عدلات - جهزى حجاتك يا عروسه قبل ما تروحى بيتك

جهزى حجاتك يا عروسه قبل ما تروحى بيتك

[IMG]https://***- /bas/0001.gif[/IMG]

اليوم يابناتي العزيزات أخترت لكن هذا الموضوع المهم بالنسبة لكل عروسة يارب يسعد الجميع
اول شئ الف الف مبروك لعرايسنا الجدد

وثاني شئ عقبال البنوووتات الأمورات يارب

عاوزه اعرض عليكم شويه افكار كده عشان كل عروسه

ترتب حجاتها قبل ما تروح بيتها
وممكن مامتها واخواتها وصحباتها يساعدوها
فى تنظيم هدومها ومكياجها وحتى الطرح والفوط والملايات
حتى الجزم
ممكن كل ده ننظمه فى بيت بابا قبل ما نروح شقة العروسه
ونحتاس هناك
والعروسه تلاقى نفسها مشغوله ومضغوطه ومش عارفه تحط حجاتها فين وازاى؟

بصوا يا قمرات

اكتر حاجه بتعمل فوضى هى قمصان النوم والملابس الداخليه

ممكن جدا
تجيبى علب بلاستيك مستطيله
او حتى العلب اللى بتشترى فيها الجزم
وتغلفيها بستان او تل

https://up.3ros.net/get-10-2010-j17ykotn.jpg

وممكن كمان للبراهات

تتنيها من النص وترصيها ورا بعض فى العلبه
وبلاش فوضى فى الادراج
ورصيهم كده فى درج الاندرات فى الدولاب عشان تحافظى على ترتيبهم على طول ويفضل دولابك منظم وجميل
وسهل توصلى لكل حاجه واى حاجه من غير ما تبوظى نظامه

ودى عشان تحفظى كل قميص نوم باندراته واكسسواراته وحركاته
ومش ضرورى تفرجى حد على قمصانك خليها بعيد عن العين ربنا يكفيكوا شرها
عشان الفضوليين اللى بيحبوا يتفرجوا على كل حاجه ميتهنوش ويحققوا اغراضهم الدنيئه

https://up.3ros.net/get-10-2010-twnfsb4x.jpg

ودى للجزم ممكن تحفظى كل زوج فيها حتى لو فيه جزامه
اهو تمييز برضه عن العريس عشان الناس يشوفوا اد ايه انت مهتمه بالتفاصيل ومافيش مانع تعمليله منها
كام واحده
اهو اسمه هيبقى جوزنا برضه

)
ودى لحفظ الملابس على الشماعات
https://up.3ros.net/get-10-2010-axa49e1t.jpg

وممكن نصمم زيها لحفظ الطرح كمان وهتكون حلوة جدا وهتخلى شكل دولابك جميل

الشماعات
مش ضرورى تجيب الشماعات المتزوقه
ملهاش لازمه والهدوم بتتزحلق من عليها
ممكن تنفذى انت الشماعات دى

وتعمليها معاها كيس صغنن تحط فيه معطر للملابس او اى اكسسوار للهدوم عشان ميتوهش فى الادراج
ودى علبه جاهزه لحفظ الاندر وير ياريت اللى بتعرف تصمم وتنفذ حجات حلوة كده
تقدر تعملها لنفسها ولصحباتها

https://up.3ros.net/get-10-2010-y1y1e9wp.jpg
https://up.3ros.net/get-10-2010-v79yakap.png

ودى للحجات الصغنططه اللى ممكن تضيع فى الزحمه رغم صغرها
لكنها مهمه جدا
وانتن فاهمين طبعا
احفظيها فيها عشان متدوخيش وانت بتدورى عليها

https://up.3ros.net/get-10-2010-7khf49bj.png
https://up.3ros.net/get-10-2010-j1oa0h9k.jpg

الفوط يا عروسه
يا سلام لو لفتيها زى الرول
ولفتيها بشريط ستان
هتكون شكلها روعه حاولى تنظميها فى البيت عشان تروحى ترصيها على طول فى الشوفنيره ومتنسيش
فوطتين ليوم الدخله كده على زوقك وياسلام لو شغلتى عليهم بايدك او حتى فى مشغل اساميكم او اول حرفين منهم
https://up.3ros.net/get-10-2010-xxahf7ya.jpg

وممكن الملايات ومفارش السرير تترص كده برضه

ومتنسيش قبل ما شنطك تروح بيتك
هاتى كام متر تل ولفيها بيه او اعمليه عليها فيونكه كبيره مع وردتين كده
https://up.3ros.net/get-10-2010-usgvdlsp.jpg

https://up.3ros.net/get-10-2010-q65w27lv.jpg

https://up.3ros.net/get-10-2010-ujur6v3p.jpg

ودى الجزم

ممكن تزينى سبت او حتى طبق بلاستيك من جهازك
وتغلفيه بورق ملون او ستان
وترصى الجزم رصه شيك
خللى الكل ينبهر بحجاتك وانتى رايحه بيتك
https://up.3ros.net/get-10-2010-xwyjuhue.jpg

وده المكياج

جمعيه كله على طبق او سبت ولفيه لفه شيك
بس قولى ماشاء الله الحجات دى بتتنظر
https://up.3ros.net/get-10-2010-6y6ki8ad.jpg

وخلى الحاجه اللى هتتحط فى الادراج لوحدها
وحددى هتحطى ايه فى كل درج قبل ما تروح حجاتك بيتك عشان ماتدوخيش هناك وانتى داخله على دنيا جديده

ودى كراتين الجهاز وهى رايحه
ولو هترصى حجاتك قبلها بفتره
يبقى خللى الهدوم اخر حاجه ياريت تروح قبلها بيوم بس
عشان محدش يكون عنده فضول ويتفرج عليها
https://up.3ros.net/get-10-2010-jn4rfk2p.jpg

ومتنسيش بعد ما تخلصى رص هدومك
زوق السرير بورق ورد
او حتى شيكولاته

https://up.3ros.net/get-10-2010-9xwldvjy.jpg

واهم حاجه
المصليه واسدال الصلاة
حطيهم على كرسى التسريحه عشان تبتدى حياتك بركعتين ان شاء الله

وفى الاخر متنسيش تدخلى بيتك يا قمر برجلك اليمين
ربنا يكفيك شر العين ويبارك لك فى حياتك انت وزوجك ان شاء الله

موضوع عجبنى وقولت تشوفوا لتعم الفائدة منقوووول