أو

الدخول بواسطة حسابك بمواقع التواصل



https://adlat.net/showthread.php?t=3967
10009 12
#1

افتراضي الحمام المغربى لكل عروس

هبتدي اقول الاول كل المطلوب بالاسعار والصور ومنين واللي محتاج يعرف اكتر يسالني وهرد عليه ان شاء الله


***- ***- ***- ***- ** ***-



اولا الادوات المطلوبه



1- الليفه المغربي



ده شكلها


الحمام المغربى لكل عروس



الحمام المغربى لكل عروس




وفي منها اللي عامل زي الكف


لسه مجربتوش الحقيقه بس نفس النتيجه



سعرها


ب20 – 25 جنيه


وفي نوع ب 9 جنيه وبرده شغاله كويس


المهم تكون اصليه



اللي جربتها وزي الفل كانت ماركه الكسال


ايوة مكتوب علي الكيس بتاعها ماركه الكسال




فايدتها


دي مش زي اي ليفه عاديه ..دي وظيفتها تشيل الجلد الميت اللي ملوش لازمه
بمنتهي الهدوء وبدون ماتسبب التهابات ولا اي مشاكل
لا وفيها ميزه جامده جدا لو تم الانتظام عليها فهي هتعمل تقشير للبشره
والتقشير ده
اوعدكم انه هيشيل الحبوب بتاعت الضهر
واللي علي الرجل من فوق
واللي بتطلع بعد السويت
والشعر اللي بينبت في الجلد ومش بيطلع علي السطح
مش بقولك هتبقي فله شمعه منوره
تمام كده يابناويت خليكوا معايا واحده واحده




اللي بعده

الصابون المغربي



ده شكله


الحمام المغربى لكل عروس



وفي منه السايب وفي اكياس اصغر مجربتهاش الحقيقه انا بقول اللي جربته بس

وسعره
25 – 30

ده بقي الباسورد بتاعت النضافه من غيره الليفه مش هتديكي النتيجه المرجوه ليه بقي؟؟

عشان الصابون ده فيه كل مايمكن انه يفيد بشرتك ويطريها وينعمها ويفتح لونها وينقيها كمان

فله فله يعني






ماء ورد


طبعا كلنا عارفين شكله ايه وزياده تاكيد
اهوه

الحمام المغربى لكل عروس


وسعره بيختلف من نوع للتاني بس النوع بتاع لونا من الصيدليه ب7جنيه ونص
فايده معروفه طبعا
بس للي ماتعرفش بينور بشرتك ويورد لونك كده وتونك ممتاز للبشره
وبيستعمل في اخر الحمام المغربي عشان يغنوالك وكل خد عليه خوخه




لمونه


الحمام المغربى لكل عروس



اظن دي سهله وياستي لو مش عندك ابقي اشحيتها من الجيران
اللي بعده



عشبه الداد
دي صورتها

ونخلي بالنا اوي من العشبه دي
العشبه دي بتفتح كل الاماكن السمرا في جسمك بس تتعاملي معاها بحذر وزي ماهقولكم بالظبط ومش عاوزه افتكاسات
سعرها
الربع كيلو ب25 - 30 جنيه


***- ***- ***- ***- **

الطمي المغربي

ده شكله


الحمام المغربى لكل عروس


وانا بجيبه سايب من عند العطار
الربع كيلو ب 25 جنيه واوقات ب20
مهم موووووووووووت هيتوغل في بشرتك ويشيل الشوائب ويعقم جلدك ويخلي بشرتك حرير والاستمرار هيفتح اللون برده
شوفي كم حاجه بتفتح اللون في الحمام ده
مش بقولك فله واشطه كمان


***- ***- ***-



حجر للكعوب

شكله اهوه وب 5 جنيه فقط


الحمام المغربى لكل عروس


ماااعتقدش في حد مش عارفه فايدته ايه
واستنوا بقي معايا
بخصوص الكعوب دي هقولكم علي حركه تهوووووووووس تخلي كعب رجلك احمر ويجنن



ملاحظه مهمه :




عشان ابقي مطمنه بجيب الحاجات دي بالاسعار دي من عند حراز
ومش بجيب من حد غيره لاني اساسا معرفش حد غيره
ممكن التانين كويسين وزي الفل بس انا بتكلم عن تجربتي انا وبس



الخطوات بقي يابناويت
خلاص بقي جبنا كل حاجه وكل تمام وداخلين علي الشاور التمام



1 – بصي ياعروسه منك ليها بقي
عندك اختيارين لو عندك بانيو هتمليه بميه سخنه علي قد ماربنا يقدرك ووتكوني قافله الشبابيك كويس عشان يبقي الحمام مليان بخار والدنيا حواليكي مشبره اوي
واتنقعي فيه بتاع ربع ساعه علي الاقل لو تقدري اكتر وماله مايضرش
معندكيش يبقي تقفي زي الشطوره تحت الدوش 10 دقايق ميه سخنه وياريت قبل متدخلي تحت الميه تفتحي الدش قبل الحمام بشويه عشان البخار
اكرر البخار اهم حاجه والميه لازم تكون اسخن حاجه جسمك يقدر يتحملها





* ملاحظه مهمه تاني :
انقعي الليفه المغربي لو هتستعمليها لاول مره في ميه سخنه مغليه لمده نص ساعه هي والحجر بتاع الرجلين
هاتي طبق وفيه ميه سخنه مغليه وحطي الاتنين فيها نص ساعه




2 – قومي بقي ياقمر فضي البانيو بتاعك واقعدي علي الحرف بتاع البانيو وادهني جسمك بالصابون المغربي دهان هيبقي لزج وشكله عامله زي العسل الاسود كده مش سايل اوي يعني بس لزج وخليه يغطي جسمك كله



3 – سيبيه علي جسمك من 20 – 30 دقيقه والله كل ماتفضلي اكتر طلع نتيجه اكبر


بصي بقي اعملي حسابك الحمام ده علي الاقل بياخد بتاع ساعه ونص هاتي معاكي مجله عشان مش تزهقي من القعده بس النتيجه تستاهل الانتظار وهتبقي مدمنه وتكرريه كل يومين تلاته والله وعن تجربه




بص ياقمر منك ليها
وانتي قاعده بتستني انتهزي الفرصه واعملي لشعرك حمام كريم
ولما تخلصي تدليك فروه راسك (طبعا من غير ماتخلي الميه تزحلق الصابون ياحلوه)
انزلي بقي بالحجر علي كعوب رجليك واديهاااااااااااا
افركي فيها لحد ماتجيب بترول ..خلاص خلصتيها تمام
بصي علي الساعه ..فاتت النص ساعه



4- قومي اشطفي جسمك بالميه السخنه كووووووووووويس اوي وشيلي بايديكي كل اثار الصابوووووون تماما بايديكي موش الليفه



5 – دوقتي بقي طلعي الليفه من الطبق اللي كنتي ناقعاها فيه والبسيها في ايدك ودلكي جسمك دواير دواير الاول بضغط خفيفه وبعدها ذودي الضغط علي قد ماتقدري
ماتستعجليش
بعد خمس دقايق بس من التدليك الجلد الميت هيبتدي يقع قدامك علي الارض
والفضيحه هتبان واحمدي ربنا ان الحكايه دي مش علي الهوا
دلكي وادعكي بانتقام كل الاماكن السودا او الغامقه
الركب – الكعوب – الكوع - مفاصل الرجل
واتعاملي بحذر بالغ في المناطق الحساسه او للي جلدها رقيق
( فاهمني ها)
زي الرقبه مثلا
بصي لو عندك بقي حبوب في اعلي الفخد او اعلي الضهر دلكيها بضغط متوسط
ولو ناويه تعملي سويت بعد الشاور ده يبقي دلكي جسمك جامد عشان يعمل سنفره ويسهل الحدوته دي




6 – اشطفي جسمك كويس بالميه هتلاقي جلدك بيلمع من النضافه ياعروسه
تعالي هنا رايحه فين انتي ماصدقتي ولاايه
لسه ماخلصتش



7 – بسرعه هاتي طبق صغنن حطي فيه معلقيتن من عشبه الداد
بس خلي بالك العشبه دي ماينفعش تتحط علي الوش ولاتقربيها من نفسك خاااااااااااالص



المهم تحطي معلقتين منها في طبق وعليه نص لمونه وتحطي عليهم ميه ورد وتعجنيها بيها عجينه نص سايله وحطيها علي جسمك 5 دقايق بالعدد وخصوصااااااااااا الاماكن الغامقه منه




8 – اشطفي جسمك تاني

9 – معلش عارفه انك زهقتي بس النتيجه والله تستاهل التعب وكله يهون من اجل جسم بلاشوائب ولاعيوب ولاايه؟؟؟؟؟؟

هاتي طبق تاني وحطي فيه 3 معلقه كبيره طمي مغربي واعجنيه بميه ورد ونص اللمونه التاني لحد ماتبقي عجينه الي حد ماسائله برده
وزعيها علي جسمك كله وانتظري 10 دقايق المره دي



10 – اشطفي جسمك حلو اوي المره دي بميه دافيه مش سخنه

11 – ياريت لو تحضري ازازه بلاستيك من بتوع الجلانس لو عندك واملي نصها ميه ورد ووربع كوبايه ميه عاديه ونقطتين زيت ورد او زيت ياسمين او زيت لافندر
الازازه ب 5 جنيه وتحطي نقطتنين بس مش اكتر
ورشيها علي جسمك واستني دقيقه ينشف ونشفي جسمك واطلعي ياعروسه

12- الفااااااااااااينل بتاعتنا بقي
وانتي لسه بالبشكير
هاتي ازازه زيت بيبي جونسون وكم نقطه في ايديكي ودلكي جسمك عشان الترطيب




احلي الاسرار بقي
عارفه دم الغزال اللي بيتباع عند العطار
اه اللي بيعجنوا بيه الحنه
هاتي منه ب2 جنيه بس

وهاتي علبه فاضيه بتاعت كريم مرطب وليكن ايفا بالخيار عشان الجسم بيمتصه بسهوله وحطي علي العلبه (هاتي اصغر حجم ) مقدار راس كبريت بالظبط من دم الغزال ..بنات ماتحطيش راس الكبريت نفسها انا بقوووووووول في حجمها فقط


مش عاوزه نصاحه زياده
واخلطي الاتنين ببعض هتلاقي الكريم بقي لونه بينك غامق شويه
ودلكي بيه ياقمر كعوب رجليك وياسلام لو تلبسي بقي عليها شراب لحد ا لصبح
هتصحي تلاقي كعوبك حمرا اسبوووووووع



إظهار التوقيع
توقيع : احمر شفايف
#2
هااااااايل

تسلم الايادى

#3
تسلم الايااااااااادى
إظهار التوقيع
توقيع : فتاة مسلمة
#4

افتراضي رد: الحمام المغربى لكل عروس

السلام عليكم انا شفت ما كتبت عن حمام المغربي وبما اني مغربية اقول افضل شئ ان تعمل في الاول على جسمها شوي من عشبة الداد والحنة مع ماء دافي وتبقى به ربع ساعة وتغسل وتعمل صابون المغربي ثم الليفة
#5

افتراضي رد: الحمام المغربى لكل عروس

تسلمى ومشكوره
#6

افتراضي رد: الحمام المغربى لكل عروس

رد: الحمام المغربى لكل عروس
إظهار التوقيع
توقيع : جوهرة القلوب
#7

افتراضي رد: الحمام المغربى لكل عروس

انا كنت ابحث عن معلومات عن الحمام المغربي دى و فجأة إجاني في طبق من ذهب مرسي حبيبتي
إظهار التوقيع
توقيع : kouka.foula
#8

افتراضي رد: الحمام المغربى لكل عروس

https://adlat.net/showthread.php?t=211153
#9

افتراضي رد: الحمام المغربى لكل عروس

شكرا لك على الموضوع حبيبتى

#10

افتراضي رد: الحمام المغربى لكل عروس

رد: الحمام المغربى لكل عروس

إظهار التوقيع
توقيع : بهية المصرية
#11

افتراضي رد: الحمام المغربى لكل عروس

رووعة تسلمي يا قمر

#12

افتراضي رد: الحمام المغربى لكل عروس

رد: الحمام المغربى لكل عروس
إظهار التوقيع
توقيع : NINAKAHINA
#13

افتراضي تنبيه اداري

تم نقل الموضوع من قسم العناية والجمال.
بواسطة : ЙǑŏƒ

أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
انواع الحمام ما هى انواع طيور الحمام لافالانتينا عالم الحيوانات والطيور
إزالة بقع الحمام ومنع الروائح الكريهة زهرة الأوركيدا افكار وتجارب منزلية
أغلى أنواع الحمام في العالم , معلومات عن اغلى انواع الحمام , صور لاغلى انواع الحمام صفاء الحياة عالم الحيوانات والطيور
الحمام المغربى والحمام العطرى بافضل الاسعار خبيرة تجميل طبيعى سوق عدلات النسائي العام
الحمام المغربى , طريقه عمل الحمام المغربى ,كيفيه عمل الحمام المغربى 2024 السفيرة عزيزة العناية بالجسم


الساعة الآن 12:47 AM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل