السلام عليكم ورحمه الله وبركاته



مساء الخير
.
كنت عايزة اتكلم معاكوا فى موضوع كده حصل من يومين قدامى مع بنت وولد
هو كان عبارة عن ان البنت بتعيط والولد بيتكلم بمنتهى البرود وماسك تليفونها وبيحاول يتصل بحد وهى مش عايزاه يتكلم فى التليفون زى ماتكون خايفة من اللى هيكلمه واللى هيقوله ومن كتر خوفها وطت وباست ايد الولد ده عشان خاطر ميتكلمش فى الفون وطبعا الناس رايحة جاية تتفرج عليهم
.
ايه رايكوا فى الموقف ده؟؟
وحش صح؟؟!
طب مادام انتى شايفاه وحش بتحطى نفسك فيه ليه؟؟
ليه ترضى على نفسك بكده؟؟
ليه تخلى صورتك وحشة فى عين الناس؟؟
طب ده حتى مش خطيبك ولا جوزك عشان يحصل كده فى الشارع
وليه تعملى كده اصلا ليه تكلمى ولد من اساسه
ليه تهزى ثقت ربك وثقت اهلك فيكى
ليه تسمحى لولد ان هو يلعب بيكى
هتقولى لا انا معرفش ان هو بيلعب بيا هقولك لا تعرفى وانتى اللى سمحتيله يلعب بيكى انتى اللى خلتيه ياخد عنك فكرة انك بنت مش محترمة وتنزلى من نظره
مفيهاش حاجة لو صديتى اى ولد حاول ان هو يكلمك
فيها ايه لو استنيتى كلمة بحبك..وحشتينى..بموت فيكى..كل الكلام ده بس فى الحلال يبقا من خطيبك..جوزك..هتقولى مش بلاقى اهتمام فى البيت وبلاقيه برا مع الغريب
هقولك لا هما مهتمين بيكى بس انتى اللى عايزة كده
انتى مش شايفة ابوكى بيتعب قد ايه فى الشغل عشان يجبلك فلوس ويخليكى احسن واحلى من اى حد امك لما بتبقى تعبانة مين غيرها بيسهر جمبك والله لو هى تعبانة اكتر منك بتتحمل عشان خاطرك وبتيجى على نفسها عشانك
اخوكى اللى بيحبك وبيحافظ عليكى وبيحاول يصاحبك
كل ده حضرتك مش شايفاه اهتمام حضرتك ده اسمه دلع بزيادة
ياريت تاخدى بالك من كل ده
ياريت متهزيش ثقت ربك واهلك فيكى
ياريت متخليش الناس تبصلك على انك بنت مش محترمة
ياريت تحافظى على نفسك
ياريت تستنى الحلال صدقينى هيبقا احلى
وياريت تسمعى كلامى مش تطنشى
وعلى فكرة الموقف ده حقيقى وحصل قدامى فعلا

https://upload.3dlat.com/uploads/3dl...d326ef9fc1.gif

https://upload.3dlat.com/uploads/3dl...39d8edd101.gif

https://upload.3dlat.com/uploads/3dl...952d17d001.gif