لما نيجى نختار باب المنزل او ابواب الغرف لازم نختارها بعناية واهتمام فائقين.
.لان باب الشقة بيبقى هو واجهة المنزل وهو الى بيعبر عن جمال ديكور شقتك
وكمان الابواب الداخلية للمنزل(ابواب الغرف) ليها عامل اساسى فى اظهار ديكور بيتك وممكن لو اخترنا ابواب غلط او شكلها مش حلو دة هيغير شكل الديكور خالص الى شكل سئ جدا.
عشان كدة النهاردة هنتكلم على انواع الابواب واية بيدخل فى صناعتهم عشان نبقى فاهمين احنا بنشترى اية.
https://static.wixstatic.com/media/7...ea0d45~mv2.jpg


الابواب الخشبية:
- من اكتر انواع الابواب استخداما هى الابواب الخشبية ودة لشكلها الجميل والفخم فى البيت والنوع دة بيستخدم اكتر فى الابواب الخارجية يعنى باب الشقة الرئيسى من ابواب الغرف.
- حتى لو بيتك صغير او كبير الابواب الخشبية المعمولة من اخشاب الزان الاحمر وخشب البلوط بتدينا احساس بالاناقة والتميز.
- بتتميز الابواب الخشبية بصلابتها وقوة تحملها ودة يخليه يستحمل معانا لفترة اطول ومنحتاجش نغيره كل شوية
- وممكن ندهن الابواب الخشبية بلون يليق على ديكور البيت عندنا ومن اشهر الالوان المستخدمة فى الابواب الخشبية هى درجات اللون البنى.
بس ممكن ندهنه اى لون يعجبنا ويليق على الديكور.
https://static.wixstatic.com/media/7...acafbc~mv2.jpg




https://static.wixstatic.com/media/7...f4f7ec~mv2.jpg


ابواب الاستانليس ستيل:
بتعتبر ابواب الاستانليس ستيل من الابواب الى بدأ استخدامها فى الفترة الاخيرة ودة لصلابتها وجودتها وكمان بيتميز بمقاومتة للصدأ وكمان عوامل الجو المختلفة وشكله الانيق والمتميز جدا. الى اجبر عدد كتير من الناس على استخدامه . وممكن نضيف الزجاج مع ابواب الاستانليس ستيل هيدينا شكل فخم جدا.

https://static.wixstatic.com/media/7...d63b0f~mv2.jpg


أبواب التجليد:
النوع دة من الابواب بيستخدم اكتر فى غرف المعيشة و غرف النوم والحمامات يعنى بمعنى انه بيستخدم فى الابواب الداخلية للشقة
وابلاكاج التجليد بيبقى مصنوع من الخشب الزان والقشاط برضو بيبقى من الخشب الزان .

الباب الحديدى:
الابواب الحديدية بتتميز بالزخرفة بتاعتها وديكورتها الكتير يعنى فى منه بنوافذ زجاج انيقة جدا وصغيرة وكمان فى منه ابواب بتكور فيها اطر ذهبية شكلها مميز جدا

الابواب الحشو :
النوع دة من الابواب بيستخدم فى مداخل المبانى والشقق وكمان المبانى الادارية وبرضو بتستخدم فى صناعتها الاخشاب عشان صلابتها زى خشب السويد

الابواب الجرارة:
تستخدم فى الابواب الداخلية وبتتكون من ضلفة او ضلفتين وممكن يكون ليها مجرى مخصوص للحركة على عجل فوق الباب

الابواب السبرس :
ابواب السبرس برضو فى اغلب الاوقات بتتعمل من الخشب وبالاخصل خشب السويد وبتتكون من الواح خشبية منفصلة بتتجمع مع بعض عن طريق التعشيق

الابواب المنطبقة :
النوع دة بيستخدم فى الابواب الداخلية وبتتكون من اكتر من ضلفة وحركتهم بتبقى على عجل داخل مجرى خاص لكل ضلفة فيهم .

دى اشهر انواع الابواب المستخدمة فى البيوت اذا كان الباب الرئيسى للشقة او ابواب المبانى وكمان الابواب الداخلية للغرف وعشان منحترش كتير انت عليك تختار الباب المناسب لميزانيتك وذوقك ويكون ملائك مع ديكور البيت
وكمان تخلى بالك من قدرة الباب دة على التحمل عشان منحتجش نبدله كل فترة.
https://static.wixstatic.com/media/7...d01cf6~mv2.jpg