طرق للمذكره طرقتى للمذكره خشى ممكن تستفادى
ازيكم يا اعضاء المنتدى الكرام وخصوصا اللى بيدرسو اسف انا هديلى فطره مدخلتش المنتدى ومعملتش موضيع بس الموضوع غصب عنى كلو بسبب الدراسه واحنا دخلين على امتحنات الميد ترم
فا عشان كده مش بقدر اخش فا الموضوع ده جه فى دماغى وفى محله وفى وقتو
هو عن طرقتى فى مذاكره كل ماده وممكن تستفادى من طرقتى دى
الحجات الى هنتكلام عنها فى الموضوع
1-نظريتى للمذاكره
3- طريقة مذكرتى لكل ماده على حده
6- البريك بين كل ماده والتانيه
نبدا با نظرياتى للمذاكره
انا مش معه نظريات ابداى با ماده تفتح المخ زى الرياضه والانجليزى لو كنتى مبتحبيش الماده دى
فا بدال ما تبداى با رياضه او انجليزى وانتى مبتحبهمش ومتكمليش وتمشى ومتزكريش زكرى اول ماده الماده اللى انتى بتحبيها
مثال انا اكتر مواد بحبهم الدرسات والعربى والدين والعلوم والحاسب
ابدا با ماده منهم مش ابدا با الماده الى انا بكرها لا طبعا يبقه كده مش هكمل وها هد كل اللى عملتو فى ايام اهدو فى ثاونى
بصراحه انا كنت بكره الانجليزى كره لكن لمه روحت عن المستر عصام بجد ابتديات احب الانجليزى مش اقول بقيت اموت فيه الكدب حرام برضو
الميس اللى باخد عندها درس رياضه قلتلى على نظريه فى مذكرات الرياضه امشى عليها انا الرياضه عيزلها ساعه او نص ساعه قبل ما تنامى تزكرى فيهم مش اكتر من كده
تانى حاجه الناصيح او الحجات اللى بعملها عن المذكره
انا عندى خصله لازم قبل ما اذاكر استحمه وافرد شعرى والبس لبس حلو مش عرفه ليه بصراحه ده بيفتح نفسى على المذكره
لازم كل حاجه تبقه جمبى من الادوات كلها مبحبش اخد من ادوات المدرسه ادوات البيت للبيت والمدرسه للمدرسه عشان متغرش منى ودى حاجه حلوه برضو ولازم كل حاجه جنبى تبقه نضيفه مش ملعبكه ومكعبش كده
لازم يبقه جنبى كده ميه عصاير او لبن او شاى اخضر وا قرفه وزنجبيل وصندوتشات مثلا جبنه لنشو بيض عشان انا ببقه من الساعه ٦ الصبح لحد الساعه ٦ المغرب ما اكولش حاجه خالص
ببعد عن الكافين اللى فى الشاى والقهوه والنسكفيه والكابتشينو عشان دول فى وقت المذكره بيضرو خالص ومبيخلوكيش تركزى على عكس اللى بيقلوه
ثالثا الطريقه الى بذاكر بيه كل ماده لوحدها
نبدا با الدرسات اول ماده
هتحتاجى كتاب المدرسه بتاع الدرسات وملخص اذا كان الاضواء او الامتحان انا معايه الاضواء
هتحتاجى كشكول كبير عادى ومسطره والباريه والاستيكه وقلم حبر وقلم رصاص وقلم احمر واسود
ومتفتكريش ان مذكره التاريخ زى الجغرافيه لا كل حاجه وليه طريقه انتى تنفعى تزكرى رياضه با عربى لا طبعا
-قراءة الموضوع مجمل يعنى اقعد كده فى حتة هادية مرتاحة واقرا كانها قصة دون التفكير فى الحفظ واكتب الشعار ده قدامك لما تذاكر التاريخ فى ورقة مبروزة"ما أحلى مادة التاريخ قصة جميلة لاتنسى"
2-ابدا بقى بتقسيم الدروس فى ورقة خارجية وسميها ورقة الفهرسة
ازاى
تكتب العناوين الرئيسة الكبيرة
العناوين الرئيسية الصغرى تحتها
داخل العناوين الصغيرة عناوين فرعية
واخيرا مدونة للتواريخ
ومدونة للاسماء
وبعدين تحفظها صم عشان دى اللى هتفكرك بالمنهج كله
-ابدا فى التعمق فى الصفحة وحفظ الخطوات تحت اسمها المندرج مثل المذكرة الاولى المشتركة سنة 1225مش فاكر شفويا وفى النهاية عليك بالتسميع فى الورقة
- طبعا انت هتذاكر فصل فصل بعد ماتخلصه تبدا بقراءة اخيرة سريعة لتثبيت المعلومات وتحل الاسئلة اللى على الفصل وتدور على الاسئلة فى الامتحانات السابقة وتحلها
كده الفصل مش هيتنسى ابدا لغاية يوم الامتحان بس اهم حاجة متضيعيش تعبك وتبطلى حل وتدريبات ولو 2ساعة فقد يوميا
وانا اتبعت الطرق دى عشان انا مبحبش التاريخ بحب الجغرافيه
نجى على ازاى بقيت اموت فى الجغرفيا موت كده
بقيت امشى على الناصيح دى
ـ التركيز على المصطلحات والمفاهيم الجغرافية الواردة في كل درس
2 ـ تحليل الاشكال والجداول الواردة ووضع الاستنتاجات
3 ـ التركيز على الخرائط وتحديد المواقع الجغرافية عليها
4 ـ التعرف على الحقائق والنظريات الواردة
5 ـ قراءة وفهم المعلومات ذات الاهمية الجغرافية
6 ـ حل اسئلة الكتاب المداسي في نهاية الدرس
7 ـ بعد التاكد من فهم الدرس يتم اللجوء الى الاسئلة الخاصة لكل درس وحلها من ثم الرجوع الى الاسئلة الغير مفهومة مرة ثانية الى الدرس وحلها
8 ـ النظر الى اسئلة الامتحانات السنوات الماضية والتعرف على اشكال الاسئلة الموضوعية والمقالية وحلها
9 ـ اللجوء الى معلم مادة الجغرافيا في حال عدم فهم نقطة او معلومة او مصطلح وارد في المنهج وخاصة للنقاط التي تحتاج الى فهم
10 ـ التاكد من تحديد المواقع الجغرافية على خريطة صماء
كده خلصنى الدرسات نخش على ماده تانى
العربى مذكرات العربى سهله جدا جدا جدا على فكره سهله موت موت موت وبرضو مشيت على نصائح عشان احبها كده موت
هتجيبى برضو كتاب المدرسه وملخص انا بحب الامتحان وممكن نفس الكشكول تذكرى فيه كل المواد
وفى العربى كل جزاء بيتذاكر بطريقه مختلفه النحو بطريه والقراء بطريقه والقصه بطريقه والنصوص بطريقه
النصوص والقراءة؟
اقرئي النص الأدبي قراءة متأنية ، وحاولي فهم المعاني ، ثم قسمي النص إلى وحدات صغيرة بحسب المعنى ، ثم احفظي البيت الأول وكرريه أكثر من مرة حتى تطمئني على أنك حفظتيه بشكل جيد ، انتقلي إلى البيت الثاني وكرري العملية نفسها ، ثم أعيدي قراءة البيتين معا _ الأول والثاني _ وبعدها انتقلي إلى البيت الثالث ، وهكذا حتى تنتهي من النص ، بعد ذلك حاولي كتابة النص من الذاكرة ؛ لتتأكدي من أنك قد حفظتيه جيدا .
بعد حفظ النص ، قومي بتحليله تحليلا أدبيا مركزة على الأفكار الرئيسة ، وجمال الألفاظ ، ومدى مناسبتها للمعاني ، والعاطفة ومدى صدقها ، والصور الخيالية ومدى توافقها مع المعاني ، مع تدوين ذلك في ورقة جانبية ، فذلك يعمق فهمك
فما هي الأسباب المعينة على فهم تلكم المادة من بعد عون الله
اما القصه ده موال تانى خالص خالص عايز منك وقت تعملى ايه يا شطره بقه تمسكى كشكول وقلمك الرصاص والقصه وتبدا تحفظى المعانى والاساله والنحو الى بيبقه فى القصه بيبقه فيه حجات نحويه وكمان مظاهر جمال
النحو ده نيله بقه تجيبى الملخص وتذكرى كل درس وتفهميه الاول مع الميس فى المدرسه وتجيبى كل قطع النحو وتحليها دى فكره جميله
نخش على ماده تانى
الرياضه
الرياضه مش سهله ومش صعبه كمان هقلكم تزكروها ازاى دلوقتى
الرياضه لازم تتذاكر اول با اول تخدى الدرس تروحى تذكريه وتحلى والواجب وتحفظى القوانتى والتعريفات والمصطلحات وترجعى عليه قبل ما تنام وتحلى مسال الكتاب والملخص
نخش على ماده تانى
العلوم
العلوم ماده حلوه على فكره مش وحشه خالص با العكس بس هيا محتاجه زى الرياضه شويت تركيز
فالازم شويه تركيز زى الرياضه لازم تحفظى المصطلحات والتجارب والقونين والتعليلات وكده
نخش على ماده تانى
الانجليزى ده الماده اللى بيوجد طلاب كتير بيقرههوها
لما بتاخدى اليونت تحفظى الكلمات بتاعته وتفهمى الجرامر و تقعدى تحل عليه و انا بصراحه بحب المعاصر جدا وبستخدمو
تعرفى كلمات من بره المنهج عشان تفيدكى فى الترجمة
وبالذات كلمات الاحداث الجارية زى انتخابات وغيره عشان بتيجى فى الامتحان
واحسن كلمات واكثرهم افادة الكلمات اللى بتسمعهيه من الافلام الاجنبى
فعشان كده لما تيجى تتفرجى ع التلفزيون ابقى هاتى افلام اجنبى و ركزى ع الكلمات بتاعتها
التحضيـــر اليــومــي :
- معرفة الكلمات الجديدة في الدرس وحفظها .
- معرفة الأفعال الموجودة في الدرس وكتابتها في الدفتر .
ـ محاولة حل المسائل التابعة للدرس .
أثنــاء الحصــة :
- الانتباه لشرح المعلم جيداً .
- المشاركة الفعالة أثناء الحصة .
- عدم الإنشغال بأي تأثيرات لا علاقة لها بالدرس وخاصة الرفيق في الفصل ( وتأكد أن الرفيق الحقيقي هو الذي يساعد صديقه ، وليس الذي يشتت إنتباهه في الحصه)
- كتابة المعلومات المهمة في الدرس .
- السؤال عن الشيء الغير مفهوم أثناء التحضير .
في المنــزل (بعد شــرح المعلــم) :
- مراجعة الدرس نفسه مرة أخرى مع شرح المعلم .
- تحضير الدرس الجديد .
- كل خميس وجمعة يتم مراجعة كل الدروس والكلمات الجديدة خلال الأسبوع .
نخش على ماده تانى
حاسب الى (كمبيوتر)
الحاسب يعنى با النسبالى
بس طبعا لازم ازكرو
بس اكيد لازم ازكرو انا بعمل البرنامج الى بيكون علينه وبحاول اشتغل عليه عملى وبجيب الملخص وبحفظ حفظ عشان هو صعب وانا مش قوى حبى ليه بس حفظ با الورقه والقلم مش كده وخلاص
نخش على ماده تانيه
الدين
الدين ماده روعه روعه روعه انتى هتحفظى السوره معنيها وشرحها والقصه كذالك والدروس كمان
نخش على وقت البريك مبين المواد
مثلا لو ذكرتى ١ تخدى ربع راحه ولو ذكرتى ٢ تخدى نص راحه لو ذكرتى ٣ تخدى الى ربع راحه
واهدى نفس حاجه حلوه لو اتاكتى انك زكرتى كويس والحاجه دى مش هتتنسى بسهوله
ويارب تكونو استفتو سلام متنسوش التقيم
[IMG]https://**- /p_426weyn710.gif[/IMG]
إظهار التوقيع
توقيع : ميمى دودو
التوقيع لا يظهر للزوار ..
رد: طرق للمذكره طرقتى للمذكره خشى ممكن تستفادى
إظهار التوقيع
توقيع : فخامة ملكة
التوقيع لا يظهر للزوار ..
رد: طرق للمذكره طرقتى للمذكره خشى ممكن تستفادى
إظهار التوقيع
توقيع : العدولة هدير
التوقيع لا يظهر للزوار ..
رد: طرق للمذكره طرقتى للمذكره خشى ممكن تستفادى
إظهار التوقيع
توقيع : جنا حبيبة ماما
التوقيع لا يظهر للزوار ..
رد: طرق للمذكره طرقتى للمذكره خشى ممكن تستفادى
إظهار التوقيع
توقيع : حياه الروح 5
التوقيع لا يظهر للزوار ..
الساعة الآن 09:54 AM
جميع المشاركات تمثل وجهة نظر كاتبها وليس بالضرورة وجهة نظر الموقع