عدلات - ازاى تحببى ابنك فى الحضانة ؟,نصايح لكل الأمهات,لو ابنك مش راضى يدخل الحضانة خشي هنا

https://upload.3dlat.com/uploads/3dl...f5fc5db9a5.gif

النهارده ان شاء الله هاقولكم على حاجات بسيطة تعمليها مع ابنك او بنتك اللى هيدخل الحضانة علشان يحبها وما يتعقدش ويعيط زى بعض الاطفال

https://dzd4rbcihpeij.cloudfront.net...-lovekneel.gif

1- اهم حاجة انك تختارى حضانة تكون سمعتها معروفة من حيث النضافة و التعليم و تربية الاطفال بطريقة جميلة وده تعرفيه عن طريق حد قريب منك يكون اتعامل مع الحضانة حد يكون ثقة ما تسمعيش الكلام المرسل لانه ساعات بيكون من منافس
2- قبل ما ابنك يروح الحضانة اقعدى معاه واتكلمى معاه عن الحضانة وجمالها وانه هيتعلم فيها حاجات حلوة كتيييييييير وهيكون ليه اصحاب وهيتعلم يقرأ ويكتب ويبقى شاطر زى بابى و مامى
3- انت وبتختارى لبسه خليه يشاركك الرأى لانه هيحب اليونى فورم بتاعه اكتر لو هو مشارك فى اختياره
4- وانت بتقدميله فى الحضانة خديه معاكى وخليه يشوف الحضانة وخاصة الحديقة والالعاب لان الطفل بيفرح بيهم اكتر من الحضانة
5- وهو نازل اتفقى معاه انه يركز شوية مع المس وانه لو بقى شاطر وما حدش اشتكى منه هتحبيه اكتر وكمان هتعمليله الاكل اللى بيحبه
6- لما يعمل حاجة كويسة والناس تشكر فيه لازم تكافئيه بهدية بسيطة حتى لو باكو شيكولاته
7- لازم تاخدى رقم المس بتاعته علشان تتابعى معاها خصوصا فى البداية لان الطفل مش هيكون متعود عليها وهيتكلم معاكى انت وساعتها هتحتاجى انك تكلميها
كمان لازم يكون معاكى رقم مشرفة الباص علشان تعرفى المواعيد ولو حصل اى مشكلة معاه فى الباص تكلمى المشرفة
8- ودى اخر حاجة بس اهم حاجة
انك تعملى ابنك انه ما يبقاش بلطجى ويضرب زمايله وكمان ما يبقاش ضعيف ويسيب حقه
يعنى ايه ؟ يعنى تعلميه انه لو حصل اى فعل وحش من اى حد معاه يقول للمس علشان تجيبله حقه ولما يرجع لازم يقولك انت كمان علشان تبقوا اصدقاء وتعوديه انك اقرب حد ليه

https://dzd4rbcihpeij.cloudfront.net...-lovekneel.gif

يارب اكون افدتكم ولو بنصيحة واحدة

https://upload.3dlat.com/uploads/3dl...b12531cfe6.gif