عدلات - فقرة نظم حياتك 5 من برنامج لمة رمضان

https://upload.3dlat.com/uploads/3dl...434e7a8292.gif

السلام عليكم ياعدولات
عاملين اية وحشتونى..
ميعادنا النهاردة فى الجزء الخامس من فقرة نظم حياتك
من برنامج لمة رمضان
https://upload.3dlat.com/uploads/3dl...17669a7531.gif
ودى اول حلقة لية بعد الاشراف
ويارب موضوعى النهاردة يعجبكم
والنهاردة هنتكلم عن الحب
والحب على فكرة زى ماهو بيجى فجأة بيحتاج تنظيم
لانو من ضمن نظم حياتنا
انا بطلب من كل بنوتة صغيرة قبل حبيبتى ماتفكرى انك تلاقى فتى احلامك
وتختارياو ملامح امور وجميل
اختارى قبل كل دة يبقى ملتزم محترم يحترمك ويحترم اهلك
مش لازم يكون غنى الغنى غنى النفس
بمعنى اية غنى النفس بالايمان بالالتزام بالتربية السليمة
وانا قبل كدة كنت اتكلمت عن البنات الى بتروح لاى شاب لمجرد انة سحرها بكلمتين
لا والف لا هفضل اقول ان مافيش صداقة بين ولد وبنت الى ممكن تقول صاحبى بس مينفعش انسيها انسى الكلمة واشطبيها من قاموس حياتك
الحب هوة حبك لزوجك لان الست لما بتحب بتحب بقلبها وبعينها وعقلها وبيبقى عندها استعداد تفدى الحب دة بحياتها
فامينفعش انك تحبى واحد مش حتى خطيبك
دا واحد ميربطكيش بية اى حاجة انا عارفة انى ممكن اكون كررت بعض الكلام بس بجد انا بقيت بخاف اوى عالبنات دلوقتى من الشباب الغير مسئول
وعلى العموم انا هغير الموضوع علشان محس انى بقيت غلسة..
هتكلم بقي شوية عالكحك عملتو كحك ولالسة
وياترى نفضتى الشقة ولا اية انا عارفة ان الصيام هد حيلكم فالحر دة
بس ربنا يجعله فى ميزان حسانتنا جميعا
حاولى بقى ياقمراية انتى وهية تظبطى كحكك كدة وتخلية ولا بتاع محلات الحلويات اوعى تكونى بتشترى مش معقولة تكونى عدولة ومش شاطرة فالكحك.
واية اخبار هدوم العيد جبتيهم ولالسة
ياسلام ياجماعه على فرحة العيد وجمالة
مع انى بصراحة زعلانة اوى انا رمضان خلاص قرب يخلص وكل سنة واحنا كلنا بخير ويارب نكون السنة الجاية فى احسن حال ومع بعض دايما يارب
واعذرونى اذا كان موضوعى النهاردة غير المعتاد لانى مقدرتش احضر حاجة لانى بقالى يومين برة البيت بس ان شاء الله هحضرلكم موضوع جميل يوم الاحد بأذن الله
مع السلامة وفى امان الله