح القفل اللي قدامه
بيتر : يا نهار ابيض كل ده دهب
روي: محدش يلمس الدهب ده احنا هنقسمة




جاك : ايوة بس الصندوق ده ثقيل اوي والحصنة مش هتقدر تشيل كل ده
بيتر : طب انا هروح السوق اشتري 3 شنط وثلاث زجاجات نبيت و3 فطاير واكل للحصنة الجعانة دي
جاك : فكرة هايلة يا بيتر يلا روح بس اوعي حد يشوفك
بيتر: ايوة بس انا لازم اقفل بالمفتاح بتاعي الاول ايوة انا مضمنش حد علي الدهب بتاعي
روي : ماشي يا بيتر وخد 10 جنيهات دهب وروح جيب الحاجات دي بسرعة
::
::

جاك : يـــاه بيتر مكنش عايز يجي الصبح واحنا اللي اصرينا يجي
روي : وعلي فكرة ده لو اخد نصيبه هيروح البار وهيضيع فلوسه علي الآمار
جاك : وفاكر لما كان تعبان ونزلتله في اخر الليل علشان اجيبله الدكتور ودفعناله فلوسنا كلها
روي : اه ايوة فاكر بس فاكر لما كان في البار وهزأك وهزأني قدام الناس
جاك : ايوة طبعا فاكر
روي:ده اكيد يستحق القتل
جاك : ايه انتي بتقول ايه مهما عمل برضه ده مهما كان اخونا
روي : لا ده مريض وممكن يموت بعدين مفيهاش حاجة يعني لو مات دلوقتي واحنا ناخد نصيبه في الكنز
جاك : طب وهنقتله ازاي ؟!
روي : بص انت تستخبي ورا الشجر اللي هناك واول اما يجي تضربه بخنجرك
جاك : ماشي تعالي بقي خبيني بالزرع ده علشان ميشوفنيش
::
::

بيتر :لو سمحت يا مانويل انا عايز 3 فطاير بالحمة وزجاجتين نبيت
مانويل : ماشي حضرتك بس مين اللي مش هيشرب فيكوا
بيتر : ايه ا... روي روي اخويا مش هيشرب لانه تعبان شوية خد خد الجنيهات الدهب دي
مانويل : بس دي عملة قديمة اوي
بيتر: بس قيمتها كبيرة
مانويل :ماشي ماشي
::
::

بيتر : لو سمحت يا مارك انا عايز سم من عندك
مارك العطار :سم ؟... بس يا تري عايز السم في ايه ؟
بيتر :اصلي في ديب عايز ياكل الخرفان والحصنة يعني
مارك العطار :اتفضل السم اهو هيموت الديب في اقل من دقايق
بيتر : شكرا شكرا يا مارك
::
::

روي : انت جيت يا بيتر
بيتر : اه وجبت ليكوا 3 شنط و3 فطاير وزجاجاتين نبيت
جاك : خد دي يا بيتر
بيتر : اه اه قتلــ. .تنـي اه
روي : كويس اوي يا جاك خد مكافأتك خد دي
جاك : اه روي انت يا رويــ انت خليتني اقتل اخويا علشان الدهب وقتلــ ني بعد كدة اه
روي : هاهاهاهاها انا بقي دلوقتي اكل ال3 فطاير واشرب النبيت واخد كل الدهب لوحدي
روي : طعمهم جميل جدا امممممم اه ايه ده بطني وجعاني كدة ليه اه اكيد وجعتني من النبيت يبقي بيتر حطلي انا وجاك في النبيت ســم غدر بينا
::

::
مانويل : ايوة يا فندم انا متأكد انهم لقوا كنز عندهم
الشرطي : يبقي اكيد فعلا لقيوا كنز قديم في الغابة اللي جنبهم احنا هنروح نقبض عليهم ونحتفظ بالكنز ونعمل بيه مشروع كبير
مانويل : انا جاي معاك وهجيب معايا مارك العطار لانه بيقول انهم ادولوا عملة ذهبية
::
::
مانويل: اهم اهم هناك عند الكهف اللي هناك ده انا شايفهم
الشرطي : يلا نروح نقبض عليهم بسرعة
::
::
الشرطي : ايه ده جاك وبيترمقتولين بالخنجر
الطبيب :فعلا يا فندم جاك وبيتر مطعونين بالخنجر وروي مقتول بالسم اللي قال عليه سيد مارك
الشرطي: الطمع والغدر هما اللي عملوا فيهم كدا واحنا لازم نحكي القصة دي للابنائنا ولللاجيال اللي جيا علشان يتعلموا من القصة دي اللي خلت الاخوة يقتلوا بعض وده بسبب الطمع والغدر لان الطمع يقل ما جمع .
::
::
**اتمني تكون عجبتكوا قصتي ودي مشاركتي في المسابقة **

قصة الكنز والاخوة الثلاثة_(بقلمي)_ للمسابقة



إظهار التوقيع
توقيع : princess_shosho
#2

افتراضي رد: قصة الكنز والاخوة الثلاثة_(بقلمي)_ للمسابقة

مشكوووووووورة
بالتوفيق ياقمر

إظهار التوقيع
توقيع : روزة
#3

افتراضي رد: قصة الكنز والاخوة الثلاثة_(بقلمي)_ للمسابقة

رووووووعهـ
دي قصتكـ أحلى من قصتي شكلكـ كدهـ هتكسبيني
بالتوفيق

إظهار التوقيع
توقيع : hadeel tarek
#4

افتراضي رد: قصة الكنز والاخوة الثلاثة_(بقلمي)_ للمسابقة

الف شكر حبيبتي
بالتوفيق

إظهار التوقيع
توقيع : yasmen ali
#5

افتراضي رد: قصة الكنز والاخوة الثلاثة_(بقلمي)_ للمسابقة

جميلة جدا ياقمر تسلم ايديك وبالتوفيق
إظهار التوقيع
توقيع : شقاوة آنثى
#6

افتراضي رد: قصة الكنز والاخوة الثلاثة_(بقلمي)_ للمسابقة

بجد روعة
#7

افتراضي رد: قصة الكنز والاخوة الثلاثة_(بقلمي)_ للمسابقة

نورتوني يا حبايبي

إظهار التوقيع
توقيع : princess_shosho
#8

افتراضي رد: قصة الكنز والاخوة الثلاثة_(بقلمي)_ للمسابقة

روعه تسلمي ياعسل
#9

افتراضي رد: قصة الكنز والاخوة الثلاثة_(بقلمي)_ للمسابقة

نورتيني حبيبتي
إظهار التوقيع
توقيع : princess_shosho
أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
[قصص طويلة] قصة اختبار .... تابع للمسابقة رنيم القرآن قصص - حكايات - روايات
[قصص عالمية] قصة سندريلا بالهجة الحلبية ......تابع للمسابقة رنيم القرآن قصص - حكايات - روايات
{ بقلمى} قصة اريج ورحلة السفر للمسابقة توتة واحلى بنوتة قصص - حكايات - روايات
[قصص خيالية] قصة ما هي الحقيقة ( بقلمي ) للمسابقة hadeel tarek قصص - حكايات - روايات
قصة انجليزية مصورة للأطفال جميلة وهادفة / مشاركتى للمسابقة/ حسناء اللغة الانجليزية English


الساعة الآن 07:49 PM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل