أو

الدخول بواسطة حسابك بمواقع التواصل

#1

مميز تيجي نبدأ صفحة جديدة مع ربنا ونحقق كل احلامنا

السلام عليكن ورحمه الله وبركاته

(حملة) مع ربنا هفتح صفحة جديدة وهكون انسانه سعيدة


السلام عليكم ورحمة الله وبركاته

ازيكم يابنات ايه اخباركم يارب تكونوا كويسين دايما

الحقيقه انا بقالي فترة بفكر اني عايزة اعمل موضوع يكون زي الموسوعه في كل حاجه ممكن نحتاجها او نعملها او نقولها احنا كبنات مسلمين



(كلمه بنات دي اقصد بيها البنوته الانسة والمتزوجه لحسن حد يزعل مني)

بصو بقى ياقمرات
مين مننا مش عايزة ربنا يكون راضي عنها دايما؟؟
اكيد كلللللللنا بنحلم ان ربنا يحبنا ويرضى عننا علطول وميزعلش مننا ابدا
واكيد بنقعد نقول طب ازاي نوصل لكده واحنا بنعمل ذنوووووب؟

باذن الله انا هعرفكم ازاي نوصل لكده

الجروب دا هيبقى هدفه الاول والاخير الوصول لارضاء الله
وبالتالي لما نوصله عمرنا ما هنتعب في حياتنا
وبالتالي هنكون دايما ان شاء الله بالنا مرتاح ووشنا منور وقلوبنا فرحانه وراضيه

يااااااه ع الاحساس دا مين فيكم جربه؟
اكيد كلنا عشناه في فترة من عمرنا بس ضاع تاني الا قليل





عارفه لو وصلتي لحب ربنا هيحصلك ايه؟
1-هتحسي دايما برضا عن نفسك حتى لو غلطتي هتستغفري وهترجعيله بسرعه
2-مفيش دعوة هتدعيها الا وربنا هيحققهالك باذنه ومن قبل ما تطلبي كمان
3-ربنا هيسخرلك الناس دي كلها لراحتك يعني مش هيخليكي محتاجه اي حاجه من حد
4- ربنا مش هيخليكي تشوفي ولا تسمعي ولا تعملي الا كل حاجه ربنا بيحبها

دا غير بقى النور ايلي هيبقى على وشك
وغير ان ربنا هيحبب كل خلقه فيكي
وغير راحه بالك ايلي مش عارفين نوصلها والسعاده ايلي هتكون ف قلبك حتى في وقت الضيق

وحاجات كتييييييييير مش هيكفي اننا نتكلم فيها

وحاجات اكتر في الاخرة

مين يابنات عايز يبقى كده...يوصل لرضا وحب ربنا؟

الموضوع مش صعب بالعكس سهل جداااا
بس اجتهدوا
هنبدأ من الصفر خطوه خطوة
هنقول لحياتنا وعلاقتنا بربنا نقطــــــــــــــــــــــــــة ومن اول الســــــــــــــــــطر.

يعني انسي كل ايلي فات حلو او وحش
يلا بينا نشجع بعض ونبدأ صفحه جديده مع ربنا نوصل بيها لحبه ورضاه
ونوصل كمان للجنه باذن الله

البروجرام هيبقى كالتالي:
كل 3 ايام او اسبوع على حسب يعني(هيتحدد في كل محاضرة) هنزل محاضرة جديده
عن عبادة محدده وهكلمكم عنها
انا مش هألف من عندي
لا
هجيب على كلامي دليل من القرءان او السنه النبوية
وهحدد في اخر المحاضرة واااااااااجب نعمله وانا اولكم هعمله باذن الله
ونيجي نكتب هنا تقارير اننا عملناه
وهتاخدي عليه درجات ونشوف مين الاول ومين التاني وهكذا

الاسلوب دا هيشجعك ويشجعني اننا نستمر باذن الله ونزيد العبادات واحده واحده لحد مانوصل باذن الله لاعلى درجه

متخافوش انا مش هتقل عليكم بالعكس هنبدا خطوة خطوة من الصفرررر

بس يلا انا كمان محتاجه تشجيع منكم بصراحه
مين هيبدأ معايا ويشترك في الجروب؟ وعلى فكرة الدعوة عااااامة انا لو عليا عايزة كل المنتدى يشترك هههه علشان الثواب يعم


الواجب بقى من اولها كده هههههه وانتو سخنين:
التقييم للموضوع ممتاز طبعا ههههههه معلش بس عشان يتثبت وميتوهش منكم وتنسوه
2-على ما الموضوع يتثبت ان شاء الله احفظوه عندكم في المفضله او(favorite
عشان تلاقوه علطول بسهوله باذن الله
3- مطلوب من كل بنوته منكم تعرفنا بنفسها وتكتبلنا هدفها ايلي عايزة توصله عموما سواء للدنيا او الاخره
4-لو ليكي اصدقاء هنا في المنتدى او حتى معرفه سطحية كده ابعتلهم الموضوع دا عشان تاخدي ثوابهم وهما كمان يستفادو وياخدو ثواب

بنات.. ربنا يعلم انا تعبت عشان اجمع مادة الموضوع دي اد ايه ايلي ناويه اعرضها عليكم لسه باذن الله فعايزة تشجيع
والله حتى لو لقيت بنوته واحده بس عادي هنبدأ سوا انا وهي وهيبقى تشجيع برده
متنسوش الموضوع دا هيبقى صدقه جاريه ليكم وهيبقى شاهد لكم يوم القيامه
مين عالم يمكن يكون سبب في دخولكم الجنه باذن الله

حاجة اخيرة حبيت اقولهالكم
الحمد لله يابنات انا واعوذ بالله من كلمة انا قدرت خلال الفترة ايلي فاتت مع انها فترة قصيرة بس قدرت اتقرب اووي الحمد لله من ربنا وانعم عليا بحاجه حلوة اوووووووي يارب تنولها وتنولوا اكتر
الحمد لله ربنا بشرني برؤية جمييييييله اووي وبتكرر كل كام يوم
انا هقولها علشان ربنا قال(واما بنعمة ربك فحدث)
الحمد لله انا شوفت في الرؤيا اني بصلي صلاة كلها خشوع وايمان وكنت بصلي في مكان من كتر جماله عمري ماشوفته ولا هشوفه في حياتي وبعد ماخلصت صلاة(في الرؤيا) نزل قدام عنيا زي تقرير كده من عند ربنا مكتوب فيه ان ربنا يبشرني بالجنه...سبحان الله والحمد لله وماشاء الله..الرؤيا دي بتتكرر كل ما اعمل طاعه جديدة الحمد لله
انا حبيت اقولكم علشان اشجعكم على طاعته اد ايه حلوة اووووووي



إظهار التوقيع
توقيع : نسمه الكون
#2

افتراضي رد: تيجي نبدأ صفحة جديدة مع ربنا ونحقق كل احلامنا

ارجوووووووووكم محتاجه تشجييييع ارجوووووووكم ربنا يعلم انا مشغولة اد ايييييييييه
إظهار التوقيع
توقيع : نسمه الكون
#3

افتراضي رد: تيجي نبدأ صفحة جديدة مع ربنا ونحقق كل احلامنا

أنا معاكي يا قمر ..... و التقييم أنا أول واحدة هعمله
أنا بقالي فترة بحاول أتقرب من ربنا بس كنت عايزة حد يشجعني
بس يا ريت تقولي ميعاد المحاضرة الجاية إمتي عشان مش ديما بفتح المنتدي

إظهار التوقيع
توقيع : جوداء
#4

افتراضي رد: تيجي نبدأ صفحة جديدة مع ربنا ونحقق كل احلامنا

موضوع جميل وانا ان شاء الله معاكم

وكمان لو احتجتم اي خدمة انا موجودة

وياريت تقوليلنا علي مواعيد الدروس علشان نعرف

إظهار التوقيع
توقيع : ضــي القمــر
#5

افتراضي رد: تيجي نبدأ صفحة جديدة مع ربنا ونحقق كل احلامنا


المشاركة الأصلية كتبت بواسطة جوداء
أنا معاكي يا قمر ..... و التقييم أنا أول واحدة هعمله
أنا بقالي فترة بحاول أتقرب من ربنا بس كنت عايزة حد يشجعني
بس يا ريت تقولي ميعاد المحاضرة الجاية إمتي عشان مش ديما بفتح المنتدي
نورتى ياقمر بصى هى المحاضره جاهزه اصلا بس انا مستنيه تفاعل فى الموضوع وهنزاها وعموما اى جديد هبعتهولك على الخاص ياقمر

إظهار التوقيع
توقيع : نسمه الكون
#6

افتراضي رد: تيجي نبدأ صفحة جديدة مع ربنا ونحقق كل احلامنا


المشاركة الأصلية كتبت بواسطة حضن دافى كون بحاله
موضوع جميل وانا ان شاء الله معاكم

وكمان لو احتجتم اي خدمة انا موجودة

وياريت تقوليلنا علي مواعيد الدروس علشان نعرف
اصلا ياقمر وجودك فى الموضوع شرف ليا وانا سعيده بيكى والمحاضره جاهزه بس الاقى تفاعل وعموما هى هتنزل النهارده بمشيئه الرحمن

إظهار التوقيع
توقيع : نسمه الكون
#7

افتراضي رد: تيجي نبدأ صفحة جديدة مع ربنا ونحقق كل احلامنا

نسيت اقول ان فكرة الحمله برده الاساسيه ان كل العضوات ايلي يحب منهم يشترك ويتكلم في محاضرة يااااااااااريت
يعني مثلا انا اهو هحدد ان اول محاضرة هتبقى عن التوبة باذن الله
لو عضوة امورة كده حابة انها تتكلم عنها ياريت طبعا جدااااااااا
المشاركة دي مهمه جداااااااااا
لما كل واحدة تقول معلومة عندها في موضوع محدد اكيد كلنا هنستفاد ولا ايه

إظهار التوقيع
توقيع : نسمه الكون
#8

افتراضي رد: تيجي نبدأ صفحة جديدة مع ربنا ونحقق كل احلامنا

الروابط مش شغالة يا قمري

وكمان بتودي مع موقع تاني

إظهار التوقيع
توقيع : ضــي القمــر
#9

افتراضي رد: تيجي نبدأ صفحة جديدة مع ربنا ونحقق كل احلامنا

بسم الله الرحمن الرحيم

هنبدأ ب التوبــــــــــــــــــــــــة

بصو يا بنات هنتعود مع بعض اني هوجه كلامي في كل مرة
للي حاسه او شايفه انها الحمد لله الى حد ما متقربه من ربنا بس عايزة تزود وتثبت
وللي عايزه تقرب بس مش عارفه كل ما تقرب تبعد وهكذا(ودا الاغلب)

اولا بالنسبة لكل بنوته نفسها تبقى قريبه من ربنا بقى وتثبت مش كل ما تقرب تبعد تاني
لا
يلا نقول انا عايزة اتقرب من ربنا واموت على الطاعه الحلوة دي

الاسلام يابنات عموما والتدين خاصه عامل زي السلم
علشان نوصل لاخر درجه من السلم فوووووق خاااالص لازم نطلع سمله سلمه
صح ولا غلط؟

واول درجه للسلم دا هي التوبة

الكلام متوجه لكل الناس
لازم نتوب لازم تتوبي
انتي عارفه اكيد ان ترك الصلاة كبيرة من الكبائر مثلا يعني وانتي مبتصليش او بتأخري الصلاة او تجمعيها بدون عذر او شويا تصلي وشويا لا انتي عارفه ان ربنا هيغفرلك ف لحظه كل دا لو توبتي
{‏ وَسَارِعُواْ إِلَى مَغْفِرَةٍ مِّن رَّبِّكُمْ وَجَنَّةٍ عَرْضُهَا السَّمَاوَاتُ وَالأَرْضُ أُعِدَّتْ لِلْمُتَّقِينَ‏ *

ومش بس كده دا ربنا كمان وعدك ان ذنوبك هتتقلب حسنات لما تتوبي
إلا من تاب وآمن وعمل عملا صالحا فأولئك يبدل الله سيئاتهم حسنات وكان الله غفورا رحيما( 70 ) )الفرقان

بنوته تانيه تقولي اتوب من ايه هو انا عملت ايه دانا بصلي الحمد لله وبصوم في رمضان ومش بعمل حاجه وحشه ف حد ولا حاجه حرام
تعالي هاتي ودنك هقولك حاجه
تعالي اقولك الذنوب الصغيرة والكبيرة ايلي انتي بتعمليها كللللل يوم ومش واخدة بالك منها:
1/عقوق الوالدين(لو بنظرة مش ولا بد كده /ممكن تكوني مع صحبتك وبتتكلمي عن مامتك تقومي قايله دي دقة قديمه/كلمة اووووف ايلي بتطلع مننا غصب عننا/عدم سماع كلامهم ولو في حاجه تافهه في نظرك /او سمعان الكلام في غير رضا...كل دا اسمه عقوق ويعتبر كبيرة من الكبائر والله العظيم)
2/الغيبة والنميمه ودي موجودة في كل بنات مصر تقريبا ههههههههههه وانا اولكم
3/ممكن واحدة تكون محجبة وكل حاجه تمام بس تلاقي كام شعرة كده طالعين من الحجاب !!!
4/غض النظر
5/عدم ذذكر الله
6/عدم شكر الله على نعمته(تخيلو دي كمان محتاجين نتوب منها)

عارفين هقولكم حاجه هتستغربوها اووووي
عارفين احنا محتاجين نتوب من ايه كمان
نتوب من اننا مش بنتوب...فاهمين
تخيلوا اهمية التوبة في حياتنا اد ايه

اصل انتي مش ملاك...انتي كده كده هتعصي وهتغلطي كتييييييير بس الفرق بقى انك هتوبي
هتخسري حاجه لما تقولي دلوقتي بصدق نية(استغفـــــر الله العظيم..يارب توبت اليك)

يقول المصطفى الحبيب صلى الله عليه وسلم
" كل ابن آدم خطاء وخير الخطائين التوابون " رواه الترمذي


يعني يابنات الطبيعي اننا نغلط ونعصي بس مش طبيعي ابدا اننا منتوبش
انتي ممكن تكوني عملتي ذنب قديم وانتي صغيرة مثلا مكنتش بتسمعي كلام اهلك مثلا وانتي دلوقتي مبتعمليش كده وبقيتي كويسه وو
بس هل توبتي من ذنبك القديم دا؟؟
لا
يبقى ذنبك متغفرش وربنا هيسالك عنه يوم القيامه

بصوا الحديث الروووووووعة دا وايلي انا عيطت لما سمعته
روىأحمدومسلموغيرهما من حديثأبي موسى{ إن الله تعالى يبسط يده بالليل ليتوب مسيء النهار . ويبسط يده بالنهار ليتوب مسيء الليل حتى تطلع الشمس من مغربها} .

تخيلوا ربنا (وهو الغني)يمدلك ايده كل نهار وكل ليل يندهلك علشان تستغفريه وانتي ولا هنا!!!
وبعدين هو مين ايلي محتاج لمين؟؟
احنا ايلي محتاجين لربنا واحنا ايلي لازم والمفروض نمد ايدينا نطلب منه وندعيه
تخيلو رحمة ربنا عامله ازززززززززززززززززززززززززااااااااي

شروط التوبة بقى: حاجات بسيطه جدا تقدري تعمليها حالا وانت قاعدة وارجوكي كتقوليش هبقى اعملها(اكثر اهل النار من المسوفين)
- 1الإخلاص في التوبة (يعني تكون من قلبك بجد من جواكي عايزة تتوبي بقى من كتر ما تعبتي من اي حاجه غلط بتعمليها)

*2- الإقلاع عن الذنب(يعني شوفي ذنبك ايه وقرري مع نفسك وربنا شاهد اهو عليكي انك مش هتعمليه تاني وهتجاهدي نفسك)

*3- الندم على الذنب

*4- العزم على عدم الرجوع إلى الذنب .



يلا بقى هتقولي(اللهم انت ربي لا اله انت..خلقتني وانا امتك..وانا على عهدك ووعدك ما استطعت..اعوذ بك من شر ما صنعت..ابوء لك بنعمتك على وابوء بذنبي..فاغفر لي فانه لا يغفر الذنوب الا انت..استغفر الله العظيم الذي لا اله الا هو الحي القيوم واتوب اليه من كل ذنب اعلمه ولا اعلمه)

ولو بنوته عايزة تقوم تصلي ركعتين توبة يااااريت

قال رَسُولَ اللَّهِ صَلَّى اللَّهُ عَلَيْهِ وَسَلَّمَ ، قَالَ: " مَا مِنْ عَبْدٍ يُذْنِبُ ذَنْبًا ثُمَّ يَتَوَضَّأُ وَيُصَلِّي رَكْعَتَيْنِ ثُمَّ يَسْتَغْفِرُ اللَّهَ إِلا غَفَرَ لَهُ "
يلا يابنوته كده صفحتك عند ربنا بقت بيضاااااااااااء باذن الله
تخيلي بياضها وشوفي هتحسي بايه من جواكي
احنا كده واحدة واحدة بنوصل لحب الله(ان الله يحب التوابين ويحب المتطهرين)
اي استسفسار انا في الخدمة
الواجب: مطلوب من كل عضوة بقى انها بس تتوب من كل حاجه في حياتها علشان نبدا الصفحه الجديدة
سواء بصيغة التوبة ايلي قولتها او بركعتين التوبة زي ما تحب

الموضوع القادم عن اهمية الصلاة

وياريت كل واحده تعرفنى على نفسها اكتر

إظهار التوقيع
توقيع : نسمه الكون
#10

افتراضي رد: تيجي نبدأ صفحة جديدة مع ربنا ونحقق كل احلامنا

وانا هعرفكم على نفسى انا نسمه وهوده مش اسمى الحقيقى لكن بحبه اوى عندى 18 سنه ورايحه دار علوم القاهره باذن الله وهصلى العصر وارجع باذن الله
♥بحبكم فى الله♥

إظهار التوقيع
توقيع : نسمه الكون
#11

افتراضي رد: تيجي نبدأ صفحة جديدة مع ربنا ونحقق كل احلامنا

معاكي حبيبتي ربنا يهدينا جميعا لما فيه صلاحنا تسلمي فكرة رائعه بارك الله فيكي


اللهم انت ربي لا اله انت..خلقتني وانا امتك..وانا على عهدك ووعدك ما استطعت..اعوذ بك من شر ما صنعت..ابوء لك بنعمتك على وابوء بذنبي..فاغفر لي فانه لا يغفر الذنوب الا انت..استغفر الله العظيم الذي لا اله الا هو الحي القيوم واتوب اليه من كل ذنب اعلمه ولا اعلمه

إظهار التوقيع
توقيع : لولو حبيب روحي
#12

افتراضي رد: تيجي نبدأ صفحة جديدة مع ربنا ونحقق كل احلامنا

انا مني بس قولولي يالولو عندي26 سنة متجوزة وادعولي بفك الكرب والذرية الصالحة
إظهار التوقيع
توقيع : لولو حبيب روحي
#13

افتراضي رد: تيجي نبدأ صفحة جديدة مع ربنا ونحقق كل احلامنا

ممكن ياقمر تبعتيلي الرابط للدرس الجديد
إظهار التوقيع
توقيع : لولو حبيب روحي
#14

افتراضي رد: تيجي نبدأ صفحة جديدة مع ربنا ونحقق كل احلامنا

انا معاكى يا قمر اللهم هب لى من لدنك ذرية صالحة كما وهبت سيدنا زكريا بسيدنا يحيي يا رحيم لا اله الا انت سبحانك انى كنت من الظالمين

#15

افتراضي رد: تيجي نبدأ صفحة جديدة مع ربنا ونحقق كل احلامنا

معاكى حبيبتى ان شاء الله
ويجعله فى ميزان حسناتك

إظهار التوقيع
توقيع : قصرالاحلام
#16

افتراضي رد: تيجي نبدأ صفحة جديدة مع ربنا ونحقق كل احلامنا

أنا جوداء و إسمي الحقيقي ريم بس أنا بحب إسم جوداء قووي
و أنا بشكرك يا نسمة علي الموضوع ده و مش لقية كلمة واحدة أقدر أوصفلك بيها أد إيه الم وضوع ده جمييييييييييل

إظهار التوقيع
توقيع : جوداء
#17

افتراضي رد: تيجي نبدأ صفحة جديدة مع ربنا ونحقق كل احلامنا

بارك الله فيكى يانسومتى
ما شاء الله عليكى محاضره قمة فى البساطه والروعه

#18

افتراضي رد: تيجي نبدأ صفحة جديدة مع ربنا ونحقق كل احلامنا

ازيكم يابنات معلش اتاخرت اوي عليكم كان عندي مشكله في السيرفر
انا خلاص هكتب اهو المحاضرة الجديدة
وبعدها هشوف اخر المشاركات معلش لسه مشوفتهاش

إظهار التوقيع
توقيع : نسمه الكون
#19

مميز رد: تيجي نبدأ صفحة جديدة مع ربنا ونحقق كل احلامنا

المحاضرة رقم 2(اهميــــــــــة الصــــــــلاة)
ولانها محاضرة طويله فهنقسمها على 3 محاضرات
1/المحافظة على الصلاة + عقوبة تارك الصلاة+جدول للصلاة
2/صلاة الفجر وازاي تصحيلها
3/الخشوع في الصلاة
4/النوافل بما فيها(صلاة قيام الليل والضحى)

ارجوكم طولوا بالكم معايا ساعدوا نفسكم هما 10 دقايق اقروا ايلي هقوله وخلاص


نبدا على بركة الله ..متنسوش انتو دلوقتي واقفين على اول درجه من درجات السلم ايلي هي التوبة ها هتنزلي تاني ولا هتطلع درجه درجه لحد ما تنولي رضا الله ومحبته وتحققي كل امنياتك لاخرتك ودنيتك؟؟ يلا نساعد بعض ونطلع الدرجه التانيه وهي اهم واساس كل شئ

مفتاح الجنه(الصـــــــــــــــــــلاة)
مش هقول كلام نحوي في ان الصلاة هي الصلة بين العبد وربه مع انها صح طبعا
ومش هقول ان اخر وصية وصانا بيها الرسول عليه افضل الصلاة والسلام هي الصلاة الصلاة
ومش هقول ان اخر ابتسامه ابتسمها الرسول في حياته كانت للمصلين

بس انا هسألك سؤال:حد ضربك على ايدك علشان تبقي مسلمة؟؟؟
جاوبيني بالله عليكي
ولما هو لأ...فازاااااااااااااي تبقى مسلمة ومش بتصلي؟؟؟!!!!! ازااااااي والله العظيم مينفعش
بنوته هتقول:
انا الحمد لله انسانه كويسه اوي وقلبي ابيض والله وبعمل خير كتير وعمري ما اذيت حد وكل الناس بتحبني وبحب ربنا ورسوله اووووووووي بس مش بصلي او مش عارفه التزم في الصلاة
دانا كمان حجيت وعملت عمرة كذا مرة

هقولك للاسف انتي ضيعتي كل صفاتك واعمالك الحلوة دي علشان_ اسمحيلي اقولك وربنا يغفرلي بقى_ علشان عبادة بسيطه وسهله مش هتاخد منك 5 دقايق وجربي تحسبيها لو خدت اكتر من كده ليكي الكلام

رد: تيجي نبدأ صفحة جديدة مع ربنا ونحقق كل احلامنا
البنات ايلي بتقول : انا نفسي اصلي والله بس مش عارفه انا ليه كده؟؟
وايلي بتقول:نفسي اواظب على الصلاة علطول ومأخرهاش بس غصب عني مش عارفه مالي؟
هقولك:قبل ما تسألي نفسك وتقولي مش عارفه ليه مش بصلي
اسالي نفسك: انا عايشة ليه؟؟
عمر حد سأل نفسه السؤال دا يابنات؟؟؟ جاوبي بصدق بجد
عايشة ليه؟ ايه هدفك في حياتك؟ سعيدة ولا مش سعيدة؟ عايزة تنجحي؟ عايزة تتجوزي؟ عايزة ربنا يرزقك اطفالظ عايزة ربنا يحمي اطفالك؟
ها حد عايز حاجه تاني؟؟؟ فكرواااااا
ها قولتي ايلي نفسك فيه؟ طب تعالي انا اقولك بالعقل كده هو مين الوحييييييييييد ايلي يقدر يحققلك امنياتك دي؟؟
دا ربنا في لحظه قادر يقولها كن فتكون
طب حد ظلمك؟ حد جرحك؟ حد اهانك؟
مين قادر يردلك حقك في لحظه؟؟ مين قادر يسخر لك كل من على الارض لخدمتك وراحتك؟
طب بالعقل برده معلش
انتي ازاي ليكي عين تطلبي من ربنا وازاي مستنيه من ربنا يحقق ايلي انتي عيزاه
وانتي حتى مش قادرة او مش هاين عليكي او مكسله تديله ابسط حق من حقوقه!!!!
مش معقول يابنات تستكتروا على ربنا انكم تسمعوا كلامه في عبادة سهله وبسيطه

اقسم بالله عبادة سهله جداااااااااااااا
مش عارفه ليه تقيله علينا؟
اد كده الشيطان مكتفنا !!!
لا ما احنا اتفقنا بقى خلاص على التوبة وصفحتك ماشاء الله بقت بيضاء ناصعه يلا بقى نوريها بالصلاة
طب بلاش كل دا
بصي كده حواليكي..بصي للسماء..ازاي ربنا رفعها من غير عمود سبحان الله..بصي للارض..للشمس للقمر للنجوم للجبال شوفي عظمة ربنا في الكون
وشوفي عظمة ربنا فيكي انتي الحمد لله انعم عليكي بنعمة البصر والسمع والقلب والمشاعر والعقل وميزك عن الحيوان ليييييه
علشان بيكرمك ..امر الشيطان والملائكه يسجدولك..تخيلي انك افضل من الملائكه!!!
بعد كل دا تفتكري ربنا حبيبك ميستحقش انك تديله من وقتك 5 دقايق في كل صلاة
يعني لو حسبناها 5 دقائق في خمس صلوات = 25 دقيقه على مدار اليوم متفرقه يعني
ايه يعني يابنات؟؟؟؟؟
خلاص يعني مشغولين للدرجاتي ..مانتي بتلاقي وقت للخروج ووقت للمذاكرة ووقت للتليفون ووقت للانترنت ووقت للتيفي وخلافه هتيجي عند اساس دنيتك واخرتك... عند السبب ايلي هيسعدك دنيا واخرة..هتيجي عليه وتقفي؟؟؟؟
خدي بالك ان محافظتك على صلاتك على اوقاتها هتمحي ذنوبك كل يوم وليله من تلقاء نفسها
وعلشان تعرفي تصلي في وقتها لازم اول ما تسمعي الاذان سيبي كل ايلي في ايدك مهما كان مش اهم من ربنا
الله اكبــــــــــــــــــــــر من كل حاجه واي حد خلي دا مبدئك
وخدي بالك(لا يبارك الله في عمل يلهي عن الصلاة) حتى لو عمل خير كمان

رد: تيجي نبدأ صفحة جديدة مع ربنا ونحقق كل احلامنا

لما تسمعي الاذان وحسيتي انك مكسله تقومي...هتعملي ايييييييه؟؟؟
1/تخيلي ان الشيطان ماسكك ومكتفك وبيطلعلك لسانه وبيقولك اتحداكي لو قومتي وريني شطارتك(صدقيني الاحساس دا مستفز وهتقومي)
2/ لو مثلا ايلي معطلك حاجه مهمه زي المذاكرة او اي حاجه مهمه يعني...تأكدي ان ربنا غضبان عليكي لو مقومتيش ومش هيباركلك فيها مهما كانت كويسه ومهمه
3/لما تحسي ان الشيطان بيلعب في دماغك وبيقولك لسه هتقومي تتوضي وتصلي اووووف دا الجو برد مثلا او انتي تعبانه خليكي مرتاحه وربنا غفور رحيم!!!

لا اووووووووعي تستسلمي ابوس ايدك قولي لنفسك كده قولي لو استسلمت لتعبي وكسلي هتعب اكار بعد كده
وربنا لما يزعل مني مش هيخليني سعيدة ولا بالي مرتاح
حطي قصاد عينك هدفك وتخيلي انك لو قومتي تصلي ربنا هيديهولك
ولو مقومتيش مش هتوصليله
الطرق دي مفيييييييييدة جداااا وهتجيب معاكم باذن الله

انا كلامي دا بخص بيه ايلي مش بتصلي اصلا او ايلي بتصلي بس بتأخر الصلاة وتجمعها بدون عذر او ايلي بتصلي بس مش ملتزمه علطول

طبعا انتو مش محتاجين تعرفوا ان اكتر حاجه ربنا بيحبها الصلاة في اوقاتها ولو ربنا حبك يابختك

ومش محتاجين تعرفوا عقوبة تارك الصلاة بس هقولها احتياطي


رد: تيجي نبدأ صفحة جديدة مع ربنا ونحقق كل احلامنا

عقوبة تارك الصلاة
ارجوووووووووكي

يابنات انا خايفه عليكم وعلى نفسي من عذاب ربنا اول حاجه هنتحاسب عليها هي الصلاة يعني لو كنتي بتصلي خلاص نجيتي باذن الله ولو لأ لاقدر الله من غير مناقشه على جهنم ومش اي جهنم لا دي سقر
قال تعالي
مَا سَلَكَكُمْ فِي سَقَرَ قَالُوا لَمْ نَكُ مِنَ الْمُصَلِّينَ وَلَمْ نَكُ نُطْعِمُ الْمِسْكِينَ وَكُنَّا نَخُوضُ مَعَ الْخَائِضِينَ وَكُنَّا نُكَذِّبُ بِيَوْمِ الدِّينِ
وقال تعالي :[وماادراك ماسقر لاتبقي ولا تذر ]
هذا الوادي بمجرد دخول تارك الصلاه فيه تذوب عظامه من شده الحراره
وتارك الصلاه يحشر مع فرعون وهامان
ويمنع من الشرب من حوض الرسول عليه افضل الصلاة والسلام

بصي .......اعملي معاصي زي مانتي عايزة بس متسيبيش الصلاة ابوس ايدك
لان ذنوبك ربنا هيمحيها ف لحظه بكلمة استغفر الله
انما ترك الصلاة ...ربنا مش هيسيبك اقسم بالله هتتعذبي دنيا واخرة ومش اي عذااااااااب
رد: تيجي نبدأ صفحة جديدة مع ربنا ونحقق كل احلامنا

قومي قولي يارب سامحيني خلاااااااااااص انا مش هعمل عمل من اعمال الكفار انا هصلي حرمت يارب ارجوك متعذبنيش ...الشيطان كان غلبني بس خلاص فوئت من هنا ورايح مش هفوت فرض بأذنك...يلا قولي مستنية ايييييييه افرضي ربنا كاتب انك هتموتي كمان خمس دقايق...هتموتي كده؟؟؟؟ هتقوليله اييييه؟؟ ليه بتعملي في نفسك كده حرام عليكي...
قومي صلي وادعي ربنا وعيطي اطلبي منه يسامحك ويقويكي ويثبتك
هو قريب منك اقربلك من نفسك
هيسمعلك بس انتي ابدئي
رد: تيجي نبدأ صفحة جديدة مع ربنا ونحقق كل احلامنا
قبل ما اختم كلامي
هعرض عليكم جدول الصلاة...بالجدول دا هيخليكم تتشجعوا مع نفسكم وكل ما تتخيلوا شكل الدرجه وهي صفــــر
هتقومي تصلي
معلش لازم نبقى كده في البدايه لحد ما نثبت ونتعود وايمانا يقوي باذن الله
صلاة الفجر عليها 10 درجات ولو صليتيها متأخر عن وقتها 5 درجات
صلاة الظهر
عليها 10 درجات ولو صليتيها متأخر عن وقتها 5 درجات
صلاة العصر
عليها 10 درجات ولو صليتيها متأخر عن وقتها 5 درجات
صلاة المغرب
عليها 10 درجات ولو صليتيها متأخر عن وقتها 5 درجات
صلاة العشاء
عليها 10 درجات ولو صليتيها متأخر عن وقتها 5 درجات

كدة مجموعك اخر اليوم 50 درجة بالتمام والكمال
اضبطي نفسك كده هاتي ورقة وقلم ولا حاجه او اعملي جدول على الوورد بالشكل ايلي يريحك وخليه قصاد عينك طول الوقت
كل ما تصلي صلاة اكتبي درجتك قدامها..الطريقه دي ناجحه جدااااااااااا للحفاظ على الصلاة صدقووووووووني




رد: تيجي نبدأ صفحة جديدة مع ربنا ونحقق كل احلامنا
الواجـــــــــــــب
من دلوقتي لحد ما اخلص محاضرات الصلاة خااااااااااااالص
عايزة من كل عضوة تقرير يومي او كل ويمين زي ماتحب ووقتها يسمح
هتدخلي تكتبي انهارده يوم الاحد درجاتي مثلا 40/50
يوم الاثنين درجاتي 50/50 وهكذا
بالله عليكم يابنات حاولو تغلبو نفسكم وشيطانكم وصلوا وصلو في وقتها علطول
المستوى الرفيع هينزل المشاركه الجاية

رد: تيجي نبدأ صفحة جديدة مع ربنا ونحقق كل احلامنا
المحاضرة القادمة عن صلاة الفجر وازاي تصحي تصليها
هذا وبالله التوفيق


إظهار التوقيع
توقيع : نسمه الكون
#20

افتراضي رد: تيجي نبدأ صفحة جديدة مع ربنا ونحقق كل احلامنا

محاضرة صوتية رائعة جداً بعنوان (لماذا لاتصلي؟) للشيخ محمد حسين يعقوب:

https://ar.islamway.com/lesson/719

الشيخ محمد حسان(تارك الصلاة)


فيديو يجعل من لا يصلي يصلي
https://www.youtube.com/watch?v=lug6y...eature=related

مصطفي حسني


فيديو يوضح الصلاة الصحيحه بطريقه سهله جداااااا


إظهار التوقيع
توقيع : نسمه الكون
#21

افتراضي رد: تيجي نبدأ صفحة جديدة مع ربنا ونحقق كل احلامنا

رد: تيجي نبدأ صفحة جديدة مع ربنا ونحقق كل احلامنا
انهارده الجزء التاني من محاضرة الصلاة.........هنتكلم عن
صلاة الفجـــــــــــر
هقولك اهميتها عامله ازاي وهقولك لو مصليتهاش هيحصلك ايه وهعرفك ازاي تحافظي عليها
متفقين
يلا مستعدين سيبوا اي حاجه بقى كده واسمعوني شويا

الاول تعالي اقولك حاجه مهمه اوووووي
هنفترض كده انك مضيتي عقد مع شركة كبيرة اوي وهتاخدي مرتب كبير جدا قولي حوالي 5000 جنيه مثلا وقالولك ان مواعيدنا من الساعه 6 تكوني عندنا
هتعملي ايه؟..خدي بالك العرض مغري جدا صعب اوي انك ترفضيه في الزمن دا
انا هقولك هتعملي ايه..طبعا هتقبلي بدون جدال ومش بس هتقبلي لا دانتي كمان هتكوني طايرة من الفرحه
وايلي هتعمليه انك هتضطري كل يوم تصحي قبل معادك بساعه على ما تلبسي وتروئي نفسك كده وتنزلي علشان تروحي في المعاد مزبوط...لحسن صاحب الشغل ميرضاش عنك!!!!!! اومال ايه

طب انتي مش واخدة بالك انك اصلا مضيتي عقد من زماااااااااااااان؟؟
هتقولي عقد ايه دا يانسمه ان شاء الله بقى؟؟!!!
هقولك عقد انك تكوني مسلمة..مش انتي مسلمة برده ؟
طبعا انا مسلمة غصب عن اي حد
لا ياقمر بالهداوة كده ...طالما انتي مسلمة ومضيتي عقد ...الظاهر كده والله اعلم انك مش واخدة بالك انتي ماضية العقد دا مع مييييييييين؟؟
مش مع مجرد صاحب شغل مبيرحمش
لا
انتي مضياه مع ربك ورب صاحب الشغل دا –ايلي بيرحم-
طيب يابنتي انتي دلوقتي مضيتي العقد ومع وقدام ربنا سبحانه وتعالى
وربنا امرك انك تصحي الساعه 5 علشان تصلي خمس دقايق
ايه بقى ؟؟؟
طبعا لله المثل الاعلى
بس اشمعنا انتي وافقتي تصحي وتلبسي وتنزلي وتروحي شغلك 7 ساعات مطحونه علشان في الاخر 5000 جنيه
ودلوقتي مش قادرة توافقي انك تصحي 5 دقايق تصلي فيهم وتنامي تاني او تصحي بقى زي مانتي عايزة
لا وايه
شوفي لو نقذتي كلام ربنا واتفاقك معاه بحكم انك مسلمه يعني
شوفي مرتبك هيبقى ايه؟؟؟؟؟؟؟؟؟ مش 5000 جنيه ولا حتى عشرة
لا
هيبقى اكتر من كده بكتيييييييير
كام يعني يانسمة؟؟ مليون مثلا؟؟
لا اكتر
متخلصي قولي كام؟
حاضر تعالي اقولك:
اسمعي كده وشوفي جمال الحديث دا (قال رسول الله صلى الله عليه وسلم : ( مَن صَلَّى الصُّبحَ فِي جَمَاعَةٍ فَهُوَ فِي ذِمَّةِ اللَّهِ.(
وفي رواية تانيه : (قال رسول الله صلى الله عليه وسلم : ( مَن صَلَّى الصُّبحَ فَهُوَ فِي ذِمَّةِ اللَّهِ ، فَلا يَطلُبَنَّكُمُ اللَّهُ مِن ذِمَّتِهِ بِشَيْءٍ فَيُدرِكَهُ فَيَكُبَّهُ فِي نَارِ جَهَنَّمَ(

قريتي الحديث كويس؟؟ لالا انتي اكيد مش مركزة ف معناه
ايلي تصلي صلاة الصبح = الفجر يعني
اجرها ايييييييييه يارب؟ في ذمة الله
يعني ايه ذمة الله يانسمة
مبتسمعيش لو واحد يقول دي فلانه دي في ذمتي
يعني يحافظ عليها /يرعاها/...
تخيلي لما تبقى انتي في ذمة ربنا طول اليوم. عارفه يعني ولا مش قادرة تستوعبي
يعني طول اليوم ربنا حاطط حواليكي سور كبييييييييير مفيش اي مخلوق على وجه الارض يقدر يدخله ويأذيكي..محدش هيظلمك وييجي عليكي لانك في ذمة الله..محدش هيهينك ويجرحك لانك في ذمة الله..مش هتتذللي لحد ولا تطلبي من حد ولا تصغري لحد لانك في ذمة الله_ولله المثل الاعلى_

هاااااااااا عرفتي مرتبك هيبقى كام وصدقتيني لما قولتلك هيبقى اكتر من المليون جنيه ايلي بتدوري عليهم ..والله العظيم العبرة مش بالفلوس لا العبرة في بركتها حتى لو كانت 5 جنيه لان وقت الفجر دا اصلا الرسول قالنا هو دا وقت البركه في الرزق فازاي نايمين فيه وعايزين ربنا يباركلكم في رزقكم!!!
رد: تيجي نبدأ صفحة جديدة مع ربنا ونحقق كل احلامنا

طب في الاخرة ربنا هيكافئك بايه؟؟
شوفي الحديث دا برده: (قال النبي صلى الله عليه وسلم ( من صلى البردين دخل الجنة)متفق عليه
البردين =(صلاة الفجر+ صلاة العصر)
اووووووووووعي بالله عليكي لاي سبب تضيعيهم

بصي الحديث دا كمان(من صلي الصبح في جماعه ثم قعد يذكر الله تعالى حتى تطلع الشمس ثم صلى ركعتين كانت له كأجر حجة وعمرة تامه تامه تامه)
طبعا الجماعه دي للرجال والله اعلم بس قريت في الفتوي ان صلاة المرأة في بيتها افضل

المهم انك ممكن لو صليتي الفجر وقعدتي نص ساعه كمان لحد الشروق تذكري الله فيهم وبعدين قومتي صليتي ركعتين= اجر حجه وعمرة باذن الله....تخيلي ..شايفه صلاة الفجر عظيمة وكبيرة عند ربنا ازاي

انتي عارفه ان كل يوم وقت صلاة الفجر في ملايكة بتنزل من السماء مخصوووووووص علشان تشوف انتي بتعملي ايه ؟؟؟
تخيلي لما يقولوا لربنا احنا سيبناها بتصلي يارب..يااااااه
ولا يقولوا احنا سيبناها نايمة يارب/بتتكلم في التليفون يارب/اعدة على النت يارب
اختاري انتي



قال صلى الله عليه وسلم : ((ركعتا الفجر خير من الدنيا وما فيها)) الله اكــــــــــــــــــــــبر

إذا كان سنة الفجر خير من الدنيا وما فيها فكيف بأجر الفريضة ألله أكبر سيكون أعظم وأشمل

رد: تيجي نبدأ صفحة جديدة مع ربنا ونحقق كل احلامنا

طب شوفي عقوبة تارك صلاة الفجر تحديدا:
1/استهزااااااااء الشيطان...يلهوي معقول يتضحكي الشيطان عليكي وانتي نايمه كده مش قادرة تصحي

طب انتي عارفه ان ايلي بيضيع صلاة الفجر الشيطان بيتبول في اذنه!!!! يعععععع

2/الكســـــــــل
هتبقى طول اليوم كسلانه وقرفانه ومخنوقه ومش عارفه ايه السبب
النقطه دي يابنات محدش هيحسها الا ايلي جربت تقوم تصلي الفجر وفاتها يوم تاني غصب عنها

3/ هتتكتبي عند ربنا من المنافقين(اعوذ بالله)
قال رسول الله صلى الله عليه وسلم " ليس اثقل على المنافقين من صلاة الفجر والعشاء ولو يعلمون ما فيهما لأتوهما....
4/ لا تشهد له الملائكة
5/الويــــــــــل(فويل للمصلين الذين هم عن صلاتهم ساهون)
الويل يعني وادي اسمه كده في جهنم مليان عقارب وتعابين وحيات
الوادي دا ربنا قال عنه انه مش بيدخله غير ايلي بيأخروا صلاتهم(الذين هم عن صلاتهم ساهون)
يعني بيصلوا اهو وكل حاجه
بس بيأخروها للاسف...واغلبنا بنأخر صلاة الفجر
طب ليه استفدتي ايه مانتي كده كده صلتيها صلتيها..فرقت ايه معاكي يعني انك تصليها الساعه 5 ولا بعدين مانتي صلتيها برده لا اله الا الله.لسه مصرة متصحيش؟؟؟ لسه مصرة تبقي اســـيرة للشيطان؟؟؟
رد: تيجي نبدأ صفحة جديدة مع ربنا ونحقق كل احلامنا
طب تعملي ايه علشان تصحي ؟
هقولك حاجات ممكن حاجه منهم تساعدك او كلهم ليه لا
طبعا هتزبطي منبهك سواءء في الموبايل في المنبه نفسه(دا الاساس)
وطبعا وانتي حاطه راسك ع المخدة قبل ما تروحي في النوم هتنوي انك هتصحي تصلي الفجر باذن الله في معاده

اول اقتراح
انك لما تزبطي المنبه متخليهوش جنبك بمعني انك تزبطيه اهو وتحطيه في مكان ايدك مش هطوله (طبعا يبقى معاكي في الاوده عادي هههه)
بحيث انك لما تسمعيه هتضطري تقومي غصب عنك تطفيه لانه مش هيسكت واسالوني انا ممل جداااااااا
وبما انك قومتي خلاص من تحت البطانيه فطبيعي انك مش هتكسلي تصلي الفجر خصوصا وانتي سامعه المؤذن بيقول الصلاة خير من النوم

تاني اقتراح وهو ظريف شويا هههه
انك قبل ما تنامي تشربي ميا كتيييييييير على اد ما تقدري
علشان لما المنبه يعمل دوشة ويصحيكي هتلاقي نفسك عايزة تدخلي التواليت
فهتقومي برده غصب عنك وطالما قومتي برده هتصلي

اقتراح تالت: حاولي على اد ما تقدري تنامي بدري وتقلي هدومك قبل ما تنامي اووووووي وتتغطي كويس جداااااااا
علشان هيحصلك حاجه من الاتنين لما المنبه يرن..اما هتحسي بحر وهتشيلي من عليكي الغطا وتقومي تتوضي عادي من غير كسل
او هتحسي انك لا حرانه ولا بردانه عادي وهتقومي برده(لان البرد بيخلي الواحدة تكسل تشيل الغطا اصلا)
الطريقة دا انا الحمد لله مجرباها ومرتاحه اوي بيها
رد: تيجي نبدأ صفحة جديدة مع ربنا ونحقق كل احلامنا
وبعدين حاجه كمان بقى..انتي اكيد واحدة من الحالات التلاته دول:
1/بنوته لسه بتدرس (في الحالة دي انصحك بجد انك تصحي تذاكري وثت الفجر دا يعني اصحي صلي واقعد ذاكري لان علم النفس اثبت ان دا اكتر وقت العقل بيكون مركز فيه جداااااااا)

2/ بنوته اتخرجت واعدة مش وراها شغل او ست بيت عموما(في الحالة دي برده اصحي صلي الفجر وكملي نوم هتحسي انك نمتي نوم اعمق ومرتاحه او صليه واقعدي ابدئي يومك من اوله )

3/بنوته مش لاقية ساعه على بعضها من كتر ماهي مشغوله جامد اما في شغل برا وبتتعب فيه او جوا البيت وبرده تعبانه(في الحاله دي اصحي برده صلي الفجر روئي نفسك اشربي شايك وزبطي نفسك علشان تنزلي بنشاط وراحه بال كده وتفاؤل
او لو مشغوله في بيتك طول اليوم فدا اكتر وقت هتحسي بهدووووووووء فظيع فيه بجد راحه نفسية رهييييييييييبة
حرام عليكو تحرموا نفسكو من الاحساس دا بجد
رد: تيجي نبدأ صفحة جديدة مع ربنا ونحقق كل احلامنا
حاجه اخيرة بقى معلش
دلوقتي بنوته هتسال انا عمري ما صليت الفجر ولا صليت اساسا قبل كده في حياتي او كنت بصلي بس مرة اه وعشرة لا وكنت بأخر الصلاة وبجمعها..تفتكري ربنا هيحاسبني على ايلي فات دا؟؟
الاجابة بكل بساطه ووضوح: لأ
لانك هتقولي دلوقتي حالا حرمــــــــــت يااااااااااارب... هلتزم بالصلاة بعد كده هخليها اساس يومي وحياتي هعيش اصلا علشان اصلي لان كده كده انا مش مرتاحه في دنيتي فمش معقول دنيتي ضايعه وكمان اضيع اخرتي بايدي!!!!

قومي يلا مستنية ايه
قولي توبت اليك يارب وندمانه اني مكنتش بصلي واني كنت بأخر الصلاة عن معادها واني مكنتش بصحى اصلي الفجر وابقى نايمه كسلانه يادي الكسوف[IMG]https://files.***- ***- *.com/bigsmilies/mood18.gif[/IMG][IMG]https://files.***- ***- *.com/bigsmilies/mood18.gif[/IMG]

اول ما هتقولي كده
خلاص الف مبروك عليكي ذنوبك ايلي اتمسحت واتحولت لحسنات كمان مبرووووووك
يابنات دا وعد ربنا متنسوش (الا من تاب وءامن وعمل عملا صالحا اولئك يبدل الله سيئاتهم حسنات)
وهو الغفور الرحيم ...........احن عليكي من مامتك متخافيش هيقبل توبتك وهيغفرلك ذنبك والله العظيم ...ومش مطلوب منك اعادة صلاة سيبتيها زمان بس كتري من السنن
ها مين استوعبت الدرس وقررت انها تجرب تبدأ يومها بشكل جديد وشوفي راحة بالك ونور وشك باقي اليوم ولو محصلش كده تعالي قولي عليا مبفهمش قدام المنتدى كله ..يعني بدل ماحنا اعدين ندور على ماسكات علشان وشنا يبيض وينور واللهي في حل اسهل مضمون لما تصلي الفجر هتشوفي

رد: تيجي نبدأ صفحة جديدة مع ربنا ونحقق كل احلامنا
انا طولت عليكم اسفه بس كان درس مهم اووووي
الواجب المطلوب انك من هنا ورايح كل يوم عاهدي نفسك على ان عمرك ما هتفوتي صلاة فجر باذن الله

ملاحظة اخيرة قبل ما نختم بقى
فى بنوته جزاها الله خيرا عملت للحملة بتاعتنا صورة جميله اوي علشان تحطوها في التوقيع عندكم وبكده هتكونوا بتعملوا خير من غير ما تتعبوا لانها هتبقى دعايا للحملة والاعضاء هيزيدوا بسببكم وطبعا ليكم الاجر والثواب
الصورة اهي رد: تيجي نبدأ صفحة جديدة مع ربنا ونحقق كل احلامنا

[IMG]https://files2.***- ***- *.com/2013/8/13775206581784.gif[/IMG]
سبحانك اللهم وبحمدك اشهد ان لا اله الا انت استغفرك واتوب اليك

المحاضرة القادمه: هعلمك ازاي تخشعي في صلاتك ببساطه

إظهار التوقيع
توقيع : نسمه الكون
#22

افتراضي رد: تيجي نبدأ صفحة جديدة مع ربنا ونحقق كل احلامنا

مشكوووووووووورة
إظهار التوقيع
توقيع : جوداء
#23

افتراضي رد: تيجي نبدأ صفحة جديدة مع ربنا ونحقق كل احلامنا

الله
بارك الله فيكى حبيبتى
ماشاء الله عليكى
اد ايه انا استفدت من الدرس ده وحسيت براحه نفسيه
وكمان لما شوفت الفديوهات
بس الفديو الاخير فديو الصلاه وهو واقف مربع ايديه والمفروض بيبقى الكفين على بعض
واثناء التشهد المفروض كف الرجل الشمال بيقى قاعد عليه يعنى بيتنى كف رجله من تحت
ولا ايه ؟؟؟؟؟؟؟؟

إظهار التوقيع
توقيع : قصرالاحلام
#24

افتراضي رد: تيجي نبدأ صفحة جديدة مع ربنا ونحقق كل احلامنا

درس رائع بارك الله فيكي
إظهار التوقيع
توقيع : لولو حبيب روحي
#25

افتراضي رد: تيجي نبدأ صفحة جديدة مع ربنا ونحقق كل احلامنا

رد: تيجي نبدأ صفحة جديدة مع ربنا ونحقق كل احلامنا




(وانها لكبيرة الا على الخاشعين)

البنات ايلي بيقولو الصلاة صعبة علينا ..بصراحه معاكم حق ...لانكم مخشعتوش

انا هبدأ اهو بس قبل ما ابدأ عايزاكي متقريش بعينك بس!!!
جربي تقري بقلبك...صحصحي قلبك كده وفوئيه ويلا بقى
اول حاجة هنتكلم فيها
يعني ايه خشوع يابنات ؟
يوووه بقى يانسمة بلاش ملل من اولها ماحنا عارفين
خشي في الموضوع
حاضر بس خلوني اقولكم ببساطه ان اساس الخشووع في قلبك
يعني تحسي ان قلبك منكسر ذليل ...اكيد كلنا عارفين حرقة القلب
لما تحسي الاحساس دا فخلاص مبروك انتي عرفتي توصلي للخشوع
شايفين البساطه
رد: تيجي نبدأ صفحة جديدة مع ربنا ونحقق كل احلامنا
طيب قبل ما اقولك ازاي تخشعي وازاي توصلي للاحساس دا ايلي في قلبك

الاول لازم تعرفي اهمية انك تخشعي ايه يعني؟؟؟
لانك لو عرفتي بجددددد هتوصلي للخشوع بسهولة
انتي عارفه انك اول ماتقفي وتنوي الصلاة وتقولي (الله اكبــــــر)
بمجرد ما تقوليها ربنا بيقبل عليكي
فاهمه يعني اييييييييييه ربنا الملـــــــــــــــــــــ ـك بيبصلك دلوقتي واقف قدامك..متخليه دي؟
معلش يعني متزعليش مني في الكلمة دي بس احنا اييييييييه علشان ربـــــــــنا يبصلنا ويقبل علينا وكمااان يرد علينا في صلاتنا يعني كأنك بتكلمي ربنا
تخيلي كل دا بيحصل اول ما تقولي الله اكبر وتصلي
شوفي الحديث دا وقولي هتحسي بايه
قال رسول الله {لا يزال الله عز وجل مقبلا على العبد وهو في صلاته ما لم يلتفت، فإذا التفت انصرف عنه} وقد سئل رسول اللهعن الالتفات في الصلاة فقال: {اختلاس يختلسه الشيطان من صلاة العبد} [رواه البخاري]
يعني ايه الكلام دا؟؟
يعني يابنات زي ما قولتلكم اول ما تقولي الله اكبر ربنا بيقبل عليكي علشان يرد عليكي في صلاتك
لو عينك بس راحت كده ولا كده
او قلبك سرح عن الصلاة
خلاص انتي كده التفتي عن صلاتك وكده الشيطان سرق صلاتك منك ونجح وتفوق كمان ..ومتستنيش من ربنا يستمر في اقباله عليكي
شوفتي عملتي كام حاجه بسبب سرحان في حاجه مش مهمه وحتى لو مهمه فمش اهم من الصلاة
بالله عليكي مش مكسوفه ..ربنا بيبصلك !! وانتي بتبصي ومشغوله مع حاجه تانيه خالص!!!!!
اسمعي ربنا بقى سبحانه وتعالى بيقولك ايه لما يلاقيكي انتي مشغوله في صلاتك مش مركزة:
ءالى خير مني؟ (يعني بيندهلك بيقولك سرحتي فين روحتي ف ايه اهم مني؟)
اوجدت لك اله غيري؟
اوجدت من يرحمك خير مني؟
ءاقبل عليك وتقبل انت على غيري؟؟؟

يااااا الللل لله
تخيلي ربنا بيقولك الكلام دا يعني بيندهلك بيقولك يافلانه ركزي معايا انا

ها حاسه بايه؟؟
مكسوفه ولا فرحانه ولا مندهشة ولا ايه
حسيتي يعني ايه صلاة؟ وانها مش مجرد حركات روتينيه بتعمليها وخلاص علشان تخلصي !!!

الرسول عليه الصلاة والسلام كان بيستنى وقت الصلاة بفارغ الصبر وكان بيقول لسيدنا بلال:ارحنا بها يابلال
ياترى احنا او معظمنا بنقول ايه:ارحنا منها!!!! مع كل اسف في ناس بتصلي علشان تأدي واجب بسرعه كده ويخلصوا بيقولوا اصلي واخلي علشان امارس حياتي!!!!
بالله عليكي ...كام صلاة في حياتك صلتيها وقدرتي تخلي ربنا ميصرفش وجهه الكريم عنك؟!
والله العظيم في ناااااااااس بيتسببوا ان ربنا يصرف عنهم وجهه الكريم من قبل ما يبدئوا يقولوا الله اكبر اصلا
لان حتى كلمة الله اكبر بتطلع منهم وعقلهم مركز في حاجات تانيه وقلبهم متعلق بناس تانيه
اوووووووعي تقولي كلمة الله اكبـــــر من غير ماتكوني حساها لان ربنا هيقولك انتي كداااااااااااابة
الله اكبر معناها مفيش في حياتي اكبر منك يارب

طب انتي عارفه ان في حديث بس ضعيف بيقول فيما معناه ان الصلاة بتدعي على او لصاحبها...يعني لو ضيع صلاته(والضياع هنا مش معناه انه ميصليهاش لا معناه كمان انه صلاها بس ضيعها لانه ساهي عنها) الصلاة بتدعي عليكي وتقولك ضيعك الله كما ضيعتني...واذا حافظتي عليها وبخشوع بتقول حفظك الله كما حفظتيني
الحديث ضعيف اه بس احنا لسه هنستنى لما نتاكد اذا كان ضعيف ولالا
طالما اتقال يبقى في شك ان الكلام دا بيحصل
افرضي بيحصل فعلا.. صلاتك تدعي عليكي!!! هي ناقصه
رد: تيجي نبدأ صفحة جديدة مع ربنا ونحقق كل احلامنا


طب تعالي شوفي النماذج دي كده واضحكي هههههههه ...... بس اووووعي تكوني منهم:
فيه ناس لما تيجي تصلي تقولك انا هخطف بس 4 ركعات وجاي بسرعه!!! وبعد الصلاة يقولوا ياسلام عليا عملت انجاااااااااااااز صليت في دقيقة ونص بس برافو عليا والله هحاول بقى المرة الجايه اصلي في دقيقة !!!

وفيه بنااااااااااات لما تيجي تصلي تقف قدام المرايا متعرفيش ليه!!!

وفيه بناااااااااااات وشباب برده لما ييجو يصلوا يعلو صوت التليفزيون علشان مش قادرين يغيبوا عن مسلسل ولا ماتش كورة واهم بالمرة يتابعوا المسلسل وهما بيصلوا !!!

وفي بنااااااااات تكون بتصلي وعينها تقع على مكان في الارض مثلا مش نضيف فيقولوا في سرهم لما اخلص صلاة هنضفه !!!!

وفي بناااااااااات يكون وراها معاد مثلا واتاخرت عليه بس لسه مصلتش فتقولك انا هصلي بسرعه كده واخلص وطول ما هي بتصلي عينيها في الساعه و عقلها وقلبها في المعاد ايلي رايحاه!!!

وفي ناااااااااس تكون بتصلي عادي كويس وييجي ابنهم ولا بنتهم يعملوا حاجه غلط تخيلوا رد فعلهم بيكون ايه؟
بيعلوا صوتهم في الصلاة وكأنهم يعني كده بيزعئوا هههههههههههههه هه

وفي نااااااااس مش بيلحقوا يحطوا راسهم في الارض اصلا ويسجدوا متعرفيش بيلحقوا ازاي يقولوا سبحان ربي الاعلى 3 مرات!!!
وناس وناس وناس

ها ضحكتي؟؟؟؟
لقيتي نفسك فيهم؟
طب بالله عليكي لو لقيتي نفسك فيهم او حاسه انك ممكن تبقى منهم في يوم من الايام
لأ
استني كده اعملي لنفسك فرمللللة وقولي ستوووووووب مش هعمل دا تاني ومن اول صلاتي الجايه هحس يعني ايه ربنا واقف قدامي بيكلمني باصصلي بيندهلي سامعني
مين فينا يابنات معندهاش هم؟
انتي بتقولي ايه يانسمة دا كلنا مهمومين او مخنوقين او حد مدايقنا او حد ظالمنا او حد جارحنا او هنموووت ونفرح
طب ولما انتو كل دول...بتعملوا ايه لما تحسوا بالخنقه والهم والملل؟
ايلي بتسمع اغنيه/ايلي تقوم ترقصلها شويا تفك خنقتها /ايلي تتصل بصاحبتها تفضض/ايلي بتقعد تلعب جيمز على الكمبيوتر/ايلي بتطلع غلبها في اهلها او جوزها او عيالها وتتنرفز عليهم وتكرههم في عيشتهم
صح يابنات؟
قلييييييييل اوووووووووووي ايلي بتقوم تهرب من همها دا وترميه على ايلي خالقها
صلي اسجدي عيطي لربنا احكيله فضفضي ايلي جواكي بتحكي لبشر ليه هيعملولك ايه
احكي لربك ايلي ابتلاكي وبكلمة دعاء منك ودمعه قادر يرفع عنك البلاء دا ويديكي ايلي انتي عيزاه في لحظه
حسسسي بمعنى الصلاة بجددد
شوفي ابن القيم قال ايه:في القلب خوف وقلق لا يذهبها الا الفرار الى الله
اذا فرح الناس بالدنيا فافرح انت بالله واذا انس الناس بالدنيا فاأنس انت بالله ..لا تسئم من الوقوف على بابه ولو طردت ..ولا تقطع الاعتذار ولو رددت ..فاذا فتح الباب للمقبولين فادخل دخول المتطفلين.. وابسط يدك على بابه وقل له مسكيييين فتصدق عليّ
رد: تيجي نبدأ صفحة جديدة مع ربنا ونحقق كل احلامنا
طيب خلاص بقى يانسمة فهمت انتي عايزة تقولي ايه خشي بقى في المهم وقولي اعمل ايه علشان اخشع؟

هقولك كذا نقطه تعمليها وبكده غصب عنك هتلاقي نفسك

إظهار التوقيع
توقيع : نسمه الكون
#26

افتراضي رد: تيجي نبدأ صفحة جديدة مع ربنا ونحقق كل احلامنا

خشعتي:
1/ترديد الاذان...
الاذان بيأذن اهو قولي زي ما بيقول المؤذن ولما يقول حي على الصلاة حي على الفلاح قولي لا حول ولا قوة الا بالله
وبعد الاذان قولي الدعاء المعروف اوله(اللهم رب هذه الدعوة التامة...)
وبعد ما تقولي الدعاء عايزة تدعي ادعي(الدعاء بين الاذان والاقامة لا يرد)

2/قومي اتوضي
استني رايحه فين؟
لازم تعرفي تتمتعي بالوضوء
اتمتع ايه يانسمة دا الجو تلج اصلا وبستحمل الميا بالعافية
ياحبيبتي ماهو كله بثوابه زي ما بيقولوا يعني كل دا حسنااااااات ليكي احتسبيها عند ربنا
اتمتعي بوضوئك مضيعيش على نفسك الاحساس دا..لما تغسلي ايدك فشوفي ذنوبك وهي خارجه من ايدك مع الميا...مش هتشوفيها بعينك بس تخيليها هتشوفيها
شوفي ذنوبك وهي خارجة من عينك لو مكنتش غضيتي نظرك في موقف معين
ذنوبك خارجه من فمك اهي شيفاها...ايوة فمك!! عايزة تقنعيني انك اعده مغتابتيش حد ولا نميتي على حد!!!
ذنوبك خارجه من رجلك شعرك اذنك ...عيشي الاحساس دا واتمتعي بيه هتفرحي اووووووي

3/ااااااااااااه جينا للصلاة بقى
استني ياقمر متصليش
بصي كده المكان ايلي هتصلي فيه نضيف؟ /لبسك انتي اصلا نضيف؟ /ريحتك حلوة؟/(يقول الله(يابني ادم خذوا زينتكم عند كل مسجد وكلوا واشربوا)الاعراف 31
المسجد هنا يابنات كلمة عامه مش مقصود بيها المسجد المسجد يعني..لا.... المسجد هو المكان ايلي الانسان بيصلي فيه عموما

نسمة بقولك ايه انتي بدئتي تخرفي ايه علاقه لبسي وريحتي والكلام دا بخشوعي؟
والله العظيم له علاقه كبيرة اووووووي
هقولك ليه
لو انتي مثلا بتصلي في مكان مش نضيف او ريحتك مش حلوة او لبسك ضيق او المكان ايلي انتي فيه حر اوي او برد اوي او حواليكي دوشة ...حالتك النفسية هتبقى عامله ازاي؟ من غير ما تحسي اقسم بالله هتلاقي نفسك قرفانه اصلا ومخنوقه ومضطرة تصلي لان ربنا عايز كده هتعملي ايه يعني!!!

انما تعالي بقى لو المكان هاااااااااادي/الجو فيه معتدل/ريحتك حلووووة/مكان السجود نضيف
حالتك عامله دلوقتي ايه؟ مش احسن؟ حاسة براحه نفسية من قبل ما تصلي اصلا
دانتي رايئه يانسمة ازاي اصلي في مكان هادي وطول الوقت البيت دوشة او الشارع او او!!
اقفلي على نفسك الباب
خرجيهم برا
ادخلي انتي مكان مفيهوش حد واقفلي الباب برده ولو فيه ترباس او مفتاح اقفليه كمان علشان محدش يدخل
والله العظيم انا شخصيا اعرف بنت مثلا تكون بتصلي ..الاقي اختها او اي حد من البيت داخل عليها يقولها بقولك ايه لما تخلصي صلاة تعاليلي!!!!
ايه يابنات الكلام دا...ينفع؟
محدش بيقدر الحرمانية ايلي بيقع فيها لما يشوشر على المصلي...فتجنبا لكل دا اقفلي على نفسك وريحي دماغك شويا منهم
فبالتالي لما هتبدئي في الصلاة هتبقى فعلا حاسة ومركزة بوجود ربنا قدامك

4/ اووووعي تصلي وانت جعانة او عطشانه او عايزة تدخلي التواليت مثلا
لانك هتلاقي نفسك في الصلاة بتصلي بسرعه بلهوجه علشان تاكلي او تشربي بعد الصلاة

5/يلا هتبدئي صلاة وتقول الله اكبـــــــــــــــر
وفعلا يبقى الله اكبر من اي حاجه شغلاكي او مأخراكي عن الصلاة او اي حد بيقولك صلي بسرعه يلا متسمعيش لحد متخليش الشيطان يسرق صلاتك

6/حاولي على اد ما تقدري تنوعي في السور الصغيرة ايلي بعد الفاتحه
يعني مش اي سورة واقلب
لا.. قولي مثلا قبل ما تصلي في سرك انا هقرا سورة كذا وكذا في الصلاه دي
اقريهم بتدبر براااااااااااااحه محدش بيجري وراكي

7/ابوس ايدك اوعي تلتفتي بعينك هنا ولا هنا والاهم اوعي تلتفتي بقلبك يعني تفكري ف حد واوعي تلتفتي بعقلك زي ايلي بتقول ياترا هناكل ايه انهارده ياترى الطبيخ ايلي ع النار اتحرق ولا لسه وتقعد تتخيل حكااااااااااايااااااااات متجيش ف بالها غير وقت الصلاة...طبعا ماهو الشيطان بيسرقها منك ولا انتي هنا
8/لازم تدي لكل حركة من حركات الصلاة حقها
عند الركوع اركعي كده بهدوء وقولي سبحان ربي العظيم ...حسيييييييها
ولما تقفي من الركوع قولي:الحمد لله كما ينبغي لجلال وجهه وعظيم سلطانه..انتي مش متخيله ربنا بيحب الصيغه دي ازاي..لدرجه ان بنا طلب من الملائكه محدش يكتب ثوابها ووعد ايلي يقولها انه هيوريله ثوابه في الاخرة من كتر ماثوابها كبيييييييييير
اهم حركة...السجووود...ب اااس انتي في اللحظة دي قريبة اووووووووي من ربنا يلا فرصتك جت معقول مصممه تضيعيها ..معقول معندكيش طلب تطلبيه من ربنا؟؟؟؟..اطلبي وعيطي واتذللي
لو عملتي كده لامحالة لا محاله ربنا هيستجيبلك
مش يمكن دي تكون اخر سجدة وربنا يرفعك بيها مبااااااااااااشرة للجنة
رد: تيجي نبدأ صفحة جديدة مع ربنا ونحقق كل احلامنا
انا كده خلصت كلامي يابنات

والواجب انك هتوصلي للخشوع وديما حطيها قدامك انك انتي ايلي محتاجه لربنا مش هو ايلي محتاجلك ومع ذلك بيندهلك لما تلتفتي في صلاتك
سبحانك يارب

حاجه اخيرة..فى بنوته جزاها الله كل خير عملتلنا جدول جميل اوي يريحنا للصلاة ماعليكم غير انكم تحطوه في برنامج الرسام وتحطوه مع كل صلاة درجتكم
او ايلي عندها برينتر ممكن تطبعه
او ايلي مش عاجبها لا كده ولا كده ممكن تعمل زيه معاها في ورقه وتخليها معاها
انا عايزة اريحكم..مش عايزة حجه او عذر بالله عليكم
احنا دلوقتي صفحتنا بيضا والملايكة حوالينا وبنحارب الشيطان اوعو تستسلموا
رد: تيجي نبدأ صفحة جديدة مع ربنا ونحقق كل احلامنا


معلش حاجه اخيرة بجد المرادي...للاسف للاسف بعد كل دا لسه في بنات مش قادرين على الشيطان خصوصا في صلاة الفجر
وانا زعلانه اني اقول كده
بس عندي اقتراح يمكن ينفع معاهم : لما المنبه يرن والشيطان يقولك لالا نامي نامي وابدئي من بكرا وخلاص
لو قلبك طاوعك وسمعتي كلامه فعلى الاقل خلي عينك مطاوعكيش وتغمض وتخيلي لما تغمضي عينك وتوشفي ضلمة تخيلي ان يوم القيامه بسبب تاخيرك للصلاة وخصوصا صلاة الفجر هيبقى عقابك انك هتبقى في وادي اسمه وادي الويل
دا وادي مظلم جداااااا كله تعابين وعقارب وحيات
غمضي بقى عينك براحتك واحلمي بالوادي دا وشوفي هتحسي بايه من الرعب

يعلم ربنا انا تعبت ازااااااااااي في الموضوع دا بالذات فارجوكم بلاش احس ان تعبي في الارض لما الاقيكم مستسلمين لحالكم

اسال الله العظيم رب العرش العظيم ان يهديكم ويقوي ايمانكم ويثبت قلوبكم
سبحانك اللهم وبحمدك اشهد ان لا اله الا انت استغفرك واتوب اليك

المحاضرة الجاية: محاضرة استثنائية(حددي نوع نفسك... علشان تحاربيها صح)
و اسفه اوى انى اتاخرت عليكم بس والله ظروف

إظهار التوقيع
توقيع : نسمه الكون
#27

افتراضي رد: تيجي نبدأ صفحة جديدة مع ربنا ونحقق كل احلامنا

درس رائع حبيبتي جزاكي الله خير
إظهار التوقيع
توقيع : لولو حبيب روحي
#28

افتراضي رد: تيجي نبدأ صفحة جديدة مع ربنا ونحقق كل احلامنا

ربنا يبارك فيك ويجزيك عننا كل خيررر
إظهار التوقيع
توقيع : ريموووو
#29

افتراضي رد: تيجي نبدأ صفحة جديدة مع ربنا ونحقق كل احلامنا

بارك الله فيكي يا نسمة و جزاكي خيرا عنا
إظهار التوقيع
توقيع : جوداء
#30

افتراضي رد: تيجي نبدأ صفحة جديدة مع ربنا ونحقق كل احلامنا

بارك الله فيكى حبيبتى
الحمد لله انا من يوم الدرس اللى فات والحمد لله مواظبه على صلاة الفجر حاضر
حتى انهارده قومت من غير منبه
يارب ثبتنى على كدا
يعنى ما تقلقيش تعب مرحش ع الفاضى
وان شاء الله ليكى اجر وثواب كبيييييييييير عند ربنا
ربنا يبارك فيكى حبيبتى ويكتر من امثالك ان شاء الله

إظهار التوقيع
توقيع : قصرالاحلام
#31

افتراضي رد: تيجي نبدأ صفحة جديدة مع ربنا ونحقق كل احلامنا

رد: تيجي نبدأ صفحة جديدة مع ربنا ونحقق كل احلامنا
انهارده يابنات مش هنتكلم عن العبادة بطريقة مباشرة زي كل مرة
بس هنتكلم في حاجه هتخليكي تقوي على الطاعه وتغلبي الشيطان صح
جايز في يوم من الايام توصلي زي سيدنا عمر بن الخطاب ايلي بيخاف منه الشيطان ولما كان بيمشي في طريق ,الشيطان يمشي من طريق تاني....ليه منوصلش لكده يعني ..ليه معندناش الغيرة الحلوة دي؟
مانتي لو حطاها في دماغك هتجبيها صدقيني

بس خدي بالك... في حاجه اقوى من الشيطان ممكن تتسببلك في معصية كبيرة
هي نفســـــــــــــــــك....انتي يعني
ايه يانسمة الكلام دا؟؟ بلاش تأليف
والله يابنات مش تأليف..دا كلام ربنا وهوريكم الدليل
مش انتي عارفه ان في رمضان ربنا بيصفد الشياطين؟؟؟
اه طبعا حاجه معروفه
طب عمرك سالتي نفسك الجرائم ايلي بتحصل في رمضان دي مين وراها طالما مفيش شياطين؟؟
بلاش الجرايم ملناش دعوة
انتي انتي ايوة انتي عايزة تقنعيني انك في رمضان الاستقامه واخده حدها معاكي صح؟ يعني بتقعدي 30 يوم من غير كدبة؟؟
من غير ما تغتابي جارتك ولا صحبتك ولا فلانه؟
من غير ما تتريئي على حد؟؟
من غير ما تسمعي ولو اغنيه كده ولا كده؟
من غير ما تفوتي صلاة او تاخري صلاة او تجمعي صلاة؟
جاوبيني بتعملي كده في رمضان بالله عليكي؟
للاسف لا محدش بيقدر يستقيم في رمضان طول ال30 يوم ويقعد كل ثانيه في طاعه لربنا الا من رحم ربي
طب دا من ايه؟ ومفيش شيطان اهو وربنا هو ايلي قال ؟
من ايه ماتجاوبيني ...مش انتي بتتحججججججججججججي بالشيطان..ماهو رمضان اهو بييجي 30 يوم ومفيش فايده برده بتغلطي...يبقى المشكله فين بقى
فيكي انتي
بمعنى اصح(في نفســـــــــك)
رد: تيجي نبدأ صفحة جديدة مع ربنا ونحقق كل احلامنا

في بنات كتييييييييييير يمكن انتي تكوني منهم بيقولوا ايه:
انا مش عارفه مالي يعني ممكن تلاقيني بقرا اهو المحاضرة دلوقتي ومفيش نص ساعه انسى كل دا ولا الهوا وارجع زي ماكنت!!!
طبعا معاكي حق لانك ضعيفة... نفسك مقيداكي سجناكي في غفلتك...انتي اسيرة لنفسك ...مش عارفه تقوليلها ولو مرة واحدة لأ مش هسمع كلامك بقى كفاية انا هسمع كلام ربنا
رد: تيجي نبدأ صفحة جديدة مع ربنا ونحقق كل احلامنا

طيب اكيد انتي دلوقتي بتسالي اسئله كتير ومن ضمنها :ازاي اعرف ان الوسوسة من الشيطان ولا من نفسي؟
هقولك ببساطه
الشيطان بييجي يقولك على معصية زي مثلا ييجي يقولك:بقولك ايه متسمعيش كلام باباكي ولا مامتك ..دول دقه قديمه سيبك منهم
هتيجي انتي مثلا تقولي اعوذ بالله من الشيطان الرجيم
خلاص كده انتي رفضتي الشيطان ...اهو مشي وسابك بس هيرجعلك تاني بمعصية جديدة وهكذا
لان هدف الشيطان مش انه يوقعك في معصية بذاتها
لا ...هدفه يخليكي تغلطي وتعملي معاصي على اي شكل وباي طريقه المهم ينجح في خططته
وانتي مجرد ما تقولي اعوذ بالله من الشيطان الرجيم وتحصني نفسك ...خلاص مش هيضرك مهما عمل

انما مين بقى ايلي بيخلي معصية(معينه) تحلى في عينك؟؟
هي نفسك انتي
ليه بقى؟؟؟؟؟
هقولك حوار ديما يحصل جواكي من غير ما تحسي بينك وبين نفسك وبين الشيطان:
الشيطان: بقولك ايه يانسمة ايه رايك تجربي كده تتكلمي مع شاب وتعيشي حياتك او تجربي البسي لبس روش كده ايه الخنقة ايلي انتي لبساها دي مفيش عرسان هيجولك كده ياهبله..او اتصلي بصحبتك اقعدي ارغي معاها عن صحبتكم الخنيقه التانيه دي... او سيبك سيبك متصليش دلوقتي خليكي بتتفرجي لحسن اللقطه دي هتفوتك وهتندمي..او متصحيش تصلي الفجر ياشيخه الجو برد اصلا نامي وربنا هيسامحك ... او او او او

نسمة:اعوذ بالله من الشيطان الرجيم...لالا مش هعمل كده حرام
الشيطان كده انصرف في اللحظه دي وسابك بقى مع نفسك
نفسك: جرالك ايه يابنتي ايه الكلاكيع دي فكي كده بلاش عقد وكلام كبير عيشي حياتك فيها ايه يعني ما تخرجي مع الشباب ولا متسمعيش كلام اهلك او جوزك ولا تلبسي على الموضة زي البني ادمين!!! ولا تشتمي صحبتك او تتكلمي عنها وحش ما هي المستفزة بصراحه ولا تفوتي صلاة خلاص يعني الايمان مقطع بعضه ياست الشيخه!!!!

بناااااااااات
اللحظه دي بقى هنا حاسمة
لو نسمة سمعت كلام نفسها خلاص هي كده ضاعت..وفعلا متلومش غير نفسها ...نفسها هي ايلي ضيعتها كده ..
انما بقى لو نسمة قالت لنفسها اخرسي خالص اعوذ بالله منك مش هسمع كلامك لان ليا عقل اعرف بيه الصح من الغلط وليا رب يوجهني للصح
خلاص كده نسمة فازت بنفسها

يارب تكونوا فهمتوا المعنى ايلي عايزة اوصله
رد: تيجي نبدأ صفحة جديدة مع ربنا ونحقق كل احلامنا

نيجي بقى لانواع النفس: 3 انواع ربنا ذكرهم في القرءان
1/ النفس الامارة بالسوء
{وَمَا أُبَرِّئُ نَفْسِي إِنَّ النَّفْسَ لأَمَّارَةٌ بِالسُّوءِ إِلاَّ مَا رَحِمَ رَبِّيَ إِنَّ رَبِّي غَفُورٌ رَّحِيمٌ}
دي بقى النفس الشريرة ... الناس ايلي بتحب الشر ...زي ما بتقولي كده على حد دا بني ادم مؤذي ربنا ينتقم منه
طبعا الحمد لله مش في حد مننا وانا متاكده

2/النفس اللوامة
لا أقسم بيوم القيامةولا أقسم بالنفس اللوامة
النفس دي بقى يابنات بتقعد تلوم صاحبتها على كل حاجه بتعملها من ساعه ما تقوم من النوم لحد ما تنام
وتقعد تقولها ليه عملتي كده وتخليها تندم

3/النفس المطمئنة
اااااااه دي اعلى درجات النفس ...ربنا بيحبها اوووي
تخيلي ان النفس دي اعز الى الله واحب الى الله من الكعبة!!!!
لانها مستقر النور في الارض..نفس خاشعة..متوكلة على الله..تشتاق الى الله...تأنس بالله
وربنا كرمها وقال عنها: يا ايتها النفس المطمئنه ارجعي الى ربك راضية مرضيه فادخلي في عبادي وادخلي جنتي
يابنات حطيها حلقة في ودانك..ايلي يعرف ربنا ميخسرش ابدااااااااا
وعلشان تعرفي ربنا لازم تحاربي نفسك لو بتحلي معصية في عينك
لازم توقفيها عند حد ...نفسك دي اقوى من الشيطان نفسه

وساعات انتي في اليوم الواحد ممكن تبقى ال3 حالات دول!!!!
هقولك ياستي ازاي
تصحي من النوم عادي نفسك مطمنه هادية تصلي كده بخشوع وتدعي ووو
مجرد ماتزلي من بيتك رايحه الشغل ولا الجامعه ولا المدرسة العفاريت تمسكك تحسي انك مش طايقه حد ولا طايقه نفسك وعايزة تمسكي اي حد تتخانقي معاه ههههه(بتتخانقي مع دبان وشك يعني) دي كده امارة بالسوء
ترجعي بيتك بليل تحسي بتانيب ضمير على لفظ قولتيه لحد او خناقه او حاجه عملتيها غلط(دي كده نفس لوامه)

ها انتي انهي نوع في دول؟؟
مش عارفه يانسمة بس انا اوقات بحس نفسي مش ولا نوع في دول!!!
لا ابوس ايدك اوعي تقولي كده
مانتي لو مش لاقيه نفسك فيهم يبقى انتي النفس الرابعه ايلي من كتر ما ربنا بيستحقرها مذكرهاش في القرءان!!!
ايه النفس الرابعه دي يانسمة ربنا يستر؟
النفس الغافلة
يعني ايه يانسمة
يعني ولا هي بتعمل خير ولا بتعمل شر
عايشة وخلاص يعني وبيقولوا اهي عيشة والسلام وايام وبنعيشها !!!!
ملهية في تربية العيال وشغل البيت...ملهية في المذاكرة والدراسه ..ملهية في الفسح والخروجات والفيس بوك والكلام مع الشباب..ملهية عن مصحفها وطاعتها لربها وخشوعها في صلاتها..ملهية عن كل حاجه
النوع دا يابنات لامنه كسب الدنيا ولا منه هيكسب الاخرة ...خسرتي كل حاجه بسبب غفلتك دي ..
نوع النفس دي الشيطان حتى مش بيقربلها!!!!!
نعم يانسمة؟؟؟
اه والله وهقولك ليه
لانك كده كده غافله لا بتذكري الله ولا بتقري قرءان بتدبر او مش بتقري اصلا ولا بتصلي بخشوع او مش بتصلي اصلا..كل همك في الحياة اتخرج اشتغل اجيب فلوس اتجوز اخلف اربي العيال اعلمهم بفلوسي اجوزهم كمان بس كده اطمنت عليهم يلا هنموت بقى
طب الشيطان هيقربلك ليه..مانتي كده كده بتطيعي الشيطان من غير ما يتعب نفسه ويوسوسلك...هدف الشيطان الاساسي ان يلهيكي عن ربنا عن فرحتك بالقرب من ربنا عن اشتياقك لما تحسي انك بعدتي شويا عن ربنا..فانتي كده كده ملهيه من غير ما الشيطان يتعب نفسه معاكي
فالشيطان هيحاول ميوقعكيش في معاصي
لسبب بسيط لانك لو وقعتي في معصية ممكن تلومي نفسك وتبدئي تفوئي من غفلتك وتتوبي وترجعي لربك
علشان كده الشيطان مش بيقربلك
وانتي لاحول ولا قوة مبتعمليش معاصي اه
بس يافرحتي
شوفي ربنا بيقول عنك ايه: لَهُمْ قُلُوبٌ لا يَفْقَهُونَ بِهَا وَلَهُمْ أَعْيُنٌ لا يُبْصِرُونَ بِهَا وَلَهُمْ آذَانٌ لا يَسْمَعُونَ بِهَا أُوْلَئِكَ كَالأَنْعَامِ بَلْ هُمْ أَضَلُّ أُوْلَئِكَ هُمُ الْغَافِلُونَ
يعني حتى الانعام في الحالة دي ربنا فضلهم عنك
يااااااااا للدرجه دي
ايوااااااااااااا واكتر ...الموضوع خطير يابنات مش سهل ارجوكي خدي بالك من نفسك جاهديها على اد ما تقدري
قوليلها لا ولو مرة.
رد: تيجي نبدأ صفحة جديدة مع ربنا ونحقق كل احلامنا

دقيقة......
دلوقتي حالا حددي نوع نفسك؟ تحبي لنفسك تكون ايه؟ وهتعملي ايه علشان توصليلها؟
حددي ذنوبك..يعني ليكي ذنب معين بتعمليه علطول مش عارفه توقفيه؟؟
زي مثلا غض النظر/كلامك مع شاب/معاملتك لاهلك وجوزك/بتسيبي صلاة الفجر/بتاخري الصلاة/مش محجبة/لبسك مش ملتزم او في حاجه عايزة تغيريها للاحسن/بتغتابي الناس
ها حددتي نفسك ؟ عرفتي عايزة انهي نفس؟ حددتي ذنبك؟
رد: تيجي نبدأ صفحة جديدة مع ربنا ونحقق كل احلامنا
طيب تعالي بقى هقولك 5 حاجات لو عملتيها هتبقى عند ربنا ربانية
استني الاول انتي عارفه يعني ربانية؟؟؟ متقريهاش وتعديها كده مينفعش فكري فيها الاول وراكي ايه يعني
العبد الرباني يابنات يعني العبد ايلي تعلق قلبه بالله وجاهد نفسه وشيطانه عن المعاصي يعني اكيد كان بيضعف في لحظات ويعمل معاصي بس كان بيتوب ويراجع نفسه ويرجع لطريقه بسرعه لحد ما الشيطان بقى يخاف يقربله اصلا ولحد ما بقى رباني يعني ربنا بيحبه لو قولتي انا عايزة كذا من قبل ما تكملي ربنا هيديهالك

طيب يانسمة قولي شوقتينا ياريت ابقى ربانيه بس اعمل ايه؟
ياحبيبتي ماهو انتي لما تجاهدي نفسك وشيطانك شويا شويا هتلاقي نفسك غصب عنها سكتت وهديت ومبقتش تطلب شهوة او معصية وبالتالي هتبقى ربانية...
طب نسمة اجاهد نفسي ازاي يعني؟
بصي ياقمر
ابن القيم بيقولك ان فيه 14 نوع من انواع الجهاد من ضمنهم الجهاد في سبيل الله وجهاد النفس
ليه قولت الجهاد في سبيل الله!!!!! علشان اقولك ان جهاد نفسك دا مهم اد ايه لدرجة انه اتحط مع الجهاد في سبيل الله!!
نيجي لمجاهدة النفس 5 انواع لو عملتي نوع منهم = جهاد للنفس
لو عملتي الخمسه= عبد رباني

1/مجاهدة الشهوات(متستسلميش لشهواتك مهما كانت)
2/مجاهدة النفس في تعلم العلم(اتعلمي دينك اعرفي تفتحي المصحف ازاي وتقري ازاي عيب عليكي يعني...اتعلمي حاجه تنفعك لدينك واخرتك وعلى فكرة دا ايلي احنا بنعمله سوا في كل محاضرة)
3/مجاهدة النفس في العمل بما تعلمت(يعني ايلي انتي اتعلمتيه دا وبتتعلميه لسه معانا اعملي بيه اغصبي على نفسك قاومي قوليلها لا مش هضعفلك انا هقوى علشاني وعلشان ربنا وعلشان اخرتي)
4/دعوة الناس الى العمل بما تعلمتي(يعني اتعلمتي اهو حاجه وعملتي بيها..حاولي بقى تدعي اهلك صحابك جوزك اي حد ...حاولي تعلميه ايلي انتي اتعلمتيه..اوعي تشوفي غلط وتسكتي..المؤمن الصح ميقولش انا مالي!!...علميهم لو فشلتي ادعيلهم بالهدايه من قلبك)
5/الصبر على مشاق الدعوة(النقطه دي مهمه اوووووي)
انا هفهمك
انتي مثلا دلوقتي مكنتيش محجبة او كان لبسك ضيق وحرام وجيتي اتغيرتي واتحجبتي او غيرتي ستايل لبسك وبقى مش بيغضب ربنا
هتلاقي الناس حواليكي بتقولك ليه كده ياحبيبتي دانتي كنتي زي القمر/دانتي لسه صغيرة على اللبس دا/صحابك هيتريئوا عليكي /اهلك هيقفوا قصادك
وانتي من جواكي صابرة على كل داJ
ياااااه لو حد يقدر يعمل ال 5 حاجات دول
انتي كده بتعملي قمة الدين اعلى حاجه في الاسلام اوعي تقللي من الكلام دا اوعي

بصي احد التابعين بيقول ايه: (ان اول شئ يستحق ان تجاهده..نفسك التي بين جنبيك فانك ان انتصرت على نفسك كنت على غيرها اقدر..وان هزمت امام نفسك كنت عن غيرها اعجز)
يعني انتصري على نفسك= هتنتصري على الدنيا بما فيها
رد: تيجي نبدأ صفحة جديدة مع ربنا ونحقق كل احلامنا

انا كده خلصت الحمد لله
وعلشان محدش يبقى تايه
كل الكلام دا هدفي منه اعرفك اد ايه نفسك دي ممكن توديكي في داهية وتقرفك وتسببلك خنقه وملل
واد ايه برده ممكن نفسك دي تبقى سبب لدخولك الجنه وفرحة قلبك في الدنيا والاخرة كمان

حددي نوع نفسك وحطيلك هدف عايز توصليله وحددي ذنوبك بورقة وقلم وحاربي وقاومي على اد ما تقدري لحد ما تخلصي من الذنب دا علشان ساعتها بس تبقى حبيبة ربنا
كلمة حلوة صح؟

حاجه اخيرة
انتو طلبتوا اننا نتكلم شويا عن المعامله وكده
فعلشان كده هنعمل ايه بقى
هنخصص محاضرة عن العباده
ومحاضرة عن المعامله يعني نعرف سوا ازاي نتعامل مع الناس كلها بمختلف اعمارهم وازاي تقوي شخصيتك وحاجات كتير مش وقتها دلوقتي علشان مطولش اكتر من كده
وهنخلي بعد كل محاضرة عن المعامله دي نفتح باب المناقشه بعدها بينا علشان اي بنوته عندها استفسار او مشكله نساعدها باذن الله
يبقى كده هنعتبر دي اول محاضرة في سلسله المعامله والسلوك

الواجب: مفيش بس بالله عليكي اقفي وقفة مع نفسك وحددي ذنوبك وقرري انك هتبطليها وهتحاربي نفسك من دلوقتي

ومتنسوش تقرير الصلاة لان في بنات مش بتكتب تقريرها...مش عايزين كسل بقى يلا

المحاضرة الجاية مهمه يابنات:عايزة تحسي براحه بال وسعادة فظيعه...اذكري الله



رد: تيجي نبدأ صفحة جديدة مع ربنا ونحقق كل احلامنا

إظهار التوقيع
توقيع : نسمه الكون
#32

افتراضي رد: تيجي نبدأ صفحة جديدة مع ربنا ونحقق كل احلامنا

ماشاء الله عليك اختى

ربنا يكملك بعقلك
موضوعك رااائع جدا وعجبنى

ربنا يهدى على ايدك جميع بناتنا واخواتنا ياااارب


تم تكريم الموضوع المميز

مبروووك

إظهار التوقيع
توقيع : ريموووو
#33

افتراضي رد: تيجي نبدأ صفحة جديدة مع ربنا ونحقق كل احلامنا

جزاكي الله خيرا و جعله في ميزان حسناتك
إظهار التوقيع
توقيع : جوداء
#34

افتراضي رد: تيجي نبدأ صفحة جديدة مع ربنا ونحقق كل احلامنا

معاكي حبيبتي
ربنا يسعد مساؤكم
اسم الكروب ايه؟
اكيييييييييد معاكي

إظهار التوقيع
توقيع : ايفين
#35

افتراضي رد: تيجي نبدأ صفحة جديدة مع ربنا ونحقق كل احلامنا

رد: تيجي نبدأ صفحة جديدة مع ربنا ونحقق كل احلامنا




اذكار الصباح والمساااااااااااااء


مهمه جدا جدا جدا جدا جدا جدا
كفاية انها الاذكار ايلي كان بيقولها حبيبك الرسول عليه الصلاة والسلام كل يوم مرة بالصبح ومره بالليل


وقتها( وسبح بحمد ربك قبل طلوع الشمس وقبل غروبها)
اذكار الصباح من صلاة الفجر لحد الشروق
اذكار المساء من صلاة العصر ل المغرب

طيب افرضي وقتها عدى عليكي ونسيتي تقوليها او ملحقتيش او كنتي نايمه تعملي ايه ؟؟
قوليها برده حتى لو وقتها انتهى .. مش مهم بس قوليها

رد: تيجي نبدأ صفحة جديدة مع ربنا ونحقق كل احلامنا


اهميتها
كل ذكر من اذكار الصباح والمساء بتحفظك من حاجه مهمه جدااااا طول اليوم
يعني ايلي يحفظك من الحسد // من نفسك// من الشيطان// من الجن // من اي ضرر // من الحزن// الهم والغم// الكسل// المرض // وغيره كتيييييييير
يلا نتعلمها سوا ويلا نشجع بعض اننا نقولها كل يوم لااااااااااازم


رد: تيجي نبدأ صفحة جديدة مع ربنا ونحقق كل احلامنا

اهي

هقولها وهقول معاها فضلها ايه
1/
(قل هو الله أحد ) (قل أعوذ برب الفلق ) ( قل أعوذ برب الناس )

العدد
3 مرات


اهميتها


(( قال صلى الله عليه وسلم " قل هو الله أحد والمعوذتين حين تمسي وحين تصبح ثلاث مرات تكفيك من كل شيء ))
يعني ايه تكفيك كل شئ؟
يعني باذن الله مفيش اي حاجه تأذيكي ابداااااا ويبعد عنك شر الحسد والذي منه


رد: تيجي نبدأ صفحة جديدة مع ربنا ونحقق كل احلامنا


2/
( قرائة آية الكرسي ) {اللّهُ لاَ إِلَهَ إِلاَّ هُوَ الْحَيُّ الْقَيُّومُ لاَ تَأْخُذُهُ سِنَةٌ وَلاَ نَوْمٌ لَّهُ مَا فِي السَّمَاوَاتِ وَمَا فِي الأَرْضِ مَن ذَا الَّذِي يَشْفَعُ عِنْدَهُ إِلاَّ بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلاَ يُحِيطُونَ بِشَيْءٍ مِّنْ عِلْمِهِ إِلاَّ بِمَا شَاء وَسِعَ كُرْسِيُّهُ السَّمَاوَاتِ وَالأَرْضَ وَلاَ يَؤُودُهُ حِفْظُهُمَا وَهُوَ الْعَلِيُّ الْعَظِيمُ }

العدد
مرة واحده

اهميتها
,, لن يزل عليك حافط ولا بقربك شيطان حتى تصبح او حتى تمسى)

يعني لو قولتي اية الكرسي مرة الصبح الشيطان مش هيقربلك لحد بليل ولما تقوليها بليل الشيطان مش هيقربلك لحد الصبح

رد: تيجي نبدأ صفحة جديدة مع ربنا ونحقق كل احلامنا


3/ حسبي الله لا اله الا هو عليه توكلت وهو رب العرش العظيم

العدد: 7 مرات
اهميتها: لو قولتيها ربنا هيكفيكي شر همومك في اليوم دا



4/اللهم بك اصبحنا وبك امسينا وبنك نحيا وبك نموت واليك النشور
وطبعا بليل تقولي اللهم بك امسينا وبك اصبحنا ...

العدد: مرة واحده

رد: تيجي نبدأ صفحة جديدة مع ربنا ونحقق كل احلامنا

سم الله الذي لا يضر مع اسمه شئ في الارض ولا في السماء وهو السميع العليم

العدد: 3 مرات
اهميتها:
من قالها لم يضره شي ذالك اليوم وفي رواية لم تصبه فجأة بلاء



6/ لا اله الا انت سبحانك اني كنت من الظالمين

العدد: 3 مرات
اهميتها: مادعا به مهموم ولا مغموم ولا مكروب ولا مديون في ثلاث مرات الا استجيب له

رد: تيجي نبدأ صفحة جديدة مع ربنا ونحقق كل احلامنا


7/ رضيت بالله ربا وبالاسلام دينا وبمحمد صلي الله عليه وسلم نبيا ورسولا

العدد: 3 مرات
اهميتها: من قالها ثلاثا صباحا ومساءا كان حقا على الله ان يرضيه
وحديث دا بيقول
قال رسول الله: من رضي بالله ربا وبالإسلام دينا وبمحمد نبيا وجبت له الجنة

يعني بالبلدي كده
لما تقوليها
ربنا هيراضيكي وكمان هتفوزي بالجنه

رد: تيجي نبدأ صفحة جديدة مع ربنا ونحقق كل احلامنا


8/
أصبحنا وأصبح الملك لله، والحمد لله ، لا إله إلا الله وحده لا شريك له ، له الملك ، وله الحمد ، وهو على كل شيء قدير ، رب أسألك خير ما في هذا اليوم وخير ما بعده ، وأعوذ بك من شر ما في هذا اليوم وشر ما بعده ، رب أعوذ بك من الكسل وسوء الكبر ، رب أعوذ بك من عذاب في النار وعذاب في القبر ) ( مرة واحدة ) (( واذا امسى يقول ,,, أمسينا وامسى الملك لله .. )) ( وبدل هذا اليوم ,, يقول هذه الليله )


9/
(اللهم إني أسألك العفو والعافية في الدنيا والآخرة ، اللهم إني أسألك العفو والعافية في ديني ودنياي وأهلي ومالي ، اللهم استر عوراتي وآمن روعاتي ، اللهم احفظني من بين يدي ، ومن خلفي ، وعن يميني ، وعن شمالي ، ومن فوقي ، وأعوذ بعظمتك أن أغتال من تحتي )
( مرة واحده )
(( يحفظك الله من كل الجهات )) .

رد: تيجي نبدأ صفحة جديدة مع ربنا ونحقق كل احلامنا




10/
( اللهم إني اصبحت أشهدك وأشهد حملة عرشك وملائكتك وجميع خلقك أنك انت الله لا إله الا أنت وحدك لا شريك لك و أن محمداً عبدك ورسولك )

وطبعا بليل تقولي اللهم اني امسيت ..
العدد
( 4 مرات )


اهميتها
(( من قالها في الصباح او المساء أعتقه الله من النار ))

يعني لو قولتيها مثلا مرة واحدة وموتي في اليوم او الليله دي على كده
ربنا هيعتق ربعك بس من النار
ولو قولتيها مرتين
هيعتق نصفك
ولو 3 مرات
هيعتق 3/4
ولو 4 مرات
هيعتقك كلك على بعضك


رد: تيجي نبدأ صفحة جديدة مع ربنا ونحقق كل احلامنا


11/ اللهم اني اعوذ بك من الهم والحزن.. واعوذ بك من العجز والكسل.. واعوذ بك من الجبن والبخل.. واعوذ بك من غلبة الدين وقهر الرجال

العدد مرة واحده
اهميتها: ربنا هيفك كربك ويقضي عنك الدين



12/اللهم اني اصبحت منك في نعمة وعافية وستر فاتمم نعمتك عليا وعافيتك وسترك في الدنيا والاخرة

العدد: 3 مرات
اهميتها: ربنا هيتمم نعمته وستره عليكي


رد: تيجي نبدأ صفحة جديدة مع ربنا ونحقق كل احلامنا



13/ اللهم عافني في بدني اللهم عافني في سمعي اللهم عافني في بصري لا اله الا انت .. اللهم اني اعوذ بك من الكفر والفقر واعوذ بك من عذاب القبر لا اله الا انت

العدد 3 مرات


14/ اللهم فاطر السموات والارض عالم الغيب والشهادة ..رب كل شئ ومليكه.. اشهد ان لا اله الا انت اعوذ بك من شر نفسي ومن شر الشيطان وشركه وان اقترف على نفسي سوءا أو اجره الى مسلم

العدد مرة واحده
اهميتها: ربنا هيبعد عنك وسوسه الشيطان


رد: تيجي نبدأ صفحة جديدة مع ربنا ونحقق كل احلامنا



15/
عَنْ أَبِي عَيَّاشٍ رضي الله عنه: أَنَّ رَسُولَ اللَّهِ صلى الله عليه وسلم قَال: ( مَنْ قَالَ إِذَا أَصْبَحَ: لاَ إِلَهَ

إلاَّ اللَّهُ وَحْدَهُ لاَ شَرِيكَ لَهُ، لَهُ الْمُلْكُ، وَلَهُ الْحَمْدُ، وَهُوَ عَلَى كُلِّ شَيْءٍ قَدِيرٌ،
كَانَ لَهُ عِدْلَ رَقَبَةٍ مِنْ وَلَدِ

إِسْمَعِيلَ، وَكُتِبَ لَهُ عَشْرُ حَسَنَاتٍ، وَحُطَّ عَنْهُ عَشْرُ سَيِّئَاتٍ، وَرُفِعَ لَهُ عَشْرُ دَرَجَاتٍ، وَكَانَ فِي حِرْزٍ مِنَ

الشَّيْطَانِ حَتَّى يُمْسِيَ. وَإِنْ قَالَهَا إِذَا أَمْسَى كَانَ لَهُ مِثْلُ ذَلِكَ حَتَّى يُصْبِحَ )


رد: تيجي نبدأ صفحة جديدة مع ربنا ونحقق كل احلامنا




16/
عَنْ أَبِي الدَرْدَاءِ رضي الله عنه قالَ: قَالَ رَسُولُ اللهِ صلى الله عليه وسلم : ( منْ صَلَّى عَلَيَّ حِينَ

يُصْبِحَ عَشْراً وَحِينَ يُمْسِي عَشْراً، أَدْرَكَتْهُ شَفَاعَتِي يَومَ القِيَامَةِ )

يعني كل يوم صبح وليل صلي على حبيبك محمد 10 مرات



رد: تيجي نبدأ صفحة جديدة مع ربنا ونحقق كل احلامنا



17/
عن أبي هريرة رضي الله عنه : قال النبي صلى الله عليه وسلم : " من قال حين يصبح وحين يمسي : سبحان الله وبحمده مائة مرة لم يأت أحد يوم القيامة بأفضل مما جاء به إلا أحد قال مثل ما قال أو زاد عليه "



18/ سيد الاستغفار
اللهم انت ربي لا اله الا انت خلقتني وانا عبدك وانا على عهدك ووعدك ما استطعت .. اعوذ بك من شر ما صنعت .. ابوء لك بنعمتك علي وابوء بذنبي فاغفر لي فانه لا يغفر الذنوب الا انت

العدد مرة واحده
لو قولتيها بقلبك وانتي مقتنعه بيها بجد وموتي ف اليوم دا علطول ع الجنه من غير كلام[IMG]https://files.***- ***- *.com/smilies2012/smiley-smile.gif[/IMG]


رد: تيجي نبدأ صفحة جديدة مع ربنا ونحقق كل احلامنا



ها يابنات
عرفتوا فايدة اذكار الصباح والمساء
نقولها بقى ولا منقولهاش؟؟

والله يا بنات ماهتاخد منك 10 دقايق ف الاول وبعد ما تتعودي عليها خلاص

يا بنات دا احنا حافظين اغاني من سنه 60
يبقى مش هاين عليكي تحفظي كلام الرسول حبيبك عليه الصلاة والسلام وصاكي بيه؟؟

ومع كده انا مش بقولك احفظيها
انا بقولك اقريها وقوليها كل يوم
مرة الصبح اول لما تصحي
ومرة بين العصر والمغرب

والله هتلاقي نفسك حفظتيها وبتقوليها لوحدك



رد: تيجي نبدأ صفحة جديدة مع ربنا ونحقق كل احلامنا


الواجب
كل بنوته بعد كده من هنا ورايح باذن الله
اول ما تدخل الصبح او بليل تدي التمام انها قالت اذكار الصباح والمساء




وياريت كمان لو كل بنوته منكم حسب وقتك مش مشكله يعني حاولي مثلا تكتبيهم في فصلك كل يوم مرة الصبح ومرة بليل
هتاخدي ثواب انك كتبتيهم
وثواب ان غيرك قراها من ايلي انتي كتباها
ثواب ان غيرك لو نسيت تقول فلما تلاقيكي كتباها قدام عينها فتتكسف وتقراها

ها يا بنات اتفقنا؟؟
وبجد يا بنات انا اسفه ع التاخير حقيقى غصب عنى

إظهار التوقيع
توقيع : نسمه الكون
#36

افتراضي رد: تيجي نبدأ صفحة جديدة مع ربنا ونحقق كل احلامنا

درس رائع حبيبتي ماشاء الله عليكي ربنا يزيدك من نعيمه ياقمر
إظهار التوقيع
توقيع : لولو حبيب روحي
#37

افتراضي رد: تيجي نبدأ صفحة جديدة مع ربنا ونحقق كل احلامنا

بارك الله فيكي
إظهار التوقيع
توقيع : الملكة نفرتيتي
#38

افتراضي رد: تيجي نبدأ صفحة جديدة مع ربنا ونحقق كل احلامنا

بارك الله فيكي وجعله في ميزان حسناتك
إظهار التوقيع
توقيع : ايفين
#39

افتراضي رد: تيجي نبدأ صفحة جديدة مع ربنا ونحقق كل احلامنا


المشاركة الأصلية كتبت بواسطة لولو حبيب روحي
انا مني بس قولولي يالولو عندي26 سنة متجوزة وادعولي بفك الكرب والذرية الصالحة

اسأل الله العظيم رب العرش العظيم ان يرزقك الذريه الصالحه المعافاه انتى وكل مشتاقه يارب

إظهار التوقيع
توقيع : نسمه الكون
#40

افتراضي رد: تيجي نبدأ صفحة جديدة مع ربنا ونحقق كل احلامنا

صبـاح الفل ..[IMG]https://files.***- ***- *.com/smilies2012/smiley-smile.gif[/IMG]
عارفة انى اتأخرت بس معلش

المهمـ النهاردة هنتكلم عن عدوك اللدود بعد الشيطان
العائق اللى مش بيخليكي تبقى انتى اللى نفسك فيها
الحاجة اللى واقفة فى طريق تحقيقك لاحلامك

سيدنا على اتسأل عن اقوى مخلوق فى الدنيا
فقال النهار لانها بتاكل اى حاجة .. بعدها افتكر ان المية بتطفى النار
فقال لا المية اقوى و بعدين افتكر ان السحاب بيشيل المية
يبقى السحاب اقوى و بعدين بص للجبال اكتشف انها بتوقف السحاب
فقال لأ يبقى كده الجبال الضخمة دى هى اعظم مخلوق
و بعدين لقى على الجبل شوية بيوت و زرع فالانسان سخر الجبل للحاجاته
فقال يبقى الانسان اقوى مخلوق على وجه الأرض .. هو اللى بيسخر كله لمصلحته
هو خليفة الله على الأرض
و بعدين قال بس هو ممكن يعدى عليه يوم يومين مش قادر .. نايم
يبقى النوم اقوى منه يبقى النوم اقوى حاجة و بعدين افتكر ان الارق و الهم بيشيلوا النوم
يبقى الهم اقوى و بعدين ذكر الله بيشيـل الهم يبقى اقوى مخلوق ذكر الله ...


نرجع للى عايزين نتكلم فيه
النـوم .. الراحة .. بعد يوم طويل كده لما تنامى نومة حلوة تحسي بقيمتها
تحسي انك قايمة مبسووطة و نايمة مبسووطة
بس الكلام ده و انتى نايمة و مخلصة اللى وراكي مش شاغلة بالك بحاجة
معنجكيش حاجة مأخراها .. و اغلس حاجة و انتى نايمة و وراكى بلاوي مأجلاها

بس المشكلة انه محور يومك و اصله يبقى الكسل و النوم و اللامبالاة و شوية حاجات صغيرة جنب بعض

رد: تيجي نبدأ صفحة جديدة مع ربنا ونحقق كل احلامنا
هنتكلم النهاردة عن الكسـل .. و الفرق بينه و بين الراحة !

تكبير الدماغ و النوم و الكسل و القعدة على الكنبة .. بيخليكي متباطئة عن واجباتك من غير سبب !
فمش هترتاحى على فكرة غير لما تخلصي اللى عليكي و تبقى الراحة وقت محدةة ساعتها هتبقى ممتعة و ليها معنى

و الدليل انك لما تبقى مكسلة او بتهربي مثلاً من حاجة رخمة وراكى .. ناوية تعملى تمارين رياضية
وراكى مواعين تنضيف .. جامعة مدرسة ايا ما كان عارفة ممكن تطنشي و تنامى
هتقومى متأخر .. جسمك مكسر و مش مفوقة و عارفة هتلاقي نفسك قايمة مودك وحش من غير سبب
و تلاقي نفسك قايمة مش طايقة نفسك و لا طايقة حد و تقولى انا مالى كده فى ايه !
لا فيه في انك بتضيعي عمرك فى الفرجة على التليفزيون و النوم و القعدة على الكنبة و متخيلة كده انك مريحة دماغك
و اخر اليوم لما تنامى و تشوفى عملتى ايه فيومك تلاقيه و لا حاجة
تكتشفى ان الحاجات دي مبستطكيش بالعكس دي خلتك تندمى انك عملتيها

النهاردة هتحاربي عدوك اللى ضيعك و ضيع كل ده من عمرك و هنواجهه بكـل شراسة .. الكسل

على فكرة فقرتى معاكم هنسميها : التحـــــدى
انا بحب التحدى .. بحس انى تعبت و وصلت لحاجة نفسي فيها فبعرف قيمتها
و الحياة عامة بحسها تحدى تحدى انى اكون نفسي فى وسط الكون اللى بيحاول يخلينا شبه بعض
تحدي انك تعرفي تطيعي ربنا و تعيشي حياتك مبسوطة .. مش عشان بتعملى للجنة تبقى دنيتك وحشة بالعكس !

ركزي فى اللى جاي كويس اوى و خلى بالك خليكي صريحة مع نفسك
متقوليش انا موصلتش للدرجة دى غالبا وصلتى و كلنا كده بس عشان عمرها ما اتقالتلك فى وشك
و لا سميتي الحاجة باسمها و سمتيها طروف بقى و عملتى تبريرات لنفسك فساكتة عليها

علم النفس بيقول ان الكسلان اللى عايز كده يقعد لوحده كده ده دايما بيدعي المعاناة

رزم تعرفى انه انك تعرفي مشكلتك و تدركيها ده اول الحل و متخافيش من التغيير
لانه انتى مش فى احسن حالاتك كده فهتخسري ايه لما تجربي حياة جديدة بطريقة جديدة
يا ستى جربي وحشة .. لف و ارجع تانى [IMG]https://files.***- ***- *.com/smilies2012/smiley-laugh.gif[/IMG]

نرجع لموضوعنا .. دايما الكسلان تلاقيه عايش فى المعاناة .. طب بعدين
الدنيا زحمة .. الدنيا حر .. كله بالواسطة


سيدنا محمد - صلى الله عليه و سلم علم الصحابة انه العمل و الشغل بمقام الجهاد فى سبيل الله
و مرة الصحابة كانوا قاعدين مع سيدنا محمد و لقوا واحد كده قوى فقالوا لو كان فى سبيل الله كان احسنله
فالرسول قالهم لو كان بيسعى على صبى فهو فى سبيل الله
و لو كان يسعى على ابوين كبيرين فهو فى سبيل الله
و لو كان يسعى على نفسه ليعفها فهو فى سبيل الله ..

يعنى لو عنده ولاد او بيصرف على ابوه و امه الكبار فى السن او بيعمل كده عشان يجيب فلوس يعيش
فهو فى سبيل الله ..

لازم تعرف انه الجهاد فى الوقت ده هو جهاد العمل انك تعمري الارض

عشان كده ربنا فى القرآن ذكر الكسالى عن الجهاد : و قال :
فَرِحَ الْمُخَلَّفُونَ بِمَقْعَدِهِمْ خِلَافَ رَسُولِ اللَّهِ وَكَرِهُوا أَنْ يُجَاهِدُوا بِأَمْوَالِهِمْ وَأَنْفُسِهِمْ فِي سَبِيلِ اللَّهِ وَقَالُوا لَا تَنْفِرُوا فِي الْحَرِّ ۗ قُلْ نَارُ جَهَنَّمَ أَشَدُّ حَرًّا ۚ لَوْ كَانُوا يَفْقَهُونَ

عارفة يعنى ايه فرحوا انهم مراحوش ! على فكرة ده يطبق علينـا ركزي
فرح انه خلاص مش هيعرض نفسه للخطر .. فرح انه نجا من انه ممكن يموت فى الجهاد
فرح انه مش هيصحى بدرى و لا هيلتزم بأوامر قائد !
زى ما تفرحى كده بأجازة الصيف فتصحى الساعة 4 و 5 طب ليه ! و بتصحى زعلانة على فكرة !

.
رد: تيجي نبدأ صفحة جديدة مع ربنا ونحقق كل احلامنا........رد: تيجي نبدأ صفحة جديدة مع ربنا ونحقق كل احلامنا...

دايماً فى اعذار و فى اختلاق للمعاناة ..
العبى رياضة عشان تخسي و تحافظى على صحتك
لا ماهو انا مفيش جيم قريب من البيت و لو فى مفيش حد اروح معاه و لو لعبتها فى البيت هكسل و مش هكمل

طيب انزلى دوري على شغل .. ؤوحى جمعيات خيرية

تمام .. مش النهاردة .. لا الجو حر اوى النهاردة و زحمة و الموظفين مملين
و بعدين ما كله بالواسطة الـ 200 واحدة اللى هتستغل دول هياخدونى انا ليه !

خدى كورسات نمي مهاراتك
مفيش وقت ! غالية .. هستفيد ايه !

ربنا بيتكلم على اللى بيدعوا المعاناة فقال :
وَإِذَا أُنْزِلَتْ سُورَةٌ أَنْ آمِنُوا بِاللَّهِ وَجَاهِدُوا مَعَ رَسُولِهِ اسْتَأْذَنَكَ أُولُو الطَّوْلِ مِنْهُمْ وَقَالُوا ذَرْنَا نَكُنْ مَعَ الْقَاعِدِينَ.

عايزين نقعد شوية .. نريح شوية !!

سيدنا عيسى بتنسب ليه مقولة جميلة :
كان بيقول انه بيكره النوم من غير تعب و الضحك من غير عجب

بيحب ينام و هو تعبان عشان يبقى اليوم مكافأة لليوم و الله النوم كده من غير تعب ملوش طعم !
خلي حياتك ليها طعم خليها مختلفة .. انتى اللى بتشكليها

بعد كده هتكتشفى انك بتكبرى التفاهات
دايما تخلى حاجات ملهاش قيمة ليها قيمة

ليه قاعدة كل ده على فيس بوك .. اخبار البلد
ليه بتنامى 10 ساعات .. عادى يعنى بريح جسمى هو النوم كمان حرام !!
ليه اليوم كله على فتكات .. ايه ده و انتى عايزانى اقفله ليه !! بستفيد و معنديش صحاب !!

سيدنا محمد بيقول :
الكيس من دان نفسه وعمل لما بعد الموت والعاجز من أتبع نفسه هواها وتمنى على الله الأمانى

الذكر هو اللى بيفكر فى غلطاته و يصلحها
اما العاجز اللى يقعد يقنع نفسه انه كويس و زى الفل و ربنا هيغفرلي

انتى عارفة ان يوم القيامة اليوم هيشهد عليكي
آه و الله .. من الشهود يوم القيامة اليوم
اليوم فيه ليل و نهار و هيشهدلك يبقى لازم حاجة الصبح تعمليها يشهدلك عليها النار
و بالليل حاجة يشهدلك عليها !!

النهار يجي يشهدلك انك نايمة لحد الضهر تخيلي كده !
الليل يشهدلك انك معملتيش على حاجة غير انك اتفرجتى على التليفزيون 3 ساعات !


نامى و اتفرجى و كله بس بوقت .. اعملى اللى عليكي اشغلى نفسك بنفسك
التليفزيون بيخليكي تتفرجى على ناس تانية بتعيش حياتها و انتى مضيعة حياتك تتفرجى عليهم
و عشان انتى حياتك فاضية و مش بتنجزى فيها بتنامى لا اراديا عشان تهربي من واقع انك معملتيش حاجة فى حياتك

اتعلمـى تواجهى نفسك عشان تحلى المشكلة ..


طيب عارفة و انتى كسلانة
متأخرة دايما .. تعبانة مش قادرة .. الدنيا حر .. مش دلوقتى


رد: تيجي نبدأ صفحة جديدة مع ربنا ونحقق كل احلامنا
نتايجه ايه ؟؟
اكيد اكيد كآبة .. بصى سر السعادة فى الحياة هو الاتزان الـbalance
هنتكلم عنه قريب بإذن الله .. ديني روحانى يعنى و جسمك و شغلك و علاقاتك الاجتماعية

متستسلميش للكسل لانه هيعملك فراغ و الفراغ هيخليكي تغلطى
انتى لو قعدة لو البيت فى اجازة اعملى اى حاجة
اتعلمى لغة .. كورسات على النت .. اعملى كروشيه او اكسسوارات

النوم على فكرة من 6-8 ساعات كفاية اوى من 24 ساعة
عارفة لو نمتى دول هتحس يومك طويل اوى

اكيد فى فرق بينك و بين اللى بيحاول مع نفسه يصحى يصلى الفجر
و انتى نايمة و حتى محاولتيش

رد: تيجي نبدأ صفحة جديدة مع ربنا ونحقق كل احلامنا
نبدأ نحل بقى :

عايزاكى تبقى عنيفة كده و تتخانقى اوى مع نفسك عشان الكسل ده .. اكرهيه اوى
طلعى كل همك فيه

خلي ليكي هدف تعيشي عشانه و تصحى كل يوم تقربيله بخطوة
و لو معندكيش ادعى ربنا يهديكى لواحد و هتلاقيه بس انتى اللى مش متعودة
لازم لازم لازم تدورى و تدعبسي جوه نفسك انتى نفسك تعمليه ايه .. فكرى بلا قيود
ايه الحاجات اللى بتعرفى تعمليها و هتتفاجئى بحاجات مكنتيش ابدأ تتخيليها

عيشي لقضية لهدف .. مهما كان فى نظرك بسيط
نفسي ادخل الجنة .. دورى على صفات اهل الجنة و ربنا بيحب ايه
امسكى صفة صفة و حاولى تحافظى عليها
احفظى قرآن و افهميه و حفظى غيرك و فهميهم
التزمى بالصلاة و علميها لولادك صح .. عرفتى ان ربنا بيحب المتقين
اتقرى عن صفاتهم و حطى لنفسك كل شهر صفة واحدة بس دربي نفسك عليهـا

اهتمى بشكلك و رشاقتك و صحتك و شعرك و بشرتك
ده على فكرة من صحيح الدين ربنا هيحاسبنا على جسمنا عملنا بيه ايه .؟
يبقى مديهولنا زى الفل و تبوظيه بالاكل و الكسل و كله

ادعى ربنا دايما يخليكي يقظة يشيل من على قلبك الغفلة ..
خلى الناس تفتكرك لما تموتى .. تخيلي ايامك و هى بتشهد عليكي انك كنتى يوميا
كنتى بتحاولى تقربي لربنا .. و تطورى من نفسك و تعمرى الأرض

اوعى تتخيلي انك مش هتبقى زى الناس اللى نجحت دى
الفرق بينا و بين اليابان ايه ؟؟
مبيضيعوش وقت .. 6 الصبح يبقوا فى الشغل

انتى عايشة ليه بتعملى ايه ؟؟ مكسلة عن ايه اصلاً
يعنى انتى لما تصحى و تصلى الفجر و تعمليلك نص ساعة تمارين و تفطرى فطار روقان كده
و تقرى نص ساعة حياتك هتبقى نفخ و وحشة و هتتعبي
طب اراهنك لو عملتى لنفسك الروتين ده يومياً بعد اسبوع هيبقى نفسك الصبح يجي عشان تعمليه

الكلام سهل المشكلة فى الفعل بس الفعل مش هيتعمل غير لما تقتنعى اوى انتى عايزة تعملى ايه

انتى قدراتك غير محدودة انتى ربنا خلقك احسن مخلوق فى الكون ..
متقوليليش انا فاشلة .. انا امى و اخواتى بيعاملونى وحش ! .. انا الناس بيعملوا معايا كده ليه ؟
هما بيعملوا كده فيكي لوحدك ؟؟ انتى ليه عمرك ما فكرتى فالناس اللى بتحبك ؟
طب دول بيتكلموا عليا ليه ؟؟ طيب بيحكموا عليا ليه ؟؟
دول ناس فاضية دول قاعدين بيتكلموا عليكي هيخلصوكى يدخلوا على غيرك عادى
موارهمش حاجة انتى بقى لو اتأثرتي و قعدتى جنبهم بقيتي زيهم نجحوا فى اللى هما عايزينه
هما مكسلين و شايفنك بتنجحى فمش عايزين يحسوا بالذنب فأسهلهم ايه
يحبطوكى بدل ما يعملوا زى .. المهم فى النهاية كله يتساوى

مين اللى فى ايده بقى انك يتساوى و لا مايتساواش ؟؟
انتى .. و الله قررتي تقعدى جنب الحيطة و تسمعى الكلام براحتك .. بس متلوميهمش محدش قالك اسمعيهم
انما لو نفضتى و ركزتى على هدفك و عرفتى انه ربنا هو المهم .. هتنجزى بعد ما تتعبي و ربنا هيعوضك خير أكييد
كونى واثقة ده وعد ربنـا ليكي هأكدهولك ازاى انا !

عارفة منتهى العدل الالهى هو انه ربنا خلانا متحكمين فى حياتنا
هو ان اى حاجة بتحصلك بسببك
الدعاء اللى بينجي سيدنا يونس كان ايه :
سبحانك اللهم .. إني كنت من الظالمين

اعتراف و اقرار بانه كان غلطان .. ربنا يطلعه من الكرب على طول
معقولة كل ده مش واخدة بالك !

فى طبعاً فرق بينك و بين اللى بتشتغل على نفسها عشان توصل لحاجة
اقعدى مع نفسك 5 دقايق و فكرى فى حياتك اللى نفسك فيها عاملة ازاى
فكرى .. احلمى من غير قيود ... تخيليها عيشي كل تفصيلة فيها
شكلك عامل ازاى بتعملى ايه ؟ حاسة بايه مين معاكى ؟ يومك عامل ازاى

و هاتى ورقة و اكتبى كل اللى فى دماغك بسرعة مهما كان اهبل او عبيط
و ابدأى امسكى اول حاجة تحسي انك محتاجاها
و ابدأى فكرة هوصلها ازاى
و حطى اول خطوة و خليها صغيرة صغيرة اوى بس عاهدى نفسك انك هتلتزمى بيها مهما حصل
و انه النتيجة هتطول بس هتيجي
و شوفى نفسك هتوصلى لايه

رد: تيجي نبدأ صفحة جديدة مع ربنا ونحقق كل احلامنا
عارفين احنا بنكسل ليه ..
اولا الخوف من التغيير احنا خايفين نتغير لحسن نتعب لحسن الناس تتكلم علينا
بس انتى خدتى ايه من اللى انتى فيه .. عارفة اكتر اية بتفوقنى ايه ؟؟
(( يقول ياليتنى قدمت لحياتى ))

حاولى بكل الطرق انك يوم القيامة ميكنش ده حالك

تانى حاجة بقى هى طول الطريق
بس عارفة زى النهاردة السنة الجاية كان هيبقى نفسك لو بدأتى النهاردة
و كان زمانك وصلتى لحاجة
فكرة كده حاجة توصليلها بعد 6 شهور مثلاً و ولا تفضلى زى ما انتى
مثلاً ليه ميبقاش هدفك بدل ما تخسى انك تاكلى اكل صحى
فبدل ما تخسي اليومين دول و تزيدي و تخسي تانى و هكذا
تبقى طول عمرك رشيقة و من الستات العواجيز دول اللى تحسيهم لسه صغيرين

طريق الخسسان المؤقت معرووف .. همشى على رجيم اقرف نفسي بيه و هخس
هرجع اكل اتخن و ارجع تانى و هكذا

انما ليه متفكريش بشكل تانى .. السنة فيها 12 شهر هعمل كلام علماء النفس بتاع الـ21 يوم عشان اكون عادى
و هخليهم انا 30 يعنى هتكونى خلال الـسنة 12 عادة فى جانب الغذاء فقط
و على فكرةالسنة بتعدى بسرعة و سنتين الثورة دول حسسونا بده اوى
اوى شهر امنعى البيبسي تماما بس و كلى زى ما انتى عايزة
حطى لنفسك مكافأة بعد 30 يوم من غير بيبسي و اقعدى اقرى عن اضرارها و شجعى نفسك
تانى شهر امنعى الشوكلاتة او خليها مرة واحدة فى الاسبوع

و بكده هتكتشفى انك بقالك شهرين مبطلة بيبسي و د بقى العادى .. نفسك مش فيها اصلا
ممكن فى نفس الوقت تحوشي فلوسها لو كنتى كل يوم بتشربيها ادى نفسك مكافأة على اليوم اللى تبطلى فيه البيبسي
انك تحوشى تمن كنزاية و ما شاء الله دلوقتى بقت بـ3 جنيه .. لو الشهر ده مثلاً عملتي كده مبروك يا ستى 90 جنيه تحويش
كملى عليهم و اشترى لنفسك خاتم فضة صغير مثلاً

و هكذا عارفة انتى فى سنة فى باند الأكل ممكن تعملى 12 حاجة .. طب بصى كده تخيلي :
مفيش بيبسي
مفيش شوكلاتة و شيبسي
الاكل من برة مرة فى الشهر
رياضة 30 ساعة يومياً
2 لتر مية يومياً
طبق سلطة يومياً
شرب شاى اخضر يومياً
كوباية زبادى يومياً
تقليل كمية العيش تدريجياً
تتعلمى اكل صحي

دول 10 و مفيش فى دماغى حاجة تانية .. انتى كده فى سنة بقيتي بنى ادم عنده اسلوب حياة صحى بفضل على طول
و احسبى هتخسي اد ايه جسمكم هينضف ازاى و هكذا !

اوعى تستطولى الطريق لانه قصير جدا اصلا و الايام بتعرفنا كده فمتخليش نفسك من اللى بيتوهوا وسط اليوم

اليــوم هو وحدة حياتك مانتى حياتك عبارة عن ايام
حددى اهدافك عشان اليوم يبقى فيه انجاز و اشتغلى عليها هتفاجأى بالنتايج

عارفة انى طولت بس اصلى محوشة الكلام ده بقالى كتير
بصى بقـى عملياً هتتحدي نفسك
و هتجيبي كشكول حلو اوى نقيه بمزاج و شوية اقلامـ ملونة
و هتبقى بتمرين لحد ما شهر 10 يخلص و بعدين نبدأ نكون عادات زى ما اتكلمت على الاكل و هفهمك ازاى

بصى بقى هتعملى التالى :

هتجيبي الستكتش ده و دورى على النت على عبارات تحفيزية نقى اللى يعجلك و اكتبيه
و شجعى نفسك ان شاء الله هوصل .. و هكذا
و بعدين ده هتكتبى فيه 3 حاجات كويسة عملتيها فى يومك مش اقل من 3 اللى تزود يبقى تمامـ
و خلى جنب سريرك بحيث اول ما تصحي تقرى العبارات دى و قبل ما تنامى تكتبى اللى عملتيه
و لما تحسى انك كسلتي اقرى اللى عملتى الايام اللى فاتت
..
يوم الجمعة خليه لمراجعة اللى عملتيه طول الأسبوع
..
مش هطلبto-do list عشان متقلش عليكي
بس هطلب منك قبل النوم بعد ما تكتبى الـ3 حاجات حطى تصور سريع ليومك عامل ازاى
و فكرى فى 3 حاجات تنجزيهم فيه

مش حاجات كبيرة على فكرة انا مش قصدى بتلات حاجات قراية كتاب و ختم القرآن و زيارة يتامى يعنى
لا مثلاً الفجر فى معاده .. ماسك للشعر .. سؤال على قرايب

و شوفى يومك هيبقى عامل ازاى

هستنى ردكو لانى تعبت اوى فى المحاضرة دى
و هستنى تفاعلكو عملتوا كده و لا لأ

إظهار التوقيع
توقيع : نسمه الكون
#41

افتراضي رد: تيجي نبدأ صفحة جديدة مع ربنا ونحقق كل احلامنا

انا معاكى يا نسمه وربنا يثبتنا ويحقق كل ما نتمناه دنيا وأخره
إظهار التوقيع
توقيع : حبيبه عمرى
#42

افتراضي رد: تيجي نبدأ صفحة جديدة مع ربنا ونحقق كل احلامنا

كلام مهم جدا تسلمى ياقمر وربنا يعينك
إظهار التوقيع
توقيع : حبيبه عمرى
#43

افتراضي رد: تيجي نبدأ صفحة جديدة مع ربنا ونحقق كل احلامنا

انا جديده في المنتدي بس ربنا يعلم انا محتاجه الموضوع ده قد ايه ربنا يكرمك

ومعاااكي طبعا بس برضه انا عايزه احس ان في تفاعل علشان تشجعوني

#44

افتراضي رد: تيجي نبدأ صفحة جديدة مع ربنا ونحقق كل احلامنا

ﺍﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻣﻦ ﻛﻞ ﺫﻧﺐ ﺃﺫﻧﺒﺘـــــﻪ
ﺍﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻣﻦ ﻛﻞ ﻓﺮﺽ ﺗﺮﻛﺘـــﻪ
ﺍﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻣﻦ ﻛﻞ ﺇﻧﺴﺎﻥ ﻇﻠﻤﺘــﻪ
ﺍﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻣﻦ ﻛﻞ ﺻﺎﻟﺢ ﺟﻔﻮﺗــﻪ
ﺃﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻣﻦ ﻛﻞ ﻇﺎﻟﻢ ﺻﺎﺣﺒﺘــﻪ
ﺃﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻣﻦ ﻛﻞ ﺑﺮ ﺃﺟﻠﺘـــــــــﻪ
ﺃﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻣﻦ ﻛﻞ ﻧﺎﺻﺢ ﺃﻫﻨﺘـــﻪ
ﺃﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻣﻦ ﻛﻞ ﻣﺤﻤﻮﺩ ﺳﺌﻤﺘﻪ
ﺃﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻣﻦ ﻛﻞ ﺯﻭﺭ ﻧﻄﻘﺖ ﺑﻪ
ﺃﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻣﻦ ﻛﻞ ﺣﻖ ﺍﺿﻌﺘــــﻪ
ﺃﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻣﻦ ﻛﻞ ﺑﺎﻃﻞ ﺇﺗﺒﻌﺘـــﻪ
ﺃﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻣﻦ ﻛﻞ ﻭﻗﺖ ﺃﻫﺪﺭﺗــﻪ
ﺃﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻣﻦ ﻛﻞ ﺿﻤﻴﺮ ﻗﺘﻠﺘـــﻪ
ﺃﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻣﻦ ﻛﻞ ﺳﺮ ﺃﻓﺸﻴﺘــــﻪ
ﺃﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻣﻦ ﻛﻞ ﺃﻣﻴﻦ ﺧﺪﻋﺘــﻪ
ﺃﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻣﻦ ﻛﻞ ﻭﻋﺪ ﺃﺧﻠﻔﺘـــﻪ
ﺃﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻣﻦ ﻛﻞ ﻋﻬﺪ ﺧﻨﺘـــــﻪ
ﺃﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻣﻦ ﻛﻞ ﺍﻣﺮﺉ ﺧﺬﻟﺘـﻪ
ﺃﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻣﻦ ﻛﻞ ﺻﻮﺍﺏ ﻛﺘﻤﺘﻪ
ﺃﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻣﻦ ﻛﻞ ﺧﻄﺄ ﺗﻔﻮﻫﺖ ﺑﻪ
ﺃﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻣﻦ ﻛﻞ ﻋﺮﺽ ﻫﺘﻜﺘﻪ
ﺃﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻣﻦ ﻛﻞ ﺳﺘﺮ ﻓﻀﺤﺘﻪ
ﺃﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻣﻦ ﻛﻞ ﻟﻐﻮ ﺳﻤﻌﺘﻪ
ﺃﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻣﻦ ﻛﻞ ﺣﺮﺍﻡ ﻧﻈﺮﺕ ﺇﻟﻴﻪ
ﺃﺳﺘﻐﻔﺮ ﺍﻟﻠﻪ ﻣﻦ ﻛﻞ ﻛﻼ*ﻡ ﻟﻬﻮﺕ ﺑﻪ
ﺃﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻣﻦ ﻛﻞ ﺇﺛﻢ ﻓﻌﻠﺘﻪ
ﺃﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻣﻦ ﻛﻞ ﻧﺼﺢ ﺧﺎﻟﻔﺘﻪ
ﺃﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻣﻦ ﻛﻞ ﻋﻠﻢ ﻧﺴﻴﺘﻪ
ﺃﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻣﻦ ﻛﻞ ﺷﻚ ﺃﻃﻌﺘﻪ
ﺃﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻣﻦ ﻛﻞ ﻇﻦ ﻻ*ﺯﻣﺘﻪ
ﺃﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻣﻦ ﻛﻞ ﺿﻼ*ﻝ ﻋﺮﻓﺘﻪ
ﺃﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻣﻦ ﻛﻞ ﺩﻳﻦ ﺃﻫﻤﻠﺘﻪ
ﺃﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻣﻦ ﻛﻞ ﺫﻧﺐ
ﺃﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻣﻦ ﻛﻞ ﻣﺎ ﻭﻋﺪﺗﻚ ﺑﻪ ﺛﻢ ﻋﺪﺕ ﻓﻴﻪ ﻣﻦ ﻧﻔﺴﻲ ﻭﻟﻢ ﺃﻭﻓﻲ ﺑﻪ
ﺃﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻣﻦ ﻛﻞ ﻋﻤﻞ ﺃﺭﺩﺕ ﺑﻪ ﻭﺟﻬﻚ ﻓﺨﺎﻟﻄﻨﻲ ﺑﻪ ﻏﻴﺮﻙ
ﺃﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻣﻦ ﻛﻞ ﻧﻌﻤﺔ ﺃﻧﻌﻤﺖ ﻋﻠﻲ ﺑﻬﺎ ﻓﺎﺳﺘﻌﻨﺖ ﺑﻬﺎ ﻋﻠﻰ ﻣﻌﺼﻴﺘﻚ
ﺃﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻣﻦ ﻛﻞ ﺫﻧﺐ ﺃﺫﻧﺒﺘﻪ ﻓﻲ ﺿﻴﺎﺀ ﺍﻟﻨﻬﺎﺭ
ﺃﻭ ﺳﻮﺍﺩ ﺍﻟﻠﻴﻞ ﻓﻲ ﻣﻸ* ﺃﻭ ﺧﻼ* ﺃﻭ ﺳﺮ ﺃﻭ ﻋﻼ*ﻧﻴﺔ
ﺃﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻣﻦ ﻛﻞ ﻣﺎﻝ ﺇﻛﺘﺴﺒﺘﻪ ﺑﻐﻴﺮ ﺍﻟﺤﻖ
ﺃﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻣﻦ ﻛﻞ ﻋﻠﻢ ﺳﺌﻠﺖ ﻋﻨﻪ ﻓﻜﺘﻤﺘﻪ
ﺃﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻣﻦ ﻛﻞ ﻗﻮﻝ ﻟﻢ ﺃﻋﻤﻞ ﺑﻪ ﻭﺧﺎﻟﻔﺘﻪ
ﺃﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻣﻦ ﻛﻞ ﻓﺮﺽ ﺧﺎﻟﻔﺘﻪ ﻭﻣﻦ ﻛﻞ ﺑﺪﻋﺔ ﺇﺗﺒﻌﺘﻬﺎ
ﺃﺳﺘﻐﻔﺮ ﺍﻟﻠﻪ ﺍﻟﺬﻱ ﻻ* ﺇﻟﻪ ﺇﻼ* ﻫﻮ ﺍﻟﺤﻲ ﺍﻟﻘﻴﻮﻡ ﻭﺃﺗﻮﺏ ﺇﻟﻴﻪ

#45

افتراضي رد: تيجي نبدأ صفحة جديدة مع ربنا ونحقق كل احلامنا

السلام عليكم ..أعضاء القروب
انا عضوة جديدة وصراحة الموضوع بالجد راااائع
ويسعدني ان اضم ليكم .. وربنا يرضي عننا جميعا ويوفقنا لفعل الخير

#46

افتراضي رد: تيجي نبدأ صفحة جديدة مع ربنا ونحقق كل احلامنا

انا كمان معاكوا نفسي احس باستقرار نفسي ف حياتي ممكن تبعتيلي ع صفحتي
إظهار التوقيع
توقيع : nona moro
#47

افتراضي رد: تيجي نبدأ صفحة جديدة مع ربنا ونحقق كل احلامنا

جزاك الله خير وجعله بموازين.. حسنااتك..}
لا عدمناا حضوورك
لروحك احترامي وتقديري

رد: تيجي نبدأ صفحة جديدة مع ربنا ونحقق كل احلامنا

إظهار التوقيع
توقيع : ام عشتار
#48

افتراضي رد: تيجي نبدأ صفحة جديدة مع ربنا ونحقق كل احلامنا

موضوع جميل
#49

مميز رد: تيجي نبدأ صفحة جديدة مع ربنا ونحقق كل احلامنا

اسأل الله ان يوفقك بهذا الموضوع على فكرة انا اريد المشاركة
#50

افتراضي رد: تيجي نبدأ صفحة جديدة مع ربنا ونحقق كل احلامنا

بجد عجبنى موضوعك وكنت عايزه اطلب منك طلب تدعيلى ربنا يستجيب دعائى ويحقق ليييا اللى انا عايزاه
#51

افتراضي رد: تيجي نبدأ صفحة جديدة مع ربنا ونحقق كل احلامنا

يااااااااه اول مره اقري موضوعك بس هزني من جوه عارفه كل الللي بحلم بيه اني احافظ علي صلاتي في مواعيدها واحفظ كتاب الله بس تعبانه قوي امال بجاهد نفسي ادعيلي اهلي الله يسامحهم لو اهتمو منصغري يعودوني علي الصلاه وحفظوني القران مش كان زمان قلبي مرتاح
#52

افتراضي رد: تيجي نبدأ صفحة جديدة مع ربنا ونحقق كل احلامنا

تسلم ايدك بجد يااااااااريت والله
#53

افتراضي رد: تيجي نبدأ صفحة جديدة مع ربنا ونحقق كل احلامنا

معاكوا ياقمر والله محتاجه لربنا قوي ومحتاجه تشجيع
موضوع جميل جدا

إظهار التوقيع
توقيع : هاجر سيد1000
#54

افتراضي رد: تيجي نبدأ صفحة جديدة مع ربنا ونحقق كل احلامنا

مشكورة كتير على الموضوع الرائع
#55

افتراضي رد: تيجي نبدأ صفحة جديدة مع ربنا ونحقق كل احلامنا

جميل نسمة بالتوفيق ان شاء الله
إظهار التوقيع
توقيع : princess weaam
#56

افتراضي رد: تيجي نبدأ صفحة جديدة مع ربنا ونحقق كل احلامنا

يسلمووووووووووو ياحب
وانا معاكى

إظهار التوقيع
توقيع : Nada Ndod
#57

افتراضي رد: تيجي نبدأ صفحة جديدة مع ربنا ونحقق كل احلامنا

نورتي يا قمر
إظهار التوقيع
توقيع : نايلية وفخر ليا
#58

افتراضي رد: تيجي نبدأ صفحة جديدة مع ربنا ونحقق كل احلامنا

شكرااااا
#59

افتراضي رد: تيجي نبدأ صفحة جديدة مع ربنا ونحقق كل احلامنا

جزاك الله خيرا

إظهار التوقيع
توقيع : طُمُوحي الجنّة
#60

افتراضي رد: تيجي نبدأ صفحة جديدة مع ربنا ونحقق كل احلامنا


المشاركة الأصلية كتبت بواسطة نسمه الكون
ارجوووووووووكم محتاجه تشجييييع ارجوووووووكم ربنا يعلم انا مشغولة اد ايييييييييه
انا اول واحدة هكون معك موضوعك كتيييييييييير حلو تسلم ايديكي
حمستيني كتييييييييييييير الله يعينا دائما على فعل الخير

إظهار التوقيع
توقيع : وِجَـعَ ـ قَلَبّـ..❤
#61

افتراضي رد: تيجي نبدأ صفحة جديدة مع ربنا ونحقق كل احلامنا

معاكي ياقمر ربنا يجعله في ميزان حسناتك
ربنا يوفقك حمستينا
فكرة نيرة رائعة وكلنا معك رغم رخولي القليل الي المنتدى
شكــــــــــــــــــــــــــــــــــــــــــــرا اختاه

#62

افتراضي رد: تيجي نبدأ صفحة جديدة مع ربنا ونحقق كل احلامنا

موضوع جميل
إظهار التوقيع
توقيع : أنٌثًى ٱسًتُثًنٌٱئيّة
#63

افتراضي رد: تيجي نبدأ صفحة جديدة مع ربنا ونحقق كل احلامنا

معااااااااااكى ياقمر
إظهار التوقيع
توقيع : حنين الروح123
#64

افتراضي رد: تيجي نبدأ صفحة جديدة مع ربنا ونحقق كل احلامنا

رد: تيجي نبدأ صفحة جديدة مع ربنا ونحقق كل احلامنا
إظهار التوقيع
توقيع : اميرة الظلام 2015
#65

افتراضي رد: تيجي نبدأ صفحة جديدة مع ربنا ونحقق كل احلامنا

انتى بنوته كويسه انشاء الله انا معاكى
#66

افتراضي رد: تيجي نبدأ صفحة جديدة مع ربنا ونحقق كل احلامنا

شكرررا
رووووووووووووعه

#67

افتراضي رد: تيجي نبدأ صفحة جديدة مع ربنا ونحقق كل احلامنا

مشكورة حبيبتي موضوعك في القمة

إظهار التوقيع
توقيع : فتاة أنيقة
#68

افتراضي رد: تيجي نبدأ صفحة جديدة مع ربنا ونحقق كل احلامنا

مشكورة
إظهار التوقيع
توقيع : ǻŠỘổmÄ đŹ
#69

افتراضي رد: تيجي نبدأ صفحة جديدة مع ربنا ونحقق كل احلامنا

الموضوع ممتاز وانا معاكم ان شاء الله ربنا يوفقك
#70

افتراضي رد: تيجي نبدأ صفحة جديدة مع ربنا ونحقق كل احلامنا

شكرا....الموضوع كتير حلو....وانا حابة اشارك واكون معاكم.....وجزاك الله كل خير.....بس ايمت مواعيد المحاضرات.
#71

افتراضي رد: تيجي نبدأ صفحة جديدة مع ربنا ونحقق كل احلامنا

ممكن اطلب منكم مساعدة....انا جديدة بالمنتدى وفي عندي كتير اسألة وماعم اقدر ابعت رسالة لحدا.....كل ما اجي ابعت رسالة بقلي غير مسموح لحتى تصير عدد المشاركات......طب بس حدا يفهمني شو عم يصير....ارجوكم حدا يرد علي.....
قطرة مطر انا حاولت حاكيكي بس ماعم يمشي الحال.....بليززززززززززززززززززززززززز بدي مساعدة....

#72

افتراضي رد: تيجي نبدأ صفحة جديدة مع ربنا ونحقق كل احلامنا

جميل اووي كل كلامك جزيتي الجنة
#73

افتراضي رد: تيجي نبدأ صفحة جديدة مع ربنا ونحقق كل احلامنا

واااااو موضوع كتييييير حلو والله انتي فعلا تستاهلين الخير انا اسمي ليلى من الجزائر وعمري 16 وبدرس بالثانوي والله كتييير اسمتعت لما قرات هالموضوع حلو كتير جزاكي الله خير اختي
#74

افتراضي رد: تيجي نبدأ صفحة جديدة مع ربنا ونحقق كل احلامنا

موضوع رائع انا معاكي ياقمر انا عبير من الجزائر 16 سنة ثانوي عايزة استفيد منك يا قمر
وعلى فكرة انا باركلك على رؤياك وان شاء الله تكوني من اهل الجنة والله يبشرنا بالجنة مثل ما بشرك سبحانوا ربي
باالتوفيق

إظهار التوقيع
توقيع : ✿غايتي الجنة✿
#75

افتراضي رد: تيجي نبدأ صفحة جديدة مع ربنا ونحقق كل احلامنا

والله أنا عنيا إتملت دموع لما قرأت الرؤية الجميلة دى
انا طبعا معاكى بس للأسف أنا مش بفتح على طول بس هحاول و أى تجديد معلش إبعتيلى لأنى مش بعرف ادخل على حاجات كتير
انا أسماء 20 سنة من مصر و ربنا يبشرنا كلنا برؤية جميلة زى دى و يا ريت لو تقوليلى إزاى أبعته لحد و شكرا

#76

افتراضي رد: تيجي نبدأ صفحة جديدة مع ربنا ونحقق كل احلامنا

حلو
أنا معاكى وقيمت وحطيت الموضوع فى المفضلة

#77

افتراضي رد: تيجي نبدأ صفحة جديدة مع ربنا ونحقق كل احلامنا

انا معاكي
ربنا يجعله في ميزان حسانتك..

#78

افتراضي رد: تيجي نبدأ صفحة جديدة مع ربنا ونحقق كل احلامنا

جزاك الله خيراً
#79

افتراضي رد: تيجي نبدأ صفحة جديدة مع ربنا ونحقق كل احلامنا

جزاكي الله خيرا علي الفكرة
إظهار التوقيع
توقيع : بحلم بالفرحة
أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
كورسات ممارسة الانجليزى اونلاين للبنات + تجربة بعض المشتركات مع هبه عوض أمــانــدا مشاريع وافكار تجاريه
سؤال لما تجاوبي عليه هتتغلبي على ضعفك وكسلك وتقصيرك في حق ربنا ..تعالي جاوبي بصراحه نسمه الكون المنتدي الاسلامي العام
اوعو تياسو من اى حاجة ربنا كريم اوى داليا اللقانى فضفضة وحل المشاكل
ادعية من القران ام نونا المنتدي الاسلامي العام


الساعة الآن 02:49 AM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل