أو

الدخول بواسطة حسابك بمواقع التواصل

#1

افتراضي قصة سندريلا بالهجة الحلبية ......تابع للمسابقة

السَلآْم عَلْيُكّمٌ وٍرٍحَمُةّ الله وٍبُرٍكآتُهْ

ﻛﺎﻥ ﻳﺎﻣﺎ ﻛﺎﻥ ﺑﺎﺩﻳﻢ ﺍﻟﺰﻣﺎﻥ ﻧﺤﻜﻲ ﻭﺍﻻ ﻧﻨﺎﻡ
ﺑﻌﺪ ﻣﺎ ﻧﺼﻠﻲ ﻋﻠﻰ ﺑﺪﺭ ﺍﻟﺘﻤﺎﻡ ﻛﺎﻥ ﻓﻲ ﺑﻨﺖ
ﺣﻠﻮﺓ ﻛﺘﻴﺮ .. ﻭﺗﺰﻭﺝ.. ﻭﺭﺡ ﺍﺟﻴﻠﻚ ﻣﻦ ﺍﻻﺧﺮ
ﺧﻴﻮ ﻣﺎﻟﻚ ﺑﺎﻟﻄﻮﻳﻠﺔ
ﻳﺎﺳﻴﺪﻱ ﻣﻠﻼ ﺍﻧﺖ ﻭﺭﺍﺣﻮﺍ ﻣﺮﺕ ﺍﺑﻮﺍﺍ ﻭﺧﻮﺍﺗﺎ
ﺍﻟﺘﻨﺘﻴﻦ ﻋﻠﻰ ﺣﻔﻠﺔ ﻋﺮﺱ ﺑﻨﺖ ﺍﻟﻤﻠﻴﻮﻧﻴﺮ ﺍﻟﻜﺒﻴﺮ
.. ﻭﺍﺵ ﻟﻴﺒﺴﻴﻦ ﻟﺒﺲ ﻭﺟﺦ ﻭﻓﺨﻔﺨﺔ ﻏﻴﺮ
ﺷﻜﻞ! ﻭ ﺑﺎﻟﺤﻔﻠﺔ ﺭﺡ ﻳﻜﻮﻥ ﻣﻮﺟﻮﺩ ﺍﺑﻨﻮ ﻳﻠﻠﻲ
ﻋﻤﺎ ﻳﺪﻭﺭ ﻋﻠﻰ ﻋﺮﻭﺱ ﻭﺍﻋﺪﺕ ﻫﺎﻟﻤﺴﻜﻴﻨﺔ
ﺳﻨﺪﺭﻳﻼ ﻟﺤﺎﻻ ﺑﺎﻟﺒﻴﺖ ﻋﺒﺘﻨﺪﺏ ﺣﻈﺎ ﻭﻓﺠﺄﺓ
ﻃﻠﻌﺘﻼ ﺍﻟﺴﺎﺣﺮﺓ ﻭﺑﺎﻳﺪﺍ ﺍﻟﻌﺼﺎﻳﺔ ﺍﻟﺴﺤﺮﻳﺔ ﻃﺒﻌﺎ
ﺳﻨﺪﺭﻳﻼ ﻗﺮﺕ ﺍﻟﻘﺼﺔ ﻣﻦ ﻗﺒﻞ ﻭﻋﺮﻓﺖ ﺍﻧﻮ
ﻻﺯﻡ ﺗﺘﻌﺠﺐ ﻭﻗﺖ ﻳﻠﻠﻲ ﺑﺘﻄﻠﻌﻼ ﺍﻟﺴﺎﺣﺮﺓ ﺑﺲ
ﻣﺎ ﺗﻌﺠﺒﺖ ﻭﺳﺎﻭﺕ ﺣﺎﻟﻬﺎ ﺗﻌﺠﺒﺖ ﻭﻓﻨﺠﺮﺗﻠﻚ
ﻋﻴﻨﻴﻬﺎ ﻛﻞ ﻭﺣﺪﺓ ﻫﻴﻚ ﻗﺪﺍ ﻭﺍﻟﺘﻼ ﺍﻟﺴﺎﺣﺮﺓ
ﻟﺴﻨﺪﺭﻳﻼ ﺍﺷﺒﻚ ﺭﻭﺣﻲ ﺗﻘﺒﺮﻱ ﻋﻀﺎﻣﻲ ﻳﺎﻣﻮ
ﻟﻴﺶ ﺯﻋﻼﻧﺔ ﺍﺣﻜﻴﻠﻲ ﺭﻭﺣﻲ ﻻﺗﺨﺎﻓﻲ ﺍﻧﺎ ﺧﺎﻟﺔ
ﺍﻟﺴﺎﺣﺮﺓ ﻣﻮ ﻗﺮﻳﺘﻲ ﻋﻨﻲ ﺑﺎﻟﺤﻜﺎﻳﺔ ﺧﻴﺘﻮ؟
ﺍﻟﺘﻼ ﺳﻨﺪﺭﻳﻼ : ﻭﺍﻟﻠﻪ ﺷﻮﻓﺖ ﻋﻴﻨﻚ ﻫﻲ ﻣﺮﺓ
ﺍﺑﻮﻱ ﺍﻟﻤﻔﺘﺮﻳﺔ ﺍﻟﻈﻠﻤﺔ ﻭﺑﻨﺎﺗﺎ ﺍﻟﺘﻨﺘﻴﻦ
ﺍﻟﺠﺮﺑﺎﻧﺎﺕ ﺭﺍﺣﻮﺍ ﻋﺎﻟﻌﺲ ﻭﺗﺮﻛﻮﻧﻲ ﻫﻮﻥ
ﻟﻮﺣﺪﻱ ﺍﺟﻠﻲ ﻭﺍﻏﺴﻞ ﻭﺍﻃﺒﺦ .. ﻫﺎﺩﺍ ﺣﻈﻲ
ﺍﻟﻤﻨﻴﻞ ﺍﺵ ﺍﺳﺎﻭﻱ ﻳﻌﻨﻲ
ﺍﻟﺴﺎﺣﺮﺓ: ﻟﻚ ﻳﻠﻲ ﺑﻴﺴﻤﻌﻚ ﻣﺎ ﺑﻴﻘﻮﻝ ﺍﻧﻮ
ﻋﻨﺪﻛﻦ ﻏﺴﺎﻟﺔ ﻭﺟﻼﻳﻮ ﻭﻣﻜﻨﺴﺔ ﻋﺎﻟﻜﻬﺮﺑﺎ ..
ﺑﻘﺎ ﺷﻮ ﻋﻠﻴﻜﻲ ﺗﻌﻤﻠﻴﻪ ﻭﻟﻴﻪ؟
ﺳﻨﺪﺭﻳﻼ : ﺍﻩ ﺑﻼ ﻳﻌﻨﻲ ﻣﺎ ﺑﺘﻌﺮﻓﻲ ؟؟؟؟ ﻧﺸﺮ
ﺍﻟﻐﺴﻴﻞ ﻭﺍﻟﻜﻮﻱ ﻣﺎﻟﻮ ﻣﺸﻘﺔ ﻳﻌﻨﻲ ؟؟ ﺑﺲ
ﺍﺵ ﺍﺳﻮﻱ ﺑﺪﻱ ﺍﺗﺤﻤﻞ ﺣﺴﺒﻲ ﺍﻟﻠﻪ ﻭﻧﻌﻢ
ﺍﻟﻮﻛﻴﻞ
ﺍﻟﺴﺎﺣﺮﺓ: ﺑﻌﺪﻳﻦ ﻭﻟﻚ ﺑﺘﻲ ﺍﻟﻠﻪ ﻳﺮﺿﻰ ﻋﻠﻴﻜﻲ
ﻣﻮ ﻋﻨﺪﻙ ﺍﻟﺴﻨﺔ ﺑﻜﺎﻟﻮﺭﺭﺭﺭﺭﺭﺭﺭﻳﻴﻴﻴﻴﻴﻴﻴﻴﺎ ﺍﺵ
ﺍﻟﻚ ﺍﻧﺖ ﻫﻠﻖ ﺑﺎﻟﻌﺮﺍﺱ ﻭﺍﻻﺳﺘﻘﺒﺎﻻﺕ ﻗﻮﻣﻲ
ﺩﺭﺳﻲ ﺍﺣﺴﻨﻠﻚ ﺑﻠﻜﻲ ﺑﺘﺪﺧﻠﻲ ﺷﻲ ﻛﻠﻴﺔ
ﻛﻮﻳﺴﺔ ﺿﺮﻭﺭﻱ ﺗﻄﻠﻌﻲ ﻣﺘﻞ ﺧﻮﺍﺗﻚ ﻭﺣﺪﻩ
ﺩﺧﻠﺘﻠﻲ ﺍﻗﺘﺼﺎﺩ ﻭﺍﻟﺘﺎﻧﻴﺔ ﺗﻌﻮﻳﻀﺎﺕ ﺳﻨﻴﺔ
ﺳﻨﺪﺭﻳﻼ: ﻳﺎ ﺧﺎﻟﺔ ﺍﻟﺴﺎﺣﺮﺓ ﻳﻌﻨﻲ ﻭﻗﻔﺔ ﻫﻠﻖ
ﻋﻬﺎﻟﻠﻴﻠﺔ ؟؟؟! ﺍﻟﻠﻴﻠﺔ ﺍﻟﻠﻲ ﺑﺪﻭ ﻳﻜﻮﻥ ﻣﻮﺟﻮﺩ
ﻓﻴﻬﺎ ﺍﺑﻨﻪ ﻟﻠﻤﻠﻴﻮﻧﻴﺮ ﻭﻋﺒﻴﺪﻭﺭ ﻋﻠﻰ ﻋﺮﻭﺱ
ﻭﺍﻛﻴﺪ ﻣﺎﺭﺍﺍﻱ ﻳﻼﻗﻲ ﺍﺣﺴﻦ ﻣﻨﻲ ﺑﺲ ﻣﻮ ﻻﺯﻡ
ﻳﺸﻮﻓﻨﻲ ﺑﺎﻻﻭﻝ ؟ ﺍﻟﻠﻪ ﻳﺨﻠﻴﻜﻲ ﺧﺎﻟﺔ
ﺳﺎﻋﺪﻳﻨﻲ ﺧﻠﻴﻨﻲ ﺍﺭﻭﺡ ﻋﺎﻟﻌﺮﺱ ﺍﻟﻠﻪ ﻳﻮﻓﻘﻚ
ﺧﺎﻟﺔ ﺍﻟﻠﻪ ﻳﻮﻓﻘﻚ ﺧﻠﻴﻨﻲ ﺍﺭﻭﺡ ﻃﻴﺐ
ﻃﻴﺐ ﻭﻟﻲ ﻋﻠﻴﻜﻲ ﺷﻘﺪ ﺑﺘﻌﻠﻜﻲ ﺑﺨﻠﻴﻜﻲ ﺑﺲ
ﺑﺸﺮﻁ ﺑﺘﺮﺟﻌﻲ ﺑﺘﺪﺭﺳﻲ ﻭ ﺑﺘﻌﻮﺿﻲ ﻳﻠﻠﻲ ﺭﺍﺡ
ﻣﻨﻚ ﻫﺎ
ﺳﻨﺪﺭﻳﻼ: ﺣﺎﺿﺮ ﺧﺎﻟﺔ ﺣﺎﺿﺮ ﻃﻴﺐ ﻗﻮﻣﻲ ﺑﻘﺎ
ﻟﺤﺘﻰ ﻧﺸﻮﻑ ﺍﺵ ﺑﺪﻙ ﺗﻠﺒﺴﻲ ﻭﺷﻠﻮﻥ ﺑﺪﻧﺎ
ﻧﺨﻠﻴﻜﻲ ﺗﺼﻠﻲ ﻟﻬﻮﻧﻴﻚ ﺑﺘﻌﺮﻓﻲ ﻭﻳﻦ ﻣﺤﻞ
ﺍﻟﻌﺮﺱ؟!
ﺍﻳﻪ ﺑﻌﺮﻑ ﺑﻔﻨﺪﻕ ﺍﻟﺸﻬﺒﺎﺀ ﺑﺎﻟﺼﺎﻟﺔ ﺍﻟﺸﺮﻗﻴﺔ
ﻃﻴﺐ ﻗﻮﻣﻲ ﻟﻨﺸﻮﻑ
ﺍﺵ ﻋﻨﺪﻙ ﻟﺒﺲ
ﻭﻓﻠﺘﺖ ﺳﻨﺪﺭﻳﻼ ﺑﺎﻟﺒﻜﺎ ﻣﺎ ﻋﻨﺪﻱ ﻟﺒﺲ .. ﻟﺒﺴﻲ
ﻛﻠﻮ ﻗﺪﻳﻢ ﻭﺑﻄﻼﻧﺔ ﻣﻮﺿﺘﻮ ﺷﻠﻮﻥ ﺑﺪﻱ ﺍﺭﻭﺡ
ﻋﺎﻟﻌﺮﺱ ﻫﻠﻖ ﻭﻣﺎ ﻋﻨﺪﻱ ﻟﺒﺲ ﺣﻠﻮ!!! ﺷﻠﻮﻥ
ﺑﺪﻭ ﻳﺸﻮﻓﻨﻲ ﺍﻟﺸﺐ ﺭﺡ ﻳﻘﻮﻝ ﻋﻨﻲ ﻣﺒﻬﺪﻟﺔ
ﻭﻣﺎ ﺑﻌﺮﻑ ﺍﻟﺒﺲ ﻭﻣﺎﻧﻲ ﻣﻦ ﻣﻘﺎﻣﻮ
‏(ﺻﻔﻨﺖ ﺍﻟﺴﺎﺣﺮﺓ ﻭ ﺑﻠﺸﺖ ﺗﻔﻜﺮ ‏) ﺍﺵ ﺑﺪﻧﺎ
ﻧﻌﻤﻞ ﻫﻠﻖ ﻣﺎﻟﻲ ﻏﻴﺮ ﺍﺣﻜﻲ ﻣﻊ ﺭﻓﻴﻘﺘﻲ ﺍﻟﻠﻲ
ﺑﺘﺸﺘﻐﻞ ﺑﻤﺤﻞ ﺭﻭﺳﺘﻴﻨﻲ ﻫﺎﺩﺍ ﺧﻴﺘﻮ ﻛﺘﻴﺮ
ﻛﻮﻳﺲ ﺑﻠﻜﻲ ﺑﻴﺒﻌﺘﻮ ﻟﻨﺎ ﺷﻲ ﻓﺴﺘﺎﻥ ﻣﺮﺗﻴﻦ
ﻭﻣﻔﺨﻔﺦ ﻳﻠﻼ ﻋﻄﻴﻨﻲ ﻫﺎﻟﺨﻠﻴﻮﻱ ﻻﺷﻮﻑ ﻭﺩﻗﺖ
ﻫﺎﻟﺴﺎﺣﺮﺓ ﻟﺮﻓﻴﻘﺘﻬﺎ ﻭﻗﺎﻟﺘﻠﻬﺎ ﻣﻦ ﺷﺎﻥ ﺗﺒﻌﺖ
ﺍﻟﺮﻭﺏ
ﻭﻗﺎﻡ ﻗﺎﻟﺖ ﺳﻨﺪﺭﻳﻼ ﻃﻴﺐ ﻳﺎ ﺧﺎﻟﺔ ﺷﻠﻮﻥ ﻣﻦ
ﺷﺎﻥ ﺍﻟﻤﻜﻴﺎﺝ ﻭﻟﻒ ﺍﻟﺸﻌﺮ ﻳﻌﻨﻲ ﻫﻲ ﺣﻔﻠﺔ
ﻛﻮﻳﺴﺔ ﻣﻮ ﺣﻴﻼ ﻃﻴﺐ
ﻃﻴﺐ ﺍﺻﺒﺮﻱ ﺷﻮﻱ ﺍﺷﺒﻚ ﻣﻠﻬﻮﺟﺔ ﺍﺵ
ﺷﻴﻔﺘﻴﻨﻲ ﻣﺎ ﺑﻔﻬﻢ ﻭﻟﻚ ﺑﻨﺘﻲ ﺍﻧﺎ ﺧﺎﻟﺔ ﺍﻟﺴﺎﺣﺮﺓ
ﺍﺵ ﻣﻔﻜﺮﺓ ﻭﺑﻌﺪﻳﻦ ﺟﺒﺘﻠﻚ ﺍﻛﻮﺱ ﻟﻔﺎﻓﺔ ﺷﻌﺮ
ﻟﺤﺖ ﺗﻌﻤﺎﻙ ﻣﻮﺩﻳﻞ ﻭﻻ ﺻﺎﺭ ﻟﻤﻠﻜﺎﺕ ﺍﻟﺠﻤﺎﻝ
ﻗﻌﺪﻱ ﻻﻗﺎﻗﻠﻚ ﻭﻗﻌﺪﺕ ﺑﻴﻦ ﺍﻳﺪﻳﻦ ﺍﻟﻠﻔﺎﻓﺔ
ﻭﺭﺍﺣﺖ ﻫﺪﻳﻚ ﺗﺸﺪ ﻭﺗﻨﻔﺶ ﻭﺗﺮﻓﻊ ﺑﺸﻌﺮ
ﻫﺎﻟﺴﻨﺪﺭﻳﻼ ﻭﺷﻲ ﺑﺘﺒﺨﺎﻫﺎ ﺧﺼﻞ ﻭﺷﻲ
ﺗﻘﺼﻠﻬﺎ ﻣﻦ ﺍﻟﺸﻌﺮ ﻭﻫﻴﻚ ﺑﻌﺪ ﻓﺘﺮﺓ ﺧﻠﺼﺖ
ﺳﻨﺪﺭﻳﻠﺘﻨﺎ ﻣﻦ ﺍﻟﺸﻌﺮ ﻭﺭﺍﺣﺖ ﻟﻌﻨﺪ ﺍﻟﺴﺎﺣﺮﺓ
ﻣﻦ ﺷﺎﻥ ﺍﻟﻤﻴﻜﻴﺎﺝ ﻭﻗﺎﻣﺖ ﻫﺎﻟﺴﺎﺣﺮﺓ
ﻭﻣﺴﻜﺘﻠﻚ ﺷﻲ 4 ﻓﺮﺍﺷﻲ ﻭ ﺑﺪﻳﺖ ﻭﻛﺎﻧﻬﺎ
ﻋﻤﺎ ﺗﺮﺳﻢ ﻟﻮﺣﺔ ﺑﺲ ﺍﺵ ﻟﻮﺣﺔ ﻫﺎﺩﺍ ﻭﺵ
ﺳﻨﺪﺭﻳﻼ .. ﺍﻱ ﺧﻴﻮ ﻭﻣﺎﻟﻚ ﺑﺎﻟﻄﻮﻳﻠﺔ ﻭﺑﻌﺪ
ﺷﻮﻱ ﻭﺑﻌﺪ ﻃﻠﺲ ﺷﻲ 8 ﺍﻟﻮﺍﻥ ﻛﺎﻧﺖ
ﺳﻨﺪﺭﻳﻼ ﺧﺎﻟﺼﺔ ﻭﻭﺻﻞ ﻫﺎﻟﺮﻭﺏ ﺍﻟﻤﺮﺷﺮﺵ
ﻭﺍﻟﻤﻔﺨﻔﺦ ﻭﻟﺒﺴﺘﻪ ﺳﻨﺪﺭﻳﻼ ﻭﻃﻠﻌﺖ ﻭﻻ
ﺳﻨﺪﺭﻳﻼ ﻳﻠﻲ ﺑﺎﻟﺤﻜﺎﻳﺔ
ﻭﻓﺠﺄﺓ ﺻﺎﺣﺖ ﺳﻨﺪﺭﻳﻼ ﺷﻠﻮﻥ ﺑﺪﻱ ﺍﺭﻭﺡ
ﻭﻣﺎﻟﻲ ﻟﻴﺒﺴﻪ ﺩﻫﺐ ﺍﻟﺘﻼ
ﺍﻟﺴﺎﺣﺮﺓ: ﻭﻟﻚ ﻣﺎ ﺗﺨﺎﻓﻲ ﻭﻟﻚ ﻃﺸﻤﺔ ﺟﺒﺘﻠﻚ
ﻣﻌﻲ ﺷﻮﻳﺖ ﺩﻫﺐ ﻣﻦ ﻋﻨﺪﻱ ﺧﺪﻱ ﻟﺒﺴﻴﻬﻦ
ﺑﺲ.. ﺷﻠﻮﻥ ﺑﺪﻙ ﺗﺮﻭﺣﻲ ﺳﻴﺎﺭﺗﻲ ﺍﻧﺎ
ﻣﻌﻄﻠﺔ ؟؟؟؟ ﻣﺎﻓﻲ ﻏﻴﺮ ﺍﻭﻗﻔﻠﻚ ﺷﻲ ﺗﻜﺴﻲ
ﻣﺮﺗﺐ
ﺻﺎﺣﺖ ﺳﻨﺪﺭﻳﻼ ﺍﺷﻮ؟؟؟ ﺗﻜﺴﻲ ﺍﻳﻪ ﻣﺎ ﺧﺮﺝ
.. ﻣﺎ ﺑﺪﻱ ﺣﺪﺍ ﺑﻴﺮﻭﺡ ﻋﻠﻰ ﻫﻴﻚ ﺭﻭﺣﺔ ﺑﺘﻜﺴﻲ
ﻭﻟﻚ ﺗﻀﺮﺑﻲ ﺷﺤﺎﺩﺓ ﻭﻣﺸﻴﺮﻃﺔ ﺻﺎﺣﺘﻠﻚ
ﻫﺎﻟﺴﺎﺣﺮﺓ ﻃﻴﺐ .. ﻃﻴﺐ ﺭﺡ ﺍﺳﺘﺎﺟﺮﻟﻚ ﺳﻴﺎﺭﺓ
ﻣﺮﺳﻴﺪﺱ ﺍﺳﺘﻨﻲ
ﻭﺑﻌﺪ ﺷﻮﻱ ﻭﺻﻠﺖ ﻫﺎﻟﺴﻴﺎﺭﺓ ﻣﻊ ﺷﻮﻓﻴﺮ
ﻭﺭﻛﺒﺖ ﺳﻨﺪﺭﻳﻼ ﻭﺭﺍﺣﺖ ﻋﺎﻟﻌﺮﺱ ﻭﻟﻤﺎ ﻭﺻﻠﺖ
ﻛﺎﻥ ﺍﺑﻦ ﺍﻟﻤﻠﻴﻮﻧﻴﺮ ﺟﻮﺍ ﻭﺣﻮﻟﻴﻪ ﻋﺠﻘﺔ ﺑﻨﺎﺕ
ﻏﻴﺮ ﺷﻜﻞ ﻭﻟﻤﺎ ﺩﺧﻠﺖ ﻭﺷﺎﻓﺖ ﻫﺎﻟﺸﻮﻓﺔ
ﻓﻨﺠﺮﺗﻠﻚ ﻋﻴﻨﻴﻬﺎ ﻛﻞ ﻭﺣﺪﻩ ﻫﺎﻟﻘﺪ ﻭﻗﺎﻟﺖ
ﻟﺤﺎﻟﻬﺎ ﻻﺯﻡ ﺍﻧﺘﻬﺰ ﺍﻟﻔﺮﺻﺔ ﻭﺍﺧﻠﻴﻪ ﻳﻄﻠﻊ ﻋﻠﻲ
ﺍﻧﺎ ﻭﺑﻌﺪ ﺗﻔﻜﻴﺮ ﻃﻮﻳﻞ ﺭﺍﺣﺖ ﻟﻌﻨﺪ ﺍﻟﻤﻄﺮﺑﺔ
ﻭﻃﻠﺒﺖ ﻣﻨﻬﺎ ﺗﻐﻨﻲ ﻃﺐ ﻟﻴﻪ ﺑﻴﺪﺍﺭﻱ ﻛﺪﻩ ﻭﻗﺎﻡ
ﻫﺎﻟﻤﻄﺮﺑﺔ ﺭﺩﺕ ﻋﻠﻴﻬﺎ ﻭﺑﻠﺸﺖ ﺗﻐﻨﻲ ﻭﺳﻨﺪﺭﻳﻼ




ﻭﻗﻔﺖ ﺑﻨﺺ ﺍﻟﻄﺎﻭﻟﺔ ﻭﺑﻠﺸﺖ ﺗﺮﻗﺺ ﺍﺵ ﺭﻗﺺ
ﻭﻻ ﺭﻭﺑﻲ ﻣﺎ ﻋﺮﻓﺖ ﺗﺮﻗﺺ ﻣﺘﻠﻪ ﻭﻗﺎﻡ ﻫﺎﻻﺑﻦ
ﺍﻟﻤﻠﻴﻮﻧﻴﺮ ﺿﺮﺑﺖ ﻋﻴﻨﻪ ﻋﻠﻴﻬﺎ ﻭﺑﻠﺶ ﻫﺎﻟﻤﻠﻌﻮﻥ
ﻳﻄﻠﻊ ﻓﻴﻬﺎ ﻣﻦ ﻓﻮﻕ ﻟﺘﺤﺖ ﻭﺑﻌﺪ ﻣﺎ ﺧﻠﺼﺖ
ﺍﻟﻐﻨﻴﻪ ﻗﺎﻡ ﻭﺣﻜﻰ ﻣﻌﻬﺎ ﻭﻋﺠﺒﺘﻪ
ﻭﺑﻌﺪﻳﻦ ﻗﻠﻬﺎ ﺍﺵ ﺭﺍﻳﻚ ﻧﺮﻗﺺ ﺳﻠﻮ ﻣﻦ ﺷﺎﻥ
ﻧﺘﻌﺮﻑ ﻋﻠﻰ ﺑﻌﺾ ﺍﻛﺘﺮ
ﻭﻭﺍﻓﻘﺖ ﻭﺑﻠﺸﻮ ﻳﺮﻗﺼﻮﺍ ﻭﺑﻨﺺ ﺍﻟﺮﻗﺼﺔ ﻭﻟﻚ
ﺧﻴﻮ ﺻﺎﺣﻠﻚ ﺍﺑﻦ ﺍﻟﻤﻠﻴﻮﻧﻴﺮ ﺍﺵ ﺻﻮﺕ ﻭﻗﻠﻬﺎ
ﺑﺘﺘﺠﻮﺯﻳﻨﻲ ﻭﻟﻚ
ﺳﻨﺪﺭﻳﻼ ﻗﺎﻟﺘﻠﻮ ﻭﻟﻲ ﻋﻠﻰ ﻗﻠﺒﻲ ﻃﺒﻌﺎ ﺍﺵ
ﺍﻟﺸﻐﻠﺔ ﺑﺪﻫﺎ ﺳﺆﺍﻝ ﺑﺲ ﺑﺲ ﺑﺲ ﺍﺷﻮ ﺗﻘﺒﺮﻱ
ﻋﻀﺎﻣﻲ ﺑﺲ ﺍﻧﺎ ﻭﻋﺪﺕ ﺧﺎﻟﺔ ﺍﻟﺴﺎﺣﺮﺓ ﺍﺩﺭﺱ
ﻣﻨﻴﺢ ﻣﻦ ﺷﺎﻥ ﺗﻄﻠﻌﻠﻲ ﻛﻠﻴﺔ ﻛﻮﻳﺴﺔ
ﺍﻱ ﻭﺍﻟﻠﻪ ﻭﺍﻟﻠﻪ ﺍﻟﻲ ﺑﻴﺴﻤﻌﻚ ﺑﻴﻘﻮﻝ ﻳﻠﻠﻲ ﻋﻤﺎ
ﻳﺪﺭﺳﻮﺍ ﺑﻜﺎﻟﻮﺭﻳﺎ ﻋﻨﺎ ﻋﻤﺎ ﻳﻄﻠﻌﻠﻦ ﺷﻲ ﺍﺷﺒﻚ
ﺍﺵ ﻣﻔﻜﺮﺓ ﺑﻜﺎﻟﻮﺭﻳﺘﻨﺎ ﻟﻌﺒﺔ ﻭﺍﻟﻠﻪ ﻭﺍﻟﻠﻪ ﻣﺎﻟﻚ
ﻋﻠﻲ ﻳﻤﻴﻦ ﻳﻤﻜﻦ ﻫﺎﻟﻄﻼﺏ ﺍﻟﻠﻲ ﺑﺎﻟﺠﺎﻣﻌﺎﺕ
ﻛﻠﻦ ﺷﻲ ﻣﻮﺍﺯﻱ ﻭﺷﻲ ﻣﻔﺘﻮﺡ ﻳﻌﻨﻲ ﻣﺼﺎﺭﻱ
ﺗﻘﺒﺮﻳﻨﻲ ﻣﺎ ﺣﺪﺍ ﺑﻴﺪﺭﺱ ﻭﺑﻴﺠﻴﺐ ﺑﺘﻌﺒﻪ ﻛﻠﻪ
ﻋﺒﻴﺪﺭﺱ ﺑﻤﺼﺎﺭﻱ ﺍﺑﻮ ﺍﺵ ﻣﻔﻜﺮﺓ ﻭﻋﻠﻰ ﻛﻼ
ﺭﻭﺣﻲ ﺍﻧﺘﻲ ﻭﻻﻳﻬﻤﻚ ﺍﻧﺎ ﺭﺡ ﺍﺩﺭﺳﻚ ﺑﺠﺎﻣﻌﺔ
ﺍﺵ ﺟﺎﻣﻌﺔ ﺧﺎﺻﺔ ﻭﻻ ﺍﺣﻠﻰ ﻭﺍﺫﺍ ﺑﺪﻙ
ﺑﺸﺘﺮﻳﻠﻚ ﺷﻬﺎﺩﺓ ﻣﻦ ﺑﺮﺍ ﻳﻪ
ﺍﺵ ﻛﻤﺎﻥ ﺍﻟﺸﻬﺎﺩﺍﺕ ﺑﻨﺸﺮﻭﺍ ﺑﺎﻟﻤﺼﺎﺭﻱ
ﻃﺒﻌﺎ ﻭﻟﻲ ﻋﻠﻴﻚ ﺷﻘﺪﻙ ﻃﻴﻮﺑﺔ
ﺍﺵ ﻣﺎﻟﻚ ﺧﺒﺮ ﻃﻴﺐ ﻃﻴﺐ ﻣﻮﺍﻓﻘﺔ ﺑﺪﻱ ﺷﻬﺎﺩﺓ
ﺩﻛﺘﻮﺭﺍ ﺟﺮﺍﺣﺔ ﺫﺍﺕ ﺧﺒﺮﺓ ﻣﻦ ﺍﻣﻴﺮﻛﺎ
ﻭﻟﻚ ﺗﻜﺮﻣﻲ ﻋﻴﻮﻧﻲ ﺍنتي
ماتنسو تئيموني ااا خيتوووو


#2

افتراضي رد: قصة سندريلا بالهجة الحلبية ......تابع للمسابقة

تسلمي حبيبتي
إظهار التوقيع
توقيع : جنا حبيبة ماما
#3

افتراضي رد: قصة سندريلا بالهجة الحلبية ......تابع للمسابقة

تسلمى ياقمر
إظهار التوقيع
توقيع : حنين الروح123
#4

افتراضي رد: قصة سندريلا بالهجة الحلبية ......تابع للمسابقة

تسلمى يا قلبى
#5

افتراضي رد: قصة سندريلا بالهجة الحلبية ......تابع للمسابقة

مشكورة ياقمراييه
إظهار التوقيع
توقيع : sηfoorћ♪' 
#6

افتراضي رد: قصة سندريلا بالهجة الحلبية ......تابع للمسابقة

مممتاز
#7

افتراضي رد: قصة سندريلا بالهجة الحلبية ......تابع للمسابقة

ههههههههه أبو شئد حلوة هالقصة خيتو
رووعة والله كتير حلوة باللهجة الحلبية
يسلمووو حبيبتي سرور
إظهار التوقيع
توقيع : دمعة سورية
#8

افتراضي رد: قصة سندريلا بالهجة الحلبية ......تابع للمسابقة

جميلة و ممتازة
إظهار التوقيع
توقيع : عاشقة جواد
#9

افتراضي رد: قصة سندريلا بالهجة الحلبية ......تابع للمسابقة

مشكورة يا قمر

إظهار التوقيع
توقيع : حڸآۉة آڸرۉح


قد تكوني مهتمة بالمواضيع التالية ايضاً
الموضوع كاتب الموضوع المنتدى
صور سندريلا متحركة2024 جزائرية تركية صور x صور
قصة الكنز والاخوة الثلاثة_(بقلمي)_ للمسابقة princess_shosho قصص - حكايات - روايات
{ بقلمى} قصة اريج ورحلة السفر للمسابقة توتة واحلى بنوتة قصص - حكايات - روايات
قصة انجليزية مصورة للأطفال جميلة وهادفة / مشاركتى للمسابقة/ حسناء اللغة الانجليزية English
سندريلا بالخليجي اخر موضه لولو حبيب روحي فرفشة عدلات


الساعة الآن 10:41 AM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل