طبعا النيش بقى هو مشكلة العصر :D وطبعا الاختلافات الرهيبة الى بتحصل بين العائلات او العرسان على النيش وهنجيب نيش ولا لا؟؟ وطبعا معظم الرجالة والبنات شايفين ان النيش حاجة مش ضرورية خالص وانه بياخد مساحة على الفاضى
ولكن هل يصلح الجواز بدون نيش :D
النهارة هنتكلم بقى عن اهمية النيش واية الى يخليك تجيب نيش وممكن تغير وجهة نظرك المعروفة والتقليدية عن النيش
https://static.wixstatic.com/media/7...ae659b~mv2.png


طبعا لما بنسمع كلمة نيش بيجى فى خيالنا موديلات النيش القديمة والكبيرة جدا زى الى كنا بنشوفها عند اجدادنا
وكمان لغاية دلوقتى لسة ناس بتحب الاستايل بتاعها وبتستخدمها.
ولكن لازم نبقى عارفين ان النيش بقى مش مقتصر فقط على اشكاله القديمة والكبيرة ولكن ظهر موديلات كتير من النيشات الصغيرة والعميلة جدا الى ممكن نستخدمها وفى نفس الوقت متاخدش مساحة كبيرة .
https://static.wixstatic.com/media/7...9625e7~mv2.jpg


.لما نتكلم على النيش واهميته طبعا لازم نذكر الجهاز الى البنات بتجيبه
وانك طبعا بتشترى كاسات وكوبايات واطباق واكيد مش بنقدر نحط كل حاجة فى المطبخ عشان المكان وحتى لو قولتى انك مش هتشترى الاطقم الكاملة والكبيرة زى الصينى كدة بس برضو مش هنقدر اننا نشترى طبقين او كوبايتين بس ونستغنى عن حاجات تانية مهمة جدا ودة لاننا بنبقى محتاجين حاجات كتيرة عشان الضيوف وعزومات رمضان <3
https://static.wixstatic.com/media/7...555b35~mv2.jpg


النيش برضو مش للاطباق والكوبايات بس ولكن فى استخدام تانى للنيش وهو الفضيات ودة برضو بيبقى نيش صغير وبيبقى اسمه دولاب الفضة وبنقدر نحط فى حاجات بسيطة والى احنا محتاجنها فعلا وكمان ممكن نحط فى صورنا واكسسوارات صغيرة بسيطة هتخلى ديكور غرفة السفرة اجمل بكتير
والفكرة دى انتشرت كتير بين العرسان ودة لانهم بيبقوا محتاجين النيش واستخدماته المتعدده وفى نفس الوقت مش عندهم مساحة للنيش الكبير.
https://static.wixstatic.com/media/7...b41659~mv2.png


يبقى كدة لازم نبقى عرفنا ان المشكلة مش فى النيش لان النيش مهم جدا ومش هو الى بيعمل الازمة فى المساحة او فى شكله وترتيبه من الداخل ولكن الحاجات الى بنحطها والى مش بتبقى مهمة ومش بنستخدمها هى دى فعلا الازمة
وعقدتنا من كلمة النيش مجرد لصور فى خيالنا عن شكل النيشات القديمة ولكن كل فترة بيطلع موديلات جديدة وعملية اكتر لازم نفكر ناخد بيها فى ديكور بيتنا :)