https://upload.3dlat.com/uploads/3dl...62fc40e3c1.gif
ازيكم يا بنات عاملين ايه
يارب تكونو بخير
النهاردة معادنا مع اول بارت من الحملة وهيكون عن تنظيف الاوضة بتاعتنا
بالنسبة لاسم الحملة اختارنا اسم "دلعي نفسك ومتضيعيش وقتك "
عشان الاستطلاعات متعطلة فالمنتدى ولو كنت استنيت مكنتش هلحق
عشان ما أرغيش كتير ادخل فالموضوع
الموضوع كتابته كبيرة بس لو لخصتيه فى دماغك هتلاقيه سهل وبسيط جدا ابسط مما تتخيلي .
اوضتنا هى ممكلتنا اللى عايشين فيها وعارفة ان البنات طالعة من امتحانات والاوضة عاملة كدة
https://upload.3dlat.com/uploads/3dl...93ae70d3c1.jpg
ملحوظة : اوضتي كانت اكتر من كدا :11::11::11::11:
دلوقتى بقت فلة فلة فلة :30::30::30::30:
هقولكم بقي انا عملت ايه
اول حاجة لازم يكون عندك ارادة انك هتخلصي تنظيف الاوضة النهاردة . امتى النهاااااااااااااردة
تانى حاجة وانتى بتنظفي الحتة اللى تخلصيها مترجعيلهاش تانى
تالت حاجة ودا الاهم تشغلي قران وانتى شغالة وتكون مثلا سورة انتى حافظاها وترددي مع الشيخ
هتسمي الله وتدخلي المطبخ بتاعكم
تعملي ماية كدة عليها ديتول او اى منظف ومطهر او حتى ماية فاضية كدة وخلاص
ومعاكى حاجات للمسح كتيييييير :19::19::19:
وتجيبي ملمع زجاج وملمع خشب وورق جرايد ( هقولك هنعملو بيه ايه تحت ) وتجيبي المكنسة الكهربائية وكيس للحاجات اللى هنرميها وممكن فرشة سجاد معاكى او ممكن تستغنى عنها بس انا اشتغلت بيها فالاوضة ومعطر
تدخلي الاوضة وتقفلي الباب عليكي كدة وتبدأي تشغلي القران عالموبايل او عاللاب او اي حتة
وتبدأي المعركة :s (21)::s (26):
اول مكان انا دخلت عليه كان الدولاب كان عامل كدة اكيد
https://upload.3dlat.com/uploads/3dl...3262cb4c81.png
تدخلي لو مترب شيلي الهدوم منه خالص وامسحي وبعدين طبقي الهدوم وحطيها بطريقة حلوة كدة ورشي معطر واقفلي باب الدولاب وبعدين خشي عالدرفة اللى ف النص اللى بنعلق قيها فى الشماعات دى رصي الهدوم يعنى علقي البنطلونات فى حتة والجيبات فى حتة والطرح فى حتة والتيشرتات والباديهات ....الخ
وهاتى الهدوم من ورا الباب افرزيها شوفي النضيف منها علقيه واللى مش نضيف وديه يتغسل
وغالبا كله حيروح عشان يتغسل :13::13::13::13: وبعدين اقفلي ورشي معطر برضو بس مترشيش كتير عشان الريحة متمسكش فالهدوم قوي احنا بس عايزين واحنا بنفح الدولاب نشم ريحة حلوة متتعامليش مع المعطر على انه طفاية حريق الله يكرمك
وبعدين اطلعي برة الدولاب من برة بقي وامسحي بملمع الخشب كدة
ولو فيه مراية فالدرفة اللى ف النص امسحيها بملمع الزجاج والجرايد
ليه الجرايد عشان الجرايد مش بتسيب وراها بعد المسح حاجات زى الاقمشة العادية وعن تجربة والحكاية دى ماما قالتلي عليها وبعد كدة الدولاب بقي فلة اقفليه واوعى ترجعي تفتحيه تانى لحد ما تخلصي الاوضة كلها
تانى حاجة تدخلي عليها السرير
تشيلي البطاطين وتنشريها فالشمس وتغيري الهدوم بتاعة المخدة وتنشريها برضو وتغيري الدفاية او الملاية اللى بتبقي تحت دى وبعدين تجيبي ملمع الخشب واديلو ادى اديلو من كل حتة :yahoo:
وبعد ما تخلصي هاتى الحاجات من الشمس وافرشيها وطبقي البطاطين عشان تكونى خلصتي السرير ومترجعيلهوش تانى
تالت حاجة حنروح للتسريحة
اول حاجة هنشيل الحاجات اللى عليها ونمسح بملمع الزجاج والجرايد المراية والزجاج ونرص الحاجات تانى لو الادراج مش مرتية رتبيها ولو متربة شيلي الحاجات اللى جوة وامسحي ورصي على نضافة
وامسحي من برة بملمع الخشب وكدة خلصنا التسريحة
نخش عالمكتب :20::20::20::20:
الكارثة واللى طبعا عامل كدة
https://upload.3dlat.com/uploads/3dl...faccd63171.jpg
بما اننا بقي طالعين من مدارس امسكي الكراسات بتاعتك وقطعى منها الورق الفاضي وجمعيه فى دوسيه وابعتيه المكتبة
بتدبس :155::155: عشان تذاكري انتى فيه فأيام المدرسة
وبعد كدة شوفي الحاجات اللى ليها لازمة والحاجات اللى ملهاش لازمة ارميها وبعد كدة شيلي الحاجات اللى انتى محتجاها على جنب وبعدين امسحي المكتب بملمع الخشب وبعدين حطى الحاجات بطريقة حلوة كدة وبعدين امسحي كرسي المكتب برضو
وبعدين الحاجة اللى قبل الاخيرة الباب
هتلاقي عليه تراب متجمع فالجوانب كدة امسحي الباب كله بالملمع عشان لو علقنا هدوم ورا الباب متتوسخش
وبعدين ندخل عالارض بقي عايزة تشيلي السجاد وتكنسي وتكبي ماية وتمسحي ماشي
بس انا معملتش كدة انا كنست على طول بالمكنسة الكهربائية وبعدين جبت فرشة السجاد ومشيت بيها عالسجادة
عملت ايه بقي بتشيل الشعر اللى بيقع مننا واحنا رايحين جايين فالاوضة ويلزق فالسجادة وبيبقي شكله وحش
ففرشة السجاد بتشيله وانصحك بفرشة السجاد القصيرة مش الطويلة لأنها بتشيل اكتر واسرع
اللى هي زي دى
https://upload.3dlat.com/uploads/3dl...f3d17dc581.jpg
وبعدين تبصي فالاوضة لو عايزة تعملي اي تعديل فالحاجات اللى رصتيها وبعد كدة ترشي معطر للأوضة وتقفلي الشباك والباب
وتعملي حظر تجول يمتع تجول اخواتك او عيالك فالاوضة :19:ونصيحة منى كهربي الاوضة:24:
وبكدة انا خلصت اول بارت
البارت بسيط لو ركزتى فيه شوية
الحاجات دى انا عملتها كلها والاوضة مأخدتش منى فى تنظيفها ساعتين
اتمنى انه يكون عجبكم وتتابعونى فالبارتات الجاية ان شاء الله
سيبولي تعليقاتكم تحت ولو عندك اى ملاحظة اكتبيها
شايفاكى ياللى ماشية من غير تقييم :221:
الموضوع حصرى ومش عند اى حد
محتاجة تشجيعكم يابشر وتقيماتكم
واشوفكم فى بارت جديد
ومع السلامة
https://upload.3dlat.com/uploads/3dl...2432511c82.gif