مواقف وطرائف من بطولة العدولات

انتى كمان وحشتنى اووى يا روبى وحشنى الرغى معكى
بس بجد مش فاكرة حاجة دلوقتى بس هرجع ليكى تانى و احكى كل حاجة

وحشتينى اوى يا روبى ووحشتينى مواضيعك الحلوة اللى بتطلع اللى فى القلب
عندى مواقف كتيير احكيها بس موش ها اقدر دلوقتلى لانى دخلت سرقة كدة اصل دة وقت ابو العيال

افتكرت
فى يوم من الايام الشهر الا فات اعدها على الفيس و القى واحدة صحبتى بتقولى هند انا هروح لدكتور الا جنبك و ماما مش هتروح معايا تجى قولتها اوكى بالمرة فى بالطو عجبنى اجيبوا و قومت فى غير عاداتى لبست بسرعة متضبط على الاخر و جات و نزلنا ورحت لدكتور و بصينا على محل اكسسوارات و روحت المحل الا فى بالطو حطيت شنطتى على المكتب و اخدت الابلطو اقيسوا مش دخلت البروفه قست بره فوق الهدوم و بفتح الشنط عشان احسب مش القى البوك جاه ليا زهول لان الشنط قد البوك مش شكت فى البنت الا فى المحل فضلت ادور فى الامكان الا مشت فيها فى الاخر روحت و طبعا الكل مش سكت ليا فى البداية بس بعد كده سكتوا وقالوا مش مهم يلا الحمد لله الا جات على قد كده من الصدمة هتجنن ده وقع ازاى ده اد الشنط فضلت سكته لتانى يوم و قولت الحمد لله على كل شى
و بحكى لهم بعد يومين على القصة اخوى قال ليا البنت الا فى المحل هى الا اخدتها لان هى كده فى الاخر لا رجع البوك ولا الفلوس يلا حسبى الله و نعم الوكيل فيها

ايوه الحمد لله يا رحوبه

يلا بقى احكى انتى على حاجة حلوة مفرفشة كده
وياسلام لو اميرة على موجودة معانا دلوقتى كانت قالت احلى كلام بقى سلميلى عليها يارحاب كتير و قولها وحشتنى اووووووى

اقولكم موقف حصل لجوزى من فتره
بس ايييه موقف عنب الصراحه
هههه
الاستاذ كان دايما ومازال وهو نازل ياخد كل فلوسه فى جيبه من غير ما يحطهم فى المحفظه
المهم اليوم ده كان اجازته ونزل يقعد مع اصحابه كالعاده وهو نازل قلتله هاتلنا فاكهه وانت جاى قاللى ماشى
اوم ايه
خد سهرته وانا فى البيت بغلى غليان من الغيظ اتصلت بيه قاللى انا هجيب الفاكهه وجاى
بعدها بشويه لاقيته بيتصل بيا وبيقوللى شوفى كده الفلوس وقعت عندك فى الشقه ؟؟اصلى بعد ما الراجل وزن الفاكهه بطلع احاسب ملقتش الفلوس
طبعا انا جالى جنان لانى كنت لسه مخلصه ترويق وملقتش حاجه وزيادة توكيد قمت عالشقه تانى ترويق وقعدت ادعى ربنا انى الاقيهم بس للاسف اتضح انهم وقعو من جيبه ولا هو دارى
اللى يغيظ فعلا انه مكنش همه الفلوس اللى وقعت أد ما هو كان متضايق من الكسفه اللى اتكسفها عند الراجل
اما انا بقى فكنت فرحانه فيه عشان يحرم ميسمعش كلامى تانى
وكلام فى سركو ماسكهالو لحد دلوقتى كل ما يجى ينزل اقولو متاخدش الفلوس كلها وتنزل بيها فاكر حصللك ايه؟
هههههههه
والغريبه انه برضه مبيسمعش الكلام

اقلكو بقى على موقف اهبل اوى حصل الشتا ده
فاكرين موجة البرد الشديده اوى اللى جات فى الشتا ده
اهو ساعتها بقى انا غسلت ولسوء حظى المطره مكنتش ساكته وانا مستعجله على الهدوم ومش عارفه انشرها فين ومعنديش مشمع اغطى بيه الغسيل
فكرت فى فكره هبله ونفذتها
جبت حبل السبت بتاعى وربطها فى المطبخ وعملتها احبال ونشرت عليهم جو المطبخ
تانى يوم
الاقى بتاع الغاز جاى وعاوز يشوف العداد
وانا عدادى فى المطبخ وانا ناسيه الغسيل خاااالص
قلتله بكل ثقه اتفضل
ودخله بنور النور اتصدمت
مبقتش عارفه اقول ولا اعمل ايه والغسيل منشور بالطريقه الهبله دى وبصراحه الراجل معلقش اى نعم خدله كام حتة غسيل فوق راسه وهو داخل وهو خارج بس معلقش والحمد لله انه معلقش
اصلا انا كنت هموت من الكسوف لوحدى ههههههههه

هههههههه حرام عليكى يا رحاب انتى عامله زى ماما دلوقتى كل ما اجى انزل بتخلينى مش اخد معايا فلوس كتير و تفضل تقولى خدى بالك و الله بقى عندى هسهس و باخد موبايل واحد و اسيب التانى فى البيت و الفلوس يدوب مش كتير بسبب الا حصل

هنودة حبيبة قلبى زى ما قلتلك معلش حبيبتى فداكى والحمد لله انها جات على الفلوس
سلامتك بالدنيا يا قلبى ...
اما انتى يا رحاب فموقف الغسيل اللى فى المطبخ هههههههههه يجنن ضحكتينى من قلبى
وانا متخيلة منظر الغسل متنشر فى المطبخ ومدخلة الكشاف بحسن نية هههههههههههه

انا ها احكيلكم على موقف حصل من فترة كبيرة لكن موش ها اقدر انساة ابداً.....
بعد ما جبت بنوتى الاولى روعه حملت على عطول
وعرفنا انة ولد كنت عايزة اسمى خالد جوزى كان موافق لكن لما يحب يغظنى يقولى ها اسمية عبد الرحمن
طبعا الاسم جميل جدا بس المشكلة فى الناس بيختصروا ويقولوا عبدة وانا كنت اتعصب واقولة موش عايزة حد يقولى يا ام عبدة
وفى يوم روحنا عند واحدة قريبتة ست كبيرة وكانت عندها بنتها من سنى قاعدين نتكلم وبتقولى ها تسمى اية قلتلها نفسى اسمى خالد بس هو عايز يسمى عبد الرحمن وببراءة وعفوية قلتلها انا موش عايزة حد يقولى يا ام عبدة .......
ها تقولولى عادى فيها اية يعنى ؟؟؟ فيها ان الست صاحبة البيت مامتها الكل بيقولها يا أم عبدة
انا قولت الكلمة من هنا وفى نفس اللحظة افتكرت اتكسفت قوى من نفسى و كنت بقول يا ارض انشقى وابلعينى
والحمد لله انها ما علقتش وعدت على خير بس كتيير اتضايقت من نفسى ...
اهم حاجة بقى ان ابنى فى النهاية سمناة خالد ..

مش عارفه اكتب حاجه دلوقتى دماغى ملخبطه بس ثبت الموضوع ورجعاله ههههههههههه

انا مش فاكرة حاجة بس هجيبلك مواقف من الفيس




واحدة بتحب المواعيد المظبوطة اووى فيوم الحنة العريس اتأخر عليها قامت طلعت برا الكوافير بعد ماخلصت وركبت تاكسى لوحدها الراجل بتاع التاكسى افتكرها متخانقة مع العريس وفركشت قام عشان يفرحها فضل يصرب كلاكس طول الطريق ووداها استوديو اتصورت لوحدها الراجل المصور قالها بقالى 20 سنة اول مرة اصور عروسة لوحدها وروحها بيت ابوها ابوها شافها نازلة من التاكسى لوحدها اتصدم قالها فين ابراهيم قالته اتأخر عليا جيت لوحدى حاسب التاكسى واكرمه عشان ودانى الاستوديو وضرب كلاكس جه العريس يدور عليها قالتله لو اتأخرت يوم الفرح هبات عند ابويا هههههههههههه لقته جايلها الكوافير من العصر هههههه

موقف مش ممكن انساه يمكن معظم اللى الصفحه يعرفونى لانهم اصحابى وحضروا معايا نصه المهم يوم فرحى كانت الدنيا مطر ورعد وبرق وكنا عاملينه فى الشارع روحت الكوافير الساعه 4والمفروض اخرج الساعه 8المهم خلصت وقاعده مستنيه جوزى كل العرايس مشيت الا انا اتصل على جوزى يقولى انا فى الطريق واتأخر حوالى ساعه كمان فزهقت من القعده ومن اتصالات اهلى كل شوية بلا يابنتى المعازيم بيتسرسبوا واحد ورا التانى بسبب الجو روحت مناديه لاختى قولتلها العربيات فين قالتلى على اول الشارع عشان خايفين يدخلو من الميه والارف اللى فى الشارع روحت للبنت بتاعه الكوافير قولتلها ظبطين بسرعه انا ماشيه والعريس لما يجيلك ابقى حاسبيه وفعلا ظبطتلى الدنيا وطلعت على باب الكوافير وشلحت الفستان وطلعت اجرى فىى الشارع واختى واصحابى ورايا والناس ميته من الضحك على منظرى وجريت على العربية ركبت وروحت الفرح لوحدى وقعدت فى الكوشة ساعه لوحدى وفين وفين وهو جاى يبرقلى من بعيد وانا عامله نفسى من بنها وقعدت ارقص مع اصحابى طول الفرح والحمد لله انا لسه عايشة لحد النهارده وبكتبلكم موقفى اهو واللى هتتريق هجيبها من شعرها

انا هقولكم موقف بايخ ومش بحب افتكره بس هقوله عشان أهون على هند بس

من بعد خطوبتي وشراء الشبكة بشهر بالظبط كنت قاعدة انا واختي واخويا وبنت عمي في البيت واهلي كانوا سافروا السعودية

صحينا وجاين نطلع شقة الدور التاني ونلقيها مقفولة من جوة بالمفتاح اخويا راح ناطط من البالكونة ودخل فتحه وانا شبكتي ودهبي بتاع السعودية كله كان كان في الشقة دة
وانا ادخل ادور على الذهب ولا لقيتله أثر

اتسرق كله الشبكة بذهبي بساعه كنت بحبها طبعا الحرامي قفل بالمفتاح وطلع من شباك المنور لانه ماكنش مقفول وسهل النط منه

المهم جبنا البوليس والشقة كانت مليانة بصمات واضحة اوي الظابط بسلامته اتريق علينا وقالنا انتو بتتفرجوا على مسلسل csiعشان يعني فضلنا نقولة على البصمات وكده
وراح الباشا قايلنا ان البصمات مش بتترفع غير في جرائم القتل يعني من الاخر لازم حد يموت عشان يعبروا اهلينا او نكون مثلا ولاد حسني مبارك او وزير

احلى حاجة ان الظابط ده بعد الثورة المنياوية طلعوا عين اهله عشان الكل بيكرهه

وطبعا راح الدهب على كده يجيبله دلوقت 40 او 50 الف كده بس زعلت عليه اوي عشان الشبكة كنت منقياها بمزاج ومااتهنتش بيها غير شهر واحد بس
وكانت رقيقة وكنت جايبة سلسلة نانسي عجرم وغير دهبي الشخصي

يلا الحمدلله على كل حاجة

خلاص ياهند هوني على نفسك بقى كله بيروح ياحبي ومافيش حاجة بتيجي

انا اكتر حاجة غيظاني الحرامي المستفز اخد الدهب وراح قافل العلبة وحطها جوة الكيس بتاعها وسبهالي على السرير
شوفتوا الادب والنظام

اقولكم موقف تاني كان يوم فرحي
انا كنت حابه اوي اطلع من بيت اهلي مش من الكوافير وفعلا ماروحتش وخليت بنت عمي تعملي المكياج لاني بثق في شغلها اوي


وفي اخر اليوم وبعد ماالمحروس جوزي جه بابا اتفاجأ ان مافيش زفة هتيجي عند البيت واتنرفز بقى واتخانق وقال مافيش فرح


ودخل الاوضة وهيخلع البدله طبعا كله بقى يهدي فيه وماما قال ايه جاية تهديني وتقولي ماتزعليش وانا فضلت بصالها كده ومااتكلمتش


انا فضلت اكمل مكياجي عادي اهو قال مافيش فرح اخلع واقعد
قال في فرح اهو ابقى كملت المكياج


بس بيني وبينكم ويارب جوزي مايشوف الموضوع ده

انا والله من جوايا كنت بتمنى ان بابا يحكم رأية ويشتغل العرق الصعيدي عنده ويلغي الفرح والجوازة بجد

وانا وماما بتكلمني وزعلانة انا كان نفسي اقولها ياستى زعلانة على ايه ده هقوم اعمل كده دلوقت







اصلا انا وهو لحد يوم الفرح ماكناش بنتكلم ومتخانقين

المهم ساعتها اتصرفنا في اتنين جم يزفوني ومسكت ايد ببايا حبيبي ونزلنا على السلالم لحد المحروس عريسي

والفرح تم الحمدلله وللأسف برده

بس بصراحه ياجماعه الزفة وخروجك من بيت بباكي ممتع واحلى من الكوافير بكتير
لو جدعة ياهند او اي عروسه جديدة اعملوها
بس اوعوا تنسو الزفة ارجوكم

ده موقف منقول من الفيس بس يفطس من الضحك



ﻣﺮﻩ ، ﻛﻨﺖ ﺑﺸﺘﻐﻞ ﻓﻰ ﺳﻨﺘﺮﺍﻝ ﻓﺎ ﺟﺎﺗﻠﻰ ﺳﺖ
ﻛﺒﻴﺮﻩ ﻭﺟﺎﺑﺘﻠﻰ ﻧﻮﺗﻪ ﻓﻴﻬﺎ ﺍﺳﻤﺎﺀ ﻭﻗﺎﻟﺘﻠﻰ
ﺍﻃﻠﺒﻠﻰ ﺍﺑﻮ ﺍﺷﺮﻑ ﻭﻓﻀﻠﺖ ﺍﺩﻭﺭ ﻓﻰ ﺍﻻﺳﻤﺎﺀ
ﻣﻠﻘﺘﺶ ﺣﺪ ﺧﺎﻟﺺ ﺑﺎﻻﺳﻢ ﺩﻩ ﻓﻘﻮﻟﺘﻠﻬﺎ ﻣﻔﻴﺶ ﻳﺎ
ﺣﺠﻪ ﺍﻻﺳﻢ ﺩﻩ ﻗﺎﻟﺘﻠﻰ ﺍﻣﺎﻝ ﻣﻴﻦ ﺍﻟﻠﻰ ﻋﻨﺪﻙ
ﻓﻘﻮﻟﻬﺎ ﻣﺤﻤﺪ ﻋﺒﺪ ﺍﻟﺴﻤﻴﻊ ﻭﻟﺴﻪ ﺑﻜﻤﻞ ﻗﺎﻟﺘﻠﻰ
ﻣﺎ ﻫﻮ ﺩﻩ ﺍﺑﻮ ﺍﺷﺮﻑ ﻳاخى ياخسارة تعليم أهلك فيك والمصاريف اللي بيشقو عشان يوفروهالك
بصراحة معرفتش أرد أقول اية ست كبيرة وشتمتني وأنا قاعد مندهش أصلا