أو

الدخول بواسطة حسابك بمواقع التواصل

#1

جديد ملف شامل عن الاستعداد لرمضان اي ايمانيا و دعويا و منزليا

ملف شامل عن الاستعداد لرمضان إيمانيا ودعويا ومنزليا
السلام عليكم ورحمة الله وبركاته

كل سنة وانتو طيبين احنا خلاص بدأنا شهر شعبان
يعني العد التنازلي على رمضان بدأ خلاص
فانا فكرت اني اعمل موضوع شامل عن الاستعداد لرمضان
لأن انتو عارفين إن رمضان شهر مش زي أي شهر
ربنا وضع فيه من المنح والأجور مالم يضعه في شهر آخر
يبقى احنا كمان لازم يكون استقبالنا له مختلف...
والرسول صلى الله عليه وسلم (ماتصلي عليه يااخوات منك ليها هههههههههه) قال: " رغم انف امريء ادرك رمضان ولم يغفر له"
انا مش هاطول عليكم كتير
انا عملت الموضوع دة عشان انا عاوزة استعد لرمضان من نواحي كتير فقلت أجمعها مع بعض عشان نستعد سوا ونشجع بعض
بداية كدة الاستعداد لرمضان بيكون في 3نواحي:




1.استعداد ايماني
2.استعداد دعوي
3.استعداد منزلي.


هانمسك بند بند ونقول هانعمل فيه ايه باختصار
وهاخلي الاستعداد المنزلي آخر حاجة عشان انا عارفة انه اكتر حاجة بتشغل بالنا وكمان وقتنا
وان شاء الله لما نطبق سوا الموضوع دة هاتحسي بجد برمضان مختلف زي مانا حسيته قبل كدة

نبدأ على طووووول على بركة الله مستعينين بالله وحده
ونقول بسم الله



إظهار التوقيع
توقيع : حفيدة عائشة
#2

افتراضي رد: ملف شامل عن الاستعداد لرمضان اي ايمانيا و دعويا و منزليا

أولا :الاستعداد الإيماني:
ودة أهم حاجة عشان مايبدأش رمضان وآجي أدور على قلبي ملقيهوش..وتلاقي الواحدة مننا عاملة جدول راااااااااائع من العبادات ولكن...فين قلبها؟؟!

عشان كدة لالازم ننضف قلبنا ف الاول...طيب ازاااااااي؟؟




هما حاجتين هاتركزي عليهم وشوفي النتيجة

أولهم :الاستغفار
طب نعمل ايه يعني؟
اولا هاتلزمي الاستغفار..احنا أهو بنبدأ شهر شعبان ..يعني معانا شهر تقريبا الا كام يوم
كل يوم هانستغفر على الاقل 1000مرة (ألف مرة)
واوعي تقولي كتير ...انتي لو بعد كل صلاه هاتستغفري 200مرة ودول مش بياخدوا 3دقايق على بعض هاتجيبي ال ألف مرة ف اليوم كله
وياريت تكوني مركزة وانتي بتستغفري على ذنوبك...بس افتكريها ..وشوفي احساسك بالاستغفار هايكون ازاي
من باب التوبة
واحدة بتقول واتوب من ايه يعني انا مش بعمل حاجة عشان اتوب منها ...ياااااااااا
لو تعرفوا يابنات احنا قد ايه مخطئين في حق الله وفي حق انفسنا والله نبكي ليل نهار على حالنا
يكفينا والله يابنات اننا نتوب من الغفلة وتضييع الوقت..ومن الغيبة كل يوم ف الموبايل مع صحبتك ولا قريبتك ومن تضييع الوقت طول اليوم ع النت
محتاجين نتوب من تقصيرنا مع ولادنا وبيتنا وأهلنا محتاجين نتوب من تأخير الصلاة ..انتي بس فكري كويس هتلاقينا بنعمل بلاوي ومش داريانين.
فاضل كمان حاجة صغنونة هاتزوديها مع الاستغفار والتوبة في شهر شعبان وهي جدول صغير هانمشي عليه سوا من باب تحفيز الهمة كأنه تسخين كدة استعدادا لرمضان
وبكدة يبقى نضفنا قلبنا بالتوبة والاستغفار ودربنا جوارحنا على الطاعة
وآآآآآآآآآدي الجدول:
1.سبحان الله وبحمده 100مرة
2.استغفار 1000مرة
3.لا اله الا الله وحده لاشريك له له الملك وله الحمد وهو على كل شيء قدير100مرة
4.الصلاة على النبي 100مرة
5.أذكار الصباح والمساء
6.صلاة الضحى (ركعتين على الاقل)
7.القيام ولو بركعتين قبل النوم مع الدعاء
8.ورد القرآن بحد أدنى حزب (نص جزء)وبحد أقصى 10اجزاء يوميا
9.قراءة سورة الملك
10.السنن النوافل وعددهم اجمالا 12ركعة
11.ربع ساعة خلوة مع الله (تبتل) ودة اكيد لما عيالك وجوزك يناموا
12.التحلي بالاخلاق الحميدة في كل تعاملاتك




وكدة يبقى خلصنا الاستعداد الايماني وفاضلنا الاستعداد الدعوي و المنزلي
تابعوني ف المشاركة الجاية محدش يرد

إظهار التوقيع
توقيع : حفيدة عائشة
#3

افتراضي رد: ملف شامل عن الاستعداد لرمضان اي ايمانيا و دعويا و منزليا

ثانيا : الاستعداد الدعوي:
يعني ايه اصلا استعداد دعوي؟؟!
يعني عشان همتك تعلى ف رمضان لالالالالازم تأمني على عبادتك يعني تصحصحي اللي حواليكي للعبادة عشان همتك ماتفترش
بلاش تبخلي بمعلومة عرفتيها وبلغيها لغيرك ..عشان زي ماهاتستعدي لرمضان غيرك كمان يستعد زيك وانتي تاخدي حسنات مضاعفة
ازاااااااااي؟؟
1.. ذكري الناس بالابتعاد عن التليفزيون والمسلسلات
لأنه خرااااااااب للوقت كمان المسلسلات السنة دي مركزة جدا على تشويه الاسلام والملتزمين بشكل بشع...واوعي واحدة تقولك انا بتفرج تسالي بس لالالالا قوليلها كل اللي بتشوفيه عقلك بيتأثر بيه وبيخزنه ومع الوقت بيقتنع بيه وبيأثر سلبا عليكي
2. انشري أي مادة بتتكلم عن الاستعداد لرمضان ..درس لشيخ او فيديو ع النت ...مطوية صغيرة توزعيها ف الترام ولا المترو ولا مكان شغلك ولا بين جيرانك ...ذكري الناس على الفيس (ممكن تنسخي من الموضوع دة وانشريها على الفيس بتاعك



فاضل التقيل بقى هههههههههههه الاستعداد المنزلي ودة المشاركة الجاية
اوووووووووووعي تردي ولا اوعي تكوني نمتي مني ههههههههههه


إظهار التوقيع
توقيع : حفيدة عائشة
#4

افتراضي رد: ملف شامل عن الاستعداد لرمضان اي ايمانيا و دعويا و منزليا


ثالثا : الاستعداد المنزلي
نيجي بقى للاستعداد المنزلي ودة مهم جدااااااااا وانا هاقسمه ل4جوانب صغيرة بس مهمة جدا جدا :
1.تجهيز الفريزر 2.تنفيض البيت 3.تزيين البيت بزينة رمضان 4.شراء مستلزمات مهمة.


1.تجهيز الفريزر: انا عن نفسي دة من أهم استعداداتي لرمضان عشان أقلل النزول ف الصيام وأوفر وقتي
طيب هانجهزه بإيه؟
*البصل :هاتي كمية وافرميها ف الكبة وشوحيها زي بتاعة الطبيخ وقسميها على كياس على قد الاكلات( اعملي كتير وهاتنفعك قبل وبعد رمضان كمان)


*الملوخية: هاتي ملوخية وقطفيها واغسليها وسيبيها تنشف وشيليها ف كياس وع الفريزر عدل كدة وهي ورق...اه والله الطريقة دي ممتازة جدا ربنا يبارك ف اللي علمتهالي وساعة الاستخدام تكون الشوربة ع النار بتغلي ..طلعي كيس الملوخية وبسررررعة ع الكبة قبل مالورق بتاعها يفك ولفي الكبة هاتتكسر حتت صغيرة خالص قومي ساقطاها ف الشوربة وكلي أحلى ملوخية وادعيلي وادعي لصاحبة الفكرة اكتر


*الطماطم انا عن نفسي هاستنى لما ترخص شوية وأخزن والا ...هاشتري صلصة لحد ماربنا يكرم والطماطم سعرها يتعدل


*انواع خضار مختلفة :زي الفاصوليا والبامية ..شوفي انتي بتحبي ايه وخزنيه


*لحمة مفرومة ودي هاتحتاجيها ف حاجات ياما ...وممكن تشيليها متبلة بالبصل أو متعصجة جاهزة


*صدور بانيه متبلة وع القلي أو متقطعة للشاورمة.


*بطاطس وقطعيها صوابع واسلقيها دقايق (يادوب غلوة ) وشيليها ف كياس وتطلع ع القلي برضه تبقى زي فارم فريتس


*ورق عنب ودة له كذا طريقة ف التخزين وكل واحدة ليها طريقتها(انا باخده غلوة اقل من دقيقة وانشله من المية واشيله ف كياس


*خلطة المحشي: الخضرة والبصل والطماطم والمله والبهار وف الكبة وعن الاستخدام تطلعيها تفك وتضيفي عليها الرز وتحشي بالهنا

ملحوظة الطريقة دي للناس اللي بتعمل المحشي ني ف ني والله بيكون طعمه تحفة وأخف من المسبك


2. تنفيض البيت :


بصي النهاردة 3شعبان ولازم نستقبل الشهر الفضيل وبيوتنا منورة وزي الفل لأن دة أكرم ضيف بيجيلنا يبقى لازم احنا كمان نحسن استقباله
شوفي التنفيض بياخد منك كام يوم مثلا 3 ايام يبقى تنفضي قبل رمضان ب 5 ايام (عشان اخر يومين قبل رمضان تريحي قبل الصيام)
طيب النهاردة لسة 3شعبان ..اعمل ايه ف البيت؟
دلوقتي هاتعملي الحاجات المستخبية زي أدراج البوفيه والسراحة ودواليب المطبخ واوضة النوم والاخيرة دي ان شاء الله هتلاقيها مترتبة لأننا كنا لسة مطلعين الهدوم الصيفي فيها
وبكدة هايفضلك ساعة التنفيض الحاجات الخفيفة اللي فوق الوش

3. تزيين البيت بزينة رمضان:
ودي لازم جدا جدا عشان عيالنا يحسوا بحاجة مختلفة ..زي مابيفرحوا بقدوم العيد لازم نحببهم ف قدوم رمضان
طيب هانعمل ايه؟؟
انا عن نفسي عندي ورق أعمال هاقصقصه على شكل فوانيس وألضمه ف حبل وأعلقه ف أوضتهم
وياسلام لو تكتبي على الفوانيس عبارات زي : اهلا رمضان –شهر الصيام-شهر الطاعة –وهكذا..........
وكمان في لمبة فيشة كدة (سهارة او وناسة اسمها)بتكون على شكل هلال ونجوم هاتيها هايفرحوا بيها.

إظهار التوقيع
توقيع : حفيدة عائشة
#5

افتراضي رد: ملف شامل عن الاستعداد لرمضان اي ايمانيا و دعويا و منزليا

.شراء مستلزمات مهمة:
ربنا يرضى عنك بلاش تضيعي وقتك ف رمضان ف السوق...هدوم العيد ممكن تتجاب اليومين دول
ولو انتي عندك امكانية وبتحبي تشتري حاجات جديدة للبيت ملايات وستاير وكدة برضه اشتري قبل رمضان
يعني هاتي ورقة واكتبي فيها كللللللللل احتياجاتك من السوق عشان ماتشتريش حاجة ف رمضان ومهم جدا ترتبي أولوياتك عشان الميزانية ماتبوظش ههههههههه

انا كدة خلصت الحمد لله
عاوزة اقولك انك لو ماستعنتيش بالله ف اللي هاتعمليه مش هاتنجزي أي حاجة
كمان الموضوع لو تلاحظي فيه شراء كتير وتجهيزات للفريزر وكل دة لو مصاريفه ..صدقيني ربنا هايبارك وهاتجيبي كل حاجتك وكل واحدة ادرى بظروفها وظروف زوجها ..اشتري على قدر طاقتك من غير ماتجهدي نفسك
مافاضلش غير اني افكرك بحاجة مهمة جدا
وهو التقييم
احتسبي انك لو قيمتي الموضوع بسببك انتي هايتثبت وغيرك يقراه ويبقى في ميزان حسناتك انتي عشان قيمتي
انا نفسي الموضوع يتقيم النهاردة لغاية آخر يوم ف شعبان عشان كل البنات يشوفوه
تحياتي لأحلى أخواتي ف الدنيا كلها
أسأل الله العلي القدير أن يفتح لي قلوب عباده ويرزقني الصدق آمين يارب
وياريت الموضوع يتثبت للافادة
منقوول للامانة

إظهار التوقيع
توقيع : حفيدة عائشة
#6

افتراضي رد: ملف شامل عن الاستعداد لرمضان اي ايمانيا و دعويا و منزليا

رد: ملف شامل عن الاستعداد لرمضان اي ايمانيا و دعويا و منزليا
إظهار التوقيع
توقيع : fatma7072
#7

افتراضي رد: ملف شامل عن الاستعداد لرمضان اي ايمانيا و دعويا و منزليا

شكرا لك
إظهار التوقيع
توقيع : ريموووو
#8

افتراضي رد: ملف شامل عن الاستعداد لرمضان اي ايمانيا و دعويا و منزليا

بارك الله فيكى
إظهار التوقيع
توقيع : ندى ام
#9

قصة رد: ملف شامل عن الاستعداد لرمضان اي ايمانيا و دعويا و منزليا

ممشكوووووووورة
إظهار التوقيع
توقيع : ام بووتى
#10

افتراضي رد: ملف شامل عن الاستعداد لرمضان اي ايمانيا و دعويا و منزليا

يسلمووووووووو يا قمر
إظهار التوقيع
توقيع : محبه لله
#11

افتراضي رد: ملف شامل عن الاستعداد لرمضان اي ايمانيا و دعويا و منزليا

ينقل لافكار وتجارب منزلية
إظهار التوقيع
توقيع : محبه لله
#12

افتراضي رد: ملف شامل عن الاستعداد لرمضان اي ايمانيا و دعويا و منزليا

يتصفح الموضوع حالياً : 9 (3 عدلات و 6 زائرة) ‏محبه لله, ‏ام لوك لوك, ‏ام بووتى
إظهار التوقيع
توقيع : محبه لله
#13

افتراضي رد: ملف شامل عن الاستعداد لرمضان اي ايمانيا و دعويا و منزليا

رد: ملف شامل عن الاستعداد لرمضان اي ايمانيا و دعويا و منزليا
إظهار التوقيع
توقيع : هبه شلبي
#14

افتراضي رد: ملف شامل عن الاستعداد لرمضان اي ايمانيا و دعويا و منزليا

مشكووورة
إظهار التوقيع
توقيع : الملكة نفرتيتي
#15

افتراضي رد: ملف شامل عن الاستعداد لرمضان اي ايمانيا و دعويا و منزليا

برافوا عليكى
إظهار التوقيع
توقيع : ام لوك لوك
#16

افتراضي رد: ملف شامل عن الاستعداد لرمضان اي ايمانيا و دعويا و منزليا

يسلموووو ياقمري
إظهار التوقيع
توقيع : لولو حبيب روحي
#17

افتراضي رد: ملف شامل عن الاستعداد لرمضان اي ايمانيا و دعويا و منزليا

نورتوني بردودكم الجميلة
إظهار التوقيع
توقيع : حفيدة عائشة
#18

افتراضي رد: ملف شامل عن الاستعداد لرمضان اي ايمانيا و دعويا و منزليا

بارك الله فيكى
#19

افتراضي رد: ملف شامل عن الاستعداد لرمضان اي ايمانيا و دعويا و منزليا

نورتووووني
إظهار التوقيع
توقيع : حفيدة عائشة
#20

افتراضي رد: ملف شامل عن الاستعداد لرمضان اي ايمانيا و دعويا و منزليا

تسلمي يا قمر وتسلم افكارك ويجعله رمضان سعيد على مصر كلها يا رب وتستقر بلدنا الغالية وعلى المسلمين في كل مكان
بس انتي متاكدة من موضوع الملوخية ده ؟

إظهار التوقيع
توقيع : م عدولة
#21

افتراضي رد: ملف شامل عن الاستعداد لرمضان اي ايمانيا و دعويا و منزليا

جازاكى الله خير اللهم بالغنا رمضان
#22

افتراضي رد: ملف شامل عن الاستعداد لرمضان اي ايمانيا و دعويا و منزليا

تسلم ايدك
إظهار التوقيع
توقيع : ندودى
#23

افتراضي رد: ملف شامل عن الاستعداد لرمضان اي ايمانيا و دعويا و منزليا

تسلم عيونك بارك الله فيكي وجعله الله في ميزان حسناتك
إظهار التوقيع
توقيع : مونه الامورة
#24

افتراضي رد: ملف شامل عن الاستعداد لرمضان اي ايمانيا و دعويا و منزليا

نورتوني
اللهم بلغنا رمضان

إظهار التوقيع
توقيع : حفيدة عائشة
#25

افتراضي رد: ملف شامل عن الاستعداد لرمضان اي ايمانيا و دعويا و منزليا

رد: ملف شامل عن الاستعداد لرمضان اي ايمانيا و دعويا و منزليا
إظهار التوقيع
توقيع : المعتزة بخمارها
#26

افتراضي رد: ملف شامل عن الاستعداد لرمضان اي ايمانيا و دعويا و منزليا

نورتوني عدولات
اللهم بلغنا رمضان

إظهار التوقيع
توقيع : حفيدة عائشة
#27

افتراضي رد: ملف شامل عن الاستعداد لرمضان اي ايمانيا و دعويا و منزليا

جزاكى الله خيرا حبيبتي
بلغنا الله وإياكم رمضان

#28

افتراضي تنبيه اداري

تم نقل الموضوع من قسم افكار وتجارب منزلية.
بواسطة : أم أمة الله

أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
ملف شامل لكل أنواع الكنافة لرمضان نورا 2013 الحلويات الشرقية والغربية
ملف شامل للعصائر بالصور2024 _ مشروبات رمضانية,عصاير رمضان1435 ♥ احبك ربى ♥ مشروبات وعصائر طبيعية
ملف شامل لطرق مختلفه لعمل المربى من تجميعى تعرفى على طرق منوعه لعمل الربات لرمضان 015 هبه شلبي الحلويات الشرقية والغربية
ملف كامل عن الاستعداد لرمضان نشالله يعجبكم Biby استشارات ونصائح مطبخية
كيفيه الاستعداد لرمضان بكل الطرق! جنان الخلد عدلات في رمضان


الساعة الآن 01:16 PM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل