عدلات - موس شيكولاتة كاذب موس شيكولاتة

عدلات (https://adlat.net/index.php)

- الحلويات الشرقية والغربية (https://adlat.net/forumdisplay.php?f=11)

- - موس شيكولاتة كاذب موس شيكولاتة (https://adlat.net/showthread.php?t=172145)

موس شيكولاتة كاذب موس شيكولاتة

مستغربين من كلمة كاذب اصله طعم موس الشيكولاتة بس من غير الغلبة الكتير بتاعتها ولا بيض ولا مارينج ولا حاجة خالص وطعمة زى موس الشيكولاتة والاولاد بيحبوه جداً
يالا نشوف مع بعض
2 باكو بسكويت سادة كبير مفتت
1 كيلو لبن
سكر حسب الرغبة
4ملاعق بودرة مهلبية شيكولاتة ( انا بموت في مهلبية ماى واى) الشيكولاتة بتاعتها تحفة
ملعقة زبدة وممكن الاستغناء عنها
شيكولاتة جلاكسي وممكن الاستغناء عنها
الطريقة
نضيف السكر وبودرة المهلبية ( النشا والشيكولاتة) للبن البارد ونقلب جيداً حتي يذوبوا
ثم رفعهم علي النار ونستمر بالتقليب علشان ما يكلكعش وممكن ندوب شيكولاتة جلاكسي في اللبن لطعم اغني
بس انا ما عملتش كده علشان ما تبقاش تقيلة قوى علي الاولاد
https://upload.3dlat.com/uploads/13803083361.jpg
نفتت البسكوت في طبق بيركس للتقديم ونضيف عليه ملعقة زبدة صغيرة مذابة ويقلب جيداً (ممكن نستغني عن الزبدة للاطفال)
نضيف ملعقتين ثلاثة من المهلبية للبسكوت ونقلبه حتي يختلطوا سويا
https://upload.3dlat.com/uploads/13803083362.jpg
https://upload.3dlat.com/uploads/13803083363.jpg
ثو نفرد البسكوت في الطبق ونضع عليه باقي المهلبية ونساويها ونتركها حتي تبرد وتوضع في الثلاجة اقل حاجة ساعتين علشان تسقع وتبقي جميلة
https://upload.3dlat.com/uploads/13803083364.jpg
وبألف هنا وشفا