أو

الدخول بواسطة حسابك بمواقع التواصل

#1

افتراضي تختاري تعيشي مع مين في دول ؟؟؟

السلام عليكم ورحمة الله وبركاته
عزيزاتي كل العدولات
عندي ليكم موضوع جديد انا مكنتش عارفة اختار القسم اللي اكتبه فيه بس لاقيت بدال الموضوع بخصوص الحياة الزوجية يبقى اكتبه فقسم الثقافة الزوجية
في هذا القسم دايما كل مواضيعنا بتهتم بطرق المعاملات الزوجية داخل البيت بين الزوج والزوجة وبيدي نصايح علشان حياتنا تكون احسن ونبني اسرة مترابطة ومتفاهمة
طيب انا عاوزة اخد رأيكم فحاجة مهمة هما اختيارين ملهمش ثالث ومطلوب من كل واحدة تدخل وتقراهم تكتب هتختار ايه وممنوع اختيار حاجة غير الاتنين دول
لو ادامك مشكلتين لاتنين ستات وكل واحدة متزوجة وعايشة حياتها بما يرضي الله ولكن كل واحدة ربنا رزقها بزوج ليه صفات وظروف عكس التانية خالص
الزوجة الاولى : زوجها متزوج عليها واحدة تانية وطبيعته صعبة جدا وعندي والحياة معاه كزوج لا تطاق وبتحمد ربنا انه اتجوز واحدة عليها علشان تشيل عنها قرفه وكل اللي مصبرها عليه الاولاد وكمان ان مفيش حاجة بتطلبها الا وبيجيبها مهما ان كانت لانه مقتدر ومش مخليها هي والاولاد محتاجين اي شيء والمدارس على اعلى مستوي والمصاريف بتكفيهم كويس اوي بس مشكلته الوحيدة اللي مأزمة نفسيتها انه اتجوز عليها وكل شوية تفتكر صبرها عليه ومعاناتها معاه وعدم تقديره لها
الزوجة الثانية : هي الزوجة الاولى والوحيدة مش متزوج عليها ولكن بخييييييييل معها لدرجة كبيرة جدا ممكن يجيب اي شيء للاولاد ولكنه بيستخسر فيها اقل حاجة مهما ان كانت رخيصة وملهاش اي مصدر رزق غيره وعمره ما يغفر لها اي خطأ ولا بيسامحها ودايما بيعلق على تصرفاتها تعليق سيء وغير متواجد معها ولا يشاركها بأي مشكلة ولو حتى فشراء ملابس للاولاد كل حاجة هو بيجيبها من غير ماياخد رأيها يعني لو العيد ومحتاجين ملابس للاولاد علشان العيد ياخد الاولاد لوحدهم ويختار اللبس ويشتريه وهي ملهاش اي لزمة ولا حتى بيفكر يشتريلها حاجة تفرحها عكس الزوجة في الاختيار الاول
الزوجتين اللي بقولكم على حياتهم انا عارفاهم كويس وبقارن حياتهم وكل شوية اسأل نفسي لو هختار حياة واحدة منهم اعيشها اختار مين
اللي متجوز زوجة تانية ولا البخيل
انا بفضل اللي متجوز زوجة تانية عالاقل مش هيقصر معايا فحاجة نفسي فيها وينسيني بيها الحياة المزدوجة
انا حاسة موضوعي دة زي موضوع الاعادة فالانتخابات اتنين مرشحين للرئاسة والكل خايف منهم ومطلوب مننا نختار واحد بس
كل عدولة تدخل تقولي تختار تعيش حياة مين فالزوجتين لو اتحطت فموقفهم
وشكرا لاني تعبتكم معايا وخلونا نعتبر دا استفتاء
ايه رأيكم


#2

افتراضي رد: تختاري تعيشي مع مين في دول ؟؟؟

الاتنين اسوأ واضل سبيل بس ابدا مقبلش اكون ليا ضرة يبقى البخيل ارحم
#3

افتراضي رد: تختاري تعيشي مع مين في دول ؟؟؟

إذا ضرورى و لا قدر الله يبقى هنضم لحمله مضطرون واختارالأول وخلاااااص
إظهار التوقيع
توقيع : عمر ابانا وعائشه امنا
#4

افتراضي رد: تختاري تعيشي مع مين في دول ؟؟؟

والله انا مع لافالانتينا يعني كله ولا الضره ولو في حل تالت ف اكيد بدون الاتنين ارحم
#5

افتراضي رد: تختاري تعيشي مع مين في دول ؟؟؟

يتصفح الموضوع حالياً : 4 (3 عدلات و 1 زائرة) ‏om tareq, ‏جوهرة القلوب, ‏البدريه
#6

افتراضي رد: تختاري تعيشي مع مين في دول ؟؟؟

والله هو موضوع غريب جداً
ومافيش انسان وحش فى كل حاجه
ومافيش انسان كويس فى كل حاجه
انما بالنسبه ليا اعيش مع واحد بخيل
ارحم مااعيش مع واحد متجوز مش هتفرق بقى زوجه اولى زوجه تانيه
المهم فى واحده غيرى فى حياة جوزى
ومهما قل اهتمامه بيا وجرحنى
اكيد مش هيبقى اكتر من جرحى لما ابقى فى بيتى وهو مع واحده تانيه
إظهار التوقيع
توقيع : dodo modo
#7

افتراضي رد: تختاري تعيشي مع مين في دول ؟؟؟

لو زوجي بخيل ممكن انزل اشتغل واصرف وامشي حياتي
لكن لو متجوز عليا مستحيل اقبل حتى لو بيفرشلي الأرض
فلوس ودهب سعتها متخيلوش قدامي انا بزعل لما
يقولها بهزار لكن لو بجد مستحيل استوعب
الله يكون في عون اللي ليها ضره


قد تكوني مهتمة بالمواضيع التالية ايضاً
الموضوع كاتب الموضوع المنتدى
هل تعلم أن المغرب هو أول بلد عربي يصنع قمر صناعي ؟؟؟ ام سيف منوعات x منوعات - مواضيع مختلفة
تشكيلة رائعة من ملابس بيبي دول شفاف واشكال اخرى وملابس داخلية للسيدات سوق الخليج سوق عدلات النسائي العام
ين عايزة تشتغل معايا ؟ مين عايزة مرتب 4500 ج شهريا ؟؟؟ soly mall سوق عدلات النسائي العام
اسئلة محيرة جرب جاوب........ فلسطين منوعات x منوعات - مواضيع مختلفة
خذ ولا تأخذ ؟؟؟ نعم خذ ولا تأخذ...؟؟؟ عنوان غريب ؟؟؟ وأين الغرباء ؟؟؟ ♥ احبك ربى ♥ منوعات x منوعات - مواضيع مختلفة


الساعة الآن 01:06 PM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل