أو

الدخول بواسطة حسابك بمواقع التواصل

#1

جديد اللي حتدخل حدعلها بجد محتاجه رايكم جداااااا ياريت تساعدوني بجد

السلام عليكم ورحمة الله وبركاته
ازيكم يا عدولات
يارب كلكم بخيييير و صحة وسعادة
عندي موضوع محتاجه رايكم فيه جداااا
بس ياريت تدينو من وقتكم دقايق تقرأه فيها كلامي كللله بليييييييز





الموضوع متعلق بالجواز وعقد القران والخ الخ
متقدملي واحد و بعد الاتفاقات اتفقنا اننا نعمل كتب كتاب بعد شهر تقريبا و الفرح يكون بعد سنة
و لو سالتو ليه الفرح بعد سنة
عشان شقته لسه مش جاهزة , شقته موجوده بس لسه ناقصها كتيير عشان تكمل لسه طوب يعني عايزه تتمحر وتتشطب والخ الخ , وهو عايز يعمل الفرح قريب بعد رمضان بحيث الجواز يكون في شقة ايجار عشان هو مسافر مش قاعد في مصر فرايه انه يعمل فرح في مصر و نسافر وتكون في شقه ايجار يفرشها ويجهزها قبل الجواز و بعد الجواز يكمل شقته التانيه اللي فمصر
بس اهله رافضين الحل ده و عايزينه يتجوز في شقته الاساسية يعني يكمل الشقه قبل الجواز
انا بقى واهلي
شايفين ان دي نقطه في صالحي ان اهلي حابين انه يكمل الشقه قبل الفرح و كمان اكون انا خلصت السنه الاخيره ليا فالجامعه مع ان اهلي مؤيدين الجواز قبل الشقه و يكمل الشقه بعد الجواز عشان بيكرهو مبدأ التطويل قبل الفرح مش متعودين على كده في جوازات العيله


طبعا حنكتب الكتاب بعد شهر عشان يعرف يكلمني لاننا اسرة ملتزمة واهلي مش حيسمحو باي تواصل من غير كتب الكتاب
و بصراحه انا عمري ماتخيلت اني ممكن اقعد فترة طويلة مخطوبه او مكتوب كتابي لمدة طويلة قبل الجواز ! لان الموضوع مش مقبول عندنا ومحصلش معانا قبل كده واختي اتخطبت واتجوزت ماشاء الله وكلل حاجه في شهرين بس
لكن هنا الوضع مختلف وهو انسان كويس بس هي دي النقطه اللي محيراني

و السؤال هنا بقى

ايه رايكم في الحكايه دي ؟
كتب الكتاب لمدة سنة و بعدين الجواز ؟
و مدة كتب الكتاب دي تعتبر طويلة ؟ و هل ليها اضرار وايه اضرارها ؟
انا عاجبني الموضوع ومش عاجبني في نفس الوقت ! متخوفه شويه

فياريت يا جماعه تساعدووووووووووني بليييز
اللي عندها خبره او معرفة بالامور دي وعارفه الصح فين تدلني
او اللي عندها راي او فكره تتفضل تقولها
اتمنى تساعدوني بجد
و ربنا يكرمكم و يدي كل واحدة اللي هي بتتمناه

منتظره ارائكم


اختكم



#2

افتراضي رد: اللي حتدخل حدعلها بجد محتاجه رايكم جداااااا ياريت تساعدوني بجد

السلام عليكم
ربنا يكتبلك الخير ان شاء فى كل حياتك
بس استخيرى ربنا الاول وقبل رأى اى حد
هى صحيح مدة كتب الكتاب كده طويلة بس ادام ده طلب اهلك يبقا هم شايفين الصالح ليكى ولكن بالنسبة للزواج رأيى مع الاغلبية تستنو شقته اما تجهز
معلش بس نفرض اتجوزتو وحصل حمل وهوسافر وانتى حتقعدى لوحدك فى شقة ايجار جديد يبقا حتحضرو للبيبي ولا للشقة اللى اصلا مش جاهزة الامور تتاخد بالعقل وبالصبر كله بيتدبر وما فيش داعى للسربعة على الاقل تتعرفو اكتر على طباع بعض
وربنا يوفقك ويرزقك الصواب ان شاء الله

#3

افتراضي رد: اللي حتدخل حدعلها بجد محتاجه رايكم جداااااا ياريت تساعدوني بجد

ربنا يقدملك اللى فيه الخييييييير يااااارب
#4

افتراضي رد: اللي حتدخل حدعلها بجد محتاجه رايكم جداااااا ياريت تساعدوني بجد

شوفى حبيبتى انا ضد كتب الكتاب بدرى
وخصوصا انه لسه مش جاهز كتب الكتاب بيكون قبل الفرح بفتره قليله تكونى شايفه بيعنك التجهيزات وكل شئ جاهز
شوفى حبيبتى من اللى شوفتهم حواليه خبرات سيئه جدا لان لا قدر الله ممكن مش يحصل نصيب على اتفه الاسباب وساعتها تكونى مطلقه فليه السرعه والاستعجال
اتخطبى حبيبتى وكلميه قدام اهلك مش فيها حاجه ابدا وكلنا اتخطبنا بالشكل ده وكان بييجى العريس يقعد فى حضور الاهل او يسبونا شويه نتعرف على طباع بعض
ولكن كتب الكتاب كان قبل فرحى ب 3 اسابيع بعدها طلعنا العفش وفرشنا
وربنا يتممم لك على خير بس نصيحه بلاش تستعجلى بكتب الكتاب

إظهار التوقيع
توقيع : هبه شلبي
#5

افتراضي رد: اللي حتدخل حدعلها بجد محتاجه رايكم جداااااا ياريت تساعدوني بجد

زي ماكل الاسامى وهبه قالولك ياقمر
وربنا يتمم عليكى بالخير يارب

#6

افتراضي رد: اللي حتدخل حدعلها بجد محتاجه رايكم جداااااا ياريت تساعدوني بجد

ربنا يتمم لك بخير ياقمر بس بصراحة كتب كتابل وكمان العريس مسافر مالوش لازمة لان الجوازات بتتفركش بعد الشر علي حاجة تافهه وخصوصا انه مش هيكون موجود هنا فاهله بس الي هايزوروكي بصي كتب الكتاب ده بيحجم العروسة واهلها مش العريس ياريت اهلك يفكرو ويخلوها خطوبة والمفروض مش تستعجلو في كتب الكتاب قوي كده
وربنا يتمملك الي فيه الخير والي شفته حواليا ان كتب الكتااب قبل الدخلة بفترة وحش جدا جدا وخلي بالك الخطوبة اصلا والعريس مسافر بيبقي فيها مشاكل لان اهله هما الي بيبقو متواجدين معاكم ودول اصلا لوحدهم مشكلة في اغلب الاحيان
ربنا يهيدلك الحال يارب
بس انا شايفة بلاش كتب كتاب دلوقتي خليها خطوبة بس ربنا يتمم بخير يارب

إظهار التوقيع
توقيع : لولو حبيب روحي
#7

افتراضي رد: اللي حتدخل حدعلها بجد محتاجه رايكم جداااااا ياريت تساعدوني بجد

ما دام مسافر ايه لزمته كتب الكتاب ؟!
يعنى مش هيقابلك وجها لوجه
وصدقينى الشقه تكون بتاعتك احسن من السكن
ويارب يهنيكى يا حبيبتى

إظهار التوقيع
توقيع : Frawla
#8

افتراضي رد: اللي حتدخل حدعلها بجد محتاجه رايكم جداااااا ياريت تساعدوني بجد

انا من رأي لولو
وربنا يوفقك وصلي صلاة استخارة

إظهار التوقيع
توقيع : روبي كابتشينو
#9

افتراضي رد: اللي حتدخل حدعلها بجد محتاجه رايكم جداااااا ياريت تساعدوني بجد

شوفي حبيبتي
أولا مبروك
ثانيا من رأيي لازم يكون فيه خطوبة قبل كتب الكتاب لو حتى مدة 3 شهور وبعدها يكون كل واحد منكم اتأكد من نفسه قبل ما يخطو الخطوة دي
وربنا ييسر لكم الأحوال بإذن الله

إظهار التوقيع
توقيع : رحيق
#10

افتراضي رد: اللي حتدخل حدعلها بجد محتاجه رايكم جداااااا ياريت تساعدوني بجد

حبيبتى ربنا يوفقك ويكتب ليكى الخير
ويمكن اختلف انا شوية عن رأى البنات لانى عن تجربة مريت بكل اللى قلتية
احنا كتبنا الكتاب بعد شهر واحد من الخطوبة بسبب الالتزام انة موش ممكن نقعد او نخرج مع بعض او حتى يسلم عليا
ولان شقتة ما كانتش جاهزة قعدنا سنة بالتمام وبعدها تم كل شىء فى ميعادة
لكن انا ضد انكم تتجوزوا فى شقة ايجار جديد لان دة محفوف بالمخاطر
استخيرى الله والخيرة فيما يقدمة اللهِ

إظهار التوقيع
توقيع : توتى 1
#11

افتراضي رد: اللي حتدخل حدعلها بجد محتاجه رايكم جداااااا ياريت تساعدوني بجد

ربنا يتم بخير
#12

افتراضي رد: اللي حتدخل حدعلها بجد محتاجه رايكم جداااااا ياريت تساعدوني بجد

انا مش مع كتب الكتاب بدريي وربنا يقدملك الخير
أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
روايتي الثانيه ...( في خطوتك .. سكتي) عندما تعشق الشوكولاته أقلام عدلات الذهبية
ادونى رايكم فى المسرحيه دى ميمى دودو المنتدي الادبي
يوميات رهف وريمان عندما تعشق الشوكولاته أقلام عدلات الذهبية
تعالوا نفرفش فى اوقات الفراغ مع ندى ام و ماى كات ندى ام منوعات x منوعات - مواضيع مختلفة
فتى الاحلام رانيا الزناتى فتيات تحت العشرين


الساعة الآن 08:06 AM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل