السلام عليكم بنات اللى مش متابع الجزء 1
وhttps://adlat.net/showthread.php?t=278275
والجزء2
https://adlat.net/showthread.php?t=278322
البارت الثالث ....
يارا : ايه يا بنتي ده ..ده انتي كان ناقص تديله بالبوكس ف وشه ..
امنيه : ما انتي تحمدي ربنا اني معملتش كده .. ده واحد لا يطاق مش بيعرف يتعامل مع بنات
يارا : هما دول الشباب المصريه ياختي ..
امنيه بملل : اووف يارب ميكونش العريس الي جاي بليل شبه
يارا : ايه ده عريس تاني ..!!
امنيه : ايووون ..
يارا :وعلي كده ايه الخطط بتاعتك لتطفيش العتريس ده
امنيه بملل : مش هطفشه ..
يارا بصدمه : بتهزري .. ثم اكملت بفرح : يعني اخيرا هتتجوزي
امنيه بسخريه : بس يا هبله ثم اكملت بخبث : انا عندي خطه تانيه خاالص
يارا : يخربيتك انتي عمرك ما هتعقلي ابدا
امنيه بدلع :تؤ تؤ .. يلا اتفضلي قدامي عشان ورانا حصص .. سلام انا بئا .. هستناكي ف break
يارا : اوك سلام
دخلت امنيه فصلها قائله : السلام عليكم
يقف الاطفال الصغار قائلين :وعليكم السلام
امنيه بابتسامه : good morning
الاطفال : good morning
امنيه : اتفضلو اقعدو
ثم اتجهة الي السبوره لتبدا حصتها ..
.....
مازن :ايه يابني في ايه
عمر :متخافش يابني ..ده انا كنت هعمل حته حادثه ..بس ربنا سترها ..
مازن بخضه : حادثه ..ازاي ايه الي حصل ..؟!
بدا عمر بقص ما حدث معه و ما ان انتهي حتي انفجر مازن ضاحكا ...
عمر :هههههههه بس بت قمر يا خرااشي
مازن : ههههه بس هزقتك جاامد
عمر : بس تصدق اول مره اكون مبسوط وحد بيهزقني
مازن :اتعدل يا عمر متنساش مشوار بكره
عمر بملل :يوووه فكرتني ليه ..اقفل اقفل تتك نيله
مازن :سلام يا خويا
اغلق مازن الخط و خرج من مكتبه متجها الي سيارته ولكن لاحظ عيون تتختلس النظر اليه فاستدار و غير وجهته الي هذه العيون قائلا بمرح : فيه حاجه حضرتك
الفتاه : خليك ف حالك
مازن : ازاي بئا مش انتي بتبصيلي
الفتاه : ليه هو انت هدفعني ضرائب عشان ببصلك
مازن ضاحكا :هههه لا ياختي ..انا اصلا ملكيه خاصه لوحده كده
الفتاه بدلع :اممم واحدة مين بئا
مازن بتسبيل : يعني انت مش عارفه
الفتاه :متهزرش يا مازن يعني انا جايه اشتغل هنا عشان افضل قريبه منك ..وانت مش معبرني
مازن :معلش يا ساره انتي عارفه اني مشغول والله
ساره :بس انا خطيبتك وقريب هبئا مراتك يا مازن
مازن بحب : معلش يا حبيبتي ليكي عندي يا ستي بعد الشغل نروح نتغدي مع بعض
ساره بفرح : بجد يا مازن
مازن : بجد ياروح مازن
............
كانت جالسه مع الاطفال تساعدهم في الكتابه و شارده في الذي سيحدث غدا وتفكر في شكل هذا الرجل الذي سياتي ليطلب يدها للزواج ... يناديها احد الاطفال ليفيقها من شرودها ..
كريم : مالك يا مس امنيه في حاجه
امنيه بابتسامه : اها ياكريم متعرفش الي هيحصلي بكره
كريم : ايه يا مس
امنيه : جايلي عريس تاني
كريم : اشطه يعني عايزه خطه عشان تطفشي صح
امنيه : لا يا حبيبي انا مش هطفشه
كريم بحزن : يعني انتي هتتجوزي
امنيه :ههههه ايه ده زعلت ليه
كريم : مش احنا اتفقنا تستنيني لما اكبر
امنيه : معلش بئا يا كيمو .. عشان بابا بس ميزعلش مني
كريم : تصدقي اخويا كمان رايح يتقدم لواحده بكره
امنيه : ايه ده مبرووك
كريم : بس هو مش موافق
امنيه : ليه ..؟!
كريم بهمس : اصل هو صايع
امنيه :هههههه ايه ده عرفت الكلمه ديه منين
كريم : مهو دايما اخواتي بيقولوله كده ... بس هو لازم يروح عشان بابا متعصب
امنيه: اممم زي حالتي يعني
كريم :ايووون بس انتي قموره وهو غلس
امنيه : هههه وحش ليه
كريم :اصل هو كل شويه يقولي انت شبهي اوي وشك نفس وشي
امنيه بتذكر :مش انا كنت هعمل حادثه النهارده
كريم : ايه ده بجد
امنيه : ايوه بس الحمدلله محصليش حاجه و مسكتش للغبي الي كان هيخبطني
كريم : ههههه اكيد مسحتي بكرامته الارض
امنيه :هههه طبعا وهو كان واقف متنح كده مش عارفه ليه ثم قالت : بس تصدق في شبه منك
كريم : بجد ازاي ..؟!
امنيه : يعني عينه شبه عينك ونفس ملامحك ..بس هو غلس انت عسل
كريم : و انتي كمان عسل يا مس
امنيه : مس ايه بئا احنا خلينا فيها مس ..ده انا حاسه اني بتكلم مع واحده صحبتي
كريم : وانا كمان والله
امنيه : ههههه طب بس يا لمض وكمل كتابه ..
......
حل المساء وفي بيت امنيه كانت تجلس تشاهد التلفاز هي و اخواتها و زوجاتهم ...
امنيه : ما خلاص بئا انتو كل شويه تفتحو الموضوع ده
شريف : ايه يا منه بس مالك زحلانه يا حلوه
امنيه بسخريه : بس يا خفه
احمد :عايزينك بكره تشرفينا بئا
امنيه : اشرفكو ازاي يعني
احمد : يعني تبقي مكسوفه كده ..ووشك ف الارض
امنيه :والله مبعرفش امثل انت عارف
محمد : خلاص بئا بطلو تريقه علي البت
امنيه : احبيبي اخويا
محمد : خليها تفكر ف حاجه تطفش العريس
امنيه : تصدق بالله انا مش هرد عليك..انا هوريك مين الي هيرد عليك ثم نادت بصوت عالي : يابابا يابابا
محمد :يخربيتك اسكتي
جاء الاب والام من الغرفه وقال الاب: في ايه يا ولاد ..ايه يا امنيه ..؟؟
امنيه :تعالي يا بابا شوف اخواتي بيقولو ايه
الاب : ايه ..؟!
امنيه : كانو بيقولولي حاجه جديده عشان اطفش بيها العريس الي جاي بكره
الاب : امممم وانتي قولتيلهم ايه
امنيه ببراءه : قولتلهم لا انت كبرت ع الحجات ديه و لازم اتجوز واشوف حياتي
شريف : لا يابابا متصدقهاش ...
احمد لامنيه : وبتقوليلي مبعرفش امثل .. ده انتي تاخدي الاوسكار يابت
الاب : قوليلي يا هبه انتي قالولها كده بجد
هبه : عايز الصراحه يا عمي ثم نظرت لامنيه ثم محمد ثم قالت : اها قالو
امنيه : احبيبتي امرات اخويا
محمد : ياهبله ده انا جوزك
هبه حاضنه امنيه : وديه اختي
شريف: شكلك وحش يا محمد شوف مراتي عسوله ازاي ودايما بتقف جمبي
ريتاج : مين ديه ... مع نفسك يا بابا انا مبقولش غير الحق
امنيه : يا خرااشي شكلكو وحش وانت يا حوده ملكش حاجه تقولها عن حبيبه ..متخافش قول براحتك مهي مش هنا بئا
احمد : ههههههه انا عارف ان حبيبه صحبتك الروح بالروح ف عشان كده احسنلي اني اسكت
امنيه بغرور : الي ييجي عليا مبيكسبش .. اسيبكو انا و اروح انام عشان المدرسه الصبح
الاب : مش هتروحي الشغل بكره انتي بكره هتنامي براحتك عشان تطلعي قموره عشان الناس الي جايه بكره
امنيه : يوووووه يا بابا
الاب : بتقولي حاجه يا بت
امنيه : ابدا بقول امرك مطاع يا حبي
الاب : اممم طب يلا ادخلي نامي
امنيه :حاضر ثم نظرت لاخواتها وجدتهم ينظرون اليها (باستفزاز ) نظرت لهم نظرة (هبل ) ثم دخلت لتخلد الي النوم ....
......
كريم : يا عمر يا عم عمر
عمر : عايز ايه يا عم
كريم : عايز اقعد ع الاب شويه .. مش انت عندك واحد متقعد عليه
عمر باستفزاز : اصل الصراحه الاب بتاعي فاصل وانا مش قادر اشحنه
كريم :صبرني يااارب ..ربنا يكون ف عونك يااا... الا صحيح العروسه اسمها ايه
عمر : ايه ده تصدق معرفش ...روح اسال مامتك
كريم : يعني انت مش عارف اسم الي هتتجوزها ازاي
عمر ضاحكا : والله لو عليا متجوزهاش اصلا
كريم باستفزاز : علي رايك ..ده هي الي صعبانه عليا والله
عمر : طب بقولك ايه خد الاب بتاعك وروح عشان مكسروش علي دماغك
كريم : هيييييه ... علي راي مس امنيه الاستفزاز بينفع بردو
عمر : مس امنيه مين ..؟!
كريم : وانت مالك يا رخم
عمر : حلوه يعني ..
كريم : ملكش دعوه انا ماشي
عمر : تك نيله مفيش منك منفعه
كريم : عارف عارف
.......
جاء اليوم المنتظر ذهب عمر و عائلته الي بيت امنيه و استقبلهم العائله بحراره و جلسو يقولون الكلام المعتاد في هذه المناسبات و عمر لم يتحدث ولا كلمه ثم طلبو نزول العروسه ...
كانت هي فوق مرتديه فستان ( فوشيا ) قصير يوصل الي الركبه و ضيق من منطقة الصدر و واسع قليلا من الاسفل و اكتفت بوضع احمر شفاه بنفس لون الفستان علي شفتيها الصغيره و حذاء بكعب بنفس لون الفستان ... جاء اخوها احمد اليها قائلا : زي ما اتفقنا يا امنيه حاولي تنكسفي شويه
امنيه : حبيبه شيلي الواد ده من قدامي عشان مقضيش الليله الي باينه من اولها ديه ف السجن بسببه
حبيبه وهي تشد احمد اليها : تعالي يا حبيبي ديه مفتريه ميتهزرش معاها
احمد ضاحكا : عندك حق يا حبيبتي مش عارف ذات العيون الزرقاء ديه اختي ازاي ثم اكمل بحب : بس ايه العسل ده هتجوز قمر يا ناس
حبيبه بدلع :بس بئا
ريتاج : الله الله يلا يا خويا انت وهي بدل الفيلم الرومانسي الي بنتفرج عليه ده
احمد : ايه البنات الفصيله ديه
حبيبه : مش عارفه يا روحي
امنيه بعصبيه : يوووه انا نازله خليني اخلص
احمد : هههه استني استني نازل معاكي
كانت تنزل علي درجات السلم وهي تنظر الي الاسفل متصنعه الخجل احلى ابتسامة
نظر لها كريم بصدمه و عرف انها هي العروس
اما عمر فلم ينظر اليها حتي ...و اهله نظرو اليها باعجاب انها فعلا جميله جدا
نزلت امنيه بابتسامه جميله و القت السلام عليهم .. رفع عمر راسه لينظر اليها و ف نفس الوقت نظرت اليه ..
امنيه و عمر بصدمه : انت\ي
....
نهاية البارت ..يارب يعجبكوابتسامة
البارت 3من قصتى ظلمتنى ولكن أحببتك هتندموا لو مدخلتوش والله
قد تكوني مهتمة بالمواضيع التالية ايضاً