كعك وبسكويت العيد
 

رد: كعك وبسكويت العيد
 

رد: كعك وبسكويت العيد
 

بصي يا قمر
انا والحمد لله عملت السنة دي خبيز تحفة بشهادة كل الناس بفضل الله
واليكم الطرق والمقادير :
ملحوظة : الاساس اللي عرفت انه سبب النجاح بعد تجارب سنين وطرق عديدة ونقل من خبرات ناس والنت كمان

• ان دايما لااااازم تستخدمي خامات جيدة ( زبدة نيوزيلندي صفرا - سمن بلدي فلاحي - دقيق فاخر جيد ( انا بستخدم دقيق دهب ) -
• كمان لااااازم جدا الضرب الجيد للزبدة والسكر حتي تصبح زي الكريمة البيضة
• كمان اضافة الدقيق تكون بالتدريج والتقليب بخفة بمعلقة خشب او سباتيولا بلاستيك عشان ما يخرجش الهوا اللي عملناه بالضرب
• البيكنج بودر يفضل انه ينخل مع حوالي ثلثي مقدار الدقيق عشان يتوزع كويس وفي نفس الوقت ما تحطيش دقيق كتير مرة واحدة عشان العجينة ما تتخنش

اولا البتيفور :
2 بيضة - كوب زبدة صفرا - 1/2 كوب سكر ناعم - ملعقة شاي ممسوحة بيكنج بودر - دقيق حسب العجينة ( في حدود ضعف الزبدة يعني حوالين الموقف مش بالظبط )

• يضرب الزبد جيدا بالمضرب ثم يضاف السكر البودرة تدريجيا مع الضرب المستمر
• يضاف البيض والفانيليا مع الضرب وبعد الانتهاء نبدأ نضيف الدقيق بالشوية مع التقليب بملعقة خشب او بلاستيك في اتجاه واحد حتى يختفي الدقيق وتتكون عجينة ملساء تخلع من جوانب الاناء وممكن نجربها الاول بوحدتين في الفرن ( تكون متوسطة حوالي 180: 200 درجة
  ولو فرشت نضيف شوية دقيق ونكمل

ثانيا بسكوت النشادر : منقول


8 بيضة - كوب ونصف زبدة - 2 و نصف كوب سكر بودرة - حوالي كيلو ونصف دقيق ( بس ما تحطيهوش كله في الاول ابدئي بحوالي كيلو ) - 2 ملعقة كبيرة نشادر - ملعقة صغيرة بيكنج بودر

الطريقة :

نفس خطوات البتيفور السابق ( طريقة دسمة : تضربي زبدة ثم سكر ثم بيض ثم تقلبي دقيق وخميرة معاهم )

ويقطع بالماكينة الخاصة بالبسكوت ويخبز في فرن اسخن شويتين من فرن البتيفور ( حوالي 220 : 240 ) درجة وبرضه لازم تجربي صينية الاول عشان تشوفي كمية الدقيق مناسبة ولا لأ

وباي دلوقتي هكملكم بعد شوية الكحك والغريبة وبسكوت جوز الهند واللانكشير

رد: كعك وبسكويت العيد