كيفية ترتيب منزلك المودرن
طبعا مفيش حد بيحب يعيش فى مكان مش مرتب ومفهوش نظام ومش نضيف والموضوع دة بيضايقنا كلنا وبالذات الستات الى تعبانين طول اليوم فى الترويق وترتيب البيت ودة بيعمل عليهم ضغط اكتر وعشان طبعا نساعدك فى الضغط دة فالنهاردة هنتكلم على ازاى نرتب منزلنا المودرن بأفكار سهلة وعملية وتسهل علينا خالص مهمة الترويق. https://static.wixstatic.com/media/7...9dd677~mv2.png اول حاجة لازم تخلى بالك منها هى الاثاث وانك متحطيش اثاث كبير مش مناسب حجم الاماكن زى غرفة المعيشة لان دة هيضايقك انتى فى الترويق وكمان بلاش تحطى اغراض واكسسوارات مش بتستخدم يعنى خلى المكان بسيط وكل حاجة فى تبقى مهمة وبنستخدمها https://static.wixstatic.com/media/7...032a62~mv2.png عشان متتعبيش نفسك كل شوية وانتى بدورى على حاجة اجمعى الحاجات الى بتستخدم لنفس الغرض فى مكان واحد يعنى مثلا ادوات عمل الخبز وحاجات اعياد الميلاد وكمان الادوية اعمليلهم درج خاص ليهم وخصصى سلة بلاستيك مثلا للعب اطفالك وعلميهم ان بعد ما نخلص لعب بيهم يحطوهم فى السلة دى ويحطو السلة مكانها ودة هيسهل عليكى كتير https://static.wixstatic.com/media/7...f02777~mv2.jpg رتبى اكسسواراتك والميك اب بتاعك فى غرفة النوم بطريقة عملية اكتر فى درج كبير او تعمليلهم رف مثلا والمهم انه يكون بعيد عن الاطفال عشان ميتبهدلوش وكل شوية تفضلى ترتبيهم https://static.wixstatic.com/media/7...32b0c8~mv2.jpg ولما نيجى للحمام حطى الشامبو والبلسم وليف الحمام فى دولاب صغير فى الحمام وكمان تخلى بالك ان ارض الحمام تكون جافة https://static.wixstatic.com/media/7...b7f738~mv2.jpg ممكن كمان تستخدمى البرطمانات الزجاج فى الترتيب بدل ما ترميها او تخزنيها على الفاضى يعنى استخدميها انك تحطى فيها الحاجات الصغيرة الى ممكن تضيع فى البيت يعنى ممكن تحطى فيها العملات المعدنية وحاجات الخياطة وممكن الفواتير المهمة بدال ما كل شوية تفضلى تدورى عليهم. ومش كدة وبس دة انتى ممكن تستخدميها فى التزين وتحطى فيهم ورد :) https://static.wixstatic.com/media/7...206019~mv2.jpg 3 نصائح مهمة : - عشان متتعبيش كل شوية فى الترويق اعملى فريق للترويق :D يعنى خلى اطفالك يساعدوكى فى الترويق وشجعيهم انهم يرتبو اوضة الاطفال بتاعتهم وكمان يبقى فى مساهمة بين افراد العيلة كلها على كل مهام البيت - علمى اطفالك انهم لما يجو من برا لازم يقلعوا الجزم برة البيت ومينفعش يدخلو بيها ويبهدلولك بيها الشقة - عشان متتعبيش قسمى شغل البيت على الاسبوع وبلاش تروقى كل الشقة فى يوم واحد. :) https://static.wixstatic.com/media/7...c18086~mv2.png |
رد: كيفية ترتيب منزلك المودرن
|
رد: كيفية ترتيب منزلك المودرن
تسلم ايدك
|
رد: كيفية ترتيب منزلك المودرن
يسلمو حبيبتى
|
رد: كيفية ترتيب منزلك المودرن
يعطيك العافيه
|
رد: كيفية ترتيب منزلك المودرن
جزاكِ الله خيراً
|
رد: كيفية ترتيب منزلك المودرن
جميل جدا |
الساعة الآن 09:19 PM |