عدلات - غلط واتعلمتى منه ✔✘ツ مش عيب انك تغلطى العيب انك تستمرى فى الغلط

عدلات (https://adlat.net/index.php)

- فتيات تحت العشرين (https://adlat.net/forumdisplay.php?f=55)

غلط واتعلمتى منه ✔✘ツ مش عيب انك تغلطى العيب انك تستمرى فى الغلط

https://www2.0zz0.com/2015/03/20/21/960421025.gif
مين فينا مبيغلطش؟؟ اكيييد كلنا بنغلط ولو مكناش بنغلط مكانوش عملوا للقلم الرصاص استيكة !الا......هم من الخطا اننا نتعلم منه
نتعلم منه ونعرف انه غلط ونكبر ونفهم ان دة غلط ودة غلط

:130047:
ايه هو الخطا الاول:
الخطا هو انك تعملى حاجة مخالفة للى كان لازم تعمليها
مثلا مثلا اخوكى عمل حاجة وانتى روحتى فتنتى عليه لمامتك كان المفروض انك تنصحيه مش تفتنى عليه هو دة الخطا

:130047:
يااااااااه لو الدنيا مفيهاش اخطاء كنا زمانا دلوقتى متحرمناش من المصروف ولا اضربنا
انتى شايفة كدا ان الاخطاء ملهاش لازمة
ولو فعلا الاخطاء ملهاش لازمة مكانش ربنا خلاها فى حياتنا
كل حاجة فى الكون ليها فايدة وليها عمل
كلنا غلطنا وبنغلط مفيش حد معصوم من الغلط

:130047:
مش محتاجين اننا نعرف ايه الخطا اللى عملناه قد ماحنا محتاجين اننا نتعلم منه
عشان منعملهوش تانى
لاننا مبنبكيش ع اللبن المسكوب

بس مفيش مانع انك تبكى عليه وتحسى بالذنب
لكن متخليش مشاعرك تسيطر عليكى عشان بعدين هتبررى لنفسك ومش هتتعلمى من خطاك

والمفروض انك كمان تتعلمى من اخطاء اللى حواليكى مش من اخطائك وبس

لكن فى ناس شجاعه بتتعلم من خطائها وفى النوع اللى هو خلاص حياته وقف ع الخطا اللى عمله
ي جماعة التجارب والخبرات اللى بناخدها من الحياة هى غالبا حصيلة الاخطاء

اهم حاجة انك تعرفى ايه اخطائك وفى الكتييير اوووى منا انهم بيبصوا للاخطاء ع انها مش اخطاء اصلا

:130047:
اسئلة ممكن تساعدك

هل ندمتى انك عملتى حاجة زمان واتمنيتى انك مكنتيش تعمليها؟؟
شوفتى حد عمل حاجة حلوة واتمنيتى تكونى انتى اللى عملتيها؟؟
ايه اللى هيحصل لو الزمن رجع بيكى لورا هل مش هتعملى الاخطاء اللى عملتيها
؟؟؟!

:130047:
نقاط مهمة :
مش عيب انك تغلطى العيب انك تستمرى فى الغلط

حاسبى نفسك قبل مالناس تحاسبك

متكونيش ع اخطائك محاميه وعلى اخطاء الناس قاضية

:130047:
ايه اللى هيحصل لو انا اهديتك اخطائك هل هتعتبريها هدية ولا هتعتبريها اهانة وهفتكرينى بدخل فى اللى مليش في
كتييير اوووى بيفتكر انه مبيغلطش ودول مساكين عايشين فى وهم انهم ناس كويسة وملايكة وفى جو من المجاملات الكاذبة

:130047:
ايه هيحصل لو شوفتى حد بيعمل غلط
هتروحى وتعملى ايه اكيد هتروحى تنصحيه وفى ناس كمان بتبقى مفكرة نفسها بتنصح
انا هقول اللى بيحصل فى ناس تشوف واحد عامل خطا وبهدوء تاخده ع جمب وتفهمه غلطه وازاى يتعلم منه
وفى ناس بقه الخطا الصغير بتكبره وتضخمه وتعمله مشكلة وتجيب كل الناس عشان تشهد مين اللى صح وصدقينى طول مانتى بتنصحى حد قدامك بطريقة انك احسن منه عمره ماهيسمع لنصيحتك ابداا

:130047:
تعبت فى الموضوع جدا ياريت رايكم فى الموضوع وتقيمونى

https://www4.0zz0.com/2015/03/20/21/920944530.gif