لكيك العادي من مطبخي بالصور بكل تكاته ونافش وطعمه روعه
https://upload.3dlat.com/uploads/3dl...be24176915.gif تعالوا سوا نعمل الكيك العادي اللي ناس كتير مش بتعرف تعمله وانا كنت واحدة من الناس دى بس مع تجارب كتير في الكيك عرفت عنه تكات كتير تخلى الكيك نافش وجميل وغير الطعم بقي الله عليه خليكوا معايا واحده واحده والطريقة دى الناس اللي بتزهق بسرعه ومش بتحب تقعد كتير في الوصفه بتاعتها https://upload.3dlat.com/uploads/3dl...3382815169.jpg بدايه كده الوصفه دى كميتها كبيره يعنى بعملها ولأن بيبقي عندى ضيوف باستمرار وخاصة في الشتاء فادايما الكيك مع النسكافيه والشاى رئيسي تكات الكيك بتاع منه الدقيق لازم يكون نوعه حلويات عشان تطلع حلوه لو الدقيق مش للحلويات هتطلع سمرا او مش هتنفش معاكى ، هتكون مكتومه ، طعمها مش حلو ، ايون حقيقة الدقيق بيفرق كتيييييير ٢_ الفرن نشغله قبل ما نحط الدقيق مع باقي الخليط أن سخنتيه قوى في الاول الكيك مش هياخد الارتفاع العالي لأنه هياخد صدمه من السخونه اللي دخلها مره واحده ٣_ ناس كتير بتدهن القالب زيت ورشه دقيق أو يجيبوا مخصوص قالب كيك مش بيازق فيه وبيبقي غالي وناس كتير مش بتعرف تجيبه انا عاوزه اقولكم بقي سر عارفين السمنه النباتى اه اللي هى منتشرة كتير هاتيها وفي القاع معلقه كبيره وغلفي بيها القالب مش هيلزق نهائي ٤ _ اوعى تفتحى الفرن قبل نص ساعه او هتعملى الكميه دى كلها لو نص الكميه بعد نص ساعه او ٤٠ دقيقة هتكون استوت هتعرفي منين بخله سنان دخليها في الوسط أن طلعت نضيفه يبقي استوت وأما تستوى الكيك افتحي باب الفرن حبه صغيره وسيبيها جوه خمسه لو خرجت من السخن للبارد هتهبط ٥_ الخل بيضيع اي روائح مش حلوه للبيض ، وبيخلى الكيك ينفش معاكى جربوه في البان كيك وادعولى اولا المقادير ٣ كوب دقيق منخول ٣ مرات ٨ بيضات ٤ كيس فانيليا بشر برتقال اختيارى ( بيدى طعم حلو ) كوب ونص سكر كوب زيت كوب ونص لبن دافئ كيس بكنج بودر شيف معلقه كبيره خل https://upload.3dlat.com/uploads/3dl...4f084e43b1.jpg طريقه التحضير بالصور البيض والفانيليا والسكر والزيت وكوب واحد لبن في إناء عميق بالمضرب اليدوى ، او الكهرباء ، او الخلاط ، او الهاند بلندر واضربي خمس دقائق https://upload.3dlat.com/uploads/3dl...4858852ec2.jpg انا ضربته بالهاند بلندر سريع وسهل https://upload.3dlat.com/uploads/3dl...8ae4b19293.jpg الدقيق منخول مع البيكنج بودر https://upload.3dlat.com/uploads/3dl...5d8d083dd4.jpg وانتى بتقلبي قلبي براحه وماتخرجيش المضرب ابدا يعنى محدش بيجرى وراكى والله ههههههههه إن كان الخليط تقيل معاكي فاكرين فيه نص كوب لبن حليب شلناه على جنب هنزود منه خلى الخليط وسط ولا تقيل جدا ولا خفيف جدا https://upload.3dlat.com/uploads/3dl...3767f7d8a5.jpg معلقه الخل اخر حاجه حطيها وقلبي ونزلى الخليط في القالب انا استخدم قالب مقاس ٣٠ https://upload.3dlat.com/uploads/3dl...8eccec67f6.jpg https://upload.3dlat.com/uploads/3dl...de3acaa557.jpg https://upload.3dlat.com/uploads/3dl...7402f4f528.jpg وفي الاخير انا بحب الكيك يبقي احمر لذلك بسيبه حبه في الفرن زيادة هنسويها علي ١٨٠ اتمنى تجربوها وتدعولى https://upload.3dlat.com/uploads/3dl...3382815169.jpg https://upload.3dlat.com/uploads/3dl...23377c0714.gif |
تنبيه اداري
|
رد: لكيك العادي من مطبخي بالصور بكل تكاته ونافش وطعمه روعه
ماشاء الله رائع سلمت يداكِ الله يجعله في ميزان حسناتك تقييمى وتقديرى مبارك التكريم تستاهلى كل خير الله يرضى عليكِ |
رد: لكيك العادي من مطبخي بالصور بكل تكاته ونافش وطعمه روعه
جميل ماشاء الله تسلم ايديك حبيبتى |
رد: لكيك العادي من مطبخي بالصور بكل تكاته ونافش وطعمه روعه
جميل تسلمي ياقمر
|
رد: لكيك العادي من مطبخي بالصور بكل تكاته ونافش وطعمه روعه
منورين الموضوع
|
رد: لكيك العادي من مطبخي بالصور بكل تكاته ونافش وطعمه روعه
|
رد: لكيك العادي من مطبخي بالصور بكل تكاته ونافش وطعمه روعه
نورتي الموضوع يا قمر
|
رد: لكيك العادي من مطبخي بالصور بكل تكاته ونافش وطعمه روعه
روعة يا عسل
|
رد: لكيك العادي من مطبخي بالصور بكل تكاته ونافش وطعمه روعه
منوره يا عسل
|
رد: لكيك العادي من مطبخي بالصور بكل تكاته ونافش وطعمه روعه
رووووعه..يسلم يدك
|
الساعة الآن 02:28 PM |