عدلات - كريم اساس تغذية البشرة ومحاربة التجاعيد من اسراري

https://adlat.net/picture.php?albumi...ictureid=11166

ازيكم ياقمراتي يارب تكونوا بالف خير

طبعا كولنا عارفين اهمية كريمات الاساس لاخفاء عيوب بشرتنا من حبوب او بهتان
او بقع او احمرار او اصفرار وغيرهم من المشاكل الكتيرة دي
لكن بقى كتر استعمال الكريمات دي مع الوقت هتسبب التجاعيد المبكرة
تعرفوا ازاي هتسببلنا ال التجاعيد دي ؟
بصوا بقى ياقمراتي هقولكم ازاي هتظهر التجاعيد ومن ايه بالضبط
طبعا اي نوع كريم اساس من المواد المركبة فيه هي زيوت كميائية
مستخرجة من النفط الخام وهو النفط الاسود يعني وكمان مواد تانية
منها الرصاص والوان مستخرجة من النفط برظوا ومن مواد تانية
تدمر الانسجة بعد دخولها للادمة تحت البشرة وخصوصا بعد تعرض المواد دي
لاشعة الشمس لانها هتتاكسد تحت الجلد وتتحول المواد دي للون الاسود
وطبعا هتكون تحت البشرة ولانك بعد الاستعمال ومع الوقت في الشمس
هتحسي ان بشرتك اتحولت للون الغامق وهتقولي ان الكريم الاساس ده
غمق بشرتي طبعا هيغمقها عشان المواد اللي دخلت تحت الادمة هي السبب
ومش بس كدة دي هتقفل مسام البشرة وبكدة بشرتك مش هتتنفس خالص
ومع مرور فترة بسيطة جدا هيتعب الجلد ويكون مجعد وبالشكل ده هتظهرلك التجاعيد
ده بقى ملخص مايحدث داخل بشرتك وانتي حاطة الكريم الاساس ده فهمتي ياقمري
لكن بقى انا النهاردة جايبالكم احلى اختراع هتنسي كريمات الاساس دي كولها
وتنسي شرائها نهائي ان شاء الله وعن تجربة والكل اتهبل على الاختراع ده والحمد لله
انا بقى عملت الكريم اساس مغذي لبشرتك ومفيد ايوة ياقمري هيغذي بشرتك ومفيد
بعكس اي نوع تشتريه الكريم اساس حتى لو لنجوم الس الكريم اساس يما هتقوليلو باي باي
عشان كريمي ده الكل عجبوا لما جربوه وده فضل الله وكرمه عليا والحمد لله
بصوا ياقمراتي الكريم ده هيكون للخروج ويعني تقدري تحطي منه وتخرجي عادي
زيه زي اي نوع تاني من كريمات الاساس وبرظوا تقدري تحطي منه للبيت طول اليوم
بدون ماتخافي من ظهور التجاعيد نهائي ولا المسام ولا بقع ولا اسوداد ولا اي مشكلة
هتظهرلك ان شاء الله وعن تجربة وبالعكس ده منه الكريم اساس ومنه هيغذي بشرتك كمان
وهتشوفي نعومة بشرتك لانه هيخليها تتنفس طول اليوم بعكس اي كريم تاني تقيل ومجبر
وكمان يعملك تجاعيد وبلاوي تانية سيبك من ده كولوا وتعالي جربي الكريم السحري ده
ومش هطول عليكم ياقمراتي الكريم ده تقريبا بنفس مكونات الكريم تغذية البشرة
اللي عملته قبل كدة هنا لو فاكرينه المهم بقى انا غيرت من المكونات شوية وضفت شوية
وبقى احلىالكريم اساس والكل جربه وعجبهم وخصوصا انهم شافوا فرق معاه والحمد لله

كفاية رغي نخش بقى بطريقة العمل لاني مش عايزة اطول عليكم اكتر ماشي
اول حاجة ياقمراتي هتحتاجي الاتي

https://upload.3dlat.com/uploads/3dl...7e65474308.jpg

اولا كريم مرطب مناسب لنوع بشرتك سريع الامتصاص وتاني حاجة هتحتاجي بودرة كومباكت اي نوع برظوا
وتالت حاجة هتحتاجي كبسولات فيتامين E وهتحتاجي كبسولات زيت كبد الحوت المخصصة للبشرة
ودي موجودة في الصيدليات عادي وكمان هتحتاجي جل هلامي الصبار من النبات يعني واما
طريقة استخراج الجل ده من نبات الصبار ياقمرات هو كالاتي
طبعا انا كنت بستعمل النوعين دول من النبات

https://upload.3dlat.com/uploads/3dl...fbb3465235.jpg

https://upload.3dlat.com/uploads/3dl...2ae8d04b16.jpg

اولا هتجيبي النبات ده من اي نوع من دول يعني المهم بقى هتاخدي ورقة من النبات ده
بس خلي بالك لازم تلبسي جوانتي عشان الصبار فيه اشواك هتشك ايدك لو مسكتيه
بدون ماتلبسي حاجة ماشي المهم بقى بعد ماتاخدي ورقة من النبات ده بالسكين
اقطعيها من الوسط ويعني هتقطعيها لطول الورقة وهتكون بالشكل مقطوعة لنصين من الطول
بعد كدة طلعي المادة الهلامية من النبات ده وحطيهم في حلة صغيرة وحطي عليهم نص كوباية
مية من الفلتر او ماء معدني لو معندكيش الفيلتر ده ماشي ياقمري
بعد كدة حطي الحلة دي على النار لحد مايغلي شوية وبعدها طفي النار
وصفي المادة الهلامية بمصفي عندك صغير يعني وصفيهم كويس جدا جدا
اعصريهم يعني لما تصفيهم كويس فهمتي ياقمري
بعد ماتطلعي المادة الهلامية دي من نبات الصبار دلوقتي بقى تقدري تستخدميه عادي
اما لو معندكيش النبات اصلا ممكن تجيبي جل الصبار الطبيعي من الصيدلية ياقمر
واسمه جل الصبار الكوري للبشرة وده كبديل للهلام الموجود للنبتة دي المهم بقى
نرجع بقى لباقي المكونات او الحاجات المطلوبة لعمل الكريم الاساسي لتغذية البشرة
هتحتاجي كمان علبة فاضية عندك وكمان طاسة او اي حاجة للخلط

https://upload.3dlat.com/uploads/3dl...2eca194597.jpg

اول حاجة هتعمليها ياقمر حطي نص معلقة اكل كريم مرطب من اللي عندك

https://upload.3dlat.com/uploads/3dl...477eebdf84.jpg

بعدها بقى حطي معلقتين اكل جل الصبار من اللي عملتيه او ممكن البديل اللي هو الجل الكوري يعني
انا استعملت هلام نبات الصبار واللي قولتلكم على طريقة استخراجه ماشي

https://upload.3dlat.com/uploads/3dl...00066b7a49.jpg

دلوقتي بقى حطي معلقتين اكل ماء ورد اصلي واسفة لاني نسيت اصورو من البداية مع باقي المكونات

https://upload.3dlat.com/uploads/3dl...abc1b6e2f3.jpg

بعدها حطي كبسولتين زيت كبد الحوت مع باقي الخليط وده بقى هتخرميهم وتحطيهم جوة الخليط ده

https://upload.3dlat.com/uploads/3dl...f126a6ba52.jpg

بعد كدة حطي كبسولة فيتامين E مع الخليط ده وبرظوا اخرميها وحطيها جوة الخليط

https://upload.3dlat.com/uploads/3dl...d3e65cc2c1.jpg

بعد كدة هاتي بودرة الكومباكت بتاعك ياقمري واكسريها بالشوكة او بمعلقة وحطيها كولها فوق الخليط

https://upload.3dlat.com/uploads/3dl...d5de10e310.jpg

https://upload.3dlat.com/uploads/3dl...2ba4e468c1.jpg

بعدها بقى اخلطي كل المكونات دي مع بعض بشكل كويس جدا جدا وماتخليش اي تلاكيع للبودرة

https://upload.3dlat.com/uploads/3dl...ea7013b411.jpg

طبعا بقى دلوقتي هتكسري داخل الخليط ده بصوباعك الكبسولات اللي في الاول خرمتيها
لانها بقت دلوقتي طرية جدا لانها من مادة زي الجيلاتي ولما تحطيها جوة الخليط هتكون طرية جدا
وتقري تكسريها بسهولة بصوباعك بعملية الضغط داخل الخليط ده على الكبسولات يعني
وبعد ماتتاكدي ان المادة اللي جواها طلعت برة وبقت مع الخليط وتجانست بقى طلعي
المادة الجيلاتي دي مالهاش لازمة بقى المهم ياقمري بعد كل الكلام ده
حطي الخليط اللي هو الكريم الاساسي ده في العلبة الفاضية وبكدة بقى عندك كريم اساس
هيغذي بشرتك ويحافظ على شباب بشرتك طول الوقت بامر الله وعن تجربة

https://upload.3dlat.com/uploads/3dl...941ddd8812.jpg

طبعا زي مانتو شايفين ياقمراتي ان المواد المصنوعة للكريم ده كولها مواد طبيعية ومفيدة جدا جدا
للبشرة زي مثلا جل الصبار من النبات ده بقى فايدته كتيرة للبشرة ومنها الحفاظ على شباب البشرة
وجعلها طرية وصافية جدا وكمان معالج لجميع مشاكل البشرة وكمان الكبسولات دي
كبسولة فيتامين E المعروفة من اكتر البنات وفوايدها الكبيرة للبشرة ونضارتها والحفاظ على جمالها
وكمان فوائد كبسولات زيت كبد الحوت الكتيرة اوووووي للبشرة منها معالجة لانها التجاعيد تحتوي
على فيتامين ا و D المسؤلين على تجديد خلايا البشرة وعلاج ظهور التجاعيد وغيرها
وكمان ماء الورد وفوايده للبشرة والكل عارفها
اما بودرة الكومباكت فدي مش هتضر بشرتك لانها مش هتدخل داخل الادمة بعكش زيوت كريمات الاساس
اللي لما تدخل هتسبب دمار بشرتنا زي ماقولتلكم يعني البشرة مش هتمتصها خالص
وهي مجرد هتدي الكريم لون الاساس زي كريمات الاساس لما تحطي منه وبسسس
وكمان فايدة الكريم الاساسي اللي هتعمليه ده هيخلي بشرتك تتنفس طول الوقت
وانتي حاطاه فوشك وكمان هيخفي جميع عيوب البشرة زي اي نوع تاني من الكريمات الاساس
كانك حاطة كريم اساس
عادي وحلو جدا جدا وهتحسي ان بشرتك تتنفس بشكل طبيعي
لانه خفيف جدا على بشرتك وناعم جدا جدا وكمان ثابت طول اليوم مش قولتلك ده احلى اختراع
وممكن تحطي مسحة خفيفة من بودرة تلك بعد ماتحطي الكريم ده للثبات اكتر ويعني
هيبقى معاكي وانتي خارجة طول اليوم وحتى لو اتعرضتي للشمس متخافيش لانه
مش هيضرك خالص وبالعكس هيحول اشعة الشمس الى فيتامين تعالج البشرة لانه
مصنوع من جل الصبار والفيتامينات الجميلة دي وبكدة هتحافظي على بشرتك
وكمان هتخفي جميع عيوبها لما تخرجي عادي او للبيت لطول اليوم متخافيش
مكن التجاعيد خالص خالص ان شاء الله وعن تجربة اما طريقة حفظك للكريم ده
ممكن تحفظيه عندك في التلاجة او ممكن تحطيه على التسريحة عادي
لكن بقى قبل كل استخدام لازم تخلطيه شوية عشان يرجع يتجانس عندك
لان الصبار ساعات يطفوا لفوق الكريم ولازم تخلطيه تاني بصوباعك وانتي بتاخدي منه
حطي من الكريم ده على وشك وبعدها ممكن تحطي طبقة خفيفة جدا جدا
من بودرة التلك عشان تطول فترة تثبيت الكريم ده على بشرتك وانتي مثلا خارجة
وبكدة انا خلصت موضوعي ده
ويارب يكون عجبكم ونال رضاكم
ومع الف سلامة ياقمرات

https://adlat.net/picture.php?albumi...ictureid=11416