لـــــــــــبــــــــنـــ ــــــان

إضافة رد أضف للمفضلة حذف من المفضلة

https://adlat.net/showthread.php?t=164950

بياناتي

Milla William

عضوة برونزية

بيانات العضوة

رقم العضوية : 15461
تاريخ التسجيل: 123Aug 2011
الدولة : لبنانية اوروبية
المدينة : سويسرا
الحالة الاجتماعية : اسرونيما لوكينا
الوظيفة : على طول في مصنع ش
المشاركات: 2,091 [+]
الأصدقاء : 77
نقاط التقييم : 10

لـــــــــــبــــــــنـــ ــــــان

مرة عيطلي بييي
قلي قرب يا ولد
بدي فهمك شوية
عن مشاكل البلد
وخبرني انو جدي
مرة عيطلو كمان
قلو قرب لحدي
بدي خبرك عن لبنان
من زمان كتير كتير
الله خلق هالاكوان
وخلق هالبلد الصغير
ونقالو اسم لبنان
كان جوه متل السحر
وكانت رجال رجالو
شو كاين نضيف البحر
يغسل اجران جبالو
كانت العيشة حلوة
والرزقة يا ماشالله
وكروم العنب بلوة
وتفاحا هيك اسم الله
يرمي الشبكة هالصياد
تطلع مليانة الشبكة
ما تخلص منو الاعياد
الطقش والفقش والدبكة
وكتر ما تغرد الطيور
تصفي صواتا مبحوحة
والناس تنام بالهلليل
تاركة بوابا مفتوحة
صداقة حب وامان
محبة ونشاط وحركة
كان طيب الانسان
ماشي وعايش عالبركة
توفى جدي هالمسكين
وما كفالو الخبرية
ومرت عالخبرية سنين
وكفالي ياها بيي
قلي فجأة متل البرق

صار بلد ازدهار
اسمو صار سويسرا الشرق
ليلو مضوي متل النهار
هالجاية وهالرايح
ليقضي سهرات الكيف
يجي لعنا السايح
يبقى لآخر الصيف
العرق والكبة النية
التبولة والقطايف
عيشة حلوة وهنية
لا أديان وطوايف
منتشاوف نحنا من هون
وهيدي لالنا البيوت
ما ضل مطرب بهالكون
إلا وغنى لبيروت
بيروت يا العيش الهني
بيروت يا ست الدني
بيروت مهد الحضارة
شارع سرسق والمنارة
بيروت امنا الحنونة
عالروشة وعالزيتونة
وكتر ما غنوا لبيروت
طرقوا صيبة عين
ما عادت تعرف بيروت
القذايف عم تيجي منين
يقعد حسن وبشارة
مع بعضون عحدود التماس
فنجان قهوة وسيجارة
يتسلو ويحكو عالناس
ولم يعطيون اشارة
يبلشوا عبعضن قواص
صفى في عندو بيتين
بيملكن كل لبناني
بيتو الاول مدري وين
والملجأ بيتو التاني
وعالم صفت بلا بيوت
لا تاني ولا اولاني
وناس ايدو التوطين
وناس احتجو وقالو لأ
ما نعرف الحق عمين
وليش البلد هيك انشق
والحكام المرتشيين
يحطو عغيرون الحق
جوا جيابهون ملتهيين
ونحنا عمناكول الدق
ودخل بيناتنا الغريب
وداهمتنا اسرائيل
هيدا خيي وهيدا حبيب
وهيدا صهر وهادا عديل
المهم خربوا البلاد
والامل صفى قليل
بمية دولار البنزين
تحصل منو شي قليل
ولتحصل عالخبزات
ساعة بالصف الطويل
رجال ونسوان بالهصف
بالشوابات وبالبرد
واحد يخرقلك الصف
عخسرو حامل فرد
عأيام جدك يا ابني
بوابنا تضلا مشروعة
وعإيامي بعدا هيك
بس هالمرة مخلوعة
ما بنسى هالخبرية
ما بنسي بهيك اليوم
قام بيي
وقلي انا فايت عالنوم

إظهار التوقيع