افيدونى بموضوع الختان

السلام عليكم اختى بالنسبة لموضوع الختان انتى خلاص عديتى سن المراهقة بسلام مفيش خوف عليكى
انا راى المتواضع بحكم انى متزوجه ان ملوش داعى دلوقت هوه بيبقى للبنت فى سن صغيرة جدا وهى عندها
اسبوع بالكتير شهر او2 من عمرها وده بيقى حمايه ليها فى المستقبل وليه شروط ان العضو بتاعها يكون فيه
زيادات من اسفل ودى يعرفها الدكتور لو محتاجه ختان ماشى لو طبيعيه خلاص واهميته ايه ان الجزء الزائد
ده بيعمل احتكاك لما البنت تكبر شويه فى الملابس الداخليه والبنطلون فيحدث عندها اثارة جنسية وهى غير
متزوجه ويحرك فيها مشاعر وشهوة فى غير وقتها فممكن البنت تنساق وراء ذلك خصوصا فى سن المراهقه
واحيانا قبلها ويفتح عنيها على حاجات ميصحش تعرفها اوتنشغل بيها فى السن ده ولان البنات والستات مختلفه
فى مشاعرها ودرجه استجابتها للاثاره فالاهل بيجنبوا بنتهم الموضوع ده بالختان من باب انهم يحافظوا عليها
لحد ماتتجوز ومن الخوف عليها من نفسها
بس زمان محدش كان بيعرض بنته على دكتورة تشوفها محتاجه ختان ولا لاء كان كل البنات تتختن خصوصا فى
الصعيد والبنت الغير مختونه تبقي فى نظرهم مش مؤدبه وده جهل وظلم طبعا وجنوا على بنات كتير كانت
مش محتاجه ختان وده ضرره بيبان بعد الجواز ويسبب للوحده مشاكل مع زوجها فى الفراش وانها بارده عاطفيا ......والخ
فالخلاصة انه ملوش داعى دلوقت وانتى داخله على جواز والرجاله اليومين دول مش بيعجبهم العجب بالعافيه
الست تقدر تلبى رغباتهم بالنسبه للافلام الوحشه والمخدرات وغيره وعوامل الاثاره فى كل مكان
يارب اكون قدرت اساعدك وتفهمى منى حاجه وعموما اسالى حد مختص دينيا وطبيا لو مش مرتاحه
وتمنياتى ليكى بحياه سعيده

حبيبتى انتى ليه حساسه اوى كده؟؟
ام الاء متقصدش تزعلك ولا تقصد انها تهاجمك خالص بالعكس هيا بس مجرد انها مش متفقه معاكى فى كلامك وده فى حد ذاته مش بيشكل اى مشكله الاختلاف فى الرأى لا يفسد للود قضيه متاخديش كل حاجه بحساسيه كده كلنا اخوات سواء اختلفنا او اتفقنا

السلام عليكم اختى ام الاء انا بعتذر لو راى كان دايقك وياستى احنا بنتناقش وانا مش مختصه ده مجرد وجهة نظرى
وانا فى كل مشاركاتى بكتب لصاحبه المشكله ان ده رائيى انا الشخصى وانه يحتمل الصواب والخطا وبقول لها اسالى
مختص دينى او طبى لوكلامى عجبك قبل ماتاخدى بيه لو مش عجبك دة مجرد راى شخصى انتى مش ملزمه بيه
انا هدفى انى اساعد اى اخت محتاره او مهمومه او عندها مشكله لانى انا عندى هموم وكرب شديد فبكون حاسه
بيها ونفسى اساعدها مش بقدر غير بالكلام والنصيحه والدعاء لها
لوتقدرى تحذفى مشاركه الختان احذفيها انا مش باعرف او قوليلى ازاى
انا اسفه مرة تانية لو كنت دايقت حد من غير قصد وانا ان شاء الله
هاكتفى بس بالدعاء فى مشاركاتى ومش هاكتب اى معلومه غير لما اكون متاكده منها او افضل اخلى راى لنفسى
ومش اكتبه عشان محدش يزعل منى
تقبلوا خالص اسفى واعتذارى

للاسف دى مشكلتى انى حساسه جدا زياده عن اللزوم تعرفى والله انا من امبارح من ساعه ما قريت التعليق وانا ابكى والوم فى نفسى
لانى مش قصدى غير الخير والله وانا مشش زعلانه من ام الاء انا بس صعب عليا انى فهمت من كلامها ان انا معرفش حاجه وبروج لافكار
جاهله لكنى قلبى ابيض والله بس ممكن اتفهم غلط وكل اللى فى المنتدى اخواتى وربنا العالم
وشكرا لاهتمامك وتعليقك

يا حبيبتي والله انا اسفة اني زعلتك بس والله العظيم مافكرت فيكي بالاسلوب ده ولا خطر ببالي اصلا
انت من لما تخلقتي وانت وكمان جدودك ده الختان كان موجود من عهد الفراعنة حقول انهم متخلفين مثلا
وهما بنو حضارة العالم باسره عاجز انو يعرف اتبنت ازاي ده حتى التحنيط مش عارفين عملوه ازاي
والله انا اسفة

حبيبتى واختى ام الاء احنا اخوات مفيش بينا اعذار واعتذار وكلامك الجميل ده انا احطه تاج فوق راسى وافتخر بيه وانا اللى بتاسف
ليكى والله انا كنت افتكرك مصرية مكنتش اعرف انك مغربية وده شرف ليا انى اعرفك وسعيده انى اتعرفت بيكى ومعلش لسوء
التفاهم اللى حصل وياريت تقبلى صداقتى ليكى انتى ملكيش ذنب فى حاجه دى مشكلتى انا انى حساسه شويه ومش بعرف
اتعامل كويس مع الناس وده السبب اللى مخلينى وحيده ومليش اصحاب وكمان انى خجولة ومنطويه على نفسى من صغرى
واهلى صعايده جامدين كل حاجه عيب وحرام وادينى بحاول اندمج فى الحياه واتعلم
بالله عليكى تسامحينى ومتزعليش منى انا غلطت فى حقك وفهمت غلط
ربنا يسعدك ويهنيكى ويحفظلك الاء وبيان واباركلك ان شاء الله لما تخاويهم
بس انتى غشتينى انتى بتتكلمى باللهجة المصريه احسن مننا كانك مصريه ابا عن جد
وفرصة سعيدة انى اتعرفت بيكى
فى امان الله