عدلات - حل مشكلة لا يمكن تأصيل Photoshop لأن أقراص العمل امتلأت

السلام عليكم
عاملين إيه

أنا كان عندي مشكلة لما أفتح الفوتوشوب يطلعلي رسالة مكتوب فيها
( لا يمكن تأصيل Photoshop لأن أقراص العمل امتلأت )
وبعدين عرفت إن في بنات تانيين عندهم المشكلة دي
وانا عرفت حلها فـ قولت أنزللكم الطريقة عشان تستفيدوا منها

دي ليها حلين
الحل الأول إننا نمسح البرامج الغير هامة

...

الحل التاني إننا نفتح تشغيل (Run)

طيب دي عشان نفتحها في طريقتين اعملوا اللي تحبوها

يا هنجيبها من إبدأ ( Start )

https://upload.3dlat.com/uploads/3dl...0fe9c37a11.png

يا هنجيبها من الكيبورد

قبل م أقولكم بتع الكيبورد هوضح نخليها تظهر إزاي في إبدأ للناس اللي مش ظاهر عندهم

هنجيب قايمة إبدأ ( Start )

وهندوس ف المكان الفاضي دة كليك يمين هتظهرنا كلمة خصائص ( Properties )

https://upload.3dlat.com/uploads/3dl...45b989fa42.png

أو ممكن من غير إبدأ فـ الشريط اللي من تحت اللي فيه إبدأ دة ندوس بردو كليك يمين فـ المكان الفاضي ونختارها

المهم هندوس عليها هتطلعلنا القايمة دي نختار تخصيص ( Cutomize )
بس نتأكد الأول إننا موجودي في "القائمة ابدأ" ( Statr menu )

https://upload.3dlat.com/uploads/3dl...5f8953d213.png

هتطلعلنا القايمة دي ندوس ع المربع الفاضي اللي جنب "الأمر تشغيل" ( Run command )
هنلاقي اتعمل فيه علامة صح
هندوس على موافق ( Ok)

https://upload.3dlat.com/uploads/3dl...fbf48873b4.png

بعد كدة هترجع تظهرلنا القايمة الأساسية اللي فتحناها
هندوس تطبيق ( Apply )
وبعد كدة موافق (Ok)

https://upload.3dlat.com/uploads/3dl...cd3b85cc15.png

هنلاقي تشغيل (Run) ظهرت في قائمة ابدأ

......

أما بقا إزاي نفتحها من الكيبورد
هندوس Windows+ R

يعني زرار ويندوز و حرف الـ آر في نفس الوقت

.........

بعد م نفتح تشغيل (Run)

هنكتب فيها %temp%

https://upload.3dlat.com/uploads/3dl...c840975156.png

هتظهرلنا ملفات كتييرة كدة هنمسحها

معلش مصورتش الخطوة دي عشان كنت مسحت الملفات خلاص

بعد مـ نمسح الملفات دي خلاص كدة الفوتوشوب هيتفتح عادي إن شاء الله

بس في خطوة زيادة أنا بعملها ع طول لما أمسح أي حاجة من الجهاز بمسحها تاني من سلة المهملات
زيادة تأكيد :P

دي معتقدش إنها مهم تتعمل بس جربوا لو مشتغلش بعد م تمسحوهم إمسحوهم من سلة المهملات كمان

أتمنى تكون الطريقة فادتكم وفهمتوا شرحي اللي مش بيتفهم دة :P

مع السلامة