عدلات - مش عاجبك حجابك.مش عليكى تتغطى بحجاب والله

https://upload.3dlat.com/uploads/13806525509.gif
ازيكم يا عدولاتى^^
يا رب تكونو بخير
المهم ندخل فى الموضوع
مش سعات يا زهرتى بتشوفى ناس كتير على النت ومن ناس حواليكِ بيقولو
ان دينك بيعتبرك عيب علشان كدة بيغطيكى بالحجاب
وطبعا الكلام دة كلو غلط ولازم تشيلى الفكرة دى من دماغك تماما
وتبقى عارفة كويس جدا ان اى حاجة ربنا امرنا بيها ايجابية مش سلبية
هو الموضوع ببساطة كدة
بصى حواليكى هتلاقى كل حاجة مهمة وليها قيمة ليها غطاء
زى مثلا كوكب الارض دة لية اهمية كبيرة علشان كدة ربنا احاطة بسبع طبقات من الغلاف الجوى
الخليه ليها غلاف
جسمك نفسه له غلاف وهو الجلد
طيب لية كل حاجة مهمة ليها غلاف ؟
هقولك علشان دى حكمة ربنا فى خلقة يعنى مثلا لو جبتى تفاحة وقشرتيها وسبتيها فى الهوا
هتلاقيها اسودت وباظت

طيب هتقولى ما انا ليا جلد بيحمينى وخلاص؟؟
هقولك لا طبعا لان كل ما الحاجة زادت اهميتها كل ما زاد الغطاء
زى مثلا الشريان تلاقيه متغطى ومدفون فى العضلات
والوريد لانه اقل اهميه وخطوره تلاقيه على سطح الجسم

وعلى فكره الحجاب لوحده بس
دليل على وجود الله ونبوه سيدنا محمد وان الاسلام دين حق كمان
علشان كدة عوزاكى تعرفى انك حاجة مهمة علشان كدة انتى متمسكة بالحجاب
بس كدة انا خلصت وارجوا انك تكونى استفدتى من الموضوع
ولو عجبكم اوعى اوعى تنسى التقيييم

https://upload.3dlat.com/uploads/13806525457.gif