عدلات - مشكلات يواجهها الآباء في تربية الأبناء ، وطرق حلها

https://upload.3dlat.com/uploads/3dl...94795aee81.gif

كتير من المشاكل بتواجهنا في تربية أولادنا وبناتنا ومع كل مشكلة لازم الام تبقي على قدر من الهدوء وهى بتحل المشكلة لانى لو هى كانت عصبيه أو مش مستوعبه المشكلة ، بدل ما تبقي صغيره هتكبر اكتر واكتر وانا بحكم أنى كان معايا توام فالمشاكل بتيجي دبل يعنى مضروبه في 2 دايما ه*ههههههههه مش مشكلة كله بيعدة

https://upload.3dlat.com/uploads/3dl...8ec18dc1d1.jpg

••••••••••••••••••••••••••••••••••

اول المشكلات اللي قبلتنى مشكلة التبول اللا ارداى

اما ولادى دخلو الحضانه بعد فتره لقيت واحد من الأولاد بيعمل حمام بالليل بعد ما كان بيقوم يروح الحمام لوحده
انا كام هفكر أنه بيدلع وهبتى بالعقاب زى ما اى ام كتير حواليا بيعملوا بس لا انا درست تخصص رياض الاطفال وبحكم أنى عارفه أنه ممكن يكون في مشاكل تانيه ماتسرعتش
والنتيجه بعدها بكام يوم بانت لوحدها صراحه
كان ابنى عصبي من صغره وهو لسه ما تمتش اربع سنوات والميس في الحضانه عاوزاه بقدره قادر يكتب ويمسك القلم والحروف تطلع مظبوطه
بحكم أنه عصبي وهى ما فيهاش ضربته ولقيته بيعيط ويقولى مش عاوز اروح الحضانه عكس اخوه بيحب يروح
ورجع يوم وشه معلم عليه كف محترم واحمر انا شفته وكمان جده شافه في الوقت ده قلت مش هيروح تانى وهغير الحضانه
الحضانه كانت كبيرة كانت زي المدرسة كده قاعات كتير وفصول
والدى الله يرحمه تانى يوم اخد الاولاد ورحت انا وهو طلب المديره وأتكلم معاها ونقلنا الاولاد قاعه تانيه والمدرسة اخدت جزائها برده والولد رجع تانى ما يعملش حمام بالليل
بس بعد كام شهر رجع تانى التبول اللا ارداى
والسبب كان في ايه ، املاح زايده والتهاب في مجري البول
والسبب
الشيبسي ، والمسليات الخاصة بالأطفال اللي كلها املاح
طبعا مع العلاج الحمدلله الموضوع اتحسن ومابقاش موجود

••••••••••••••••••••••••••••••••••••••••••••

تانى مشكلة قابلتنى الغيره

الغيره حاجه مش سهله بين الأطفال ولتفادى الموضوع ده عاوزه اقولكم أنه كنت بجيب كل حاجه اتنين اللبس ، الالعاب ، حتى الادوات الشخصية ، لحد ما بدؤا يفرقوا بين الألوان وده بيحب اللون ده والشكل ده ، ومازلت حتى الآن بجيب من معظم الحاجات اتنين

••••••••••••••••••••••••••••••••••••••••

المشكلة التالته التسلط

واحد منهم عاوز التانى دايما يلعب وينفذ اللي هو عاوزة مره على مره الخناق اشتغل لأنهم مش بيتفقوا على حاجه واحده وكل واحد فيهم عاوز التانى يلعب معاه على مزاجه
المشكله بدأت اما دخلوا المدرسة وبدأوا يفهموا اللي حواليهم
منقول نضرب مش هينفع الضرب مش حل ، طيب نعلى الصوت ونزعق ونصرخ فيهم برده مش حل المرات الاولى كنت بقعد أراضيهم
ايه رايك تلعب دى شويه ، وبعدين تلعب اللعبه التانيه بعدها
وكنت أفهمه يا حبيبي كده غلط مش هينفع تخلي اخوك يعمل اللي انت عاوزه دائما ، حط نفسك مكانه هترضي ، ومره تالته كنت امنع اللعبه عنهم لحد ما يتفقوا ، وغالبا بيبقي الخناق على الكرتون :14:

••••••√••••••••••√•••••••••

العند واه من العند والعناد

https://upload.3dlat.com/uploads/3dl...72f3bb4db2.jpg

أما واحد من الاتنين بقي يمسك في حاجه ويعاند ، او يبقي عاوز حاجه
والعند ده بقي حاجه كده بيكرهها باباهم ودائما أن كان الموقف قدامه يبقي آخرها عقاب
انا فاكره مره كنا رايحين عند جد الاولاد وكان واحد منهم عاوز يقعد في البيت لوحده يتفرج على الكرتون وكنا في العيد وطبعا احنا بنروح الصبح من ١٠ لحد بعد المغرب
قعد يعيط ويقول مش عاوز وباباه يزعق ويقول يعنى ايه ، بقولك هنروح والله حسيت ان الاتنين اطفال قدامى
بدل ماباباه يقنعه يجي معانا راح عاند معاه طيب والله حاضر
مش هتتخيلوا راح شال فيشه التلفزيون وقصها بالنقص عشان ما يعرفش يشغلوا
وقالوا خاليك هنا بقي هه ونزلنا وانا اعيط واقوله طب هقعد معاه وروحوا انتوا يقولى لا وفعلا خلانا نزلنا وسبناه لوحده

رحنا عند جد الاولاد وهو لاحظ أن فيه حد مش موجود بعد ماعر ف اللي حصل ههههههه انا فاكره ساعتها قالوا هات المفتاح وقالي ياللا انزلى قدامى كان عدى ساعه ورجعنا لقيناه قاعد في الصالون ، وحواليه كل الالعاب بتاعته وجنبه طبق بسكوت وقاعد يلعب وياكل ولا همه جده كان يبوس فيه شويه ويقوله والله ياحبيبي هعاقب بابا اما نروحلوا
النهايه يا جماعه كان ممكن الموقف يتحل بحاجة وسط يعنى الطفل عشان ياخد منك حاجه بيتحايل عليكم ، لازم نفكر زيهم ونتحايل عليهم :13:

https://upload.3dlat.com/uploads/3dl...1637db0e43.gif

وكفايه بقن ايديا وجعتني :12:

https://upload.3dlat.com/uploads/3dl...ec0e13b992.gif