عدلات - فقرة نظم حياتك 2من برنامج لمة رمضان

عدلات (https://adlat.net/index.php)

- دردشة عدلات (https://adlat.net/forumdisplay.php?f=76)

- - فقرة نظم حياتك 2من برنامج لمة رمضان (https://adlat.net/showthread.php?t=292019)

فقرة نظم حياتك 2من برنامج لمة رمضان

السلام عليكم ورحمة الله وبركاتة
ازيكم ياعدولات
لقد حان موعد الجزء التانى من فقرة نظم حياتك

https://upload.3dlat.com/uploads/3dl...8fd09462e1.gif
معلش انا عملتلكم الفقرة النهاردة بدرى شوية علشان انا معزومة النهاردة

والنهاردة هنتكلم عن الميزانية وهنعرف مع بعض ازاى تقدرى تعملى ميزانية مظبوطة لبيتك
احنا الحلقة الى فاتت كنا اتكلمنا عن نبذة مختصرة النهاردة نتكلم بتوسع شوية
نبدأ بسم الله.
طبعا احنا عارفين ان البيت بيحتاج مصاريف كتير فى رمضان او غير رمضان
فممكن لو كل ست بيت حطط لنفسها نظام معين تمشي علية من غير ماحد يلغبطهولها اكيد هتعيش مرتاحة
انا بس كنت اوجه كلمة للست الى بتنزل كل يوم السوق واقولها ..لية؟
لية بتنزلى كل يوم السوق وتروحى تجيبى دة ودة واصلا النزول كل يوم دة كارثة صدقونى .
انتى لو نزلتى مش هقولك كل اسبوع قولى كل اربع او خمس ايام
اية المشكلة ..دا احسن واوفر بكتيييير وجربى كدة
هاتى خضار وطبختين مثلا واول الشهر هاتى لحمة او فراخ وحطيهم فالفريزر
طبعا احنا مش كل يوم بناكل لحمة او فراخ بس عالاقل هتبقى متطمنة انك فى بيتك اكل .
انا عن نفسي بنزل اول الشهر اجيب كدة واحطهم فالفريزر
انا عارفة ان فى ناس مابتحبش تاكل الحاجات دى من الفريزر
مع ان هوة دة الاحسن لان الفرخة لازم قبل ماتتطبخ تتحط فالفريزر علشان الخلايا بتاعتها تموت وتستوى بسهولة
ياجماعة الست الى مصروفها بيخلص من نص الشهر هية الى غلاطانة
جربى متنزليش كل يوم وهتلاقى نفسك وفرتى اكتر من الاول
تانى حاجة بقي رمضان...
انا عن نفسي لما بروح اجيب ياميش رمضان بحط لنفسي مبلغ معين علشان اقدر اجيب الياميش منو ومبكترش وعارفين كمان بكون عاملة جمعيه صغيرة اوى للحاجات دى وبحاول اشوف الحاجة الى عليها عروض ومش لازم اروح اجيب المستورد الى هوة اغلى حاجة بجيب الصناعة المحلية النظيفة.
ومافيش مانع من كل وقت للتانى ابر على نفسي وعلى اولادى بحاجة غالية شوية علشان محسش اننا ناقصنا حاجة.
مش عايزة اسمع كلمة الفلوس مش بتقضى اة انا معاكى ان كل حاجة بتغلى
بس هنعمل اية لازم ناكل .
حطى لنفسك ميزانية واعملى لحياتك نظام بلاش البعزقة والفشخرة الى ملهاش لزمة مش لازم اروح اجيب لولادى اغل هدوم فالعيد علشان يبقو شيك
الاهم انهم يكونو محترمين ونضاف
وعادى ممكن تجبلهم هدوم لاسعار مناسبة ونفس الهدوم الغالية بس من مكان ارحم شوية.
ودة برضو عايز حلقة خاصة
وكفاية عليكى كدة النهاردة
ياريت ماكنش دوشتك وياااارب اكون افادتك

https://upload.3dlat.com/uploads/3dl...65044578a2.png