طريقة الدوناتس الدونات بطريقة منال العالم من مطبخى بالصور خطوة خطوة

طريقة الدوناتس اللذيذ من مطبخى بالصور خطوة خطوة لعيونكم
الدونات على طريقة منال العالم .. انا شوفت الفيديو الخاص بيها ونفذت الخطوات بالظبط وكانت النتيجة اكثر من رائعة وعجبت الاولاد جدا جدا ..



-من 2 ونصف الى 3 اكواب دقيق ( طحين )
-ملعقة كبيرة خميرة فورية
-نصف ملعقة صغير ملح
-ربع كوب سكر حوالى 5 او 6 ملاعق كبيرة
-1بيضة كبيرة او 2 صغيرة + فانيليا
-3 ملاعق كبيرة سمن
-كوب الا ربع لبن دافىء
-نصف ملعقة برش برتقال ( دة الحاجة الوحيدة اللى ما حطتهاش )





بنضيف الدقيق بس موش كلة يعنى نخلى نصف كوب + الخميرة +الملح+السكر+ملعقة حليب بودرة ( كمحسن للعجين )
ثم السكر والسمن واللبن الدافىء واخيرا البيض والفانيليا..



وتعجن جيدا لغاية الحصول على عجينة ناعمة ولا تلتصق باليد طبعا كل ما نلاقيها بتلزق فى الايد بنضف شوية دقيق حتى تصبح هكذا ..



بنغطيها كويس ونسيبها فى مكان دافى لمدة ساعة حتى تخمر وتزيد وتبقى كدة...



بنفردها بالنشابة او الشوبك ونقطعها بقطاعة الدوناتس طيب اللى موش عندة القطاعة يعمل اية ممكن بقطاعتين واحدة كبيرة وقطاعة صغيرة ولو ما فيش يبقى ممكن بكوب ومن النصف بغطاء زجاجة..



بصراحة انا تعبت اوى لغاية مالاقيت القطاعة دى وكنت خلاص ها ييأس واعمل بالكوب وغطا الزجاجة لكن الحمد لله لاقيتها على اخر لحظة وهى كتيير حلوة وعملية ..



بعد ما نقطع وحدات الدوناتس بنحطها على طبق كبير علية ورق زبدة ونسيبها ساعة كمان تخمر تانى ودة مهم جداً..



وعقبال ما تخمر تعالوا نعمل الشيكولاتة الذائبة اللى ها نجمل بيها الوجه..
ها نحتاج 5 ملاعق كاكاو غامق بدون سكر ( انا استخدمت كيس نسكويك كبير ) ونصف كوب سكر وشوية لبن صغيرين..



ننخل الكاكاو والسكر ونضيف اللبن بالتدريج لغاية الحصول على القوام المناسب..







والدونات خلاص خمرت بنجيب طاسة بها زيت غزير ونسخنة اوى وبعدين نهدى النار علية ونقلى فية وحدات الدونات مع استمرار تقليبها فى الزيت..



نسيبها تبرد شوية..



ونبدأ بتزيين الوجه اما بتغطيسها فى الشيكولاتة الذائبة او برش سكر البودرة عليها ..



وبالف هنا وشفا..