أو

الدخول بواسطة حسابك بمواقع التواصل



عدلات

> الاقسام الأسرية

> فضفضة وحل المشاكل

تجربة وحدة مع الحريق

إضافة رد  أضف للمفضلة
https://adlat.net/showthread.php?t=287201
1051 7
#1

منقول تجربة وحدة مع الحريق

السلام عليكم ورحمة الله وبركاته
كل سنه وانتم بخير دايما


ندخل فى الموضوع على طول
زى العنوان كده بالظبط بمناسبة ان الحرايق كتير ربنا يسترها علينا جميعا حبيت احكى عن تجربتى اللى ربنا كملها عليا بالستر اللهم لك الحمد ملء السموات والارض وملء ماشئت من قبل ومن بعد

فى يوم زوجى كان مسافر جده واحنا فى مكه
وكنا جايبين غرفة نوم جديدة وناقلين كل حاجة فى المطبخ على ما نفرشها
المهم ابنى طلب من بطاطس محمرة وبالفعل حطيت الزيت على النار ابتسامة
قبلها زوجى كان اتصل يتطمن علينا وبعدين الولاد اخدوا التليفون يكلموه وانا حطيت الزيت
وبعدين الولاد بدأو يتخانقوا مع بعض كل واحدة عايزة تكلم باباها واخوهم مش راضى
رحت افض الخناقه

وبعدين بصيت لاقيت الدولاب اللى كنت برص فيه ونسيت انا سبت الرص ليه ورجعت ارص الهدوم
وفى لحظه وانا برص لمحت بطرف عينى نور احمر شديد فى المطبخ
جريت وانا قلبى واقع فى رجلى
اتصدمت من المنظهر وذوهلت بصراحة من شكل الحريق اللى واصل للسقف وانا والولاد لوحدنا وصعب حد يلحقنا او يسمعنا
وبقيت اقول الحقونى بصوت مايسمعش الاوضه اللى جنبى لان عارفه ان محدش هيسمع وكمان انا لابسه
فستان قصير ازاى حد يدخل فى الوضع ده

وبإلهام من ربنا وفضله وكرمه
لاقيت نفسى بتقسم انواع الحرايق اللى قدامى
غاز وزيت وكارتون او اخشاب. وكل نوع له طريقه انه يتطفى بيها طبعا زى ماقولت دى مش نباهه منى لكن لطف وكرم من ربنا
وانا مش شجاعه كده بس الموقف حتم على ذلك

رحت وطيت اولا سحبت الانبوبه من تحت الرخامه وحاولت اقفلها جامد واسحبها بعيد شويه
ثانيا طاسة الزيت اللى مولعه للسقف مينفعش ارش مايه دورت على حاجة اغطيها بيها لاقيت صينية الفرن
فيها عيش فضيته بسرعه وحدفتها على الطاسة كتمت النهار ولله الحمد
فاضل الحيطه اللى مولعه للسقف والشباك بتاع التكيف وده مكان التكيف مسدود بخشب وراكب فيه الشفاط ومولع كله
رحت مليت مايه بحاجة وبدات ارش واطفى والحمد لله
طبعا جانب الشفاط ساح والحيطه اتحرقت طبقات والبوتجاز ساحت المقابض
والاغرب الاغرب وقدرة وعظمة ورحمة ربنا ان خرطوم الغاز نفسه اتفحم وفاضل من متر ونص حوالى 30 سم مش هاقول غير رحمة ربنا
لانى كل ما افتكر انى نجيت انا واولادى من هذه الحريقه بحمد ربنا جدا حتى يبلغ الحمد منتهاه
وكلى هباب وبنتى لاقيت مناخرها كله هباب ووشها شكلها كانت قريبه منى. الحمد لله ربنا نجانا
ويارب ما يكتبها على حد يارب

ابنى بقى هو فى تانيه ابتدائى كان بابا داخل على مكه وعنده فرح صاحبه وزى ماقولت لسه قافلين معاه
اتصل على باباه وانا بطفى الحريقه وفضل يصرخ حريقه كبيره حريقه كبيره ويضحك وباباه مش عارف
دا جد ولا هزار

طبعا انا خلصت طفيت والدنيا كلها كانت سودا هباب والمطبخ ضلمه من الهباب والدخان
وانهارت فى العياط واقول الحمد لله
وزوجى حاول يكلمنى وكنت عماله اعيط واتطمن اننا بخير وشويه وجه
انا قفلت بقى ابواب الغرف علشان الهباب وشغلت الشفاطات وحطيت قماش سديت بيه ابواب الغرف علشان الهباب مايملهاش اكتر


عارفه انى طولت وحكيت بالتفصيل بس علشان اوضح نقط

. واحد ان ديما تتصدقوا لان الصدقه تدفع ميتة السوء
ثانيا. لازم تعرفوا اولادكم لاقدر الله فى حالة حريق لازم يفتحوا بابا الشقه ويجروا ويستنجدوا بجار ويحفظوا رقم المطافى بس الجار اسرع

ثالثا. انى ماجريش اكيد لوسبت المكان كانت الدنيا هتخرب بس كان لازم اقول لولادى يهربوا علشان لو الوضع كان تفاقم لاقدر الله
لازم يكون فيه مفتاح للشقه متعلق ومعروف لكل الولاد ده لطوارئ وبس

لازم اعرف كل نوع حريق بيتطفى بايه
يعنى اذا كنت اول ماشوفت النار جبت مايه ورميتها كان الزيت ولع زيادة وممكن كانت الانبوبه فرقعت
لان اعتقد ان الخرطوم اللى اتحرق ده كان كمان مطلع نار لان الاستنلس بتاع البوتاجاز اتحرق جدا والحيطه
وكل ده فى وقت بسيط
حتى زوجى لما جه وشاف اثار الحريق وخرطوم الانبوبه المتفحم قال انا لو كنت هنا كنت ولعت الدنيا ومكنتش هعرف اطفيها

الدعاء مهم دايما فى الرخاء انا دايما بدعى ربنا يرحمنا من عذاب النار دنيا واخرة

وفى الاخر ربنا يسترها علينا جميعا دنيا واخرة

لو شايفه ان الموضوع افادك او ممكن يفيد حد ماتنسيش تقيمي وترفعيه بدعوة





منقوول


#2

افتراضي رد: تجربة وحدة مع الحريق

مشكورة ياعدولة
#3

افتراضي رد: تجربة وحدة مع الحريق

شكرا جزيلا
#4

افتراضي رد: تجربة وحدة مع الحريق

تسلمى يا عمرى
إظهار التوقيع
توقيع : Nada Ndod
#5

افتراضي رد: تجربة وحدة مع الحريق

الحمد لله
ماحصلش حاجه
إظهار التوقيع
توقيع : HappyGirl155
#6

افتراضي رد: تجربة وحدة مع الحريق

الحمد لله على سلامتكم
إظهار التوقيع
توقيع : Frawla
#7

افتراضي رد: تجربة وحدة مع الحريق

موضوع قيم ماشاء الله رووووووعة يسلمووو
إظهار التوقيع
توقيع : عاشقة الصلاه
#8

افتراضي رد: تجربة وحدة مع الحريق

يسلمووووو اختى


قد تكوني مهتمة بالمواضيع التالية ايضاً
الموضوع كاتب الموضوع المنتدى
hطفاء الحريق بالماء نظام اطفاء الحريق بالمرشات طلمبات حريق نظام اطفاء الحريق co2 نظام reham.united سوق عدلات النسائي العام
اطفاء الحريق بالغاز- ضباب-اطفاء الحريق co2- اطفاء الحريق fm200-اطفاء الحريق بالفوم reham.united سوق عدلات النسائي العام
توريد وتركيب وصيانة كافة أنواع أجهزة إنذار وإطفاء الحريق من الشركة العربية للنظم ايمان زينهم سوق عدلات النسائي العام
دورات الحماية المدنية و مكافحة الحريق 2024 "metc" farah adel سوق عدلات النسائي العام
معلومات عن نبات القراص,فوائد القراص الـمـتـألـقـة عالم النباتات والحشرات


الساعة الآن 05:55 PM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل