أو

الدخول بواسطة حسابك بمواقع التواصل

#1

حصرياً تربية الأطفال من سن الولادة لسن 6 سنوات,تجربتي في تربية ابنتي كنزى سن 6 سنوات

تربية الأطفال من سن الولادة لسن 6 سنوات,تجربتي في تربية ابنتي كنزى سن 6 سنوات

أطفالنا هما كل حياتنا
حتكلم في موضوعى عن تربيتي لبنتي كنزى وايه أهم المشاكل اللى قابلتها معاها وكمان قدرت أعلمها ايه صح وطرق العقاب اللي اللي نفعت معاها والطرق التانية اللي ماجابتش معاها أى نتيجة




تابعونى وبرجاء تقييم موضوعى
شوفوا لما خلفت كنزى طبعا أول تجربة ليكي وبتبقي فاكرة ان حياتها لبس ولعب وبس وماتعرفيش انها سهر وحياتك كلها بتتقلب رأسا علي عقب أنا بقول كده للأمهات اللى عايشين أحلام وردية وأنا قابلت منهم كتير وأنا كنت منهم واتصدمت كتيربعد ماخلفت أول مرة
طبعا بتقابلي مع مولودك مراحل كتير الرضاعة والأكل والفطام وتعوديه يقعد عالبوتى ويتكلم ويحبو ويمشي
كل طفل مختلف عن الطفل التانى يعني فيه فروق فردية يعني مش شرط عشان بنتي مشت الأول يبقي كله لازم يمشي
عموما كنزى ماغلبتنيش في الأكل ولا الفطام ولا المشي بس كنت طبعا قلقت لانها مازحفتش ماكنتش أعرف انها حتمشي علطول
لذلك نصيحة نى ماتتسرعيش وتخافى ان طفلك لسه مامشاش ولا اتكلم مثلا ولا زحف لانه بيبقي فيه بعض الأطفال محتاجين وقت مش أكتر لكن ماتستنيش كتير يمكن يكون فيه نقص كالسيوم ويكون أثر علي المشى أو التسنين أو الزحف يعني خلي بالك برضه
من المشاكل اللي قابلتها انقلاب الساعة البيولجية لكنزى يعني كانت بتنام طول النهار للساعة 11 بالليل وتقوم بعدها تكمل لتانى يوم 12 الظهر طبعا كانت مشكلة كبيرة وفضلت فيها وقت مش قليل لحد ماظبطت الساعة البيولوجية من تانى
حتسألونى ازاى؟
خرجتها يومين ورا بعض في الوقت اللي بتنام فيه ووديتها عند بنات خالى الصغيرين وقعدت طبعا تلعب معاهم وتقاوم النوم وفضلت عندهم للساعة 9 بالليل وروحت نامت فورا
غير انى وديتها مع ماما الشغل في المدرسة كل ده ساعد على انى أظبط ساعتها البيولوجية ونومها بقت بتنام يوميا عالساعة 9 بالليل
من المشاكل برضه اللى قابلتها مع كنزى نوبات الغضب وطبع كلنا قابلتنا المشكلة دى مع ولادنا بس ياتري اتعاملتى معها ازاى؟
بصراحة في الأول كنت بتعصب واتنرفز وحالتى تبقي حالة
لحد ماسألت دكتورة الأطفال
لان أيامها ماكانش عندى كومبيوتر ولا حاجة
عموما نصحتني بانى أسيبها وأدخل غرفة تانية خالص
عشان الطفل يهدي ياعدولات لان تخيلي نفسك وانتى في قمة عصبيتك بتبقي عاملة ازاى؟بتبقي مش شايفة قدامك أساسا
والطفل بيبقي نفس الشئ ش شايف ايه قدامه ولا مين اللي بيكلمه لازم تديله فرصة يهدا ومن نفسها كانت تجيلي الغرفة التانية وهى هادية ومتقبلة أى كلام حاقوله ولما تكلمى ابنك ولا بنتك لازم يبقي بهدوء أنا عارفة انها صعبة مع مشاغل اليوم وخصوصا الأمهات اللي بتشتغل ومع رتم الحياة الصعبة اللي بقينا فيه بقينا عصبيين جدا ومحتاجين لهدوء الأعصاب عن نفسي كان بيجي عليا أوقات مابتمالكش أعصابي وبتنرفز لكن بلاقي ان عصبيتي مفهاش فايدة ومابينوبنيش غير العناد زيادة من كنزى ومرة علي مرة ابتدت تهدا وعموما بتروح النوبات دي علي سن 4 سنوات هي بتبقي محرجة لما بتكونى بره البيت بس ربنا يهدي
تابعونى ياقمرات برجاء عدم الرد الا بعد انتهاء موضوعى



إظهار التوقيع
توقيع : مايا علي
#2

افتراضي رد: تربية الأطفال من سن الولادة لسن 6 سنوات,تجربتي في تربية ابنتي كنزى سن 6 سنوا

مشكلة كبيرة جدا قابلتها مع كنزى وأنا قابلتها في صغري مع اختلاف تعامل كنزى مع المشكلة عنى وكمان تعامل بابايا ومامتى لما كنت بنفس الموقف يمكن لان كنزى ليها هنا في البيت مساحة كبيرة للتعبير عن رأيها اما وأنا صغيرة الوضع كان يختلف كنت دايما منطوية وخايفة من التعبير عن رأيى..
طبعا في حملى في مايا كنزى اتعلقت كتيييييييير جدا بمايا من قبل ماتشوفها ولما ولدتها هى شافتها من بره الحضان وطبعا مايا ماقعدتش أكتر من 48 ساعة وبعدها اتوفت طبعا الخبر كان صعب جدا بالرغم من انى كنت عارفة انها صعب انها تعيش لان حالتها كانت أسوأ من جنى وماكنتش استعديت في مايا زى مالدكتورة استعدت معايا في جنى طبعا كله بأمر الله أولا وآخرا..

ماكنش عارفة أقول لكنزى ايه؟ وخصوصا أنا عارفة انها متعلقة قد ايه ونازلة تجيبلها هدية وتقول دى هدية لمايا بقيت محتارة جدا..
بقيت في عز تعبي أبحث عالنت وأشوف حاقولها ازاى؟ وكنت قريت عن أم اتكررت معاها وفاة أطفالها وعندها بنت في نفس عمر كنزى وقتها وقريت ان البنت كرهت بيتهم عشان حاسة ان كله أموات أنا قريت كده واترعبت لكن في نفس الوقت قريت ان لازم تفهمى طفلك وتواجهيه بالحقيقة عشان مايحصلوش صجمة وبعدين كلامها ليا وقتها كان صعب وبقيت مش قادرة استحمله لانها آخر مازهقت مننا قالت أنا حاروح أزور اختى مايا لوحدى في المستشفي فقررت انى لازم أقولها..
خدتها في غرفتها وقلتلها ان اختها كانت تعبانة قوى وماقدرتش تستحمل فراحت عند ربنا في الجنة وفهمتها ايه هى الجنة؟ حاولت أصورلها الجنة شكلها ايه؟ لانها صغيرة ومش قادرة تستوعب فكرة الموت
وطلبت منها انها تقرالها الفاتحة لانى كنت محفظاها سور صغيرة من القرآن وهى 3 سنوات وقريناها مع بعض وطبعا بكت وأنا بكيت معاها..
بس للأسف المشكلة ماوقفتش لحد هنا فضلت دايما تسألنى على العملية وتعبت ليه طب وبيحطوا اأطفال في الحضان ليه طب وكل اللي بيدخلو الحضان بيموتوا يعنى أسئلة كتيرة ومتعبة جدا ليا في وقت أنا محتاجة أستريح فيه نفسيا..
حاولت أبعدها عن التفكير بالمشكلة دى باللعب معاها وهى كمان بتحب الرسم جدا سيبتها ترسم وبقيت اديها أفكار للرسم وجيبتلها كراسات تلوين يعنى طلعت شوية من الموضوع ولما ربنا كرمنى بالحمل تانى من الأول قالتلى انى حامل ببنوتة وحنسميها جنى وفعلا طلع كلامها صحيح بس طول فترة الحمل كانت بتضغط عليا بنفس الكلام عن مايا ولما ولدت جنى ودخلت الحضان مارضيتش أقولها وهى أصلا راحت عن بنات خالى وقتها لانى قعدت في المستشفي كام يوم لأحوالى السيئة وماقلتلهاش أى حاجة خالص عن الحضان ولما طلعت عرفتها انها كانت بالحضان وهى اصلا جات معايا لما رحنا جبناها بس ماكانش ينفع أقولها من الأول لان في اعتقادها ان اللى بيدخل الحضان بيموت
لا والأسوأ انها اتفرجت على كارتون توم وجيري في مرة بعد وفاة مايا وكان فيه البطة اللى تاهت من مامتها وسابتها فقالتلى انى أنا السبب في وفاة مايا لانى مشيت من المستشفي وسبتها يعنى نصيحتى ليكم ماتستهونوش أبدا بمخ أولادكم لان دماغهم شغالة بطريقة مخيفة في كل حاجة..
وحاجة لازم تعرفوها عن ولادكم انهم مش بينسوا حاجة يعني لحد الآن مش بتبطل كلام عنها أبدا ولحد الآن تقوللى عايزة أروح ألعب معاها في الجنة ربنا يخليهالى هي وأختها تستفيدي من اللى قلته هنا ان مواجهة الموقف لطفلك وتبسيط المعلومة ليه لازمة ومهمة جدا لان الصدمة حتخليه يواجه شاكل انتى في غنى عنها وكمان عشان مايقولش انك بتكدبى ويكون فيه مصداقية لكلامك..
من المشاكل اللي قابلتنى معاها برضه الخوف من الدكاترة والحقن وكنززززززززززززى الصراحة ورتنى الويل مع الدكتورة والحقن لما كانت بتديها دوا شرب ماكانتش بتزعل منها لكن لما كان بيجيلها أدوار جامدة وبتستدعي انها تاخد حقن كانت بتاخد على خاطرها جدا لانها كذا مرة خدت حقن بينسيلين طبعا بيتعل الاختبار كل مرة الأول وبعدين تاخد الحقنة اللي فيه كبار مننا لحد الآن بيخاف منها لكن بفضل الله تعالى مابقيتش بتخاف وبقت بتاخدها حتى تحليل الدم عملته وهى قاعدة زى الكبار ماشدتش ايديها ولا حاجة وبقت مبسوطة طبعا في الأول كنت بضطر انى لازم بعد كل حقنة اجيبلها لعبة وهى تختارها كمان وطبعا الميزانية ماتستحملش كده لان انتى روحتى للدكتورة وجيبتى روشتة أدوية بمبلغ وقدره وده كان خطأ منى بس الصراحة كانت بتصعب عليا لانها فضلت من شهر أبريل اللى فات ولحد شهر 11 اللى فات شهريا تاخد حقن ياعينى طبعا اتبهدلت..
أنا عموما بعرف أدى حقن واتعلمت الحقن عشان في حالات بتستدعى انك تدى في وقت الصيدليات قافلة فيه بس الصراحة ماكنتش جربت ادى لكنزى حقنة لحد قبل ولادتى علطول اضطريت انى لازم احقن حقن وريد ليها مضاد عشان كانت حالتى صعبة ومش بقدر انزل من البيت الا مضطرة وفعلا بقيت اديهالها لما الأم بتدى الحقنى بيبقي الوضع مختلف كتير على فكرة وماتصورتش ان كنزى هى اللى حتقولى بعد كده ادينى الحقنة يمكن كنزى تكون حالة فردية بس صدقينى الموضوع بيبقي أهون لما انتى اللى بتديها لطفلك
موقف برضه قابلته مع كنزى لما الدكتور قال حيعملها عملية اللوز واللحمية ماخبيتش عليه وقلتلها تفاصيل العملية وان بعدها مش حتتعب ولا حتاخد حقن كل شوية وفعلا جمدت قلبها ودخلت معاها غرفة العمليات لحد ماتم تخديرها وطلعت بعدها هى صحيح أفورت بعد مافاقت من العملية بس عدت على خير بس عايزة أقولكم ان بعد فترة العملية بتقابلك مشكلة الأكل لان الطفل لازم ياكل والا العملية يحصل فيها مشكلة كبيرة وممكن توصل لنزيف ثانوى حايلي طفلك زى ماعملت مع كنزى وأكليه بالذوق مرة بالعافية مرة المهم لاااااااااااا زم ياكل..
تابعونى ياقمرتى

إظهار التوقيع
توقيع : مايا علي
#3

افتراضي رد: تربية الأطفال من سن الولادة لسن 6 سنوات,تجربتي في تربية ابنتي كنزى سن 6 سنوا

رد: تربية الأطفال من سن الولادة لسن 6 سنوات,تجربتي في تربية ابنتي كنزى سن 6 سنوا
أكبر مشكلة بقابلها مع كنزى دلوقتى بصراحة هى الدلع المفرط اللى دلعهولها بابايا
ودى مشكلة بتقابل اللى قاعدين مع أهلهم أو مع أهل زوجهم
مشكلة ببكى منها كتير الصراحة
هو باعتقاد بابا على حسب الحالات اللى شافها ان الطفل لو قال كلمة مش مقبولة لما يكبر حيكبر ويفهم ويعقل
لكن دلوقتى مش فاهمة ايه معنى الكلمة اللى بتقولها
طبعا التليفزيون أكبر مشكلة لانه بيديها كلمات ماكنتش تعرفها وهى بتقولها وترددها وخلاص
أو في المدرسة تتعلم كلمة ولا كلمتين آجى أكلمها تقوللى أنا عايزة أقولها
ولو زعقت معاها واتعصبت من أسلوبها تروح تشتكى لبابا وطبعا بابا يدينى الكلمتين اللى يحرقوا دمى وأقعد أعيط بسببها شفتوا الخيبة بتاعتى
حاولت معاها بالذوق مش نافع لان بابا مقويها
يحاول باباها لما ييجى مافيش فايدة ماحدش عارف يكلمها خالص لدرجة انى بقيت بدخل غرفتى واسيبها من غير ماكلمها وقت طويل
بصراحة هى فيه أوقات كتيرة بتيجي تصالحنى وبعدين لما بتتكلم حلو ياسلاااااااااااااام عليها
بس كل ده وماكنتش لاقية حل
بقيت أذنبها في كورنر عندى في الأوضه لمدة 5 دقايق واقولها فكرى في اللي قولتيه وتيجى تعتذري
مافيش فايدة
وميس المدرسة اشتكت طبعا من دلعها بس حاعمل ايه؟
لحد ماخدت فكرة من فيلم أجنبي
الأولاد لما بيعملو حاجة وحشة أو يتصرفوا وحش
امهم كانت عاملة صندوق اسمه صندوق الشتيمة هههههههه
آه والله زى مابقولكم كده
وفعلا نفذتها غسلت علبة لبن من بتوع جنى
وقلتلها ان ده صندوق الكلام الوحش واللى بيتصرفوا بطريقة وحشة
وان ماسمعتيش الكلام أو قلتى كلمة نبهت عليكى انها مش كويسة وعيب تقوليها حاخد جنيه من فلوسك وأحطه هنا طبعا الكلام ده قلته قدام باباها طبعا باباها قالها لابكد حاعرف غلطتى كام مرة
ولو سعتى الكلام ومازعلتيش مامى ليكى مكافأة عندى
اما لو ماسمعتيش الكلام وغلطاتك اتكررت
حتتحرمى من المصروف والخروج معايا
الموضوع ده أنا مشيت عليه بقالي 10 أيام وعايزة أقولكم ان في الصندوق ده ماحطيتش فيه غير جنيه واحد فقط وكان كفيل بانه يعملها الأدب بصراحة يومها عيطت عياط لما خدته منها
وقالتلى انها مش حتعمل حاجة غلط تانى
ومن يومها وربنا هداها الحمد لله
طبعا الطريقة دى مش حاتنفذيها الا مع الأطفال اللى بياخدوا المصروف
بس مش عايزة أقولكم أنا مبسوطة قد ايه بان العقاب ده جاب نتيجة لا ونتيجة هايلة كمان.
مشكلة كمان بقابلها مع كنزى بابابها بيشتغل في شرم الشيخ
ولا بييجى يسافر بصراحة حالتها بتبقي سيئة جدا
عموما بخرجها تروح تلعب مع بنات خالى عشان تسهى شوية لانها بتبقي زعلانة جدا منه وبتبقي مش عايزاه يسافر وبتقوله مش عايزين فلوس ولا حاجة بس خليك
طبعا بيبقي مطلوب منى أقوم في غياب باباها بدور الأم والأب مع بعض بس لقمة العيش لما بتحكم بس المشكلة دى قائمة معايا كل مرة بيسافر فيها وبتبقي زعلانة جدا وبحاول أهون عليها عموما الطفل بيبقي محتاج الحنية والاحساس بالأمان وقتها مش أكتر.
اتكلمت أنا كتير عن المشاكل اللى قابلتنى مع كنزى
نتكلم بقي عن الحاجات اللى اتعلمتها كنزى واتعاملت معاها ازاى في المواقف التانية
بالنسبة للأكل أنا بدأت أكلها في سن 6 شهور أنا اعتمدت على الرضاعة الطبيعية وماقصرتش معاها أبدا
والحمد لله بتاكل كويس الى الآن مافيش مشاكل
الفطام تم وهى عمرها سنة ونصف وكان مافهوش ماكل الحمد لله
حاولى تروحى لمكان فيه أطفال أول يومين من الفطام عشا الطفل يلعب ويسهى في اللعب عن الرضاعة طبعا بتكونى دخلتى الأكل وتابعى أكله كويس وقبل مافطمت كنزى رحت للدكتورة وطمنتنى عليها صحة ووزنا وقالت مافيش مشاكل من الفطام هي نصحتنى بالفطام التدريجى لكن كنزى كانت متعلقة بصدرى وكأنه لعبة أكتر من الرضاعة فكان لازم الفطام المفاجئ ووديتها أول يوم عن بنات خالى من سنها كان أول يوم في العيد وتانى يوم سافرنا للمحلة كان عندى فرح بنتى عمتى فالبنت الصراحة ولا افتكرته خاااااااالص
أنا اللى قعدت متأثرة نفسيا لمدة 6 شهور بعدها هههههههههههه
لما حاولت أقعد كنزى عالبوتى بدرى مارضيتش خالص فقلت أصبر عليها بس كان عندها حاجة غريبة قوى وبيتهيألى قليل لو لقيتها عند أطفالك في سن سنة و8 شهور ابتديت مالبسهاش البامبرز وهي خارجة لقيتها مش بتطلب تعمل حمام طول ماهى بره البيت ماتسألونيش ازاى؟ بس كانت طبيعتها كده وكمان لما كانت بتنام بالليل نفس الشئ الا طول النهار لحد مافهمت واحدة واحدة ايه الاحساس بالموضوع ده بقت تقولى توتا يعني تقعد عالبوتى هي كانت متعودة عالكلمة دي وبعدها اتعودت وعدا الموضوع علي خير بصراحة كنزى ماغلبتنيش في الحاجات اللى الأم بتخاف منها حتي لما جيت وديتها الحضانة
أنا وديتها وهي في عمر 3 سنوات لانها كانت بتخاف من أى طفل ولما كان بييجي أى طفل ناحيتها كانت بتخاف وتيجي في حضنى فقررت انى لازم أوديها الحضانة طبعا بابا كان معارض بالدرجة الأملى وقالي انتى عايزة تخلصي منها وعايزة ترميها وكلام مالوش لازمة لكن مصلحة بنتي أولى من أى كلام
ووديتها في حضانة كويسة والميس بتاعتها كانت ممتازة بصراحة
وعرفت تتعامل معاها كويس طبعا أول أسبوع بيبقي مشكلة عند كل الأطفال لكن تعامل الميس بتاعتها كان ممتاز معاها وحبب كنزى في مرواحها للحضانة ولحد الآن كنزى بتحب تروح المدرسة جدا ومش بتحب تقعد في البيت
كانت تقولها الميس تعالى نلعب في الجاردن كورة وأول مألاقيها مش واخدة بالها منى أمشي فورا وأكلم الميس وأطمن ألاقيها تماااااااااام مافيش مشكلة الحمد لله
كنزى قلقتني في حاجتين النطق واستيعاب المذاكرة
أنا حسيت انها اتأخرت في الكلام فضلت لسن سنة ونصف كلامها بسيط جدا جدا في حين كان قدامى بنات خالى بسم الله ماشاء الله عليهم بيتكلموا تمام بس نصيحتى ليكي ماتبصيش لحد لان كل طفل وليه ظروفه واستعداده واهى دلوقتى بتتكلم لحد مابقولها بطلى كلام بقي وجعتي دماغى هههههههه
كمان لما جيت أذاكرلها وهي 4 سنوات وصف مافيش أى استيعاب خاااااااااااالص ابقي لسه قايلالها ايه دى؟ وثانية أسألها تقوللي ماعرفش قعدت عالوضع ده شهر بحاله لحد مالقيتها زى عملت عملية تخزين لكل اللي قلته وطلعت بيه مرة واحدة يعني ماتستعجليش علي ابنك أو بنتك اديهم الفرصة أنا كنت قلقت وقلت بس البنت فيه مشكلة عندها وكنت حاوديها للدكتورة تشوف فيه ايه؟ بس ربنا ستر
كنزى فيها عيبين جامدين ردة فعلها مبالغ فيها تحسي ان فيه مصيبة كبيرة وهى مشكلة تافهة جدا
وكمان الأنانية في اللعب
يمكن من يوم ماوديتها الحذانة الموضوع خف عندها بنسبة كبيرة لكن لسه موجود عندها لحد الآن وللأسف بتشجيع من بابا بس هو ليه وجهة نظره وهو مش قادر يفهم وجهة نظري بانى عايزة بنتي أحسن الناس ربنا يهدي الحال
بنتي اتعلمت الصلاة مننا لانها كانت دايما بتشوفنا واحنا بنصلي فمن سن سنتين بقت تلبس الطرحة وتقلدنا في الصلاة كان بيبقي شكلها جميل وكانت تطول حتى في السجود زى مابنعمل ولحد ماحفظتها السور الصغيرة وبقت بتنزل مع جدها في الجامع وللحقيقة كنزى خدت ثواب كبيييييييير جدا لان بابا بعد ماجاتله جلطة المخ وأثرت على حركته بقي مش بينزل يصلي في الجامع وهي اللي قالتله ليه مش بتصلي في الجامع وقالتله عادى لما تصلي علي كرسي ونزلت معاه الجامع وساعدته في قلع حذائه وقعدت جنبه في الصلاة مؤدبة ولما خرجت ساعدته بلبس حذائه تانى يعني خدت ثواب كبير ان شاء الله
اتعلمت من صغرها غسل أسنانها وبتحب النظافة جدا من صغرها
كمان ميزة حلوة جدا لما بتغلط مابتكذبش وبتقول أنا اللي عملت كده وده طبعا ساعدتها انها دايما تقول الصدق ولما بتقوله أنا مش بعاقبها عشان ماتخافش بعد كده وبحاول أفهمها وخلاص
الترم الأول لما نجحت وجابت الدرجات النهائية
احتفلنا بنجاحها وكانت مبسوطة وهي دايما اللي بتقولي يالا نذاكر
بيتهيألى طولت في موضوعى جدا بس ياريت تكونوا قدرتوا تستفيدوا مت أخطائي وأخطاء كنزى عموما احنا الاتنين بنربوا بعض
وربنا يستر
المهم ماتيأسيش وحاولى ودورى ازاى تقدرى تتعاملى بأفضل طريقة وكمان الطريقة اللي تمشي مع ابنك أو بنتك لان مش شرط اللي مشي معايا حيمشي معاكى وربنا يهدي ولادنا وربنا يحفظهم من كل سوء
مش مهم تعلميه الأخلاق وبس
لأه علميه ازاى يواجه المجتمع بكل اغراءاته
وأهم حاجة تعلميها لابنك أو بنتك هي ازاى يقدر يختار أصدقاءه لان الصديق هو اللي حيخلي طفلك كويس أو حيخليه سئ
ودي عن تجربة
علميه حب الخير وحب مساعدة الناس
وكونى ليه قدوة لانه حيقلدك في الوحش قبل الحلو
وربنا يهديهم جميعا
تحياتى وحبى ليكم

إظهار التوقيع
توقيع : مايا علي
#4

افتراضي رد: تربية الأطفال من سن الولادة لسن 6 سنوات,تجربتي في تربية ابنتي كنزى سن 6 سنوا

ربنايخليلك كنزى وجنى حبايب خالتو هبه القمرات
احنا عايشين لهم طبعا بس هم مش يقدروا يفهموا كده ههه ربنا يهديهم يارب
وحلوه فكره الصندوق دى حاعملها لهانى لما يكبر ههه بس اخاف اخد انا منه وباباه يديله تانى من ورايا انتى عارفه هو متعلق بيه قد ايه

إظهار التوقيع
توقيع : هبه شلبي
#5

افتراضي رد: تربية الأطفال من سن الولادة لسن 6 سنوات,تجربتي في تربية ابنتي كنزى سن 6 سنوا

مبروك التكريم
إظهار التوقيع
توقيع : هبه شلبي
#6

افتراضي رد: تربية الأطفال من سن الولادة لسن 6 سنوات,تجربتي في تربية ابنتي كنزى سن 6 سنوا

ههههههههههه أيوة عارفة باباه بيحبه قد ايه؟ ربنا يهديهولك يارب
تسلمى حبيبتى للتكريم

إظهار التوقيع
توقيع : مايا علي
#7

افتراضي رد: تربية الأطفال من سن الولادة لسن 6 سنوات,تجربتي في تربية ابنتي كنزى سن 6 سنوا

مووووضع جميل حبيبتى
ربنا يخليك بناتك وتفرحى بيهم

إظهار التوقيع
توقيع : ام طاطو
#8

افتراضي رد: تربية الأطفال من سن الولادة لسن 6 سنوات,تجربتي في تربية ابنتي كنزى سن 6 سنوا

تسلم ايدك موضوع مميز طبعا

إظهار التوقيع
توقيع : الملكة نفرتيتي
#9

افتراضي رد: تربية الأطفال من سن الولادة لسن 6 سنوات,تجربتي في تربية ابنتي كنزى سن 6 سنوا

مشكورررة يا مونى
مجهود مميزة غاليتى

إظهار التوقيع
توقيع : ندى ام
#10

افتراضي رد: تربية الأطفال من سن الولادة لسن 6 سنوات,تجربتي في تربية ابنتي كنزى سن 6 سنوا

شكرا لتقديركم الغالى
نورتونى

إظهار التوقيع
توقيع : مايا علي
#11

افتراضي رد: تربية الأطفال من سن الولادة لسن 6 سنوات,تجربتي في تربية ابنتي كنزى سن 6 سنوا

موضوع جميييل حبيبتي
وربنا يخليهم ليك


إظهار التوقيع
توقيع : جويريه
#12

افتراضي رد: تربية الأطفال من سن الولادة لسن 6 سنوات,تجربتي في تربية ابنتي كنزى سن 6 سنوا

تسلمى حبيبتى جويريه
نورتينى

إظهار التوقيع
توقيع : مايا علي
#13

افتراضي رد: تربية الأطفال من سن الولادة لسن 6 سنوات,تجربتي في تربية ابنتي كنزى سن 6 سنوا

ربي يخليهم لك[IMG]https://www.***- /vb/storeimg/img_girls-ly1363828886_961.gif[/IMG]
إظهار التوقيع
توقيع : طُمُوحي الجنّة
#14

افتراضي رد: تربية الأطفال من سن الولادة لسن 6 سنوات,تجربتي في تربية ابنتي كنزى سن 6 سنوا

تسلمى حبيبتى ام امير
إظهار التوقيع
توقيع : مايا علي
#15

افتراضي رد: تربية الأطفال من سن الولادة لسن 6 سنوات,تجربتي في تربية ابنتي كنزى سن 6 سنوا

[IMG]https://www.***- /vb/storeimg/img_girls-ly1363828886_961.gif[/IMG]

إظهار التوقيع
توقيع : فلسطين
#16

افتراضي رد: تربية الأطفال من سن الولادة لسن 6 سنوات,تجربتي في تربية ابنتي كنزى سن 6 سنوا

موضوع اكثر من رائع ما شاء الله
تسلم ايدك حبيبتى

إظهار التوقيع
توقيع : ام سلمة
#17

افتراضي رد: تربية الأطفال من سن الولادة لسن 6 سنوات,تجربتي في تربية ابنتي كنزى سن 6 سنوا

تسلمى حبيبتى نورتينى
إظهار التوقيع
توقيع : مايا علي
#18

افتراضي رد: تربية الأطفال من سن الولادة لسن 6 سنوات,تجربتي في تربية ابنتي كنزى سن 6 سنوا

ممتاز
موضوع رووووعه

إظهار التوقيع
توقيع : ♥ احبك ربى ♥
#19

افتراضي رد: تربية الأطفال من سن الولادة لسن 6 سنوات,تجربتي في تربية ابنتي كنزى سن 6 سنوا

نورتينى حبيبتى
إظهار التوقيع
توقيع : مايا علي
أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
السعال عند الأطفال وكيفية التعامل معه ..؟؟ Đāłāł العناية بالطفل
اعراض الولادة المبكرة: اعراض الولادة في الشهر الثامن فما دون وعلاجها والوقاية منها لولو حبيب روحي مرحلة الحمل والولاده
شرح الولادة الطبيعه و القيصرية بالصور صحه الحمل الحوامل الجنين الولادة الانجاب ملآك ولكن.. مرحلة الحمل والولاده
اكتئاب ما بعد الولادة / اكتئاب ما بعد الولادة وعلاجه / اكتئاب ما بعد الاجهاض ЙǑŏƒ العيادة النفسية والتنمية البشرية
الولادة المبكرة والأطفال المبتسرين مايا علي مرحلة الحمل والولاده


الساعة الآن 04:47 PM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل