أو

الدخول بواسطة حسابك بمواقع التواصل



عدلات

> الاقسام الأسرية

> فضفضة وحل المشاكل

دلونى وقولولى اعمل ايه انا خلاص تعبت

إضافة رد  أضف للمفضلة
https://adlat.net/showthread.php?t=215575
3823 9
#1

افتراضي دلونى وقولولى اعمل ايه انا خلاص تعبت

كل سنة وانتوا بخير وسعادة وصحة يا احلى منتدى
الحمد لله انا قمت بالسلامة من الولادة انا وابنى حبيب ماما عمر
مشكلتى يا صحباتى انى من يوم ما اتجوزت وانا تعبانة جدا جدا جدا بسبب بعدى عن بابا وماما
ارجوكم من غير تريقة انا فعلا تعبانة لدرجة انى باعيط كل يوم ومش عارفة اتأقلم على بيت جوزى ولا مع اهله رغم انى باحاول والله
وطبعا مافيش حد منهم حاسس بحاجة لانى باكتم جوايا حتى جوزى مش حاسس لأنى باخبي عليه وطبعا كمان تاعبنى اكتر انى باقارن بين اهلى واهل جوزى وبصراحة ومن غير كدب والله اهلى احسن بكتير بشهادة جوزى واخواته نفسهم




كل حاجة يا بنات مابقاش ليها طعم من يوم ما اتجوزت ومش بارتاح غير لما باروح عند ماما يوم في الشهر او لو هما زارونى قولولى اعمل ايه انا باعيط كل يوم وكل اما ابقي لوحدى حاسة انى خلاص بقيت يتيمة ورغم عشقي لجوزى الا انى ندمت انى اتجوزت وبعدت عن بابا وماما
تفتكروا انا طبيعية ولا حبي ليهم ادمان زى ماجوزى بيقولى انا مش عارفة اعيش بعيد عنهم انصحونى اعمل ايه


إظهار التوقيع
توقيع : روبي كابتشينو
#2

افتراضي رد: دلونى وقولولى اعمل ايه انا خلاص تعبت

بصى ياحبيبتى انتى تروحى تزوريهم وتقولى لجوزك
واقرى قران كتيييييييير
وربنا يصبرك
إظهار التوقيع
توقيع : SNDERELA
#3

افتراضي رد: دلونى وقولولى اعمل ايه انا خلاص تعبت

معلش حبيبتى قدرك ونصيبك استحملى وكل واحدة فينا بتجوز بتبعد عن اهلها حتى لو مش بعيد عنهم فى المكان لكن ببيتك وحياتك بتبعدك عنهم عن ما كنتى بنت لسة متجوزتيش ادعى ربنا انه يصبرك على بعدهم وربنا يخلى ابنك هوهيشغلك كتير عن ما كنتى فى الاول وممكن كل شهر تزوريهم تقضى معهم يومين او ثلاثة انا مرات اخويا برضه زيك كدا بس بتروح لاهلها كل شهر ونصف وتقضى معهم اسبوع وترجع ممكن تعملى كدة
إظهار التوقيع
توقيع : محبه لله
#4

افتراضي رد: دلونى وقولولى اعمل ايه انا خلاص تعبت

حبيبتي انت زيي بالضبط بس في اختلاف بينا وهو انك بتروحي تشوفيهم مرة بالشهر وهما بييجو يزوروكي
بس انا بشوفهم كل سنة او سنتين ومبلحقش اشبع منهم
تعرفي انا لما تجوزت وبعدت كنت زيك ويمكن اكثر كنت ببقى منهارة وحتى اني كنت بفتعل مشاكل وبقول لجوزي ارجوك
خلينا ننهي لزواج ده مع انو بحبو وهو كمان بيعمل المستحيل عشان يرضيني
وكمان حتى لما حملت ببنتي مكنتش مبسوطة عشان حسيت ني حبقى مرهونة اكثر ومش حرجع لبيت اهلي ههههه
وكنت بتصل باهلي مرات بنص الليل وبقولهم انا حابة ارج مش حابة افضل متجوزة,كان بابا يقولي هو اسالك بقولو لا
ده عيب وحرام ما احنا برضو قلبنا بيتقطع عليكي وفي مرات كثيرة كنت بقعد اعيط واقفل عليهم التلفون واقعد اعيط وبيتصلو ويلاقوه مغلق بيتصلو بجوزي وهو بالشغل يلاقوه مش عارف حاجة وييجي ويفضل يهدي في بس لا ههههههه
من لما جت بنتي الاء بقيت منشغلة بيها شوية باللبس شوية بالتوير واقعد اكلمها
مع الايام تاقلمت لانو مفيش حل ودلوقتي الاء بقى عندها 7 سنين وبيان 3 وانا لسة مغتربة وللاسف السنة دي مش حقدر انزل اشوفهم وبحمد ربنا على كل حال دي مسالة وقت ووالله يمكن انا كنت اسوء منك ربنا يسعدك
والف مبروك عليكي ولادة عمر ربنا يخليهولك ويفرحك بيه وان شاء الله تتاقلمي فاقرب وقت .
إظهار التوقيع
توقيع : ام الاء وبيان2
#5

افتراضي رد: دلونى وقولولى اعمل ايه انا خلاص تعبت

الف مبروك على البيبي الجديد وماتزعليش مع الوقت هتتعودي ربنا يصبرك
إظهار التوقيع
توقيع : الملكة نفرتيتي
#6

افتراضي رد: دلونى وقولولى اعمل ايه انا خلاص تعبت

بصي ياقمري انا نفس حكايتك وكمان جوزي لما بيسافر برجع جري علي ماما لاني مش بقدر علي بعدها لكن دلوقتي انتي ماشاء الله ربنا كرمك ببيبي فخلي بالك منه وحاولي تتأقلمي في حياتك الجديدة وعلي فكرة دايما اهل الست بيبقو احسن بكتير احنا بنتدلع وبنعيش بجد في بيت ابونا حاولي علي قد ماتقدري وربنا معاكي
إظهار التوقيع
توقيع : لولو حبيب روحي
#7

افتراضي رد: دلونى وقولولى اعمل ايه انا خلاص تعبت

ربنا يخليلك عمر هايشغلك ومتدايقيش نفسك ده فى الاول
وبعدين هاتتاقلمى وتنسى واحده واحده وده حال الدنيا
ربنا يفك ضيقتك يارب ويفرج كربك
إظهار التوقيع
توقيع : omelbanat
#8

افتراضي رد: دلونى وقولولى اعمل ايه انا خلاص تعبت

ده احساس طبيعى جدا

بس نصيحه منى ليكوا واكبر غلط بتعملوا الكتمه لازم متكتميش واتكلمى
واحكى لجوزك واشكى صدقنى هترتاحى كتير
جربى بس وقولى عملتى ايه؟
#9

افتراضي رد: دلونى وقولولى اعمل ايه انا خلاص تعبت


الف مبروك على البيبي الجديد وماتزعليش مع الوقت هتتعودي ربنا يصبرك
إظهار التوقيع
توقيع : صفر
#10

افتراضي رد: دلونى وقولولى اعمل ايه انا خلاص تعبت

معلش يا حبيبتى استحملى كلنا مرينا بالمرحلة دى طيب هقولك على حاجة انا يوم صباحيتى صحيت من نومى عايطة وقولت لجوزى انا عاوزة اروح عند ماما دلوقتى رجعنى بيتنا وهو ضحك وخد الموضوع بهزار
فانتى حاولى تتاقلمى على الوضع دة لان كل اللى اتجوزا عايشين نفس الاحساس بس مع الوقت بنتغير انتى دلوقتى هتنشغلى بالبيبى الجديد ربنا يخليهولك يارب وهتنسى الدنيا بكل اللى فيها
خلى كل تفكيرك واهتمامك لجوزك وابنك وبس
ومن وقت للتانى ابقى زورى اهلك واتطمنى عليهم على طول بالتليفون
إظهار التوقيع
توقيع : ام اياد و رودينا


قد تكوني مهتمة بالمواضيع التالية ايضاً
الموضوع كاتب الموضوع المنتدى
هتجنن ومش عارفة اعمل ايه شقاوة آنثى فضفضة وحل المشاكل
عوزة اتجوز مانوlove قصص - حكايات - روايات
يوميات عدلات ومحروس كاملة هـــدوء قصص - حكايات - روايات
تائهة اعمل ايه رائعة فضفضة وحل المشاكل
[قصص طويلة] `~'*¤!||!¤*'~`((رواية همس الليل ))`~'*¤!||!¤*'~` على حلقات الامورة برى قصص - حكايات - روايات


الساعة الآن 10:28 PM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل