عدلات - أجمل نكت تموت من الضحك

بسم الله الرحمن الرحيم

ازيكم يا قمرات هعرضلكم مجموعة من النكت يا ريت تعجبكم تابعوا .
* مره المدرس سأل الاطفال فى الفصل الى يفتكر نفسه غبى يقف ... بعد شويه وقف تلميذ ...فساله المدرس و ليه بقه يا سيدي بتفتكر نفسك غبي فرد عليه التلميذ اصلي محبيتش اشوفك واقف لواحداك يا أستاذ .
* مره واحده بتقول لجوزها “تصدق إن أنا كل يوم بحلم بيوم جوازنا” قالها “هى لسه الكوابيس دي بتجيلك .
* مرة فار فشار شاف جثة اسد قعد يجر فيها لغاية ما وصلها الغابة المهم الحيوانات كلها قعدت تهتف وتقول عاش الفار ، راح الفار رفس الاسد برجله وهو بيقول انا لما اتعصب ما برحمش .
* إتنين ماشين فى الصحرا طلع عليهم اسد فواحد منهم رماه بطوبة وجرى بيبص وراه لقى صاحبة واقف بيقولة إنت مبتجريش لية قالو وانا مالى هو انا إللى ضربته .
* مرة واحدة ست بتقول لجارتها الحقيني يا أم محمد بعت جوزي يجيبلي ملوخية راح مخبوط بأتوبيس … يالهوي وعملتي إية .. عملت بامية وامري لله .
* مرة وحدة مثقفة صحت جوزها بنص الليل بتقولو: هل ينام الحب ليلاً أم ينام الليل حباً، أم أنا والليل والحب ننام.. رد عليها جوزها: هل تريدين الطلاق؟ أم الطلاق يريدك؟ أم أنت والطلاق تريدون بعض؟
* أغبياء عاوزين يفجروا مبنى حطوا القنابل في الطابق الأول وطلعوا السطوح .
* زرافة وأسد وفيل وفأر وارنب وثعلب كانوا ماشيين في الغابة ، وقعوا كلهم في حفرة إلا الزرافة ،قالولها روحي جيبي لنا حبل بسرعة . قالتلهم :مش عاوزة . قالولها : طب إحنا جعانين عايزين ناكل .قالتلهم مش عاوزة أجيب لكم أكل. قالولها والعمل أيه كده ؟؟ قالت لهم: كلوا أضعفكم. قام الفأر نط بسرعة وزعق بصوت عالي : اللي حيقرب من الأسد حيعرف شغله معايه.

:03a::03a::03a:

في أمان الله