|
بالصور طريقة طهي وتحضير وجبات اللحوم بكميات لعيد الاضحي
https://upload.3dlat.com/uploads/12882272621.jpg كل عام وانتم بخير بمناسبة قرب عيد الأضحى المبارك وهقدم لكم النهاردة ملف شامل لطرق اعداد وجبات اللحوم فتابعونا وحصريا على منتدى عدلات النسائى اول واكبر موسوعة لاعداد وجبات اللحوم بمناسبة عيد الاضحى المبارك **الفتــــة ** https://upload.3dlat.com/uploads/12882272625.jpg المقادير ارز ابيض مستوى . عيش بلدى محمص . لحمة مسلوقة بالشوربة . صلصة طمامم بالخل و الثوم . طريقة سلق اللحمة ( ضانى او بتلو او كندوز صغير او رقبة ) نضع الماء على النار و فية بصلة كبيرة مقطعة نصين و وورقتين لاورو و ملح وقلفل الى ان تغلى اضع اللحمة و اشيل طبعا الريم كل ما يطلع و ارمية الى ان تستوى 3/4 سوى اروح بالكبشة اشيلها من الشوربة و اصفى الشوربة بالمصفاة اجيب حلة تانية نظيفة و اضع فيها ملعقة كبيرة سمن و لما تقدح ارمى فيها فصين مستكة و فصين حبهان حتلاقى ريحتهم طلعن تروحى حطة على طول اللحمة كلها ثقليبة فى السمنة و تلروحى منزلة عليها الشوربة حتعمل تششششش و حتشمى بقى ريحة الشوربة الجميلة حتستوى اللحمة اطفى النار طريقة عمل الصلصة بالخل و الثوم : اضع على النار 2ملعقة سمن و عليهم راس ثوم مفرى لحد ما يصفر بس الثوم اروح حطة علية 1/2 كوب خل حتى يغلى ثم اضع صلصة طماطم وملح وفلفل و بهارات و قليل من الماء ؤ اتركها حتى تتسبك حوالى 10 دقائق طريقة تركيب طبق الفتة : 1_ اقطع العيش قطع متوسطة فى الطبق او الصينية و ارشرشة بالشوربة لحد ما كلة يشرب شوربة 2_ اضع الارز على العيش و افردة كويس و اضع كبشة شوربة 3_ ثم اضع بالكبشة صلصة الطماطم علىوش الارز كلة بس مش قليلة 4_ ثم ارصص قطع اللحم الهوبر على و ش طبق الفتة و حيطلع منظرة و ريحتة تفتح النفس https://upload.3dlat.com/uploads/12882272622.jpg https://upload.3dlat.com/uploads/12882272623.jpg https://upload.3dlat.com/uploads/12882272624.jpg يتبع؟؟؟؟؟:010: |
رد: بالصور طريقة طهي وتحضير وجبات اللحوم بكميات لعيد الاضحي
طبق مشــــويات https://upload.3dlat.com/uploads/12882272626.jpg المقادير ربع كيلو لحم ضانى صغير من بيت الكلاوى نصف كيلو ريش ضانى صغيرة ربع كيلو كبدة شرايح رفيعة 2 كلاوى ضانى 4 قطع صغيرة من اللية فى حجم البندقة 2 بصلة مفرومة فرما ناعما 2 معلقة كبيرة عصير ليمون ملح وفلفل https://upload.3dlat.com/uploads/128771856316.gif الطريقة تشق الكلاوى نصفين وتغسل جيدا نغسل اللحمة والريش ثم ينقع الجميع فى البصل المبشور بعد دعكه بالملح والفلفل وعصير الليمون يترك الخليط منقوعا لمدة نصف ساعة يشوى فى الشواية بعد دهنها بالزيت او على الفحم اول ما تشوفى الدم ابتدى يظهر على سطح اللحمة نقلب اللحمة على طول على الناحية التانية لحد ما تلاقى برضة الدم ظهر على اللحمة بعدها تقلبى اللحمة لحد ما تستوى لمدة دقايق نشيل اللحمة من على الشواية ونرصصها على طبق مفروش بالبقدونس > https://upload.3dlat.com/uploads/12882286271.jpg **وبالهنا والشفا** |
رد: بالصور طريقة طهي وتحضير وجبات اللحوم بكميات لعيد الاضحي
الممبار https://upload.3dlat.com/uploads/12882291131.jpg المقادير - كيلو ممبار. - 3 بصلات. - شبت مقطع صغير – بقدونس مقطع صغير - كزبرة خضراء مقطعة صغير. - ملح - فلفل – كمون. - 3 طماطم كبيرة. - 3كوب ارز. - شطة ( لو عوزاة حراق ). - 2 ملعقة سمن . https://upload.3dlat.com/uploads/128771856316.gif اولا :طريقة تنظيف الممبار - اول حاجة تشيلى الدهن بتاع الممبار و تغسلى الممبار جيدا و على الوش التانى و بعدين حطية امامك فى الحوض و ابتدى اجردى فى الممبار بالسكينة كويس قوى بس اوعى يتقطع منك و بعدين خلى ماء الحنفية ينزل جواة كويس و اغسلية تانى كويس قوى ثم ضعي علية كمية مش قليلة من الملح و الخل و سيبية ساعة ثم اشطفيه لحد ما تلاقى كل المخاط اللى كان فية نزل روحى رشة رشة دقيق كمان وادعكية كويس و بعدين ارجعى اغسلية كويس كدة تبقى مطمنة انه نضف تماما و ابدئى بقى تقطعية بالمقاس اللى انتى عوزاة يعنى صغير او يبقى الصباع طويل. https://upload.3dlat.com/uploads/128771856316.gif الحشوة نغسل الارز نبشر البصل والطماطم و نحطهم على الشبت و البقدونس والكزبرة ونضيف لهم الارز والملح والفلفل والكمون والشطة ونقلبهم جيدا وبعدين نحط السمن بالقمع- نحشي الممبار لثلثه بس بالخلطةو بعدين ندوس على الممبار بايدنا خفيف علشان توزعى الخلطة و عشان ما يبقاش الممبار مكبوس قوى - فى حلة كبيرة نغلى ماء و نضع به ملح و نمسك كل قطعة ممبار و نزلها بالراحة فى الماءالمغلى نلاحظ انها تنكمش و تتقفل من الطرفين و يترك على النار حتى ينضج - يصفي من ماء السلق و يحمر في الزيت و بالهنا والشفا https://upload.3dlat.com/uploads/128771856316.gif ملحوظة : كلنا عارفين طبعا ان الممبار دة اللى هو الامعاء الغليظة لكن السجق اللى هو الامعاء الدقيقة https://upload.3dlat.com/uploads/128771856316.gif يتبع.... |
رد: بالصور طريقة طهي وتحضير وجبات اللحوم بكميات لعيد الاضحي
تتبيلة لكل المشويات 3 بصلات كبيرة - 3 طماطم كبيرة - فص ثوم - زعتر فريش - روز مارى فريش - بش نص جوزة الطيب - ملح وفلفل اضرب البصل مع معلقتين ماء فى الكبة لحد ما ينعم خااالص اخرجه من الخلاط واضعه فى قطعه شاش ونعصره جااامد حنلاقى ماء البصل نزل كتير دة حنتبل بيه اللحمة والريش والدجاج وحيفضل فى الشاشة التفل بتاع البصل هو دة اللى حنتبل بيه الكفتة علشان متفكش مننا اثناء الشوى ثم نضع على ماء البصل باقى مقادير التتبيله واخلطهم واتبل بيها المشويات يعنى ماء البصل ...........للحمة والريش تفل البصل .......للكفته يتبع..... |
رد: بالصور طريقة طهي وتحضير وجبات اللحوم بكميات لعيد الاضحي
طريقة عمل الفخدة فى الفرن https://upload.3dlat.com/uploads/12882294242.jpg المقادير فخذة ضانى- 2 ملعقة كبيرة صلصة طماطم- ملعقة كبيرة بهارات لحم 2ملعقة كبيرة خل - ملعقة صغيرة فلفل أسود- ملعقةكبيرة ملح 5- فصوص ثوم صحيحة – بصلة كبيرة مقطعة حلقات 2 ملعقة كبيرة زيت او سمنة https://upload.3dlat.com/uploads/128771856316.gif الطريقة: اغسلي الفخذة ونشفيها اعملي بعض الخروم بالسكينة فى لحم الفخذة ضعي في طبق الملح و الفلفل – و البهارات – و الخل – و اخلطيها جيدا ضعى فى الخروم من خلطة التتبيل وفص ثوم صحيح فى كل خرم وبباقى خلطة التتبيل ندعك بيها الفخدة كلها كويس نضع الزيت او السمن فى صينية كبيرة على النار ونحمر فيها البصل نضع الفخدة فى السمنة ونقلبها كويس فيها لحد ما تحمر من جميع الجهات نتركها على النار ونغطيها مع اضافة الماء كلما احتاجت الى ان تستوى تلت ارباع سوى غطى الصينية بورق الألمنيوم،و ضعيها فى الفرن لحد ما تستوى وقبل ما تخرجيها شيلى الورقة الفويل من عليها وادهنيها بصلصة الطماطم علشان وشها يحمر و بالهنا و الشفا https://upload.3dlat.com/uploads/12882294243.jpg يتبع...... |
رد: بالصور طريقة طهي وتحضير وجبات اللحوم بكميات لعيد الاضحي
صينيه الرقاق باللحمة المفرومة https://upload.3dlat.com/uploads/12882294241.jpg المقادير سمن سايح شوربة بصلة كبيرة مبشورة مقدار من السمن او الزيت لعمل العصاج ملح- فلفل أسود- بهارات 1/2 كيلو رقاق 1/2 كيلو لحم مفروم https://upload.3dlat.com/uploads/128771856316.gif الطريقة - نحضر صينية و ندهنها بالسمن - نقوم بغمس ورقة ورقة من الرقاق في صينيه فيها الشوربة و عندما ننتهي من نصف كمية الرقاق، نفرد العصاج على السطح ثم نقوم برص النص المتبقي من الرقاق بعد غمسه في الشوربة برضه ولما نخلص كمية الرقاق كلها نقوم برش القليل من الشوربةعلى الوجه ثم نقوم بدهن السطح بالسمن - توضع صينية الرقاق بالفرن لحد ما تحمر بعد خروج الصينية من الفرن نقوم بتغطيتها بغطاء علشان الرقاق يطرى لو انتى عيزاه طرى https://upload.3dlat.com/uploads/128771856316.gif يتبع.... |
رد: بالصور طريقة طهي وتحضير وجبات اللحوم بكميات لعيد الاضحي
https://upload.3dlat.com/uploads/12871198591.gif
علي المجهود الرائع تم تثبيت الموضوع اكملي بعتذر علي المقاطعة https://upload.3dlat.com/uploads/12871198592.gif |
رد: بالصور طريقة طهي وتحضير وجبات اللحوم بكميات لعيد الاضحي
https://upload.3dlat.com/uploads/12882737121.jpg https://upload.3dlat.com/uploads/12882737122.jpg https://upload.3dlat.com/uploads/12882737123.jpg https://upload.3dlat.com/uploads/12882737134.jpg كبدة بالدقة * المقادير * ½كيلو كبدة بتلو. * 1/2 راس ثوم مهروس. * 3 معالق زيت. * عصير ليمون. * معلقة كبيرة بقدونس مفروم. * ملح وفلفل و كمون. الطريقة - تغسل الكبدة كويس بالماء والخل - وتشطف بالماء وتقطع شرائح رقيقة - ندهن مقلاية بالزيت ونشوح فيها الكبدة كويس على نار عالية لحد ماتستوى ونشيلها من على النار - نخلط كل مقادير الدقة اللى عندنا مع بعضالثوم والبقدونس و عصير الليمون والملح والفلفل والكمون ونضعهم على الكبدة اول ما تنزل من على النارونقلبهم كويس لحد ما الدقة تتخلط كويس بالكبدة ونقدمها ساخنة. وبالهنا والشفا https://upload.3dlat.com/uploads/128771856316.gif كبدة الكباب حلة * المقادير - 1/2 كيلو كبدة. - 3 معالق سمنة. - 1/2 راس ثوم. - كوب عصير طماطم. - ملح – فلفل – بهارات. الطريقة - بعد مانغسل الكبدة كويس ونجهزها نقطعها مكعبات. - اقدحى السمنة وحمرى فيها الثوم (بس يكون مقطع حلقات مش مهروس ) لحد ما لونه يصفر - ضعى مكعبات الكبدة على الثوم وتقلبى وتغطى الحلة وتكون النار هادية لحد ما الكبدة تنشف مايتها - اضيفى عليها عليها عصير الطماطم و الملح والفلفل والبهارات - اتركيها على نار هادية لحد ما تتسبك وتبان السمنة . حمرى فيها الكبدة وتقدميها. **وبالهنا والشفا** https://upload.3dlat.com/uploads/128771856316.gif كبد وكلاوى بالصوص مع الارز الابيض المقادير 1* كيلو كبدة ضانى * عدد 3 كلاوى. * عدد 2 قلب . * 2فلفل اخضر رومى او حامى. * رأس ثوم مفصصة ومفرومة. * ملح – فلفل – كمون. * ربع كوب زيت. الطريقة . - يقطع الكبد والكلاوي والقلوب إلي شرائح رفيعة او مكعبات - ثم تغسل بالماء وتصفي في مصفاة كل واحد لوحدة - ثم يسخن الزيت وتقلب شرائح القلوب والكلاوي كويس لحد ما ينزلوا مايتهم ويشربوها - وبعدين تضاف شرائح الكبدة إلي القلوب والكلاوي وتقلب جيدا ثم يضاف الثوم و الملح و الفلفل و الكمون والفلفل الأخضرثم يقلب كله مع بعض ويترك علي نار هادئة لحد ما يستووا مع اضافة القليل من الماء كلما احتاجوا ويقدم مع طبق من الارز الابيض ملحوظة : اذا كنتى عوزاها بالصوص يبقى قبل ما تطفى النار وبعد ما تستوى تسيبى فيها شوية صوص واذا كنت مش عيزاها بصوص يبقى بعد ما تستوى والماء بتاعها ينشف تقلبيها فى السمنة اللى معاها فى الحلة https://upload.3dlat.com/uploads/128771856316.gif الكبدة بالفلفل و الطماطم المقادير * نص كيلو كبدة . * ملح _فلفل _فلفلة رومى كبيرة _بصلة كبيرة . * طماطماية كبيرة . * معلقة زيت او سمن _ معلقة صغيرة خل .فصين ثوم. الطريقة * نقطع الكبدة قطع صغيرة و كذلك الفلفل و البصل و الطماطم . * نضع السمن فى حلة و نشوح فيها البصل و الفلفل و فصين الثوم لحد ما يصفروا * ثم نضع الطماطم و الخل و نقلب ثم نضع الكبدة و نقلب نقلب لحد ما تاخد لون محمر * اضع ربع كوب فى ربع كوب ماء لحد ماتستوى و يكون فيها صوص بنى. و بالهنا و الشفا https://upload.3dlat.com/uploads/128771856316.gif الكبدة بالردة المقادير * كيلو كبدة شرائح . * رأس توم مفرومة ناعم جدا . * ملح -فلفل - نصف ملعقة صغيرة كمون - 2 ملعقة كبيرة كزبرة ناعمة . * 2 كوب ردة ناعمة + نص كوب دقيق – ( تخلطيهم مع بعض ). * زيت للقلى. الطريقة - تبلى الكبدة و ضعى عليها و الملح و الفلفل و التوم و الكزبرة و الكمون و قلبيهم كويس وحطيها فى الثلاجة تقريبا ساعتين علشان تشرب من كل التتبيلة كويس - طلعيها من الثلاجة و سخنى الزيت - نضع شريحة شريحة فى خليط الردة بالدقيق و اضغطى عليها با يدك كويس من الناحيتين - و ضعيها فى الزيت لحد ما تحمر من الناحيتين بس خلى بالك الكبدة اساسا بتستوى بسرعة يعنى ما تسبيهاش على النار دى يادوب بتاخد ثوانى طلعيها من المقلاية . ** و بالهنا و الشفا ** ملحوظة لو عاوزة الكبدة مشوية : تعملى كل اللى عملناة عادى لحد مت تخرجيها من الثلاجة و بعدين تشويها ملحوظة : بالنسبة للردة اللى هيا بنشوى بيها السمك ممكن تشتريها من اى فرن عيش بلدى او بقيت متوفرة فى عبوات فى السوبر ماركت https://upload.3dlat.com/uploads/128771856316.gif الكبدة الاسكندراني * المقادير 1\2* ك كبدة (طبعا الكميات ترجع لكل واحد) 3 -بصلات وسط 3- حبات فلفل رومى بارد 2 -حبة طماطم 1\2- ملعقة خل - ملح و فلفل أسود و بهارات - فصين ثوم مدقوقين - ملعتين كبار صلصة طماطم - زيت ذرة. الطريقة - تقطع الكبدة مكعبات صغيرة. يقطع البصل كالاتي: كل بصلة تقطع أربع إرباع و بعدين تقطعيها شرايح رقيقة نوعا. الفلفل برضه يقطع نصفين و بعدين شرايح رقيقة. الطماطم برضه نقطعها اربع ارباع و تقطع شرايح رقيقة. - نجيب الطاسة التيفال و نضع فيها الزيت لكن مش كتير ممكن ملعقة طعام أو اتنين. نضع البصل و نقلب حتى يذبل و لكن لا يصفر ثم نضيف الفلفل و نقلب حتى يذبل الفلفل كمان ثم نضيف الطماطم مع التقليب حتى تختلط بالباقي. - ثم نضيف الكبدة و نقلب و نتبلها بالتوابل المذكورة. أما الخل و الصلصة و الثوم المدقوق نخلطهم مع ذرة سكر و نقلبهم كويس لحد ميبقى عامل زي الكاتشب و نضيفهم الى الكبدة بعد نضجها و لو محتاجة نقطة ميه ممكن نضيف شوية لكن الأفضل نسويها على نار هادية تقوم الكبدة تنزل المية اللي فيها و لا نحتاج مية من برة. و تقلب ثم تطفي النار. و تؤكل مع الخبز و سلطة الطحينة و السلطة الخضراء. ** وبالهنا والشفا ** https://upload.3dlat.com/uploads/128771856316.gif الكبدة المحمرة المقادير نص كيلو كبدة . ملح _فلفل _عصير ليمون _ سمن للتحمير الطريقة ***- ***- ** خلى الجزار يعطيكى الكبدة متقطعة شرائح و تبليها بالملح و الفلفل وعصير الليمون و سيبيها شوية فى التتبيلة - نضع السمن فى مقلاية ولما تقدح احمر الكبدة الاول مرة على الوش الاول و مرة على الوش التانى - وبعدين حطى عليها شوية فى شوية ماء لحد ما تستوى و بالهنا و الشفا https://upload.3dlat.com/uploads/128771856316.gif يتبع.... |
رد: بالصور طريقة طهي وتحضير وجبات اللحوم بكميات لعيد الاضحي
https://upload.3dlat.com/uploads/12882759316.jpg الكوارع بالدمعة** المقادير 2- كوارع مسلوقة . - كوب من شوربة سلق الكوارع. - ربع كيلو طماطم متصفية. - ملح – فلفل. - معلقة كبيرة سمن. - بصلة صغيرة مفرومة . - معلقة كبيرة خل. - 5 فصوص ثوم. الطريقة - نضع السمن على النار ونحمر فية البصل ثم الثوم حتى يصفر - نضع الخل على البصل والثوم لحد ما يغلى ثم نضع الطماطم ونتركها لحد ما تتسبك ثم نضع كوب شوربة الكوارع ونسيبها لحد ما تغلى - شيلى من عضم الكوارع وضعية فى الدمعة على نار هادية لمدة ربع او ثلث ساعة وتغطيتها اثناء السوى - رصصى الكوارع فى طبق التقديم وصبى عليها الدمعة ( الصلصة) ** وبالهنا والشفا ** https://upload.3dlat.com/uploads/128771856316.gif الكوارع بالخل و البقدونس * المقادير - عدد 2 كوارع. - 3 لتر ماء. - بصلة – جزرة. - ملح – فلفل – 5 وحدات فلفل اسود صحيح. - معلقة صغيرة بقدونس. - معلقة صغيرة بصل مفروم . 2 -معلقة كبيرة زيت. 2 -معلقة كبيرة خل. الطريقة - نسلق الكوارع فى الماء مع البصلة والجزرة و الملح والفلفل لحد ما تستوى تماما - نشيل اللحم من العضم ونسيب اللحم لحد ما يبرد. - نخلط الزيت مع الخل مع البصل المفروم مع البقدونس مع بعض ونضعها على اللحم البارد ونقلبها ونسيبها حوالى نص ساعة . - كل شوية تقلبيها تقليبة مع التتبيله. - شيليها من التتبيلة وضعيها فى طبق التقديم مع شرايح الطماطم و الليمون. ** وبالهنا والشفا** https://upload.3dlat.com/uploads/128771856316.gif يتبع...... |
رد: بالصور طريقة طهي وتحضير وجبات اللحوم بكميات لعيد الاضحي
فتة الكوارع https://upload.3dlat.com/uploads/12882759311.jpg ده شكل الكوارع مقطعه ولسه مغسولة وبصراحه انا بجبها نظيفه جاهزة بغسلها بدقيق وملح للاحتياط بضع التوابل التاليه ورق لورا قرنفل(مسمار) فلفل اسود ملح جنزبيل ناعم رشه خفيفه بصله مقطعه اربعه 2عود قرفه(دارسين) الطريقه نضع الحله على نار بداخلها ماء لحد الغليان وبعدين نضيف الكوارع اوالمقادم مع كل التوابل السابقه https://upload.3dlat.com/uploads/12882759312.jpg تترك على النااااااار حوالى من ساعتين الى ثلاثه ساعات حسب الحجم تعالو نجهز الفته انا بحمس العيش البلدى المقطع مع ملعقه سمنه بلدى و2 فص ثوم مهروس تتحمس اما على النار او فى الفرن https://upload.3dlat.com/uploads/12882759315.jpg وبعدين نسخن الطاسه ونضع فيها ملعقه سمنه وبعدين الثوم مع رشه خفيفه كسبره ناعمه حتى يحمر الثوم وبعدين نضيف 2 ملعقه خل وبعده كده نضيف الطماطم المعصوره حوالى حبتين حتى تتسبك ناخد 2 ملعقه من الصلصه نضفها على العيش المحمص ونقلبهاااااا وبعدين نضيف شوربه الكوااااارع https://upload.3dlat.com/uploads/12882759313.jpg نغطيها ونتركها جانبا لمده بسيطه حتى يتشرب العيش من الشربه ونغطى طبق الفته بالارز الابيض وباقى الصلصه مع شويه شوربه(كبشه فقط)نغليها مع بعض ونضفها فوق الارز الكوارع طبعا استوت كويس علشان تكون لذيذه نطلعها من الشوربه ونصفيها وبعدين نحمرها فى 2 ملعقه سمنه بلدى وده شكلها النهااائى يا رب تعجبكم https://upload.3dlat.com/uploads/12882759314.jpg يتبع... |
رد: بالصور طريقة طهي وتحضير وجبات اللحوم بكميات لعيد الاضحي
https://upload.3dlat.com/uploads/12882767401.jpg العكاوى المسلوقة المقادير * ذيل * * بصلة مبشورة * * معلقة كبيرة سمنة * * معلقة دقيق * * ملح وفلفل وحبهان * * عصير طماطم * الطريقة - نغسل الذيل كويس جدا وندعكة كويس بالملح وبعدين نشطفه - وبعدين ندعكه كويس بالدقيق وبعدين نشطفه كويس - افصلى بقى حلقات او فكرات الذيل عن بعض - ثم ضعيهم فى ماء مغلىالبصلة وتتبلية بالملح والفلفل والحبهان لحد ما يستوى وبالهنا والشفا https://upload.3dlat.com/uploads/128771856316.gif https://upload.3dlat.com/uploads/12882767402.jpg العكاوى بالصلصة * المقادير * ذيل * * بصلة مبشورة * * معلقة كبيرة سمنة * * معلقة دقيق * * ملح وفلفل وحبهان * * عصير طماطم * الطريقة - نغسل الذيل كويس جدا وندعكة كويس بالملح وبعدين نشطفه - وبعدين ندعكه كويس بالدقيق وبعدين نشطفه كويس - افصلى بقى حلقات او فكرات الذيل عن بعض - ثم ضعيهم فى ماء مغلىالبصلة وتتبلية بالملح والفلفل والحبهان لحد ما يستوى - نشوح البصلة المبشورة فى السمنة لحد ماتصفر وبعدين نضع عصير الطماطم لحد ما الصلصة تتسبك وبعدين نضع حلقات العكاوى المسلوقة فى الصلصة ونتركها ونقلبها حوالى من 5 ل 10 دقايق بس ونغرفها وبالهنا والشفا https://upload.3dlat.com/uploads/128771856316.gif https://upload.3dlat.com/uploads/12882767403.jpg طاجن العكاوى المقادير ***- ***- ***- * عكاوى مسلوقة بصلة مبشورة صلصة طماطم الطريقة ***- ***- ***- * نضع الذيل المسلوق فى طاجن- ونضع علية بصلة مبشورة وملح وفلفل- - ونضع علية صلصة الطماطم وندخله الفرن لحد ما يستوى ويحمر https://upload.3dlat.com/uploads/12882767404.jpg يتبع..... |
رد: بالصور طريقة طهي وتحضير وجبات اللحوم بكميات لعيد الاضحي
اللسان المسلوق المقادير - لسان. - عصير ليمون. - بصلة مبشورة. - ملح وفلفل. - حبهان. الطريقة - نغسل اللسان كويس ونقشط الطبقة الخشنة السطحيةوندعكه كويس بالملح وبعدين بالدقيق ونشطفه كويس - نملا حلة بالماء ونضع فيها اللسان على نار هاديةلحد ما الماء يغلى براحته وبعد ما يغلى نروح راميين الماء دة ومغيرينة بماء تانى نظيف وبارد - نضعه بالماء النظيف تانى فى الحلة مع الملح والفلفل والبصلة والحبهان على نار هادية ويترك لحد مايستوى - نشيله من الماء وننزع جلده .ويااما نقدمه مع البقدونس المفروم والليمون او باى طريقة مطلوبة . https://upload.3dlat.com/uploads/128771856316.gif اللسان بالكمونية** المقادير - لسان. - 3 معالق سمنة. - 2 كوب عصير طماطم. - راس ثوم مهروسة. - 2 معلقة كمون. - ملح وفلفل. الطريقة - نسلق اللسان كما شرحناه - نقدح السمنة ونحمر فيها اللسان ثم نضيف لهالثوم المهروس والكمون ونقلبهم كويس. - نضيف عصير الطماطم والملح والفلفل. - - نتركهم على النار لحد مايغوا ثم نوطى النار لحد ما اللسان يستوىوممكن اذا احتاج تزودى شوية ماء تزوديله لحد مايستوى. https://upload.3dlat.com/uploads/128771856316.gif اللسان بالكركم** المقادير - لسان. - معلقة صغيرة كركم. - بصلة مبشورة. - 3 معالق سمنة. - ملح وفلفل وبهارات. - صلصة. الطريقة - نسلق اللسان(سبق وشرحناه) - نضع السمنة على النار ونشوح فيها البصلة واللسان لحد ماتصفر ثم نضع الكركم والملح والفلفل والبهارات - نقلب لحد ما يندمج كله مع بعضه ويقدم ساخن. https://upload.3dlat.com/uploads/128771856316.gif يتبع....... |
رد: بالصور طريقة طهي وتحضير وجبات اللحوم بكميات لعيد الاضحي
https://upload.3dlat.com/uploads/12882772721.jpg الكرشة بالحمص المقادير * كرشة مسلوقة و مقطعة قطع صغيرة. * كوب عصير طماطم . * بصلة متوسطة مفرومة. * نص كوب حمص (حمص الشام ) مسلوق نص سلق . * معلقة سمن كبيرة _نص راس ثوم * مفرومة _ملح _فلفل _ كمون _ كوب و نص من ماء سلق الكرشة الطريقة نضع السمن فى حلة و نحمر فيها البصلة لما يصفر نضع الثوم و الحمص و نقلب تقليبتين و بعدين نحط عصير الطماطم و على نار متوسطة لحد الطماطم ما تتسبك و دة طبعا بانك حتلاقى لونها اتغير و تقلت اضع حوالى كوب و نص من الماء اللى سلقت فية الكرشة اللى الحلة و الملح والفلفل و الكمون و نسيبها لحد ما الماء اللى حطناة تغلى نضع الكرشة المسلوقة المقطعة فى الحلة و نقلب و نسيبها على نار هادية لحد ما تستوى و هى مش بتاخد كتير يعنى حوالى 20 دقيقة مثلا https://upload.3dlat.com/uploads/128771856316.gif الطرب ( منديل الخروف ) المقادير - منديل خروف. - كيلو لحم مفروم. - بصلة. - معلقة بقدونس مفروم. - ملح- فلفل –بهارات. 1/4 - كوب سمن . الطريقة - يقطع المنديل قطع متساوية بالسكينة على شكل مربعات او مستطيلات . - يفرم البصلً ويخلط مع اللحم المفروم والبقدونس والملح و الفلفل والبهارات. - يوضع مقدارمن الحشو في وسط كل قطعة من المنديل ثم تلف زى ما بنلف محشى الكرنب على شكل صوابع تخينة . - نرصص الطرب على الشواية او فى الفرن على الرف الشبك . **وبالهنا والشفا** https://upload.3dlat.com/uploads/128771856316.gif السجق البيتى** المقادير * نص كيلو لحمة مفرومة . * ملح _ فلفل _ قرفة _ جوزة الطيب . * نص كوب ماء. * شطة حسب الرغبة. * المصارين وطبعا مش حوصيكى على التنظيف . ((و اهم حاجة القمع المخصوص بتاع حشو السجق )) الطريقة - نضع التوابل كلها على اللحمة . - اضع الماء على اللحمة و اخلطهم كويس بايدى لحد اللحمة ما تطرى خالص علشان تنزل فى الامعاء بسهولة - اضع القمع فى اول طرف الامعاء و ايدء انزل فى اللحمة المفرومة و انا عمالة ابل صباعى اللى بزوء بيه اللحمة بالماء .لحد ما املى الطول اللى امامى و بعدين اروح ماشية علية بايدى مبططة مبططة مبططة علشان فى السوى حيملى و يتنفخ المهم بعد ما ابطط ابدء بقى بالنطر احسب طول صباع السجق و اعقد وكمان الصباع اللى بعدة و اعقد و هكذا لحد ماحتلاقى حبل السجق اللى بتشوفية عند الجزار اتكون قدامك . - تحطيهم فى اكياس نايلون و على الثلاجة https://upload.3dlat.com/uploads/128771856316.gif يتبع..... |
رد: بالصور طريقة طهي وتحضير وجبات اللحوم بكميات لعيد الاضحي
المخ البانية المقادير - مخ مسلوق . - ملح _ فلفل . - بيض مضروب. - دقيق _ بقسماط ناعم . -سمن الطريقة - نقطع المخ اما قطع صغيرة او شرائح . - نضع المخ فى الدقيق حيغطية و بعدين نحطة فى البيض و بعدين فى البقسماط نضع السمن فى مقلاية بس يكون السمن غزير يعنى كتير و نحمر المخ. https://upload.3dlat.com/uploads/128771856316.gif المخ بالزيت والليمون ** المقادير مخ 3 معالق كبيرة زيت ملعقة كبيرة فلفلة رومى مفرومة ملح وفلفل عصير ليمون. الطريقة - نسلق المخ ( شرحناه قبل كدة) - و بعد سلقه نشيله من ماء السلق ونتركه لحد مايبرد نهرسه بالشوكة ونضيفله الملح والفلفل والزيت وعصير الليمون والفلفل الرومى المفروم https://upload.3dlat.com/uploads/128771856316.gif المخ بالبشاميل** المقادير - مخ. - ملح وفلفل. - بقسماط ناعم. - 3 بيضات للعجن والغطاء الخارجى. - سمنة للتحمير. الطريقة - يسلق المخ ويترك يبرد ثم يفرم ويتبل بالملح والفلفل نضرب البيض فى طبق بالشوكة - ونبتدى نضع بيض شوية شوية على المخ المفروم وانتى بتعجنى بايدك لحد ماتحسى ان كدة البيض مضبوط على كميه المخ وتتركى الباقى للتغطية - نضعة فى مقلاية على النار مع التحريك المستمر لحد ماتلاقية تخن تشيلية من على النار وتضعية على طبق وتسبيه يبرد تماما. - بقطاعة او بكوب صغيرة تقطعيه على هيئة اقراص مدورة - وتغطية بالبيض والبقسماط وتحمرية فى السمنة الغزيرة - تشيلية على ورق ماص للدهون https://upload.3dlat.com/uploads/128771856316.gif مخ بالعجة ** المقادير - مخ. - بصلة مفرومة. - معلقة كبيرة بقدونس مفروم. - ملح وفلفل. - سمنة للتحمير. الطريقة - يسلق المخ ثم يقطع شرائح (سميكة نوعا). - نخلط البيض بالبقدونس بالبصل والملح والفلفل ونضربهم كويس قوى بالشوكة https://upload.3dlat.com/uploads/128771856316.gif - نغمس شرائح المخ فى خليط العجة ونحمره فى السمنة |
رد: بالصور طريقة طهي وتحضير وجبات اللحوم بكميات لعيد الاضحي
صدر الخروف المحشى ( خفييييييف) المقادير كيلو صدر خروف مخلى من العظم الحشو ( 1/8 كيلو جبنة بيضاء – 1/8 كيلو مشروم – عود كرفس مفروم ملح وفلفل – بشر ليمونة ) الطريقة اخلطى كل مقادير الحشو افردى اللحمة امامك على الرخامه ونفرد الحشو فوقها بس نترك حوالى سم من الاطراف وبعدين نلف اللحمة كويس ونربطها بالدوبارة نضع اللحمة فى طبق فرن ونغطيه بورقة فويل ونضعة فى فرن لمدة 3 ساعات لحد مايستوى وبعدين نشيل الورقة لحد ما اللحمة تتحمر نفك الدوبارة ونضعة فى طبق التقديم وبالهنا والشفا |
رد: بالصور طريقة طهي وتحضير وجبات اللحوم بكميات لعيد الاضحي
جميل جدا يسلموااا اسمحيلى اضيف طريقة تانية للفتة فتة باللحم الضأن المقادير: 2 موزة ضأن . 2 كوب أرز مصري . 6 أكواب ماء . 2 جزر مقشر مقطع حلقات . 2 عود كرفس مقطع مكعبات . 2 بصل متوسط مقطع مكعب . 2 ورق لورا . 2 مستكة . 4 قرنفل صحيح . 2 عود قرفة . 3 حبهان حب . ملح وفلفل . 2 ملعقة كبيرة سمن . 2 خبز عربي مربعات "محمص" . بقدونس للتزيين يمكن تقطيعه أو فرمه . 6 ملاعق كبيرة زيت زيتون . 6 فصوص ثوم مفروم ناعم . ربع كوب خل أبيض . كوب مرق دجاج للصلصة . 3 ملاعق كبيرة صلصة طماطم . ربع كوب خل أبيض . كوب مرق لحم. https://upload.3dlat.com/uploads/12882825034.gif الطريقة : - تغسل الموزة وتوضع لمدة 3 دقائق في ماء مغلي بحيث يغطيها ثم ترفع جانباً مع التخلص من الماء. - يغسل الأرز جيداً ويصفي ويسخن الماء علي نار متوسطة وتضاف الموزة والخضر والبهارات ويتبل بالملح والفلفل . - عندما يبدأ الخليط في الغليان تخفف الحرارة ويترك لمدة 45 دقيقة حتي يتم نضج اللحم وترفع الموزة جانباً ويصفي المرق . - يوضع السمن في إناء آخر علي نار متوسطة ويحمر الأرز لمدة 3 دقائق أو حتي يتداخل مع السمن ثم يضاف 5.2 كوب من الماء ويتبل بالملح ويترك حتي يبدأ الغليان ويغطي الإناء وتخفف الحرارة ويترك لمدة 20 دقيقة حتي يتم النضج. - يسخن الزيت في مقلاة علي نار متوسطة ثم يضاف الثوم المفروم ويقلب لمدة دقيقتين ويضاف الخل والمرق ويتبل الخليط بالملح والفلفل ويترك حتي يبدأ في الغليان ثم يرفع جانباً. - وللصلصلة توضع نصف كمية الثوم المحمر في مقلاة وتضاف صلصة الطماطم والخل والمرق ويتبل بالملح والفلفل مع التقليب ويترك حتي الغليان. |
:130151:تسلم ايدك وصفات تفتح النفسعيد سعيد عليكى وعلى الامة الاسلاميه
|
كتير وصفات تجنن وشوقتونا للعيد وما لذ وطاب يسلموا وعيدكم مبارك
|
الله يجزاكي الفردوس الاعلى اختي على هالموضوع..ويجعله في موازين حسناتك....
تقبلي مروري..اختك |
رد: بالصور طريقة طهي وتحضير وجبات اللحوم بكميات لعيد الاضحي
اختى الكريمة ممكن نستبدل البسمن بالزبدة اوالزيت عشان الدسم
|
رد: بالصور طريقة طهي وتحضير وجبات اللحوم بكميات لعيد الاضحي
تسلم الايادي
|
رد: بالصور طريقة طهي وتحضير وجبات اللحوم بكميات لعيد الاضحي
رائع جدا تسلم ايديك
|
| الساعة الآن 05:27 PM |