أو

الدخول بواسطة حسابك بمواقع التواصل

#1

مميز ماسكات طبيعية لشد ترهلات الرقبه و الصدر

ماسك الملح
بعد ما ناخد شاور نرش على الصدر ملح كتير ونكبسه، وبعدين نفركه بحركة دائرية بشكل خفيف من أسفل لأعلى وبعدين نشطف الجسم بالميه، وممكن ندهن المنطقة دي بزيت الزيتون.

ماسك الترمس لشدّ ونعومة الصدر
المقادير:
3 ملعقة ترمس مطحون
¼ ملعقة زيت ورد
ملعقة كبيرة لبن بودرة أو لبن عادي
4 ملعقة خل تفاح للخلط

الطريقة:
ضيفي الترمس على اللبن وزيت الورد، واخلطيهم كويس جدا بخل التفاح، والماسك ده بتحطّيه لمدة نصف ساعة على بشرة نظيفة من غير ما تفركي الجسم، ويفضّل يكون بعد الحمام بتاع بالليل.
ماسك الدقيق وخل التفاح لشد الصدر
المقادير:
ملعقة دقيق
1 ½ ملعقة خل التفاح
ملعقة عسل نحل

الطريقة:
ضيفي الدقيق على خل التفاح، وقلّبيهم مع بعض كويس، وبعد كده ضيفي عليهم العسل وقلّبيهم، ووزّعي الخليط ده على منطقة الصدر لمدة نص ساعة أو ساعة على بشرة نظيفة، ونشطفه بالمية.

وناخد بالنا إن الماسك ده يتكرر على الأقل من مرتين إلى 3 في الأسبوع عشان المنطقة دي حسّاسة ولازم يكون ليها عناية خاصة.

ماسك التفاح لشد ترهلات منطقة الصدر
المقادير:
عصير تفاحة كاملة

الطريقة:
ادهني منطقة الصدر من أسفل لأعلى بعصير التفاح باستخدام فرشة الصبغة، وخليكي به لمدة من 30 : 60 دقيقة لو كان سنك من 20 : 25 سنة.. ولو سنك فوق الـ30 يبقى لازم تستخدمي عصير التفاح يوميا مع إضافة ملعقة عسل نحل، وبعد كده اشطفي جسمك بالميه العادية، وادهني المنطقة دي بخل التفاح، واقعدي به.

ماسك للحفاظ على اللون الوردي لمنطقة الصدر
المقادير:
  • قطعة صغيرة فازلين
  • ملعقة صغيرة زيت زيتون
  • ملعقة صغيرة كركم
  • ملعقة لبن بودرة

الطريقة:
سيّحي الفازلين على النار، وبعد كده ضيفي عليه زيت الزيتون، واخلطيهم كويس جدا، وبعد كده ضيفي الكركم، وقلّبيهم مع بعض كويس، وبعدين ضيفي اللبن، ووزّعي الماسك على منطقة الصدر، وخاصة على المناطق الغامقة.

ماسكات لشد تجاعيد الرقبة
ماسك اللانولين




المقادير:
  • ملعقة لانولين
  • ملعقة مايونيز
الطريقة:
سيّحي اللانولين على نار هادية وضيفي عليه المايونيز، ووزّعي الماسك على رقبتك من تحت لفوق بحركات دائرية، والماسك ده مفيد لترطيب البشرة في المنطقة دي وشد التجاعيد وتغذية البشرة، وممكن تستخدميه من مرتين لثلاث مرات في الأسبوع، بس خلّي بالك إن الماسك ده ما ينفعش تحتفظي به في الثلاجة.

ماسك زيت المشمش
المقادير:
  • 2 ملعقة صغيرة لانولين سايح
  • 2 ملعقة صغيرة زيت مشمش
  • 2 ملعقة زيت لوز حلو
  • ملعقة خل التفاح
الطريقة:
ضيفي المشمش على اللانولين، وقلّبيهم كويس جدا، وبعد كده ضيفي عليهم زيت اللوز الحلو، وحطّيهم على النار لحظة، وبعد كده ضيفي عليهم خل التفاح، واحتفظي بالخليط في برطمان زجاجي، وحطّي منه على رقبتك، وسيبيه لمدة 20 دقيقة، وبعد كده اغسليها كويس، ولو عايزة تحتفظي بالماسك ده في الثلاجة ممكن تخلطي مجموعة الزيوت مع بعضها، وتحتفظي بهم وعند الاستخدام تضيفي خل التفاح.

ماسك بزيت الزيتون وزبدة الكاكاو
المقادير:
قطعة صغيرة زبده كاكاو سادة
ملعقة صغيرة زيت زيتون

الطريقة:
سيّحي زبدة الكاكاو وضيفي عليها ملعقة زيت زيتون وقلّبيهم كويس جدا، واستخدمي الخليط ده على منطقة الرقبة بشكل يومي، وممكن تستخدمي الماسك ده بعد ما تعملي أي ماسك تاني للرقبة كمرطب للبشرة.


إظهار التوقيع
توقيع : ام نيرة
#2

افتراضي رد: ماسكات طبيعية لشد ترهلات الرقبه و الصدر

حلوه جدا ماشاء الله
إظهار التوقيع
توقيع : عمرحبيب مامي
#3

افتراضي رد: ماسكات طبيعية لشد ترهلات الرقبه و الصدر

[IMG]https://**- /alfrasha/ups/u/26978/31670/395822.gif[/IMG]
إظهار التوقيع
توقيع : الملكة نفرتيتي
#4

افتراضي رد: ماسكات طبيعية لشد ترهلات الرقبه و الصدر

شكرا ياقمر
إظهار التوقيع
توقيع : ريموووو
#5

افتراضي رد: ماسكات طبيعية لشد ترهلات الرقبه و الصدر

يسلموووووووو حبيباتى
إظهار التوقيع
توقيع : ام نيرة
#6

افتراضي رد: ماسكات طبيعية لشد ترهلات الرقبه و الصدر

ماسكات جميله

تسلم ايدك

وننتظر جديدك

تحيتى
إظهار التوقيع
توقيع : sendrela


قد تكوني مهتمة بالمواضيع التالية ايضاً
الموضوع كاتب الموضوع المنتدى
أسباب الألم الصدري,ما هو الام الصدر وكيفية الوقاية منه,الاسباب المؤدية لللالم الصدر جنا حبيبة ماما العيادة الطبية
(( اقنعة طبيعية للوجه ، ماسكات لجمال الوجه )) نَقاء الرُّوح العناية بالبشرة
خلطات طبيعية تزيدك أنوثة’’مشكلة الصدر الصغير,,خلطات طبيعيه 2025 sηfoorћ♪'  زيادة الوزن والتخلص من النحافة
لتكبير وشد ترهلات الصدر بريست أكتيفز تسويق تسويق سوق عدلات النسائي العام
10 تمارين أساسية لشد ترهلات بشرة الوجه ¥~alaa ~¥ العناية بالبشرة


الساعة الآن 10:13 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل