عدلات - فقرة نظم حياتك من برنامج لمة رمضان

عدلات (https://adlat.net/index.php)

- دردشة عدلات (https://adlat.net/forumdisplay.php?f=76)

- - فقرة نظم حياتك من برنامج لمة رمضان (https://adlat.net/showthread.php?t=291638)

فقرة نظم حياتك من برنامج لمة رمضان

السلام عليكم ورحمة الله وبركاتة
ازيكم حبايبى كل سنة وانتو طيبين
النهاردة اول حلقة من فقرات نظم حياتك من برنامج لمة رمضان
وانا الى هقدملكم الفقرة دى
https://upload.3dlat.com/uploads/3dl...9664ab36c1.gif
وفى الفقرة دى هنكلم عن تنظيم الوقت والحياة فى رمضان
طبعا الميزانية دى عايزة قاعدة.
بس ممكن اقول حاجة خفيفة كدة بالنسبة للميزانية
طبعا احنا عارفين ان الميزانية هية مصروف منغير جدال
وطبعا اكتر الناس ميزانيتهم بتتخرم فى نص الشهر
ودا بيبقى نتيجة للمصروفات الغير لازمة لو كل ست بيت حدد احتياجتها المنزلية ووضعت ليها ميزانية خاصة هتعرف تنظم حياتها على قد المرتب
طبعا انا عارفة ان فى مصاريف بتتطلع من تحت الارض بس ربنا بيسترها والله
انا طبعا مش هحطلك رقم ولا احددلك نظام انتى ادرى بمصروف بيتك وعددافراد اسرتك
دى نبزة سريعة عن الميزانية ولنينا تكملة للميزانية لانها عايزة موضوع ليها هية بسسسسسسس

نرجع لتنظيم الوقت فى رمضان..
عايزة اقولك انك مش لازم تقضى كل يومك فالمطبخ وعمل الفطار
رمضان شهر الخير والبركة رغم ان ايامة قصيرة بس ربنا بيبارك فيها
اولا . حاولى انك تقضى فرض صلاتك فى وقتها صدقينى والله دة هيريحك كتير اوى وهتلاقى وقتك فية بركة وبعدين حطى لنفسك ورد يومى من القران وقسمية على صلواتك كلها.
يعنى ممكن تحددى جزء وتقرأى مثلا بعد كل صلاة حوالى اربع صفحات هتلاقى نفسك على اخر اليوم خلصتى جزء وفى نفس الوقت مش بياخد وقت كبير زى لما تعدى تقرأى الجزء على بعضة.
وهيبقى عندك وقت لتنظيف منزلك والاولاد والتنشير هههههه
اناعن نفسي فى رمضان بدخل المطبخ بعد العصر بس بكون خلصت تنظيف البيت وكل حاجة تانية عشان يكون فاضل ورايا الاكل بسسسس
وطبعا لما بيكون عندى عزومة بعمل الاكل بدرى بيبقى واقف عالتسخين بس
علشان لما الضيوف يجوا اكون خلصت كل الى ورايا وقاعدة معاهم براحتى

بالنسبة للاكل بقي اعمل اكلك بكميات محدودة علشان مايبقاش اكل ولو اتبقى حرام ترمى الاكل فالزبالة لو حاجة مطبوخة حطيها فالفريزر ممكن تبقى تتطلعية بعدها بتلات او اربع ايام مع الاكل اهوة اسمك بتنوعى برضو
او لو ارز مكرونة
ممكن تبقى فالتلاجة لمدة يومين ولو هترمى الاكل ياريت يكون فى كيس لوحدة بنية ان غيرك يستفاد بية عشان ميبقاش حرام يعنى اقصد دابة من دواب الشارع
كفاية عليكو كدة النهاردة
يارب اكون افادتكم ويارب اكون ضيفة خفيفة على قلوبكم
واشكر اختى وحبيبتى
[MENTION=96084]احبك ابي[/MENTION];
لانها اختارتنى اقدم الفقرة دى
ولينا لقاء اخر يوم الاحد انشاء الله علشان اقولكم المزيد
وفى الختام سلام لكل العدولات
فقرة نظم حياتك مع .ام مالك
فى رعاية الله.