أو

الدخول بواسطة حسابك بمواقع التواصل

#1

حصرياً اعرفى الغلط فين واتناقشى معانا

اعرفى الغلط فين واتناقشى معانا



سا الخير عليكم يا عدولاتى انهاردة كنت بلف كالعادة بين ارجاء الشقة

وذات مومنت تنحت قدام التلافزيون كده

فاكرين برنامج المنوعات الغلط فين

جاتلى بقا الفكرة من هنا اعمل برنامج حوارى على هيئة حلقات تلفزيونية منفصلة كل حلقة فيها غلطة

نطلعها ونتناقش فيها وهكذا

الغطات دى عادات احنا بنستخدمها غلط المفروض انها تقل





رغيت كتير صوووووووووووح اسيبكم مع اولى حلقات

برنامج الغط فين

تااااااااابعوووووووووووووووووونى



إظهار التوقيع
توقيع : حنين الروح123
#2

افتراضي رد: اعرفى الغلط فين واتناقشى معانا

رد: اعرفى الغلط فين واتناقشى معانا



الحلقة الاولى جيران الهنا

ابطال حلقتنا انهاردة سيدتانن عاملين زى الاخوات بالظبط تقوليش كانهام فى بيت واحد هما الست مفيدة والست عزيزة تعالو شوف حكايتهم ايه

مفيدة : صباح الخير يا عزيزة

عزيزة : أهلا اهلا يا حبيبتى اتفضلى ^__^

مفيدة : جيت اشرب معاكى كوباية شاى لحسن العيال قلبو دماغى

عزيزة : وماله يا حبيبتى ... تنوري ياقلبي
هقوم اعمل كوبيتين يظبطو الدماغ




دقائق غابت فيها الست عزيزة عن ناظري جارتها
ثم عادت تحمل بين يديها ... أطيب كوبايتين شاي
بادرت حينها عزيزة بالسؤال مبتسمة :
أخبارك ايه ياست مفيدة ...

مفيدة وهي ترتشف الشاي : الحمد لله ياحبيبتي ...

عزيزة : الا بالحق كنت فين امبارح خبطت عليكِ مارديتيش

انتفضت السيدة مفيدة ..
وكأنها أصيبت بماس كهربائي ووضعت الكوب على
الطاولة ... وبدت منفعلة وهي تقول :
اسكتى يا عزيزة مش اخت جوزى جت هى وجوزها وعيالها
من امريكا بينى وبينك ماعرفتهاش من الاملة اللى بقت فيها
الله يرحم جزمتها المقطعة ام شراب مدلدل!!!!!!!!

عزيزة : والله طيب كويس ... هى جابتلك معاها ايه من هناك؟؟؟

حركت الست مفيدة بوزها يمين شمال وقالت :
هى دى عالم بتجيب حاجة يختى؟؟؟
يادوب ادت لكل عيل باكو بسكوت
إلا ماهان عليها تغدينا واحنا رايحين شايلين ومحملين

ابدت عزيزة دهشتها وهي تقول : ياااااخبر معقولة ؟؟؟؟
خلاص يا مفيدة لما تبقا تيجى عندك ماتبقيش تأكليها

مفيدة : بعينها يختى دى حتى المية خسارة فيها :dry:

عزيزة : صدقتى يا مفيدة يختى وهي كانت بتعمل ايه فى امريكا؟؟؟؟

مفيدة : كانت بتشتغل هى وجوزها وراجعين على قلبهم اد كدة
ماهى يا عزيزة يختى معاها شهادة كبيرة اوى فى اسمه ايه ده
الاستقصاد ولا اسمه ايه :
يختى واحنا مالنا ...عقبال ماتشوفى عيالك زيها يا عزيزة

عزيزة : يا مفيدة بس نعلمهم وبعد كدة يروحو امريكا
يروحو كفر الزيات هما حرين ....الا هى تطلع فين امريكا
دى يا مفيدة

مفيدة : يختى وانا ايش عرفنى
اهو روحى موقف الطيارات هتلاقى الصبى بتاع السواق
واقف بينده على باب الطيارة امريكا امريكا
اقطعى تذكرة من الكومسرى وخشى

عزيزة :
وماله يختى الصبح اخد العيال ونروح





خلصت حكايتنا انهاردة
والسؤال بقا :

ايه الغلطة اللى عملتها الست مفيدة والست عزيزة ؟؟؟

إظهار التوقيع
توقيع : حنين الروح123
#3

افتراضي رد: اعرفى الغلط فين واتناقشى معانا

الغلط في النجمة
يسلمو ايديك يامفكرة

إظهار التوقيع
توقيع : طُمُوحي الجنّة
#4

افتراضي رد: اعرفى الغلط فين واتناقشى معانا

الغلط في النميمة
فكرة حلوة قوى وشيقة

إظهار التوقيع
توقيع : مايا علي
#5

افتراضي رد: اعرفى الغلط فين واتناقشى معانا

الغلط في النميمة والكلام السئ الي قالته علي اخت جوزها
فكرة حلوة اوي ياجيجي تسلمي ياقمر

إظهار التوقيع
توقيع : لولو حبيب روحي
#6

افتراضي رد: اعرفى الغلط فين واتناقشى معانا

النميمه والحسد والتكلم بالسوء عن الناس
ده غير ان كرم الضيافه لا يقاس بأﻷخرين وأفعالهم

إظهار التوقيع
توقيع : حياه الروح 5
#7

افتراضي رد: اعرفى الغلط فين واتناقشى معانا

موضوع رائع كعادتك حبيبتى
إظهار التوقيع
توقيع : هبه شلبي
#8

افتراضي رد: اعرفى الغلط فين واتناقشى معانا

إنها اتكلمت عنها بإسلوب مش محترم
إظهار التوقيع
توقيع : aNa NoOoBia
#9

افتراضي رد: اعرفى الغلط فين واتناقشى معانا

الغيبة والنميمة والحسد

إظهار التوقيع
توقيع : zozoweza
#10

افتراضي رد: اعرفى الغلط فين واتناقشى معانا

صح كلكم عرفتو الغلط فين بس المشكلة ان المجتمع بتاعنا يموووووووت فى الغيبة والكام فاضى على مليان
إظهار التوقيع
توقيع : حنين الروح123
#11

افتراضي رد: اعرفى الغلط فين واتناقشى معانا

مزاج الفل على عدوووووولاتى

معادنا انهاردة مع الحلقة التانية من مسلسل اعرفى الغلط فين

كانت الست عزيزة تجلس على الكنبة
وتمرر يديها على قطع الاثاث حولها
وكأنها تريد أن تشتري قطعة منها
وتتساءل عن مدى جودتها .... أو ربما
تقول : من فين بتجيبي يامفيدة
الحاجات الحلوة دي ؟؟


بدت شاردة الذهن ولم تلحظ أن مفيدة
قد عادت وكانت تسألها .... فبادرت
تسأل لتخفي توترها :

عاملة ايه يا مفيدة يا حبيبتى

مفيدة : بخير الحمدلله

عزيزة : بقالك كام يوم مش باينة قلت اجى اسأل عليكى

مفيدة : صاحبة واجب يا عزيزة اهلا وسهلا يا حبيبتى
تشربى ايه؟

لم تكن عزيزة تفكر ... حين قالت بسرعة البرق :
عندك عصير جوافة؟

اندهشت الست مفيدة قليلا :اشمعنى عصير جوافة

عزيزة : اصل شايفة جوزك طالع بكيس جوافة امبارح

مفيدة : اااااااااااه
طيب يا حبيبتى هقوم اجيبلك كوباية
عصير جوافة ... من عينيا


صورة


كان لدى الست عزيزة كثيرا من الأسئلة
تنتظر الاجابة عليها .... وبشغف

_ الا هى اختك اطلقت ليه يا مفيدة

_ قسمة ونصيب يا عزيزة

_ اه يعنى اطلقت ليه

_ مااتفقتش مع جوزها

_ يختى انتى بتردى بالقطارة ليه نشفتى ريقى
ماتقولى اختك اطلقت ليه هو سر ولا سر

_ يعنى عايزانى اطلع اسرار اختى برا

_ هو انا غريبة يا مفيدة ماهى زى اختى بردو

_ فيكى الخير يا حبيبتى

_ اه يعنى اطلقت ليه قولى قولى

_ اووووه شربتى العصير يا حبيبتى

_ اه جميل تسلم ايدك يختى




بدى على الست مفيدة الانزعاج :
بقولك ايه يا حبيبتى انا جوزى زمانه جاى وعايزة اقوم احضرله الغدا

كانت الست مفيدة تظن أنها ستنتهي من هذا
ولكن السيدة عزيزة وجدت لها منه سبيلا اخر لاشباع فضولها:
انتو هتاكلوا ايه انهاردة

_ اللى ربنا قسمهولنا يا عزيزة

_ اه يعنى ربنا قسملكو تاكلو ايه انهاردة

_ شوربة عدس

_ يختى هاتاكلو عدس فى الحر ده هو انتى ماعندكيش لحمة ولا فراخ فى التلاجة

_ لا ماعنديش

عقدت عزيزة حاجبيها : انتى بتضحكى علية يا مفيدة
انا شيفاكى خارجة من عند بتاع الفراخ امبارح
ومعاكى شنطة كبيرة اد كدة

_ لا حول ولا قوة الا بالله يا حبيبتى دى كانت لاختى

_ واختك ماتشتريش لنفسها ليه

_ عشان عيانة ومش قادرة تتحرك طلبت منى اجيبلها فرختين

_ اااااااااااااه





أكملت عزيزة شرب كوباية العصير
فظنت الست مفيدة أنها ستنعم بقليل من الهدوء
لكن عزيزة ... خلصت الكوباية وعادت لتسأل :

_ هو انتى زعلانة مع جوزك يا مفيدة

_ ليه كمان

_ اصل سمعته خرج الصبح ورزع الباب وراه

_ لا ياعزيزة دا كان مستعجل والباب اترزع غصب عنه

_ غصب عنه اه
هو جوزك امبارح رجع متأخر عن معاده ليه

_ امه اتصلت بيه عشان يوديها عن الدكتور

_ ليه يختى هى امه مالها

لم تعد مفيدة تحتمل أكثر من ذلك وقالت وكأنها تعبر عن ذلك :
مرارتها اتفقعت يا حبيبتى مرارتها اتفقعت
فى حاجة تانية؟؟؟؟؟؟

هنا ... أخييييييييرا أحست السيدة عزيزة فلملمت أغراضها وهي تقول:
_ يختى لا تانية ولا تالتة ... انا هقوم دلوقتى واجيلك مرة تانية

وقفت الست مفيدة خلفها تودعها : بالسلامة

وما إن أغلقت الباب حتى تنهدت :
_ اوف يا ساتر





وخلصت حكايتنا يا قمرات

عايزين بسرعة نشوف الاجابات


سؤالنا بقا : ايه الغلطة اللى حصلت فى حكايتنا ؟؟؟

إظهار التوقيع
توقيع : حنين الروح123
#12

افتراضي رد: اعرفى الغلط فين واتناقشى معانا

الست عزيزة دى حشرية وبتدخل فى اللى ملهاش فيه
والله يا حنين كان عندى جارة زيها كده والحمد لله عزلت وسبت لها المحافظة كلها
رد: اعرفى الغلط فين واتناقشى معانا

إظهار التوقيع
توقيع : zozoweza
#13

افتراضي رد: اعرفى الغلط فين واتناقشى معانا


المشاركة الأصلية كتبت بواسطة zozoweza
الست عزيزة دى حشرية وبتدخل فى اللى ملهاش فيه
والله يا حنين كان عندى جارة زيها كده والحمد لله عزلت وسبت لها المحافظة كلها
رد: اعرفى الغلط فين واتناقشى معانا

زوزة حبيبتى دايما منوراااااااااااانى

انا بقا عندى واحدة جارتى من يوم ما عرفتها وهى بتحب تعرف اخبار الشارع وعينها مقلكيش بس انا الحمدلله بعدت عنها

إظهار التوقيع
توقيع : حنين الروح123
#14

افتراضي رد: اعرفى الغلط فين واتناقشى معانا


المشاركة الأصلية كتبت بواسطة حنين الروح123
زوزة حبيبتى دايما منوراااااااااااانى

انا بقا عندى واحدة جارتى من يوم ما عرفتها وهى بتحب تعرف اخبار الشارع وعينها مقلكيش بس انا الحمدلله بعدت عنها

الحمد لله ده البعد عنهم غنيمة ربنا يكفينا شرهم

إظهار التوقيع
توقيع : zozoweza

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل