عدلات - أفكار مذهلة لديكور البلكونات

البلكونات مبقتش زى زمان مكان للكراكيب والاغراض الى مش عايزنها بس دلوقتى بقى يتعمل فيها اجمل الديكورات والتزين حتى لو البلكونة بتاعتنا صغيرة فممكن برضو نزينها .ونعملها بطريقة جميلة جدا

ولما نيجى نتكلم على البلكونات لازم نفتكر الاسترخاء والاستجمام الى بنحصل عليه من البلكونة وكمان من المفيد جدا اننا نغير الروتين بتاعنا ونعمل الانشطة بتاعتنا زى الفطار او شرب القهوة فى البلكونة فى الهواء الطلق ودة هيحسن مزاجك جدااا ويمدك بالطاقة الايجابية الى بتحتاجها عشان تكمل يومك وتستحمل ارهاق الشغل المعتاد.
https://static.wixstatic.com/media/7...6ba5c1~mv2.jpg

من الحاجات المميزة الى ممكن نعملها فى البلكونة لو فى مساحة متوفرة هى اننا نحط فيها كراسى وترابيزة حتى لو كرسين فقط وكمان نزرع ورد ونحطه على الشرفة بتخلى منظر البلكونة مريح جداا للعين والاعصاب والورد من عوامل الديكور المميزة

https://static.wixstatic.com/media/7...7b3976~mv2.jpg

ممكن لو مساحة بلكونتك صغيرة ومش هتقدرى تحطى فيها كراسى وترابيزة ممكن تحطى فيها مرجيحة لونها فاتح وحلوة زى الصورة او كرسى مرجيحة صغير برضو وبدال ما احنا متعودين نقرأ فى الصالة او غرف النوم يبقى نغير الروتين ونقرأ فى البكونة :D
وممكن نضيف رفوف خشبية او مكتبة صغيرة فى حيطة البلكونة ونحط عليها كتبنا المفضلة

https://static.wixstatic.com/media/7...583fd8~mv2.jpg

خلى دهان حوائط البلكونة بلون فاتح ومشرق عشان يضيف بهجة وجو مرح للمكان وكمان متنسيش ترتبى النباتات فى البلكونة عشان منبوظش ديكور البلكونة بتاعتنا وممكن تعلقيهم على الحيطة ولكن لو فى مساحة حطى النباتات والزهور على الارض هتخلى الشكل احلى :)

https://static.wixstatic.com/media/7...ccbd3d~mv2.jpg

ممكن نضيف للبلكونة بتاعتنا طابع رومانسى وجميل بوضع شموع او فوانيس كنوع من الاضاءة والرومانسية كمان

https://static.wixstatic.com/media/7...2e3a27~mv2.jpg

عشان ندى للبلكونة بتاعتنا طابع زى الحدائق كدة ممكن نعمل ارضية عشبية جميلة وكمان شكل جميل ورائع للبلكونة حتى لو كانت المساحة متوسطة.

https://static.wixstatic.com/media/7...3f11ce~mv2.jpg