.gif)
أجمل قصائد بيرم التونسي 2025 , مختارات من شعر بيرم التونسى , مؤلفات بيرم
مناجاه
قريت و مليت كفايه خوف السقوط و البطاله
و كل ما ازداد قرايه بالدنيا أزداد جهاله
يا طالب العلم تنداس لو يبقى علمك بضاعه
تنفع و تستنفع الناس لو كنت صاحب صناعه
يا عالم العلم بالله يزيد في نور البصيره
و اللي استنارت نواياه يلقى الذهب في الحصيره
ان كنت تطلب رضى الله يجعل لك الناس عبيدك
و ان كنت تطلب رضا الناس أقلهم يبقى سيدك
الحلم و الصبر كنزين روتشيلد محتاج إليهم
و اللي يقولوا الكنوز فين ابكي يا عيني عليهم
صدفه
إزاى زمان النور و الحرية
صادف زمان القنبلة الذرية
يا هل ترى صدفه كده طبيعية
و لا الصدف تخفى فى حكم إلهيه
شوف لما كنا زمان الحشمة
كان ربنا ناظر لنا بالرحمه
و لما أصبحنا مجرد لحمة
اللحمة يلزمها تبات مشوية
سكتت على المنكلا قسس و مشايخ
و اللى بيوعظ زى حالى
رايح واحدة و النبي إنك بايخ
و التانيه قالت يبتليك برزيه !
الأرض
يا أرض مالك كرهتى كل سكانك في يوم زلازل و يوم يجرفنا طوفانك
و يوم عواصف و يوم يشتد بركانك راح فين بهاكى و حلمك فين و حنانك ؟
رحيمه فاضت لنا بالخير أنهارك جميله متزوقة فى وشى أزهارك
طروب تعزف لنا الأنغام أطيارك كريمه ما ينقطع نخلك و رمانك
جهل .. فقر .. مرض
الجهل قال للصنايعي : إخلف المواعيد
و قول لهم بعد بكره , و بعد بكره.. عيد
واحلف لهم بالطلاق , إن القديم دا جديد
تفوت عليه السنه , يقعد يِنِشّ و حيد
و يبتدي الفقر , و الأمراض , و التشريد
في مره يسرح بقُفَّه : يا حمش و يا لذيذ
و يوم يبيع يانصيب إن كان صنعه تفيد
و يوم في عركه العساكر يسحبوه في حديد
و لما ينصاب براجعه أو بتيفوئيد
تقول أُمه : دي عين حطت عليك يا بعيد
إظهار التوقيع
توقيع : مريم 2
التوقيع لا يظهر للزوار ..
رد: أجمل قصائد بيرم التونسي 2025 , مختارات من شعر بيرم التونسى , مؤلفات بير
إظهار التوقيع
توقيع : دوما لك الحمد
التوقيع لا يظهر للزوار ..
رد: أجمل قصائد بيرم التونسي 2025 , مختارات من شعر بيرم التونسى , مؤلفات بير
المشاركة الأصلية كتبت بواسطة دوما لك الحمد
جزاكي الله خيرا
شكراً على المرور الجميل
إظهار التوقيع
توقيع : مريم 2
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| اعرف بيرم التونسي | نونو وبس | المنتدي الادبي | ||
الساعة الآن 11:43 AM
جميع المشاركات تمثل وجهة نظر كاتبها وليس بالضرورة وجهة نظر الموقع