أو

الدخول بواسطة حسابك بمواقع التواصل

#1

منقول يا بنتى انتى وهى ابوووووووس ايديكوا مفيش حاجه اسمها انا هغيره بعد الجواز

يا بنتى انتى وهى ابوووووووس ايديكوا مفيش حاجه اسمها انا هغيره بعد الجواز


انا كل ما ادخل فى قسم محتارة الاقى مشاكل بالهبل

زى

كل ما ادخل على مشكله والاقى فيها مثلا الزوج بخيل اسأل المحتاره .. هو مكانش باين من الخطوبه انه بخيل ؟
دى الحاجات دى بتبان يعنى .. الاقيها موضحه فى اخر الموضوع .. يا جماعه هو كان فيه مواقف بتبين بخله بس انا قلت يمكن اعرف اغيره بعد الجواز يا فرحتى

واحده تانيه .. جوزها بيضربها ويبهدلها ويشتمها بأفظع الالفاظ .. طب هو كان فى الخطوبه ملاك مثلا ؟ اصل صعب واحد بالاخلاق دى يمثل انه ملاك لازم يعنى هيبان اى حاجه .. اه هو لما كان بيتعصب كان بيشتم ويسبلى ومره ضربنى بس انا اللى استفزيته و رجع اعتذر وعيط وانا سامحته وقلت يمكن بعد الجواز ربنا يهديه والمشاكل دى تقل ويقرب لربنا اكتر

واحده تالته .. جوزى بيعرف ستات ومقرف وبيخونى وووو ... طيب انتوا مسألتوش عليه ؟ مكنتيش تعرفى اى حاجه عنه ؟ اه هو حكالى انه كان يعرف بنات وبيعمل معاهم علاقات بس من ساعه ما عرفنى معملش كده " جه على نفسه الصراحه " وانا قلت يبقى اتغير ولما نتجوز هعفه واكيد مش هيبص بره

وهلم جرجر

الى عاوزة اقوله لكل واحدة لسه على البر



من الاخر يا بنات اللى عايز يتغير هيتغير من زمان لما يقف وقفه مع نفسه ويقول انا غلط مش لما يعرف حضرتك
واللى ربنا هيهديه كان هداه من زمان برضه لكن ربنا لا يغير ما بقوم حتى يغيروا ما بأنفسهم ..مش شرط يهديه بعد ما تتجوزوا
انتى ممكن تغيريه اه بس تغيرى حاجات طفيفه جدا فى شخصيته او نظام حياته .. يعنى بدل ما بتدخل بالجزمه اوضه النوم ابوس ايدك اقلعها عالباب عشان لسه ماسحه زى انا بعمل بالضبط ده اخرك فى التغيير




لكن تمسكى اكبر عيب فيه وتقولى هغيره ؟ ماهو لو قابل للتغيير كان اتغير يختى من زمان وغير نفسه بدال ما يبقى العيب ده ملازمه والناس تبقى عارفاه



فتره الخطوبه دى بتبقوا انتوا الاتنين بتخبوا عيوبكوا وبتظهروا احلى حاجه عندكوا .. تخيلى بقى بعد ما بيخبى عيوبه على قد ما يقدر برضه بتشوفى العيوب اللى قولتها كمثال فوق .. اومال لما يبقى على طبيعته بقى هيبقى ازاى ؟



بجد انا مشفتش واحده كاتبه جمله من الجملتين دول " انا قلت بعد الجواز ربنا هيهديه " " انا قولت هعرف اغيره " الا والاقيها متبهدله يا قلب امها معاه والعيب اللى كانت شيفاه ايام الخطوبه وفكرت انها ممكن تصلحه هو السبب فى فشل جوازها ومشاكلها ليل ونهار معاه
ارجوكم مترموش نفسكوا فى اى جوازه وخلاص ولا تتمسكوا بشخص همجى او مش محترم او او لمجرد انك بتحبيه لانك لما تتصدمى بالواقع وتجربى تعيشى معاه هتضربى نفسك بالـ ... وهتنسى حاجه اسمها حب اصلا
متسمحيش لحد يقلل منك او يهين كرامتك وتقولى الحب مفهوش كرامه لا يختى فيه ونص كمان .. الانسان كرامه لو راحت يبقى انتى ملكيش لازمه
اوعى تسمحى لحد يغلط فى اهلك او يعيب فيهم حتى لو فيهم العبر .. يعنى اهلك مربيينك وتعبانيين فى تربيتك عشان فى الاخر ييجى عيل ميساويش يغلط فيهم لا وانتى تسكتى وتقولى هبقى اخد موقف معاه واخليه ميكررهاش طب ما حقه بعد كده يديكى بالـ .... انتى واهلك كمان ماهم اتشمتوا قدامك وانتى معملتيش حاجه




منقوووووول



إظهار التوقيع
توقيع : حنين الروح123
#2

افتراضي رد: يا بنتى انتى وهى ابوووووووس ايديكوا مفيش حاجه اسمها انا هغيره بعد الجواز

كلام مظبوط
إظهار التوقيع
توقيع : مورا موكا الطيبة
#3

افتراضي رد: يا بنتى انتى وهى ابوووووووس ايديكوا مفيش حاجه اسمها انا هغيره بعد الجواز


المشاركة الأصلية كتبت بواسطة مورا موكا الطيبة
كلام مظبوط
نورتينى يا مورا

طب انتى من وواقع انك مخطوبة هتقدرى تغيرى خطيبك بعد الجواز

إظهار التوقيع
توقيع : حنين الروح123
#4

افتراضي رد: يا بنتى انتى وهى ابوووووووس ايديكوا مفيش حاجه اسمها انا هغيره بعد الجواز

مشكووورة يا عسل
إظهار التوقيع
توقيع : Frawla
#5

افتراضي رد: يا بنتى انتى وهى ابوووووووس ايديكوا مفيش حاجه اسمها انا هغيره بعد الجواز

انا مخطوبه وخطيبي عصبي وبيتنرفز بسرعه
بس انا عارفاه وعارفه طبعه ومع الايام اتعودت علي كده وعشان بحبه هكمل معاه
وهقبله بعيوبه ومميزاته
ماهو مفيش حد
خالي من العيوب

إظهار التوقيع
توقيع : ♡حنان آم بسنت♡
#6

افتراضي رد: يا بنتى انتى وهى ابوووووووس ايديكوا مفيش حاجه اسمها انا هغيره بعد الجواز

تسلمى حبيبتى
إظهار التوقيع
توقيع : شقاوة آنثى
أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
روايتي الثانيه ...( في خطوتك .. سكتي) عندما تعشق الشوكولاته أقلام عدلات الذهبية
اجازة الأولاد بدأت.. تعالوا لهذا الدرس الهاااااام أم أمة الله العناية بالطفل
انا منهاره ومخنوقه ايه رايكم فى الراجل ده عطرى الجنة فضفضة وحل المشاكل
انسانه مش سعيده نورهان عامر فضفضة وحل المشاكل
رواية مع وقف التنفيذ , للكاتبه مشاعر غالية صفاء الحياة قصص - حكايات - روايات


الساعة الآن 06:40 PM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل