عايزة علاج للاجهاض المتكرر
 

السلام عليكم ورحمه الله وبركاته ازيكو عاملين ايه ده اول موضوع ليا في المنتدي انا حصلي اجهاض متكرر يعني اجهضت 5 مرات وروحت لدكاتره كتير ومحدش عارفلي سبب وعملت تحاليل التورش والاجسام المضاده والتجلطات والجينات الوراثيه وكمان عملت اشعه بالصبغه وكله الحمد لله كويس الاجهاض بيحصلي في الشهر التاني ومره حصلي في الشهر الثالث علي اخره كده واضطريت اعمل عمليه تنضيف علشان الجنين كان كبير لكن باقي المرات كنت بنزل الجنين بميزوتاك وانا ساعات باجل بين الحمل والتاني مره 3 شهور ومره 6 شهور باجل ببرشام منع الحمل وصحيح عملت تحليل البروجيستيرون وطلع 20 وجوزي عمل تحليل الحيوانات المنويه وطلعت كويسه الحمد لله في كل المرات الي فاتت كنت باخد فوليك اسيد واسبوسيد واخر 3 مرات كنت باخد برونتوجيست والمره الاخيرة كنت باخئه حقن وكمان اخر 3 مرات خدت كليكسان 40 كل يوم وفي حملين الدكتور كان بيكتبلي علي جلوكوفاج وهوستاكورتين مع باقي الادويه قبل البيريود باسبوع لو البيريود مش جت بكمل ولو جت بوقف معلش طولت عليكوا بس علشان يكون كل حاجه واضحه انا دلوقتي روحت لدكتور قالي اعمل تحليل برولاكتين وlh و fsh والغده الدرقيه وt3 و t4 ثالث يوم البيريوت دلوقتي عايزة احمل وخايفه مش عارفه اعمل ايه اصلا حسيت من كلام الدكتور انه قالي علي التحاليل دي احتياطي مش اكتر ياريت تساعدوني لو في اي حل للاجهاض المتكرر

رد: عايزة علاج للاجهاض المتكرر
 

طيب حضرتك ممكن الاجهاض ده من ارتفاع هرمون القطط جربتي تعملي تشوفي

رد: عايزة علاج للاجهاض المتكرر
 

رد: عايزة علاج للاجهاض المتكرر
 

انشاء الله تصيري حامل وتجيكي بنوته حلوه مثلك ريمى ريمى يا قلبي

رد: عايزة علاج للاجهاض المتكرر
 

اه عملته والحمد لله طلع كويس

رد: عايزة علاج للاجهاض المتكرر
 

يرب ياقلبي

رد: عايزة علاج للاجهاض المتكرر
 

يارب نورتيني

رد: عايزة علاج للاجهاض المتكرر
 

يارب

رد: عايزة علاج للاجهاض المتكرر
 

والله كأنك بتكلمى عنى وبردو مش لاقية سبب ولا حل ودى رابع مرة وكنت بعمل تنظيف والدكتورة قالتلى خدى المرة دى سايتوتك وانا قريت أخلص الشريط ومش راضى ينزل تعبت جدا ربنا يعوضك ويعوصنى خير يارب ويجعل تعبنا النفسى والجسدى فى ميزان حسانتنا

رد: عايزة علاج للاجهاض المتكرر
 

ايه ده مستحيل انا برده اخر مره الدكتوره قالت سايتوتك وكمان تعبت جدا لحد ماالجنين ينزل علشان مافيش ولا نقطه دم كانت راضية تنزل

رد: عايزة علاج للاجهاض المتكرر
 

طيب نزل بعد قد ايه عشان تعبت جدا وكنت عايزة اعرف عرفتى ازاى انه نزل وكان فيه تعب ولا لا معلش هتعبك معايا

رد: عايزة علاج للاجهاض المتكرر
 

لا ياجميل طبعا اسالي براحتك اتا عايزةانا وانتي نتابع مع بعض يمكن واحدة مننا توصل لحل تقوله للتانيه بصي انا الاول قعدت يومين ولا نقطه دم راضية تنزل فالدكتورة قالتلي تعالي احطه في الرحم نفسه وروحتلها حطتلي اتنين في الرحم نفسه وقالتلي اجري علي العربيه بسرعه وخليكي نايمه وقالتلي ساعتين والدم هاينزل المهم استنيت المره ساعتين تلاته اربعه فضلت لحد بليل بالوجع وبعدين بليل اوي اوي قام دم كتير نزل ملحقتش اخد بالي اذا كان الجنين نزل ولا لا لان الدم كان ورا بعض المهم ياستي فضلت اسبوع اخد ف البرشام ولحد ماروحت للدكتوره واتطمنت انه نزل وخلاص طيب قوليلي هملتي تحاليلي ايه خلينا نساعد بعض

رد: عايزة علاج للاجهاض المتكرر
 

شكرا يا حبيبتى على ردك وربنا يعوضنا خير يارب انا الدم نزل الحمد لله بس مش عارفة كدة الجنين نزل ولا لا وعملت تحاليل الفيروسات كلها والتجلط وصورة الدم والهرمونات وتحليل بتاع الروماتويد الدكتورة قالتلى اعنليه والحمد لله طلع كله سليم وآخر مرة كنت عندها قالتلى هنعمل تحليل لجوزى عشان ممكن تكون نسبة التشوهات سبب وكل ده وانا خلفت بنتى اول الجواز الحمد لله ومتخدتس أدوية فيها ومعرفش ايه اللى حصل بعد كدة وكنت سمعت أن فيه دكاترة متخصصة ف ى الاجهاض المتكرر لسة بدور على دكتور ولو توصلت هبلغك بإذن الله

رد: عايزة علاج للاجهاض المتكرر
 

شكرا لك

رد: عايزة علاج للاجهاض المتكرر
 

خلاص وانا كمان لو وصلت لحاجه هاقولك انا الدكتور الاخير طلب مني تحليل اللبن والغده وحاجات كده تانيه هاعملها النهاردة ان شاء الله واشوف ربنا ييسر

رد: عايزة علاج للاجهاض المتكرر
 

اللي بربي قطط هيك بصير فيو الله يشفيكي ويطعمك اللي نغسك فيه

رد: عايزة علاج للاجهاض المتكرر
 

بالتوفيق

رد: عايزة علاج للاجهاض المتكرر
 

يارب فرجك ورضاك

رد: عايزة علاج للاجهاض المتكرر
 

[mention=117476]ريمى ريمى[/mention];

بصي يحبي انا عملت كل التحاليل اللي انتي عملتيها ويمكن اكتر
وزوجي عمل تحاليل كمان كله تمام
وكنت باخد كليكسان وفي اخر حمل الهيباريين وسيدوفاج لحد متخنقت والله الله يكون في العون
وحملت 4 مرات واجهت في مواعيد متقاربه وكله في الاول
ولما روحت تابعت مع دكتور كبير انا حاليا متابعه معاه
عملي منظار ووطلع الرحم بتاعي زو قرنيين وكمان عندي حاجز في الرحم دول هما اللي كانو مسببين للاجهاض

لو عاوزه اي سؤال ابعتيلي خاااااص
ولو ربنا رزقك بأذنه قوليلي ايه اللي حصل معاكي

رد: عايزة علاج للاجهاض المتكرر
 

سلامتك انشالله