عدلات - بيتزا بالجمبرى,اجدد طرق لطهى البيتزا بالجمبرى 2024,احلى والذ بيتزا 2024,طرقيتي لطهى

عدلات (https://adlat.net/index.php)

- المعجنات والفطائر (https://adlat.net/forumdisplay.php?f=199)

بيتزا بالجمبرى,اجدد طرق لطهى البيتزا بالجمبرى 2024,احلى والذ بيتزا 2024,طرقيتي لطهى

https://upload.3dlat.com/uploads/3dl...6ae76396f1.gif
طبعا كلنا بنعشق البيتزا وبالذات هالنوع وكمان في المطاعم غالية اوووووى انا روحت مطعم وشوفت الاسعار وااغلى سعر البيتزا بالجمبري
عارفين عندنا بكام عندنا المتوسط ب50 جنية!! وكمان اصلا الطبق صغير
طيب ايه رائيك نعملها احنا الذ من اللى في المطاعم اه مانخليش حد يضحك علينا علشان عارف اننا ستات مش شاطرين لا احنا اللى هنضحك عليهم وتحدي
خلاص خلاص هادخل في الموضوع عارفة انى رغيت كثير اووى
الاول طبعا لازم نعرف وقت التحضير والطبخ وتكفي لكام شخص علشان نشوف تناسبنا ولالا صح ولا انا غلطانه؟
وطبعا هقولكم اومال انا جاية لية يعني
البيتزا تكفى الى 4اشخاص
وقت التحضير:نصف ساعة
وقت الطبخ:ربع ساعة
____________
والان معكم المقادير
2كوب ونصف دقيق
ملعقة خميره جافه
1/2 كوب ماء دافي
ملعقة طعام زيت زيتون
واقل من ربع معلقة صغيرة ملح
________________________
ودلوقتي هنعرف حاجة مهمة ازاى نزينها كدة ونخلى البيتزا جميلة اومال هتكسبي التحدي ازاى
مخلل زيتون اسمر و ليمون مخلل
3 فلفل
3طماطم
جبنة شيدر
نصف كيلو جمبري حجم صغير ويكون مقلى
برطمان صلصة الكبير ب4 جنية
3فصوص ثوم وافروميهم
جبنة موزريلا
________________________
ودلوقتى هنخلى الجمبرى جاهز
يغسل الجمبري جيدا و يصفى. يتبل الجمبري بالثوم وعصير الليمون والكمون والملح والفلفل ويترك في التتبيلة ساعة
نضع الجمبري في البيض والدقيق ثم البقسماط
ويسخن الزيت جيدا ثم يقلي في الزيت
الطريقة
ينخل الدقيق وتجهز الخميرة في قليل من الماء .اعجني المقادير حتى تتجانس ثم امسحي وجه العجينة بزيت الزيتون وتترك ساعة لتخمر
بعد تجهيز صلصة البيتزا ، افردي العجينة في الصينية المناسبة ، بحيث تكون العجينة متوسطة السمك .
- تترك العجينة مفرودة لمدة ساعة إن أمكن حتى تصبح هشة وتستوي بسرعة .
يسخن الزيت مع الطماطم والفلفل حتي تذبل قليلا
تفرد الصلصة وهي عبارة عن معلقتين صلصة جاهزة +ثوم مفروم
علي البيتزا ونرص فوقها الجبنة المتزريلا والشيدر والجمبري ونضع حول البيتزا
دائري شرائح الطماطم والفلفل والمخلل ونضع الجمبري فوق البيتزا
يلا كدة توومااام على الاخر
ده شكلها

https://upload.3dlat.com/uploads/3dl...15_9e46_th.jpg

ودول هدية لكل اللى هيقيمو ويردو

https://upload.3dlat.com/uploads/3dl...9e46_th-1-.jpg

ودي لاول واحد ترد

https://upload.3dlat.com/uploads/3dl...9e46_th-2-.jpg

الى اللقاء في موضوع اخر ياعدولات
متنسوش التقييم
https://upload.3dlat.com/uploads/3dl...33090cf3c1.gif